LETTRE CXLVIII

AU ROI

Monseigneur, il vous plera me faire cet honneur que d'ouyr ce porteur, par lequel trop mieux que par ma lectre entendrez le coumencement de mon voyage, non mains ennuyeux que contraint. Vous suppliant, Monseigneur, très humblement vouloir accorder à monseigneur de Vendosme ce qu'il vous demande, qui vous sera sans préjudice, car nous avons tout accordé au demeurant, et luy dire quelques paroles pour l'asseurer de brefve et bonne justice en son procès. Car je vous proumets. Monseigneur, que l'estresme ennuy et nécessité où il esta besoing d'estre secouru de vostre nonpareille bonté, en la mémoire de laquelle désire esternellement demeurer pour très humblement recommandée, regardant son cueur plus toust mort que d'estre jamais envers vous trouvé non juste,

Vostre très humble et très obéissante subjecte et mignonne Marguerite.

1 Ms. n" 112.]