VIII AOUST
Furent presens en leurs personnes Ysaac Le Nain Sergent Royal au Bailliage de Vermandois dem* a Laon estant de présent en ceste ville de Paris logé a S* Germain des Prez lez Paris rue Princesse d’une part
Et Nicolas Le Nain Commis du sieur Gaul* cher president en l’eslection de Verne u il dem‘ aueq. led. sieur a Paris rue des Escoufles par6 S1 Germain, Anthoine Le Nain , Me peintre , Louis et Mathieu Le Nain compagnons peintres dem* ensemblement en lad, rue Princesse, lesd. Nicolas, Anthoine, Louis et Mathieu Le Nain freres Enfans dud. Ysaac Le Nain et de feue Jehanne Preuost Jadis sa femme d’autre part
Disons les parties, mesmes led. Le Nain pere, Que a cause de l’administration et gouuernement qu’il a eu des personnes et biens de sesd. enfans comme leur tuteur depuis le decedz de sad. femme aduenu le mois de décembre mvi6.... (sic). Il est redeuable a
sesd. enfans de plusieurs sommes de deniers desquelles désirant s’acquitter et euicter les frais qui se feroient pour la reddition d’un compte mesmes désirant de tout son possible euiter et retrancher toutte occasion de procès entre sesd. enfans affm de les nourir en paix et amictyre. ïl leur auroit fait scauoir que les recongnoissant habilles et capables pour eux mesmes régir et gouuerner leur bien et leur désirant tesmoigner l’affection qu’il a pour leur bien et aduancement il voulloit et entendoit absolument leur quitter et dellaisser non seullement ce quy leur appartient tant en meubles que immeubles par la succession de leurd. deffuncte mere et dont il a eu l’administration en lad. qualité de tutteur mais aussy tous et chacuns les biens meubles et immeubles qui luy appartiennent de présent tant de son propre que a cause de la communaulté qu’il a eue aueq lad. deffuncte sa femme ou autrement a quelque titre que ce soit Pour en jouir par sesd. enfans par indiuis En attendant que chacun d’eulx ayt atteint l’aage de majorrité et que le partage et diuision s’en poura commodément faire A quoy lesd. enfans pour l’obeissance qu’ilz veulent rendre au commandement de leür pere se seroient condessenduz A ces eauses et pour plusieurs autres considérations les parties ont fait et font entre elles ce qui ensuit C’est assauoir que led. Le Nain pere a quitté et délaissé quitte et délaissé par ces présentés absolument et pour tousiours ausd. Nicolas, Anthoine, Louis et Mathieu Le Nain ses enfans ce acceptans Les héritages qui •nsuiuent
a iuy appartenans et quy font moictyé de ceulx qui sont de la communaulté d’entre Iuy et sad. defifuncte femme l’autre moictyé desquelz appartient à sesd. enfans par la succession d’icelle deffuncte leur mere assauoir La moictyé d’une maison size en la ville de Laon rue des Presbtres ? par* Ste Benoiste ? ainsy qu’elle se poursuit et comporte Item la moictyé d’une autre maison size à la Campignolle par6 S1 Julien de Royaucourt aueq la moictyé du jardin en deppendant contenant deux jailois ou enuiron fermé de bayes a lantour Item la moictyé de trois jailois de bois proche ladte maison et dud. jardin aueq deux jailois et demy de pré. Item la moictyé d’un jailois ou enuiron de vignes sizau terroir deVauxcelles scauoir seize verges en une piece au lieu d* les Collerettes vne autre piece contenant huict verges au lieu dl les Glayes vne autre piece dit au Clozon contenant huict verges. Item la moictyé d’une autre piece contenant cinquante verges au lieu dl au Sart ? Item la moictyé d’une autre piece en ce mesme lieu contenant vingt-cinq verges. Item la moictyé d’une autre piece size au lieu dit Àucroc contenant dix verges. Item la moictyé d’une piece de vigne contenant dix verges size au terroir de Bourguignon au lieu d* la Grandcroix. Item la moictyé d’une autre piece aussy de vigne en ce mesme lieu contenant quatre verges. Item la moictyé d’une autre piece aussy de vigne en ce mesme lieu contenant. quatre verges. Item la moictyé de
trente verges de vigne sizes au terroir de Montarceme ? Item dix-sept demyes queues de vin estant de présent a la caue de lad. maison ou led. Le Nain pere est demeurant et generallement tous les meubles qui sont de présent tant en la susd. maison que ausd. autres maisons cy dessus speciffiées. Et encores quitte et délaissé comme dessus led. Le Nain pere a sesd. enfans ce acceptans les héritages qui ensuiuent à lu y appartenant de son propre assauoir vne pièce de vigne contenant trente Verges en une piece size au terroir de Bourguignon au lieu d" Monllieres. Item ung bois contenant soixante verges ou enuiron siz en ce mesme lieu. Item une piece de terre labourable et ung bois tenant a icelle le tout contenant soixante verges ou enuiron. Item une autre pièce au lieu d‘ Esthierçons ? contenant huict verges de vigne aueq le jardin estant au bout d’icelle vigne contenant quatre verges ou enuiron. Item deux autres pièces de vignes au lieu d* Masselines contenant l’une quatre verges et l'autre trois verges. Item quatre vingt verges tant bois que prez au lieu d* Ez Noizettes. Item ung autre bois contenant quarante verges ou enuiron en ce mesme lieu. Item une pièce de pré a la contenance de quatre verges partissant à huict contre? le lieutenant? Courtier. Item et ung jardin dit la Source siz au terroir de Royaucourt contenant quinze verges ou enuiron. Pour de tous lesd. héritages sus speciffiez tant de propre que d’acqnest ensemble desd. dix
sept pièces de vin et de tous lesd. meubles et ustanciles de mesnage jouir faire et disposer par lesd. Nicolas, Anthoine, Louis et Mathieu Le Nain par indiuis en attendant la majoritté de chacun d’eulx et que le partage et diuision s’en puisse faire entre eulx ainsy qu’ilz aduiseront bon estre et a ceste fin les subroge eurd. pere en tous ses droitz noms raisons et actions generallement quelzconques sans aucune exception ny reseruation faire parluy À la charge de payer et acquitter par lesd. enfans les cens et droictz seigneuriaux dont lesd. héritages se trouueront chargés vers les seigneurs ou dames dont ils sont mouuans Et est le présent contrat ainsy faict pour les causes et considérations cy deuant dittes. Et pour demeurer par led. Le Nain pere quitte et deschargé vers sesd. enfans qui le quittent et deschargent par ces présentes de tout ce dont il leur pourroit estre tenu et redeuable par l’issue et closture de compte qu’il leur debeuroit rendre de la gestion et administration qu’il a eue de leurs personnes et biens comme leur tutteur ou autrement pour quelque cause et occasion que ce soit de tout le temps passé jusques a huya quelque somme que le tout puisse monter. Et encores est ce que dessus fait a la charge et condition expresse que lesd. enfans seront tenuz et obligez comme ilz promettent de loger nourir et entretenir leurd. pere sa vie durant en lad. ville de Laon et luy fournir toutes ses nécessitez bien et honnestement au mieux qu’il leur sera possible selon sa condition Et d’aultant que du mariage dud. Le
Nain pere et de lad. feue Jehanne Preuost sa femme y a eu Ysaac Le Nain aisné desd.
enfans absent de ceste ville depuis plus de sept ans sans que les parties ne scauent s’il est vivant II est conuenu qu’en cas de retour dud. Ysaac Le Nain il jouira pour sa cinquième partye esgalie portion du beneffice du présent contrat ainsy que de raison. Car ainsy promettant etc. Faict et passé èsestudes des notaires so ibzsignez l’an mil six cens trente le huictiesme jour d aouet auant midy et ont signez
Le Nain. — Le Nain. — Anthoine Le Nain. — Louis Le Nain. — M. Le Nain.
PoiCTEUIN. — MaRREAU.
