ATTRIBUÉES A DES PÉRIERS

d'après les éditions

POSTÉRIEURES A CELLE DE l558

ATTRIBUEES A DES PÉRIERS

De l'assignaiion donnée par messire Itace, cure de Baignolet, à une belle vendeuse de naveaux, et de ce qui en advint.

ESSiRE Itace, curé de Baignolet, combien qu'il fût grand homme de bien, docteur en théologie, ergo il estoit homme, ergo naturel par argumens pertinens, ergo aymoit les femmes naturelles comme un autre, si bien que, voyant un jour une belle ven-

deuse de naveaux, simple et facile à toutes bonnes choses faire, il l'arraisonna un peu en passant, luy demandant comme se portoit marchandise et si ses naveaux estoient bons et sains, parce qu'il en aymoit fort le potaige; à ceste occasion luy monstra son Joannes, auquel commanda luy enseigner son logis pour luy en apporter d'ores en avant, dont elle seroit bien payée, et reliqua, car il estoit charitable et davantage respectif d'adresser ses charitez et aumosnes en lieu qui le meritoit. Elle luy promet d'y aller, et Joannes par provision en emporte sa fourniture, la payant au double par le commandement de son maistre.

La marchande de naveaux ne fait faute au premier jour de passer par devant le logis et demander si on vouloit des naveaux ; il luy fut dit qu'elle vînt le soir parler secrètement à monsieur, afin de recevoir une libéralité honneste, laquelle fournye de la main dextre, il ne vouloit pas, selon que dict l'Evangile, que la main senestre en sentist rien; à l'occasion de quoy il assignoit la nuict prochaine. La jeune femme s'y accorde.

Le curé demeure en bonne dévotion sur le soir l'attendant, et commandant à Joannes son famulus de soy coucher de bonne heure en la garde robe, et, s'il oyoit d'aventure quelque bruit, de ne s'en resveiller, ne relever, ne formaliser aucu-

NOUVELLE XCI. lo5

nement. Cependant le bon Itace se pourmene, descend, remonte, regarde par la fenestre si ceste marchande vient point; brief il est réduit en semblable agonie que Roger en l'attente d'Alcine, au roman de Roland furieux, Finablement, estant lassé de tant descendre et monter par son escalier, assis en une chaire en sa chambre, ayant toutesfois laissé la porte de son logis entr'ouverte pour recevoir la marchande sans en faire oyr aucun bruit aux voisins de peur de scandale, qui seroit plus grand procédant de sa qualité que des autres, à cause de la vie qui doit estre exemplaire, voicy arriver la chalande qui monte droit en haut.

« Bon soir, monsieur, dit elle. — Vous soyez la tresbien venue, m'amye, respondit il; vrayement, vous estes femme de promesse et de tenue » ; et s'approchant pour la tenir et accoller amoureusement, survint un quidam qui les surprend et s'escrie à la femme : « O meschante ! je me doutois bien que tu allois en quelque mauvais lieu quand tu te robbois ainsi sur la brune. » Et, ce disant, avec un gros baston et à tour de bras, commença à ruer sus sa drapperie , quand le bon Itace s'y oppose et se met entre deux, disant : « Holà! tout beau! » et tout ce qui luy pouvoit venir en la teste et en la bouche ,

Io6 NOUVELLE XC[.

comme à personne bien estonnée du basteau, « Comment, monsieur, réplique l'homme, subornez vous ainsi les femmes mariées, que vous faictes venir de nuict en vostre logis? Et vous preschez que qui veut mal faire suit les ténèbres et fuit la lumière! » La femme alors luy dit : «Mon mary! mon amy! vous n'entendez pas nostre cas : le bon seigneur que voicy, adverty de nostre pauvreté honteuse, m'a fait dire par ses gens qu'il nous vouloit faire une libéralité, mais qu'il n'en pretendoit aucune vaine gloire et ne vouloit qu'elle fust veue ne sceue. Et, pour ce que nous couchons mal, en faveur de lignée et génération il s'est résolu de nous donner son lict, que vous voyez bel et bon, à la charge seulement de prier Dieu pour luy, chose qu'il ne pouvoit bonnement exécuter qu'à telle heure pour les raisons que dessus. Pour ce, mon mary, passez votre colère, et, au lieu de faire ainsi l'Olybrius, remerciez messire Itace. »

Adonc se print le mary à s'excuser grandement du péché d'ire envers son bon curé et confesseur, luy en demandant pardon et mercy. Geste bonne et subtile invention de femme resjouit aucunement messire Itace, lequel estoit en voye d'estre testonné par ledict mary irrité et en danger d'estre scandalisé des voisins, chose qui eust esté gran-

NOUVELLE XCI. lOJ

dément énorme pour un homme de son estât. Le mary, avec fort gracieuses paroles de remerciement, tire le lict de plume en la place, sans oublier les draps mesmes, qui y estoient tout blancs, attendant l'escarmouche. Il monte après, deffait le beau pavillon de sarges de diverses couleurs qui y estoit, print sa charge du plus lourd fardeaux, et sa femme du reste, avec treshumbles actions de grâces.

Eux ainsi départis, messire Itace, non trop content, tant de la proye qui luy estoit si facilement eschappée que du butin qu'on luy avoit enlevé, appelle Joannes, qui avoit assez ouy le bruit et entendu la pluspart du jeu, auquel dit de mine fort faschée : « Aga, famule, le villain, comme il a emboué ma paillace de ses piedzl Au moins s'il eust osté ses souliers avant que monter sur mon lict! » Le Joannes, voulant d'une part consoler son maistre, et d'autre part estant fasché qu'il n'avoit eu sa part au butin, luy dit : « Domine, vous sçavez le bon vieil latin :

Rustica progenies nescit habere modum,

c'est à dire :

Oignez vilain, il vous poindra.

Si vous m'eussiez appelle quand les souillons sont

Io8 NOUVELLE XCII.

venus céans, je les eusse chassez à coups de baston, et ne seriez maintenant fasché de veoir vostre chambre desgarnie sans l'aide de sergens. »

Des moyens qu'un plaisantin donna à son roy afin de recouvrer argent proniptemeni.

.€~>)yt3Uis que Triboulet a eu crédit es meilp^'A^t Ifiures compaignies, et que ses face- ,^-==^^1'^^ ties tiennent lieu en ce présent livre, il nous a semblé bon de luy donner pour compagnon un certain plaisant des mieux nourris en la court de son roy; et, pour ce qu'il le voyoit en perplexité de recouvrer argent pour subvenir à ses guerres, luy ouvrit deux moyens, dont peu d'autres que hiy se fussent advisez. « L'un, dit il. Sire, est de faire vostre office alternatif, comme vous en avez faict beaucoup en vostre royaume. Ce faisant, je vous en ferai toucher deux millions d'or et plus. »

NOUVELLE XCIl. 109

Je VOUS laisse à penser si le roy et les seigneurs qui y assistoient rirent de ce premier moyen, lesquelz, pensant mettre ce fol en sa haute game, luy demandèrent : « Et bien ! maistre fol, est ce tout ce que tu sçais de moyens propres à recouvrer finances? — Non, non, respond le fol se présentant au roy, j'en sçay bien un autre aussi bon et meilleur : c'est de commander par un edit que tous les lictz des moines soyent venduz par tous les pays de vostre obéissance, et les deniers apportez es coffres de vostre espargne. » Sur quoy le roy luy demanda en riant : « Où coucheroient les pauvres moines quand on leur auroit osté leurs lictz? — Avec nonnains. — Voire mais, répliqua le roy, il y a beaucoup plus de moines que de nonnains. » Adonc le compagnon eut sa response toute preste, et fust qu'une nonnain en logeroit bien une demy douzaine pour le moins. « Et croyez, disoit ce fol, qu'à cette fin les roys vos prédécesseurs, et autres princes, ont fait bastir en beaucoup de villes les couvens des religieux vis à vis de ceux des religieuses. »

IIO NOUVELLE XCIII.

D'un larron qui eust envie de desrober la vache de son voisin.

'n certain accoustumé larron, ayant .envye de desrober la vache de son voiisin, se levé de grand matin, devant le jour, et, estant entré en l'estable de la vache, l'emmené, faisant semblant de courir après elle. A tel bruit le voisin s'estant esveillé, et ayant mis la teste à la fenestre : « Voisin, dit ce larron, venez moy aider à prendre ma vache, qui est entrée en vostre cour, pour avoir mal fermé vostre huis. » Après que ce voisin luy eut aydé à ce faire, il luy persuada d'aller au marché avec luy : car, demourant en la maison, il se fust apperceu du larrecin.

En chemin, comme le jour s'esclaircissoit, ce pauvre homme, recognoissant sa vache, luy dit : « Mon voisin, voilà une vache qui ressemble fort à la mienne. — Il est vray, dit il, et voilà pour-

NOUVELLE XCIl I. I l i

quoy je la meine vendre, pource que tous les jours vostre femme et la mienne s'en débattent, ne sçachans laquelle choisir. »

Sur ces propos, ils arrivèrent au marché; alors le larron, de peur d'estre descouvert, fait semblant d'avoir affaire parmy la ville, et prie son dict voisin de vendre ceste vache le plus qu'il pourroit, luy promettant le vin. Le voisin donc la vend et puis luy apporte l'argent. Sur cela s'en vont droict à la taverne, selon la promesse qui avoit esté faicte; mais, après y avoir bien repeu, le larron trouve moyen d'évader, laissant l'autre pour les gaiges.

De là s'en vint à Paris, et là se trouvant, une fois entr'autres, en une place du marché où il y avoit force asnes attachez, selon la coustume, à quelques fers tenans aux murailles, voyant que toutes les places estoient remplies, ayant choisi le plus beau, monte dessus, et, se promenant par le marché, le vendit tresbien à un incongneu, lequel achepteur, ne trouvant place vuyde que celle dont il avoit esté osté, le rattache au lieu mesme. Qui fut cause que celuy qui estoit le vray maistre de l'asne, et auquel on l'avoit desrobé, le voulant puis après détacher pour l'emmener, grosse querelle survint entre luy et l'achepteur, tellement qu'il en fallut venir aux mains.

Or, le larron qui l'avoit vendu, estant parmy la foule et voyant ce passe temps, mesmement que l'achepteur estoit par terre, chargé de coups de poing, ne se peut tenir de dire : « Plaudez, plaudez moy hardiment ce larron d'asnes! » Ce qu'oyant ce pauvre homme, qui estoit en tel estât et ne demandoit pas mieux que de rencontrer son vendeur, l'ayant recongneu à la parolle : « Voilà, dit il, celuy qui me l'a vendu, )> Sur ce propos il fut empoigné, et, toutes les susdictes choses avérées par sa confession, fut exécuté par justice, comme il meritoit.

D'un pauvre homme de village qui trouva son asnc, qu'il avoit csgare, par le moyen d'un cUstairc qu'un médecin luy avoit baillé.

S paysjde Bourbonnois, où croissent

m i/iœ^'-^mes belles oreilles, fut jadis un médecin tresfameux, lequel, pour toutes médecines, avoit accoustumé bailler à ses patiens

NOUVELLE XCIV. ii3

des clisteres, dont de bonheur il faisoit plusieurs belles cures; et pource en estoit il plus estimé, en manière qu'il n'y avoit enfant de bonne mère qui ne s'addressast à luy en sa maladie. Advint qu'au mesme temps un pauvre homme de village avoit esgaré son asne par les champs, dont il estoit fort troublé; et, ainsi qu'il alloit par les destroictz querant cest asne, il rencontra en son chemin une bonne vieille femme, qui luy demanda qu'il avoit à se tourmenter ainsi; à laquelle il feit responce qu'il avoit perdu son asne, et qu'il en estoit si fort courroucé qu'il en perdoit le boire et le manger. Alors la vieille luy enseigna la maison de ce médecin, auquel elle l'envoya seurement, l'advertissant que de toutes choses perdues il en disoit certaines nouvelles sans faute, dont le bon homme fut tresaise; et, pource, print son chemin vers ledit médecin.

Et quand il fut en son logis, il veit tant de gens à l'entour de luy, qui l'empeschoient d'approcher, qu'il fut fort ennuyé, et, pource, il commença à crier : « Helas! monsieur, pour Dieu, rendez moy mon asne ! C'est toute ma vie ; je vous prie, ne le cachez point. On m'ha dict que vous l'avez ou me l'enseignez. » Et reïtera telles parolles par plusieurs fois, criant tousjours plus hault, dont le médecin fut ennuyé. Et, pource,

le regarda en face, et, cuydant qu'il fust hors de son entendement, il commanda à ses serviteurs qu'ilz luy baillassent un clistaire, ce qui fut tost faict.

Puis le pauvre homme sortit de leans, espérant trouver son asne en sa maison; et, quand il fut à my chemin, il fut pressé de vuyder son clistaire, et, pource, incontinent se retira dedans une petite masure, où il opéra tresbien; et, ainsi qu'il estoit en telz affaires, il entendit la voix de son asne, qui hannissoit parmy les champs, dont le pauvre homme fut tresjoyeux, et n'eut pas le loysir de lever ses chausses pour courir après son asne, lequel recouvert, il feit grande feste, et puis monta dessus et s'en retourna en la ville bien vistement pour remercier le médecin.

Et, cependant, par les chemins publioit le grand sçavoir et prudence de sondit médecin, et comment, par son moyen, il avoit retrouvé son asne, dont le médecin fut encores prisé davantage et plus estimé que jamais n'avoit esté.

D'un superstitieux médecin qui ne voulait rire avec sa femme sinon quand il plouvoit, et de la bonne fortune de ladicte femme après son trespas.

)] ^^^ N la ville de Paris est recentement adi^^venu qu'un médecin se fonda telle-

1^3^=^^^ ment en raisons superstitieuses jouxte la quinte essence, qui estoit par astrologie que rire et prendre le déduit avecques sa femme en temps sec luy fust trescontraire, et pource il s'en abstenoit totalement; et encore, quand il véoit le temps humide, observoit il le cours de la lune, ce qui ne plaisoit gueres à sa femme, laquelle souvent le requeroit du déduit, et, par nécessité qu'elle avoit, s'efforçoit à le faire joindre; mais elle ne gaignoit gueres, et, pour toute resolution, il luy donnoit à entendre que le temps n'estoit disposé, et que telle chose luy seroit plus nuysible qu'à son profit. Ainsi rapaisoit sa pauvre femme à rien ne faire.

Il6 NOUVELLE XCV.

Advint que familièrement la médecine compta son affaire à une sienne voisine, laquelle luy conseilla qu'incontinent qu'elle seroit couchée elle fist porter trois ou quatre seaux d'eau en son grenier, et les fîst verser en un bassin de plomb qui estoit jouxte la fenestre dudict grenier, et servoit à recevoir les eaux des esgoutz de la pluie pour la faire distiller par un tuyau ou canal de plomb jusques au bas de la court, ainsi que l'on a accoustumé faire aux bonnes maisons; et dit la voisine qu'incontinent qu'elle oûyroit le bruit de ladite eaue, qu'elle en advertist son mary. Ce que la bonne dame médecine feit tresvolentiers; et, combien que la journée eust esté chauldeet sèche, neantmoins elle exécuta son entreprise.

Et quand tous deux furent couchez en leur lict, la chambrière, instruicte, laisse peu à peu decouUer l'eaue par ledict canal, ce qui rendoit bruit, auquel la dame esveilla son médecin, le conviant à faire le deduict; ce que le médecin exécuta à son pouvoir, non toutesfois qu'il ne fust esbahy comment le temps estoit si tost changé. La dame continua par aucuns jours à telle subtilité, dont elle se trouva bien aise.

Depuis advint que le médecin mourut, et pource que ladite dame estoit une tresbelle femme, jeune et riche, plusieurs la demandoient en ma-

NOUVELLE XCV. ' \\j

riage; mais oncques ne voulut accorder à aucun, tant riche fust il, qu'elle n'eust parlé h luy. De médecins elle n'eut plus cure, et demandoit aux autres s'ils se congnoissoyent aux estoilles et h la lune; et plusieurs d'iceux, ignorans du faict, luy respondoyent qu'ils en avoient fort bien apris tout ce qu'il en falloit sçavoir, lesquelz pour cela elle esconduysoit.

Advint qu'un bon compagnon, assez lourdaut, luy demanda s'elle le vouloit pour mary; et ainsi qu'ils devisoient joyeusement, elle l'interrogea s'il se congnoissoit aux estoilles; lequel feit responce qu'il ne se congnoissoit au soleil, ny aux estoilles, n'a la lune, et ne sçavoit quand il se failloit aller coucher, sinon quand il ne véoit plus goutte. Cette parolle plut à la dame, et pource elle le print à mary, dont elle fut tresbien labourée et à profit, et se vanta depuis qu'elle avoit trop de ce qu'elle avoit eu trop peu auparavant.

IIO NOUVELLE XCVI.

D'un bon compaignon hollandois qui fit courir après luy un cordouannier qui luy avoit chaussé des botines.

[^;E ne sera chose hors de propos de re- ''r^ citer icy l'habilité d'un bon compai- ^C^^^v^gnon se promenant parmy une assez bonne ville de Hollande, lequel entré en la boutique d'un cordouannier, le maistre luy demande s'il y a quelque chose qui luy duise. Or, l'ayant apperceu jetter la veue sur des botines qui estoient là pendues, luy demande s'il avoit envie d'en avoir une paire. Quant il eut respondu et dit ouy, il luy choisit celles qui luy sembloient le mieux venir à ses jambes, et les luy chaussa. Quant il les eut, il se feit aussi essayer des souliers, lesquelz luy semblèrent venir bien à ses piedz comme les botines à ses jambes.

Après cecy, au lieu de faire marché et de payer, il vint à demander au cordouannier par manière de jaserie : « Dittes moy, par vostre

NOUVELLE XCVI. l 19

foy, ne vous advint il jamais que quelqu'un que vous auriez si bien equippé pour courir s'en soyt fuy sans payer? — Jamais, dit il. — Et si d'adventure il advenoit, que feriez vous? — Je courrois après, dit le cordouannier. — Dittes vous cecy à bon escient? — Je le dy en vérité, et ne ferois point autrement, respondit le gentil cordouannier. — Il en faut veoir l'expérience, dit l'autre. Or sus, je me mettray le premier à courir; courez après moy. » Et sur cecy commença à fuir tant qu'il peut.

Alors le cordouannier de courir après et de crier : « Arrestez le larron ! arrestez le larron ! » Mais l'autre, voyant qu'on sortoit des maisons, et de peur qu'il avoit qu'on ne meit la main sur luy, faisant bonne mine comme celuy qui ne faisoit cecy que pour son passe temps : « Que personne, dit il, ne m'arreste, car il y a grosse gaigeure. » Ainsi s'en revint le cordouannier, grandement fasché d'avoir perdu son temps, son argent et sa peine, car l'autre avoit gaigné le prix quant à courir.

Or, combien qu'en ce joyeux deviz il soit usé de ce mot hotines, si est ce qu'il ne faut pas entendre des botines faictes à la façon des modernes nostres, puis qu'elles se mettent en des souliers.

De l'cscoUer qui feuilleta tous ses livres pour sçavoir que signifioient ramon, ramonner, hart, sur peine de la hart, etc.

In meschant mot, hart, fort renommé p. et presché en France en temps de ^^paix, avoit autresfois fasché un jeune escolier de ce qu'il n'en pouvoit rendre l'interprétation à ceux qui luy demandoient, encore qu'il l'eust demandé mille fois aux clercs de son village; mais c'estoit un mot plus que hébreu pour eux. De quoy plus qu'auparavant irrité, l'escollier n'espargna frère Calepiniis aucius et recognitus, Corniicopiœ, Cathoîicon magnum et parvum, où il ne cherchast; mais pour néant, car il n'y estoit pas. Toutesfois, après qu'il eut bien ruminé à part luy, il se souvint qu'environ dix ans auparavant, une chambrière qui se disoit Picarde, combien qu'elle fust de Normandie, luy apprint que c'estoit un soir qu'il estoit à Paris,

sans y penser, faisant collation d'une bourrée devant qu'aller au lict, et de laquelle il avoit aprins, un peu auparavant, que ramon estoit un balay, et ramonner balier, en la chansonnette :

Ramonnez moy ma cheminée,

« Hart, doncques, disoit il, en discourant à part luy, est le lien d'un fagot ou d'une bourrée à Paris, qu'on appelle une riotte en mon benoist pais; parquoy j'entens que, quant on crie : « De « par le roy, sur peine de la hartl » (hart est fœminini generis), vault autant à dire que sur peine de la corde, jadis qu'on s'aydoit des branches des arbres pour espargner le chanvre. »

Ainsi s'acquitta de sa promesse le gentil escolier, ayant leu ce qui est escript en une epistre de Clément Marot au roy, que sentir la hart vault autant à dire que chatouilleux de la gorge :

Ainsi s'en va, chatouilleux de a gorge, Ledit valet, monté comme un sainct George.

De Triboulct, fol du roy Françoys premier, et de ses facétieux actes.

^^M E defunct roy François premier du nom 'tÎ *i§^Ê{'^^^ Dieu absolve!) fut tresvertueux V&^'JM prince et magnanime, lequel nourrissoit un pauvre idiot pour aucunes fois en avoir quelque esbatement, après son travail es affaires du royaume de France, et le faisoit voulontiers marcher devant luy quand il chevauchoit par les chemins. Advint quelque jour, ainsi que Triboulet marchoit devant le roy, devisant tousjours de quelque sornette emmanchée au bout d'un baston, son cheval feit six ou huict pets, dont Triboulet fut fort courroucé; et pour ce il descendit incontinent de la selle de son cheval, et prend la selle sur son dos, et dit au roy : « Cousin, vous m'avez ce jour d'huy baillé le plus meschant cheval qui fut oncques. C'est un yvrogne; après qu'il a bien beu, il ne fait que peter. Par Dieu ! il ira à

pied. Ha! ha! il a peté devant le roy! » Et de sa massue frappoit son cheval, et luy estoit tous] ours chargé de la selle. Ainsi feit environ demye lieue à pied.

Une autre fois advint que le roy entra en sa Sainte Chapelle, à Paris, pour ouyr vespres, et Triboulet le suivoit ; et d'entrée il veid le plus grand silence leans qu'il estoit possible. Peu de temps après, l'evesque commença «Deiis in adjutorium» assez bellement; et incontinent après tous les chantres respondirent en musique, en sorte que l'on n'eust pas ouy tonner leans. Alors Triboulet se leva de son siège et s'en alla droict à l'evesque, qui avoit commencé l'office, et à grands coups de poing il lorgnoit dessus luy. Quand le roy l'eut apperceu, il l'appella et luy demanda pourquoy il frappoit cet homme de bien; et il dit : « Da, da, mon cousin, quand nous sommes entrez céans, il n'y avoit point de bruit, et cestuy cy a commencé la noyse. C'est doncques luy qu'il faut punir. »

Une autrefois , Triboulet vendit son cheval pour avoir du foin; autrefois vendoit son foin pour avoir une massue. Et ainsi vescut tousjours foUiant jusques à la mort, qui fut bien regrettée, car on dit qu'il estoit plus heureux que sage.

124 ^;OUVELLE XCIX.

Des deux playdans qui furent plumez à propos par leurs advocatz.

N païsan assez résolu en ses affaires, • s'estant advisé, en mengeant ses choux, idu tort et dommage que luy faisoit un sien voysin, le meit en procès en la court, et, par l'advis d'aucuns siens amys, choisit un advocat, lequel il pria vouloir prendre sa cause en main , ce qu'il accepta. Au bout de deux heures après vient la partie adverse, qui estoit un homme riche, et le prie semblablement d'estre son advocat en ceste mesme cause, ce qu^il accepta aussi.

Le jour approchant que la cause se devoit plaider, le païsan s'en vint à son advocat, duquel il se pensoit asseuré qu'il ne fauldroit à ce qu'il luy avoit promis, et ce pour l'advertir de se tenir prest à plaider le lendemain, dont il fut aucunement honteux, attendu la charge qu'il avoit prise pour sa partie adverse. Toutesfois, pour conten-

ter le païsan, il luy remonstra et feit accroire qu'il ne luy avoit promis s'employer pour luy, et, pour mieux se descharger, luy disoit : « Mon amy, l'autre fois que vous vîntes, je ne vous dis rien, pour raison des empeschemens que j'avois; maintenant, je vous advertis que je ne puis estre vostre advocat, estant celuy de vostre partie adverse; mais je vous bailleray lettres addressantes à un homme de bien qui defîendra vostre cause. Alors, mettant la main à la plume, escripvit à l'autre advocat ce qui s'ensuit : « Deux chappons gras sont venuz entre mes mains, desquelz ayant choisy le meilleur et le plus gras, je vous envoyé l'autre. » Puis sous secret estoit escript : « Plumez de vostre costé, et je plumeray du mien. »

Geste lettre, ainsi expédiée, fut baillée par le susdit advocat à ce païsan, lequel, ne s'asseurant mieux de celuy à qui il devoit porter les recom.mandations que à l'advocat qui les envoyoit , s'enhardit de les ouvrir; et, icelles leues, après avoir longtemps playdé sans avoir rien avancé, et se voyant deceu par les trop grandes faveurs et authoritez de sa partie, délibéra d'appoincter avec luy, ayant esté par plusieurs fois solicité de ce faire par ses amys propres.

Des joyeux propos que tenoit ccluy qu'on menait pendre au gibbet de Montfaucon.

In bon vault rien, ayant par ses meri- ,tes esté monté de reculon jusques au s^jbout d'une eschelle pour descendre par une corde, disent les bons compaignons, faisoit là merveilles de prescher, durant lequel sermon le maistre des hautes œuvres, affûtant son cas, passoit souvent la main soubs et autour la gorge dudit prescheur, tant qu'à la fin il le vous regarde. « Hé! maistre, mon amy, dit il, ne me passe plus là la main : je suis plus chatouilleux de la gorge que tu ne penses. Tu me feras rire; et puis que ^diront les gens? Que je suis mauvais chrestien et que je me mocque de justice. »

Puis, sentant l'heure approcher qu'il debvoit faire le guet à Montfaulcon, et que pource il passoit par la porte de la ville, il se print à hucher à pleine teste le portier par plusieurs fois,

lequel l'entendit bien dez la première; mais, à cause qu'il se sentoit autant ou plus chatouilleux de la gorge que celuy qu'on menoit pendre, se remue bel et beau de là, en lieu de venir parler à cet homme, de peur qu'il ne l'encusast à la justice, comme telles gens disent plus aucunes fois qu'on ne leur demande. Ainsi s'adresse à la parfîn ce pauvre altéré à son confesseur, et luy dit : « Mon père, je vous prie dire au portier qu'il ne laisse hardiment de fermer la porte de bonne heure, car je n'ay pas délibéré de retourner aujourd'huy coucher à Paris. )>

Et comme son confesseur, entre autres consolations, luy disoit : « Mon amy, en ce monde n'y a rien que peines et ennuys ; tu es heureux de sortir aujourd'huy hors tant de misères. — Ha! ha! frère, dit il, pleust à Dieu que fussiez en ma place pour jouir tost de l'heur que me preschez ! »

Le pater ne faisoit semblant d'entendre cela, et, passant outre, luy disoit : « Pren courage, mon amy; quelques maux que tu ayes faictz, demande pardon à Dieu de bon cœur : tout te sera pardonné, et iras aujourd'huy soupper là haut en paradis avec les anges, etc. — Soupper aujourd'huy en paradis, beau père! ce seroit beaucoup si j'y pouvois estre demain à disner; et, pource qu'un homme se fasche fort par les chemins quand il est

seul, je vous prie, venez moy tenir compagnie jusques là. Faites moy cest œuvre de charité, et mesmement si sçavez le chemin. »

Plusieurs autres petitz deviz faisoit le gentil fallût , lesquelz seroient trop longs à reciter.

Du souhait que fcit un certain conseiller du roy Françoys premier du noni.

y P?i%y N conseiller du roy François premier Ml>ir'4'âde ce nom, homme qui avoit l'esprit <^^!^73^^ naturellement fertil de facéties, s'estant trouvé un jour qu'on tenoit propos au roy des moyens qu'il debvoit choisir pour faire teste à l'empereur, qu'on disoit venir avec grandes forces, et ayant ouy l'un souhaiter au roy tant de nombre de bons Guascons, l'autre tel nombre de lansquenetz, les autres faisans quelque autre bon souhait : « Sire, dit il, puis que il est question de souhaitter, je feray aussi, s'il vous plaist, mon

souhait; mais je souhaitterois une cliose à laquelle il ne vous faudroit faire aucune despense, au lieu que ce qu'ils ont icy souhaitté vous cousteroit beaucoup. » Le roy luy ayant demandé quelle estoit cette chose , respondant d'une promptitude d'esprit : « Sire, dit il, je souhaitterois seulement de devenir diable pour l'espace d'un quart d'heure. — Et que feriez vous? dit le roy. — Je m'en irois droit rompre le col à l'empereur. — Vrayement, dit le roy, vous estes un grand fol de dire cela, comme s'il n'y avoit pas de l'eau benoiste au pais de l'empereur comme au mien pour faire fuir les diables. » Alors, comme bien délibéré de faire rire le roy, il répliqua : « Sire, vous me pardonnerez, s'il vous plaist; je croy bien que, si c'estoit quelque jeune diable qui n'entendist pas bien son mestier, il s'enfuyroit; mais un diable tel que je m'estime ne s'enfuyroit pas. »

Il disoit cela de telle grâce qu'il provoquoit un chacun de la compagnie à rire, tant il estoit copieux en ditz et faitz.

NOUVELLE Cil.

NOUVELLE CIÎ

De l'escoUer qui devint amoureux de son hosiesse, et comment Hz finerent leurs amours.

u temps qu'on portoit souliers à poulaine, que on mettoit potz sur table, et que pour prester argent on se cachoit, la foy des femmes vers les hommes estoit inviolable; et n'estoit aussi loisible aux hommes, fors de jour ou de nuict, vers leurs preudes femmes l'enfreindre. Ainsi estoit une coustume réciproquement observée, dont n'estoient moins à louer qu'en merveilleuse admiration; au moyen de quoy jalousie n'estoit en vigueur, fors celle qui provient de mal aimer, et de laquelle les janins meurent. A l'occasion de ceste merveilleuse confidence, couchoient indifféremment tous les mariez ou à marier en un grand lict fait tout à propos, sans peur ou crainte de quelque desmesuré pensement, et n'aymoient les hommes et femmes l'un l'autre que pour compter leurs pensées.

NOUVELLE Cil. l3l

Toutes fois, le monde estant venu mauvais garçon, chacun a voulu avoir son lict à part, pour cause, et ce pour obvier à tous et un chacun des dangers qui en eussent peu sourdre.

Pour exemple de cecy sera mis en jeu ce jeune escolier, lequel, n'ayant attaint le dix-huictiéme an de son aage, commença à pratiquer les bonnes grâces de son hostesse, et, passant plus outre, à hanter les compagnies joyeuses, non sans pratiquer quelque cas avec les garses. Dequoy aucunement eschaudé, se rengea du tout à son hostesse, et se fourra si avant en son amour qu'il jetta au loin toutes dialectiques, logiques, physiques, et toutes autres telles resveries, à tous les diables , après partie de son argent, pour mieux obtempérer à ses passions et entretenir ses fantasies.

Si bien que, de sophiste et fol logicien, il devint l'un des plus sotz amans du monde, comme il se feit congnoistre à l'endroit de son hostesse : car, voulant luy manifester ses passions, disoit : « Helas! principale et seule régente de mes entrailles, que n'ay je le moyen de vous en faire anatomie sans mort! Vous verriez comme mon cœur s'eschaufîe! le foye fume; mon poulmon rotist, et l'espine me brusle si ardamment que j'en ay la vie gastée! Dont je suis perdu, s'il ne vous plaist me consoler.

l32 NOUVELLE Cil.

Puis, se souvenant de la sentence du poëte souspirant, disoit : «Helas! mon Dieu, que de peines à celuy qui commence à aymer! il n'en peut menger sa soupe sans engresser sa jaquette. Ah ! ah ! Amour, quand je pense en vostre assiette, je concludz qu'il y fault entrer de nature, en B dur, car le mol n'y vaut rien, »

Puis, se recordant du moyen que feu son oncle luy avoit délaissé pour tromper ses ennuiz, se met à contrepointer une chanson, dont advertie, son amye, doubtant qu'il ne publiast ses angoisses douloureuses et passions nocturnes où il estoit par elle détenu , luy pria de chanter, disant : « Amy, refermez vostre bouche; j'ay advisé le coing du mémorial où vous l'avez enfermée en vostre cerveau pour la garder seurement», pensant, par ces allusions, le divertir de son propos. Toutes fois, par trop longuement passionné, il commença :