CHANSON

Ce refuz tout outre me passe, Et peu s'en fault que n'en trespasse.

Las ! il fault endurer beaucoup Pour aymer un seul petit coup.

NOUVELLE Cil. l33

Ah! vous avez grand tort, voisine.

Je vous pensois doulce et bénigne; Mais j'ai bien cogneu, en effect, Que vous vous mocquez de nion faict.

Je vous ay déclaré ma peine.

Et que c'est qui vers vous m'ameine; J'en souffre trop de la moytié ; Et n'en avez point de pitié.

Or fault il bien faire autre chose, Car l'amour q'esl dans moy enclose Ne me lairroit point en repos Si vous n'avez autre propos.

Toutes les fois que vous voy rire, Je vous voudrois volontiers dire :

Dictes moy, belle, si m'aymezî Je vous ayme, ne m'en blasmez.

Visage avez de bonne grâce, Comme moy estes grosse et grasse ; Aymez moy donq'. Dame, aymez moy.

Et mon cueur jettez hors d'esmoy.

Si mon mal aise vous peult plaire, Mon heur vous pourra il desplaire ?

Qui du mal d'autruy s'esjouist Le sien faict qu'on s'en resjouist.

Tous les jours en la patenosire Pardonnons à l'ennemy nostre; Point ne suis je vostre ennemy , Mais vostre langoureux amy.

NOUVELLE eu.

S; de m'aymer n'avez envie, Pardonnez au moins à ma vie, Et en ayez quelque remord, Ou serez cause de ma mort.

Je ne sçaurois me plaire au vivre, Languissant toujours à poursuivre ; Il me vault trop mieux n'aymer point Qu'attendre sans venir au poinct.

Aymez donc, puis qu'estes ayme'e :

Vous en serez mieux estimée; Vostre grâce, vostre maintien.

Me gluent en vostre entretien.

Mon las cœur commença dimenche :

N'est il pas temps que vous emmenchc J'ay desja trois jours attendu.

C'est trop pour un homme entendu.

Je ne puis bonnement comprendre Quel plaisir c'est de tant attendre.

Du temps perdu je suis marry, N'en desplaize à vostre mary.

NOUVELLE Cl II. i35

NOUVELLE cm

Du curé qui se cokroit en sa chaire de ce que ses semblables ne faisoyent le debvoir comme luy de prescher leurs paroissiens.

\, N curé de par le monde, assez remar- ;;A que par ses facéties et insuffisance de ^^^^^^:.,la charge a luy commise, se met, un jour qu'il preschoit à ses paroissiens, à jurer de par Dieu, en despit des luthériens de son temps, et, voulant prouver qu'ilz estoyent pires que les diables : « Le diable, disoit il, s'enfuiroit incontinent que je luy aurois fait le signe de la croix; mais, si je faisois le signe de la croix à un luthérien , par Dieu ! il me sauteroit au col et m'estrangleroit, Parquoy je vous conseille, mes parroissiens, que vous fuyez du tout en tout leurs compagnies. »

Puis, se colerant en luy mesme de ce que plusieurs autres curez ne faisoyent le debvoir de prescher comme luy, commença à s'exclamer en

chaire : « Et ilz disent qu'ilz ne sont assez sçavans ! Qu'ilz estudient, de par Dieu ou de par tous les diables! Et, s'ilz ne le sont, ilz le deviendront comme moy. » Et, observant diligemment les contenances de ses parroissiens, leur disoit : « Eh! vous sçavez bien, Messieurs et Dames, qu'il n'y a qu'un an que je ne sçavois rien, et maintenant vous voyez comment je presche! »

Mil et mil autres petits comptes faisoit ce copieux curé à ses paroissiens, afin de les engarder de dormir à ses sermons.

D'un tour de villon joué dextrement par un Italien à un François estant à Venise.

SÈ$^ ^^L advint à Venise, en l'hostellerie de f^^ ^l^l'Estourgeon, qu'un François nouvel- ^^feMsïSlement arrivé fut adverty par un Italien, lequel y estoit aussi logé, qu'en leurs pais il n'estoit seur à ceux qui avoient de l'argent de

NOUVELLE CIV. iSy

monstrer qu'ilz en avoient; et pourtant l'advisa que, quand il auroit des escuz h peser ou quelque somme à compter, il ne fît comme il avoit accoustumé, mais qu'il fermast la chambre sur soy. Le François, prenant cest advertissement comme estant procédé d'un cœur débonnaire, l'en remercia bien fort, et, dés lors, feit cognoissance avec luy. L'Italien, incontinent qu'il eut senty qu'il y faisoit bon, luy vint dire que, s'il luy plaisoit de changer des escuz au soleil contre des escuz pistoletz, il feroit cest eschange avec luy. « Et au lieu, disoit il, que vos escuz au soleil ne vous vaudroient icy non plus que des pistoletz, je les vous feray valloir quelque chose davantage. » Le François luy ayant fait response que c'estoit le moindre plaisir qu'il luy vouldroit faire, luy pria de se souvenir de ce qu'il luy avoit dit peu de jours auparavant. « Quant à tenir secret l'argent qu'on a, pourtant, dit il, je serois d'opinion que nous nous meissions en une gondole, portant avec nous un tresbuchet, et, en nous promenant par le grand canal, nous pezissions nos escuz et feissions nostre eschange. » Le François respond d'estre prest à faire tout ce que bon luy sembleroit.

Le lendemain donc, ilz entrent en une gondole, et là le François desploie ses escuz, lesquelz

l38 NOUVELLE CIV.

l'Italien serra, les ayans toutesfoys préalablement pesez pour faire meilleure mine. Apres les avoir serrez, cependant qu'il fait semblant de chercher sa bourse où estoient ceux qu'il debvoit bailler en eschange, se fait mettre à bord par le barquerolle, auquel il avoit donné le mot du guet, et d'autant qu'il aborda en un lieu de la ville où il y a plusieurs petites ruelles d'une part et d'autre.

Il fut si bien perdu pour ledit François qu'il est encore pour le jourd'huy, comme il est à présupposer, à ouyr des nouvelles de luy et de ses cent escuz, et croy fermement que le proverbe des Italiens pratiqué en plusieurs nations luy debvoit servir d'advertissement à l'advenir de ne s'adjoindre à telz changeurs, ayant, pour authoriser leur renommée, signant leur front, cette sentence en usaige : Zara a chi tocca, donnans facilement à entendre que malheureux est celuy qui s'y fie.

Des facétieuses rencontres et façons de faire d'un Hybernois pour avoir sa vie en tous pais.

H^^Mn Hybernois, homme d'assez bon est\ XiTc': 'fi prit, se proposa de conenoistre les ma-

k-COS^^=~^5S niprp<; r\p fairp rlp<; nntinnfî P<;tranfreres

^^^^^nieres de faire des nations estrangeres et leur usage de parler; tant qu'il voyagea en plusieurs contrées, où, encore que son argent fust esgaré dedans les semelles de ses souliers, pour cela il ne perdit à disner, tant il se sçavoit bien entregenter en toutes compaignies; et, comme peu convoiteux des honneurs de ce monde, ne se soucioit d'injures qu'on luy feit, aymant trop mieux pratiquer la manière de faire des Mycioniens, gens pauvres et famelics, qui, pour leur indigence et pauvreté, s'ingeroient d'eux mesmes aux banquetz et conviz, que perdre son temps en procès.

Un jour, ce gentil frérot, estant entré en la maison du roy à l'heure du disner, ne voulant point

perdre Toccasion de se soûler, ayant veu, d'autre part, la table préparée pour le disner des officiers du roy, attendit qu'on s'assist, puis s'assist avec eux, et disne tresbien sans sonner aucun mot; de quoy esmerveillez, aucuns de la compagnie, qui n'avoyent point accoustumé de veoir ceste oye estrangere disner avec eux, lui demandèrent de quel païs il estoit et à qui il appartenoit, et leur rendit responce tout de mesmes, sans qu'il perdît un seul coup de dent. Puis luy demandèrent s'il avoit quelque charge en la court : « Non, dit il, mais j'y en voudroys bien avoir. » Lors luy feirent commandement de se lever de leur table et gaigner au trot, sur peine de recepvoir bien tost le payement de sa trop grande témérité et hardiesse, « Ouy, dea, dit il, Messieurs, je le feray; mais que j'aye disné. » Et cassoit toujours.

Ce qu'ayans longuement observé ceux qui luy avoient faict cette peur, et se sentans offencez, furent contrains de quicter leur colère et rire comme les autres. Or, pour en tirer d'avantage de passe temps et plaisir, ilz luy demandèrent comment il avoit esté si hardy (estant estranger du païs et sans adveu) d'entrer en la maison et sommelerie du roy. « Pource, dit il, que je sçavois bien que le roy estoit assez riche pour me donner a disner. »

Par ceste gaillardise et promptitude d'esprit il captivoit le plus souvent la bonne grâce de ceux qui, en le regardant seulement, l'eussent du tout rejette.

Des moyens dont usa un médecin afin d'estre payé d'un abbé mcdade lequel d avoit pansé.

'n médecin, assez recommandé envers fe- plusieurs pour sa bonne réputation et

! doctrine, fut mandé par un abbé afin de le secourir en sa maladie, ce qu'il accepta volontiers, et en feit si bien son debvoir qu'en peu de jours il Tavoit remis debout. Or apperceut il qu'au lieu que l'abbé, estant au fort de sa maladie, luy promettoit chiens et oyseaux, et, quand il recommençoit à revenir en convalescence, il ne le regardoit pas de bon œil et ne faisoit aucune mention de le contenter de ses peines, et doubtoit fort qu'enfin il ne toucheroit aucuns deniers, il

s'advisa d'user d'un moyen pour se faire payer : c'est ce qu'il feit entendre à son abbé qu'il craignoit fort une recheute, pire que la maladie, et qu'il en avoit de grandes conjectures; et pourtant qu'il luy falloit encores prendre une médecine, laquelle il luy feit faire telle que, deux heures après l'avoir prise, il trouva qu'il avoit compté sans son hoste, et qu'il avoit plus grand besoin de son médecin que jamais.

Se trouvant donc en tel estât, envoyé messagers l'un sur l'autre vers son médecin; mais, comme auparavant il avoit fait de l'oublieux à le contenter, aussi faisoit alors le médecin de l'empesché. Enfin l'abbé luy envoya un sien serviteur, qui luy garnit trésbien la main et luy dit que son maistre le prioit, pour l'honneur de Dieu, qu'il l'allast visiter, et qu'il ne pensoit pas reschapper de sa maladie. Ce serviteur donq, ayant usé du vray moyen pour faire cesser tous les empeschemens du médecin, feit tant qu'il alla visiter l'abbé, lequel il rendit gay comme Perot au bout de trois jours, au bout desquelz il eut derechef la main garnie.

Par ce moyen, ce gentil médecin fut payé de son abbé, lequel il avoit en peu de temps délibéré faire vivre et mourir, ou mourir et vivre, en vray médecin.

De l'appreniy larron qui fut pendu pour avoir trop parlé.

iMkl^ apprenty larron, estant entré par le ^M âtoict en une maison, pour veoir s'il ^^5;v;=>t2^ne trouveroit point quelque bonne adventure, fut descouvert par ceux qui estoient dedans, à raison du bruit qu'il avoit mené y entrant; qui fut occasion que les voysins d'entours s'assemblèrent pour voir que c'estoit; mais le larron, voyant que chacun entroit à foulle pour le chercher, descendit par quelques adresses qu'il avoit remarquées et se vint rendre parmy la foulle du peuple qui entroit pour le chercher, et par ce moyen se garda d'estre descouvert.

Un peu après qu'il eust veu le bruict appaisé et qu'on ne cherchoit plus le larron, d'autant qu'on pensoit qu'il fust eschappé, se délibéra de sortir par la porte, feignant estre demeuré seul pour le chercher, ne craignant aucunement d'estre

congneu; mais, par faute d'estre maistre de sa langue, il se donna luy mesme à cognoistre, et se mist la corde au col : car, ainsi qu'il pensoit sortir, ayant rencontré plusieurs à la porte qui devisoient du larron en le maudissant, vint à le maudire aussi, disant qu'il luy avoit fait perdre son bonnet. Or faut il noter que, pendant que ce rustre taschoit à se sauver, fuyant tantost ça et tantost là, son bonnet luy estoit tombé, lequel on avoit gardé, en espérance qu'il donneroit des enseignes du larron. Quand donq on luy eut ouy dire cela, on entra incontinent en soupçon; tellement qu'il fut prins et incontinent pendu, pour avoir trop parlé.

NOUVELLE CVIII De celuy qui se laissa pendre sous ombre de dévotion.

'n certain prevost de par le monde, • voulant sauver la vie à un larron qui ! estoit tombé entre ses mains, à l'intention qu'il participeroit au butin (comme aussi

ilz en estoient d'accord), en considérant d'autre part qu'il en seroit reprins et que le murmure seroit grand s'il n'en faisoit justice, et mesme qu'il se mettoit en grand danger, usa de ce moyen : c'est qu'il feit prendre un pauvre homme, auquel il dit qu'il y avoit longtemps qu'il le cherchoit et que c'estoit luy qui avoit fait un tel acte et un tel. Cest homme ne faillit à luy nyer fort et ferme, comme celuy qui avoit la conscience nette de tout ce qu'on luy mettoit à sus. Mais ce prevost, estant résolu de passer outre, luy fît remonstrer qu'il gaigneroit bien mieux de confesser (puis qu'aussi bien, ainsi qu'en çà, il luy falloit perdre la vie), et que, s'il le confessoit, le prevost s'obligeroit, par son serment, de luy faire tant chanter de messes qu'il pourroit estre asseuré d'aller au paradis; au lieu qu'en ne confessant point, il ne laisseroit d'estre pendu et iroit à tous les diables. d'autant qu'il n'y auroit personne qui fît chanter pour luy une seule messe.

Ce pauvre homme, oyant parler d'estre pendu et puis aller à tous les diables, se trouva fort estonné, et ayma mieux estre pendu et aller en paradis. Tellement qu'en la fin il vint à dire qu'il ne se souvenoit point d'avoir faict ce de quoy on le chargeoit; toutesfois que, si on s'en souvenoit mieux que luy et on en estoit bien asseuré, il II. 19

prendroit la mort en gré, mais qu'il prioit qu'on luy tînt promesse touchant les messes. Et n'eust plustost dit le mot qu'on le mena tenir la place de l'autre qui avoit mérité la mort.

Mais, quand il fut à l'eschelle et que la fièvre commença à le saisir, il entra en des propos par lesquelz il donnoit à entendre qu'il se repentoit, nonobstant ce qu'on luy avoit promis. Pour à quoy remédier, le prevost, qui craignoit qu'il ne le decelast au peuple, feit signe au bourreau qu'il ne luy laissast achever, ce qui fut faict. Et ainsi fut pendu sous ombre de dévotion ce pauvre homme.

D'un curé qui n'employa que l'authorilé de son cheval pour confondre ceux qui nyent le purgatoire.

}n curé, voulant donner à congnoistre Lcombien il avoit l'esprit aigu et gailjlard, encore qu'il n'eust longtemps versé en bonnes lettres, n'employa que Tauthorité de son cheval pour confondre ceux qui nyent le

purgatoire, au lieu que les autres, pour ce faire, ont employé et employent ordinairement les authoritez de tant de bons et sçavans docteurs. Parlant donc ce bon personnage des luthériens, qui ne vouloient croire qu'il y eust un purgatoire : « Je vay, dit il, vous faire un compte par lequel vous cognoistrez combien ilz sont meschans de nyer le purgatoire.

«Je suisfils de feu monsieur d'E..., comme vous sçavez, et nous avons un assez beau lieu en un village d'icy entour. Y allant un jour, ainsi que la nuict nous avoit surprins, mon malier (notez, disoit il, que je veux que vous sçachez que j'ay un fort beau et bon malier au commandement et service de toute la compagnie) s'arresta contre sa coustume et commença à faire pouf, pouf. Je dy à mon varlet : « Picque, picque. — Je picque, « dit il, Monsieur ; mais vostre malier voit quelque «chose, pour certain. » Alors il me souvint de ce que j'avois ouy dire un jour à madame ma mère, qu'il y avoit eu autrefois quelque apparition en ce lieu là; parquoy je me mis à dire mon Pater et Ai^eMan'a, qu'elle m'avoitapprins, la bonne dame, et commande derechef à mon varlet de picquer, ce qu'il fait.

« Mais le cheval, ayant marché deux ou trois pas en avant, s'arresta de plus beau et feit encore

pouf, pouf (estant par adventure trop sanglé), et, m'ayant encore asseuré mon varlet que ce cheval voyoit quelque chose, j'adjoustay mon De profundiSy que feu mon père m'avoit apprins, et incontinent ne faillit mon cheval à passer outre.

« Mais s'estant arresté pour la troisième fois, je n'euz pas plustost dit Avete omnes, etc., et Requiem, etc., qu'il passa franchement, et depuis n'en feit difficulté (peut estre qu'il ne l'y remena point depuis). »

Or maintenant il disoit à ses paroissiens : cf Que ces meschans dient qu'il n'y a point de purgatoire et qu'il ne faut point prier pour les trespassez! je les renvoiray à mon malier, voire, à mon malier, pour apprendre leur leçon. »

NOUVELLE ex. I 49

NOUVELLE ex

Du basteUeur qui gagea contre un duc de Ferrare qu'il y avoit plus grand nombre de médecins en sa ville que d'autres gens, et comment il fut payé de sa gageure.

]n plaisant bastelleur, assez bien receu ^,en. plusieurs des bonnes maisons d'Ita- ^^^^^^lie, se présenta un jour au marquis de Ferrare, Nicolas, prince vertueux et fort récréatif, qui, pour expérimenter ce plaisant, luy demanda en riant quel plus grand nombre il estimoit qu'il y eust de personnes exerçans un mesme estât et vacation en la ville de Ferrare. Le bastelleur, cognoissant l'humeur du marquis, se proposa d'attirer à soy de son argent soubz couleur de gaigeure, et, luy rendant responce à ce qu'il luy avoit demandé, luy dit : « Ehl qui est celuy qui doute que le nombre des médecins ne soit plus grand en ceste ville que de tous autres estatz? — O pauvre sot! dit le marquis, il appert bien que tu n'as pas beaucoup fréquenté en ceste ville,

NOUVELLE ex.

veu qu'à grand peine y pourroit on trouver deux médecins, soient naturelz ou estrangers. » Le bastelleur répliqua et luy dit : « O ! qu'un prince est empesciié en grans et urgens affaires qui n'a visité ses villes et ne sçait quelz subjectz et vassaux il ha ! » Alors le marquis dist au bastelleur : « Que veux tu païer si ce que tu m'as asseuré n'est trouvé véritable? — Mais, dit le bastelleur, que me donnerez vous s'il vous en apparoist, et qu'il soit véritable? » Déslors accordèrent le marquis et le bastelleur de ce que le perdant donneroit au gaignant.

Parquoy le lendemain au matin le bastelleur vint à la porte de la maistresse église de la ville, vestu de peaux, ouvrant la bouche, et, toussant le plus fort qu'il pouvoit, faisoit à croire qu'il estoit bien malade. Et comme chacun qui entroit en l'église l'avoit apperceu, plusieurs luy demandoyent quelle maladie le tourmentoit, et leur disoit que c'estoit le mal de dents; pour lequel guarir plusieurs luy donnoient des remèdes, desquelz il prenoit leurs noms et remèdes et les escrivoit en une petite tablette, et, afin de mieux asseurer sa gageure, il se trainoit par la ville et prioit les personnes qu'il rencontroit en son chemin de luy enseigner quelque remède à son mal ; et, par ce moyen, remarqua plus de trois cens

NOUVELLE ex. l5l

personnes qui luy avoient enseigné des remèdes, desquelz il cscrivoit les noms et surnoms en ses tablettes.

Ce qu'ayant fait, entra en la maison du marquis, lequel il veit à table comme il disnoit, et se présenta à luy ainsi embeguiné qu'il estoit, faisant semblant d'estre bien tourmenté de maladie ; et, comme le marquis l'eust apperceu, ne pensant aucunement que ce fust son bastelleur, et qu'il luy dit qu'il commençoit un peu à se bien porter de ses dents : « Prens, dit le marquis, la médecine que je t'ordonne, et prie monsieur saint Nicolas, et tu seras incontinent guary. » Le bastelleur, aient entendu ceste recepte, s'en retourna en sa maison, print une feuille de papier et escrivit tous et un chacun les remèdes et les noms des personnes qui les luy avoient donnez, et meit en premier lieu le marquis, et consequemment les uns et les autres en leurs rengs.

Trois jours après, faisant semblant d'estre quasi guary, s'estant noué la gorge et embeguiné comme auparavant, s'en vint trouver le marquis, luy monstrant la feuille de papier où il avoit escript tous les remèdes qu'on luy avoit donnez, et requiert qu'il luy face délivrer sa gageure. Le marquis ayant leu ce qui estoit escript en ceste feuille de papier et apperceu qu'il tenoit le pre-

l52 NOUVELLE CXI.

mier lieu entre les médecins, il se print à rire avec toute sa compaignie, qui estoit informée de ce fait, et, se confessant vaincu par le bastelleur, commanda qu'on luy delivrast ce qu'il luy avoit promis.

Des tourdions jouez par deux compaignons larrons qui depuis furent penduz et estranglez.

'n bon frippon, natif de la ville d'Ys- .souldun en Berry, ayant commis un in- Ifîny nombre de larrecins et ayant esté souvent menacé, en la fin fut condamné à estre pendu et estranglé; mais, ainsi qu'on le menoit pendre, advint qu'un seigneur passa par là, par Te moyen duquel il obtint sa grâce du roy, pour avoir craché quelques mots de latin rosty, lesquelz, encor qu'ilz ne fussent entenduz, feirent penser que c'estoit quelque homme de service : et, de faict, comme tel, après avoir eu sa grâce, fut

NOUVEL LECXI. l53

envoyé par le roy aux terres neufves, avec Roberval, lequel voyage servit de ce qui est allégué d'Horace :

Cœlum, non animum, mutant qui trans mare currunt.

C'est-à-dire :

Ceux qui vont delà la mer Changent le ciel, non leur amer.

Car, estant de retour^ il poursuyvit plus fort que paravant son mestier de desrober; tellement qu'estant surpris pour la seconde fois, il passa le pas qu'il avoit autrefois failly.

Or, à dire la vérité, je croy que cestuy cy n'en fust pas eschappé à meilleur marché, d'autant qu'il est vray semblable qu'il avoit esté maintes autres fois surpris, n'estant possible qu'en faisant les larrecins par douzaines, il y procedast par art en un chacun d'iceux : car, si on veit jamais homme auquel on peust considérer que c'est que d'une nature encline à desrober, cestuy cy en estoit un tresbeau miroûer; lequel, pour recompense de la peine qu'avoit prins un sien amy de luy sauver la vie par plusieurs fois, il luy emporta une robe longue toute neuve, et plusieurs autres hardes, avec laquelle il fut surprins l'ayant vestue, et encore une autre par dessus, qu'il avoit pareillement desrobbée ailleurs.

l54 NOUVELLE CXI.

Aussi luy furent trouvé trois chemises vestues l'une sur l'autre; et, bien peu auparavant, il en avoit fait autant d'un saye de velours de quelqu'un qui luy avoit fait ce bien de le loger.

Mais le plus insigne larrecin de luy en matière d'habillemens, ce fut quand il desrobba tous ceux qui avoient esté faictz pour un certain espoux et espouse, lesquelz luy semblèrent bien valoir les prendre, pour ce que la pluspart estoient de soye; et ce qui faisoit s'esbahir davantage de ce larrecin estoit que, pour tout emporter, comme il avoit faict, il luy avoit convenu faire six ou sept voyages. Or les avoit il emportez en un logis qu'on luy prestoit au monastère des dames de Sainte Croix de Poictiers, auquel logis il estoit pour lors qu'on vint pour luy faire rendre compte desditz habillemens, d'autant qu'on n'avoit soupçon que sur luy. Mais, ayant veu par la fenestre ceux qui le venoient trouver, ne les attendit pas, ains s'enfuyt, ayant tresbien fermé la porte.

Neantmoins on trouva moyen d'entrer en ce logis, auquel, ontre ces habillemens qu'on cherchoit, on trouva ce qu'on ne cherchoit pas, à sçavoir environ quarante paires de souHers de toutes sortes et façons et plusieurs paires de chausses, aussi plusieurs pièces de drap taillé, avec plusieurs livres qu'il avoit emportez aux escholiers.

NOUVELLE CXI. l55

Mais ce gallant accoustra bien mieux sesdictes hostesses qu'il n'avoit fait ses hostes : car, au lieu qu'il ne leur avoit emporté que quelques habitz, il emporta à ces dames leurs plus belles reliques, pour recongnoissance du plaisir.

Toutesfois, le plus notable tour que joua ce subtil larron fut celuy qu'il commit en la prison où il estoit détenu pour ses forfaitz, en laquelle estant logé par fourrier, ne peut toutesfois attendre qu'il en fust sorty pour retourner à son mestier ; mais leans mesmes empoigna tresbien le manteau du geôlier, et là mesme le vendit, l'ayant passé à travers des treilliz de ladite prison qui estoient sur la rue.

Toutesfois, quelque subtilité qu'il exerçast, il ne peut éviter qu'il ne fust mors d'une mule et puis pendu et estranglé.

D'un gentilhomme qui foueta deux cordeliers pour 3on plaisir.

y IlOj^N'N gentilhomme de Savoye, exerçant M I^^JM ses brigandages dedans ou auprès de c^à^5?g:c^^ sa maison, avoit quelque humeur particulier; et, ores qu'il fût brigand de meilleure grâce qu'aucuns qui s'en meslent, toutesfois il se contentoit le plus souvent de partir avec ceux qu'il destroussoit, quand ilz se rendoient de bonne heure et sans attendre qu'il se fust mis en colère. Mais ce dont au contraire on luy vouloit plus de mal pour lors, c'estoit qu'il en vouloit fort aux moines et moinesses, et prenoit son passe temps à leur jouer plusieurs tours qui estoyent, comme on dit en proverbe, jeux de prince, c'est à dire jeux qui plaisent à ceux qui les font : entre lesquelz sera icy parlé d'un sien ayde, ou plustost d'un divisé en deux parties, par lesquelz il rendist deux cordeliers premièrement (ce luy sembloit) bien joieux, et puis bien faschez.

C'est que, ayant receu ces deux cordeliers en son chasteau, et leur ayant faict bonne chère, leur dict que, pour parachever le bon traictement, il leur vouloit donner des garses, à chacun la sienne; dequoy eux ayant faict refuz, il leur pria de se monstrer privez en son endroict, d'autant qu'il consideroit bien qu'ilz estoient hommes comme les autres, et enfin les enferma de faict et de force en une chambre avec les garses, où les retournant trouver au bout d'une heure ou environ, leur demanda comment ilz s'estoient portez en leurs nouveaux mesnages; et, leur voulant faire à croire qu'ilz avoient fait l'exécution, les contraignoit de le confesser malgré eux, et, les intimidant, leur disoit : « Comment, meschans hypocrites! est ce ainsi que vous surmontez la tentation? »

Et là dessus furent les deux pauvres cordeliers despouillez nudz comme quand ilz vindrent du ventre de leur mères; et, après avoir esté tant fouettez que les bras de monsieur et de ses varletz pouvoyent porter, furent renvoyez ainsi nudz.

Or, si cela estoit bien faict ou non, j'en laisse la décision à leurs sçavans juges.

Du curé d'Onzain, ptés d'Amboyse, qui se feit chastrer à la persuasion de son hostesse.

'n curé d'Onzain, prés d'Amboise, persuadé par une sienne hostesse, laquelle I I il entretenoit, de faire semblant d'oster, ' disoit elle, tout soupçon à son mary, se fict chastrer (qu'on dist plus honnestement tailler), et se j meit en la miséricorde d'un nommé maistre Pierre des Serpens, natif de Vil-Antrois en Berry, et envoya ce prince curé quérir tous ses parens et | amys; et après qu'il leur eut dit qu'il n'avoit jamais osé leur déclarer son mal, mais qu'enfin il se trouvoit reduict en telz termes qu'il luy estoit force d'en passer par là, feit son testament. Et, pour faire encore meilleure mine, après avoir dit à ce maistre Pierre (auquel toutesfois il avoit baillé le mot du guet de ne faire que semblant, et pour ce il avoit baillé quatre escuz) qu'il luy pardonnoit sa mort de bon cœur, si d'aventure il advenoit

NOUVELLE CXIII. I Sç

qu'il en mourust, se meit entre ses mains, se laissa lier, et du tout accoustrer comme celuy qu'on vouloit tailler vrayement.

Or faut il noter que, comme ce curé avoit donné audit maistre Pierre le mot du guet de ne faire que semblant, aussi le mary de l'hostesse, de son costé, après avoir entendu ceste farce, avoit donné le mot du guet de faire à bon escient, avec promesse de luy donner le double de ce qu'il avoit receu du prestre pour faire la mine. Tellement que maistre Pierre, persuadé par le mary, et tenant le pauvre curé en sa puissance, après l'avoir bien attaché, lié et garotté, exécuta son office realement et de fait, et puis le paya de ceste raison qu'il n'avoit point accoustumé se mocquer de son mestier,et que, s'il s'en estoit une seule fois mocqué, son mestier se mocqueroit de luy.

Voilà comment le pauvre curé se trouva de l'invention de ceste femme, et comment, au lieu que, suivant ceste finesse, il se preparoit à tromper le mary mieux que jamais, il fut trompé luy mesme d'une tromperie beaucoup plus préjudiciable à sa personne.

6o NOUVELLE CXIV.

D'une finesse dont usa une jeune femme d'Orléans pour attirer à sa cordelle un jeune escalier qui luy plaisoit.

y NE jeune femme d'Orléans, ne voyant M M^ É-aucun moyen par lequel elle peust ad e^ï^::^^vertir un jeune escolier qui luy p laisoit sur tous, usa, pour parvenir à son intention, qui estoit de l'attirer à sa cordelle, de la debonnaireté de son beau père confesseur, qu'elle vint trouver dedans Teglise, où le jeune escolier se promenoit; et, faisant la désolée, compta, sous prétexte de confession, à ce beau père, qu'il y avoit un jeune escolier qui la pourchassoit incessamment de son deshonneur, en se mettant, luy et elle aussi, en tresgrand dangier, lequel elle luy monstra (par cas fortuit) au mesme lieu, ne pensant aucunement à elle; le pria affectueusement de luy faire telles remonstrances qu'il sçavoit estre requises en tel cas. Et sur cela, comme celle qui faignoit tout cecy afin de faire venir à soy celuy qu'elle

NOUVELLE CXI V. l6l

acciisoit faussement d'y venir, elle disoit quant et quant à ce père confesseur, par le menu, tous les moyens desquelz l'escolier usoit, racomptant qu'il avoit accoustumé de passer au soir par dessus une telle muraille, à telle heure, pour ce qu'il sçavoit que son mary n'y estoit pas alors:; et qu'il montoit sur un arbre, pour puis après entrer par la fenestre; bref, qu'il faisoit ainsi et ainsi, et usoit de telz moyens qu'elle avoit grande peine à se défendre.

Le beau père parle à l'escolier, et luy fait les remonstrances qu'il pensoit estre les plus propres. L'escolier, qui sçavoit en sa conscience qu'il n'estoit rien de tout ce que ceste femme disoit, et qu'il n'y avoit jamais pensé, feit toutesfois semblant de recevoir ses remonstrances comme celuy qui en avoit besoin, et en remercia le beau père; mais, comme le cœur de l'homme est prompt au mal, il eut bien de l'esprit jusques là pour cognoistre que ceste femme l'avoit accusé de ce qu'elle desiroit qu'il feist, veu mesmes qu'elle luy donnoit toutes les adresses et tous les moyens dont il devoit user.

Sur ceste occasion, le jeune homme, allant de mal en pis, ne faillit a tenir le chemin qu'on luy enseignoit ; de sorte qu'au bout de quelque temps, le pauvre beau père, qui y avoit esté à la bonne

foy, se voyant avoir esté trompé par la ruse de ceste femme, ne se peut tenir de crier en pleine chaire : « Je la voy, celle qui a faict son maquereau de moy « . Et, ayant esté decelée, n'osa depuis retourner à confesse à luy.

La manière de faire taire et danccr les femmes lors que leur avcrtin les prend.

quidam assez paisible et rassis d'enl^tendement espousa une femme qui

;^'i?3t>^^avoit une si mauvaise teste qu'encore qu'il prînt toute la peine de la maison et de faire la cuysine, où qu'il fust à table en compaignie, il ne pouvoit éviter qu'il ne fust d'elle tourmenté et maudit à tous coups, et que, pour belles remonstrances et gracieux accueil qu'il luy sceust faire, elle ne s'en voulsist garder, encor que le plus souvent Martin Baston l'accolast. De quoy le bon homme fort estonné se délibéra d'user d'un autre

NOUVELLE CXV. l63

moyen, qui fut tel qu'à chacune fois qu'elle pensoit le fascher et maudire, il se prenoit à jouer d'une fluste qu'il avoit, de laquelle il ne sçavoit non plus l'usage que de bien aymer.

Toutesfois, pour cela, sa femme ne laissa de continuer ses maudiçons, jusques à ce que, s'estant apperceue et estant indignée de ce qu'il ne s'en soucioit si fort qu'auparavant, elle se print à dancer de colère, et, s'estant aucunement lassé au son d'icelle, luy arracha d'entre les mains. Mais le bon homme, ne voulant perdre les moyens par lesquelz il trompoit ses ennuiz, se pendit d'une main à son col pour recouvrir sa fleute, et deslors recommença plus beau que devant à sifler et en jouer. Tellement que ceste mauvaise femme, se sentant offensée par l'importunité que luy faisoit cette fleute, sortit de la maison, se promettant de n'endurer à l'advenir de telles complexions, et, dés le lendemain qu'elle fut retournée, elle reprint ses maudiçons mieux qu'auparavant.

Toutesfois le mary ne délaissa à jouer de sa fleute comme il souloit, et, ce voyant, sa femme, vaincue par luy, luy promit qu'à l'advenir elle luy seroit plus qu'obéissante en toutes choses honnestes, pourveu qu'il mît la fleute reposer et n'en jouast plus, « pour ce, disoit elle, qu'elle se sentoit estourdie du son ».

Par ce moyen le bon homme adoucist sa femme, et cognent que le proverbe ne fut jamais mal faict qui dit qu'il y a plusieurs moyens pour abbaisser l'orgueil des femmes et les faire taire sans coup frapper.

De celuy qui s'ingéra de servir de truchement aux ambassadeurs du roy d'Angleterre, et comment s'en acquitta, avec grande honte qu'il y receut.

Elti^Fi N personnage assez remarqué pour les PJy>N'i!lîi- grands honneurs esquelz il estoit enfei^^s^v^iâgî/ tretenu en france monstra bien qu il avoit du sçavoir en la teste, mais non pas plus qu'il luy en falloit pour sa provision : car, quand il eut leu la lettre que le roy d'Angleterre Henry huictiesme escrivoit au roy François premier de ce nom, où il y avoit entre autres choses : Mitto tibi duodecim molossos, c'est à dire : Je vous envoyé une douzaine de dogues, il interpréta : Je vous envoyé une douzaine de mulets. Et, se fiant à

NOUVELLE CXVI. l65

ceste interprétation, s'en alla avec un autre seigneur trouver le roy pour le prier de leur donner le présent que le roy d'Angleterre luy envoioit. Le roy, qui n'avoit encore ouy parler de cecy, fut esbahy comment d'Angleterre on luy envoyoit des mulets, disant que c'estoit grande nouveauté, et pour ce il les vouloit veoir.

Or, ayant voulu veoir pareillement la lettre et la faire veoir aussi à autres, on trouva duodecim molossos, c'est à dire douze dogues. De quoy ledict seigneur se voyant estre mocqué (et faut penser de quelle sorte) trouva une eschappatoire qui le feit estre encores davantage, car il dit qu'il avoit failly à lire , et qu'il avoit pris molossos pour muletos. Toutesfois pour cela ceux qui estoient autour du roy ne laissèrent à bien rire, ne se voulans aucunement formalizer de son latin.

l66 NOUVELLE CXVII.

Des menuz propos que tint un curé au feu roy de France Henry j deuxiesmc de ce nom.

?.iN certain cure, iaisant sermon à ses Iparoissiens, ouyt plusieurs petits en- «^^^^jfans crier, qui luy empeschoient à dire et expliquer ce qu'il avoit en l'entendement, dont il fut courroucé; et, se souvenant que quelques autres enfans alloyent par la ville chantans vilaines chansons : « Un taz de petits fils de putains, disoit il, s'en vont chantans une telle chanson : Vous aurez sur l'oreille! etc. Je voudrois estre leur père: Dieu sçait comment je les accoustrerois! »

Aussi bien rencontra il une autrefois en parlant au roy Henry deuxiesme de ce nom , qui l'avoit fait app^ller pour en tirer du plaisir : car, le roy luy ayant demandé des nouvelles de ses paroissiens, il luy dit qu'il ne tenoit pas à les bien prescher qu'ilz ne fussent gens de bien. Et le roy l'ayant interrogué s'ilz se gouvernoient pas bien :

« En ma présence, dit il, ilz font bonne mine et mauvais jeu, et sont prestz de faire tout ce que je leur commande ; mais, si tost que j'ai le cul tourné, souflez. Sire. » Ce qui fut pris en bonne part de luy, comme n'y allant point à la malice, non plus qu'es rencontres qui luy estoient coustumieres en ses presches : car, si on eust apperceu qu'il eust équivoque de propos délibéré sur ce mot de souflez (qui, outre sa première signification, se prend, en langage du commun peuple, pour cela aussi qui dit autrement : « De belles! », c'est à dire : « Il n'en est rien! »), on luy eust aprins à soufler d'une autre sorte. Et puis sonnez, tabourin !

l68 NOUVELLE CXVIII.

De cduy qui presia argent sur un gaige qui esloit à luy, et comment il en fut mocqué.

'n bon frippon, ayant convié à disner deux siens compaignons, lesquelz il

'avoit rencontrez par la ville, et voyant au retour qu'en sa maison il n'y avoit rien plus froid que l'atre, et que tous les prisonniers s'en estoyent fuiz de sa bourse, s'advise incontinent de cet expédient pour tenir promesse à ceux qu'il avoit conviez. Il s'en va en la maison d'un quidam avec lequel il avoit quelque familiarité, et, en l'absence de la chambrière, prend un pot de cuyvre dedans lequel cuysoit la chair, et, l'ayant mis sous son manteau, l'emporte chez soy. Estant arrivé, commande à sa chambrière de verser le potage avec la chair en un autre pot de terre, et, après que ce pot de cuyvre fust vuidé, l'ayant tresbien fait escurer, envoya un garson à celuy auquel il appartenoit pour le prier de luy prester

quelque somme d'argent en retenant ce pot pour gaige.

Le garson rapporte bonne response h son maistre, a sçavoir une pièce d'argent, qui vint fort bien à point pour fournir à table du reste qu'il y falloit, et un petit mot de scedule par laquelle ce créditeur confessoit avoir receu le pot de cuyvre en gaige sur laditte somme; lequel, se voulant mettre à table, trouva faute d'un de ses potz qui avoyent esté mis au feu; et alors ce fut à crier. La cuysiniere asseure que depuis qu'elle l'avoit perdu de veue n'estoit entré que ce bon frippon; mais on faisoit conscience de le soupçonner d'un tel acte.

Toutesfois, en fin, on va voir si on l'appercevroit point chez luy, et, pource qu'on n'en oyoit point de nouvelles, on le demande à luy mesme. Il respond qu'il ne sçait que c'est, et, quand il se sentit pressé (d'autant qu'on luy maintenoit qu'autre que luy n'estoit entré vers le temps qu'il avoit esté prins) : « Il est bien vray, dit il, que j'ay emprunté un pot, mais je l'ay renvoyé à celuy duquel je l'avois emprunté. » Ce qu'ayant esté nié par le créditeur : « Voyez, Messieurs, dit ce frippon, comme il se fait bon fier aux gens de maintenant sans bonne scedule! Il me voudroit incontinent accuser de larrecin, si je

n'avois scedule escripte et signée de sa main. » Alors il monstra la scedule que luy avoit apportée le garçon : tellement que, pour payement, le créditeur receut de la moquerie par toute la ville, le bruict estant couru incontinent qu'un tel (en le nommant) avoit preste argent sur un gaige qui estoit à luy.

De la cautelle dont usa un jeune garson pour cstranger plusieurs moynes qui logeaient en une hostellerte.

,u diocèse d'Anjou fut une bonne femme vefve hostesse , laquelle, par bonne dévotion, avoit accoustumé loger les cordeliers et de les bien traicter selon son pouvoir, dont un sien fîlz en fust marry, voyant qu'ilz despendoyent beaucoup du bien de sa mère sans espoir de recompense, et pour ce délibéra les estranger.

Advint que, trois ou quatre jours après, deux cordeliers arrivèrent leans pour y héberger, aus-

quelz le filz ne voulut faire semblant de malveillance, de peur d'offenser sa mcre. Mais, quand un chacun se fut retiré en sa chambre, sur la my nuict ledit fîlz apporta un jeune veau de trois sepmaines ou un mois en la chambre des frères cordeliers,et ce sans qu'il fust apperceu aucunement. Or, sitost que ce maistre veau eut senty qu'il n'avoit sa nourrice prés de luy, il se traisna par toute la chambre, cherchant à repaistre, et de fortune se mit soubz le lict où les cordeliers estoient fort endormiz. Et ainsi comme ce pauvre veau furetoit, il rencontra la teste du plus jeune qui pendoit du costé de la ruelle du lict, et ce veau commença à leicher le pauvre moyne, qui suoit comme un pourceau : de sorte qu'il s'esveilla en sursaut et appella en ayde son compaignon cordelier, auquel il dit qu'il y avoit des espritz leans qui l'avoient attouché par le visage, le suppliant de le vouloir conforter. Et, en disant telles paroles, il trembloit si fort qu'il estonna son compaignon, lequel luy commanda, sur peine d'inobedience, de se lever et aller allumer du feu , ce que le pauvre frère refusoit faire, craignant l'esprit.

Toutes fois, nonobstant les requestes qu'il feit, il se leva du lict et se retira vers le fouyer pour allumer de la chandelle. Quand le veau entendit marcher, cuydant que ce fust sa mère, s'approcha

et mit le museau entre les jambes dudict cordelier, et l'empoigna par ses dandrilles (car les cordeliers sont cours vestuz pardessoubz leurs grandes robbes). Adonc le pauvre cordelier commença à crier hautement : Miséricorde ! et incontinent s'en retourna coucher, implorant la grâce de Dieu, disant ses sept pseaumes et autres oraisons.

Ce veau, ennuyé de perdre la tette de sa nourrice, couroit par la chambre, et enfin cria un haut cry de voix argentine (comme pouvez sçavoir), dont les moynes furent encores plus estonnez.

Le lendemain, devant les quatre heures, le filz retourna aussi secrettement qu'il avoit fait auparavant et emmena son veau. Quant les pauvres cordeHers furent levez, ilz annoncèrent à l'hostesse de leans ce qu'ilz avoyent ouy la nuict, et luy donnoyent à entendre que c'estoit un trespassé qui faisoit leans sa pénitence, et ainsi descrierent tant ceste hostellerie, en le racomptant à tous les frères qu'ilz rencontroient, qu'onc depuis n'y logea cordelier ny autre moyne.

NOUVELLE CXX. lyS

Du larron qui fui appcrccu fouillanl en la gibbeciere du feu cardinal de Lorraine, et comment il cschappa.

^:^ E^> ^ advint , au temps du roy François fél^ ''iiÔpremier du nom, qu'un larron, ha- ^ilË^billéen gentiliiomme, fouillant en la gibbeciere du feu cardinal de Lorraine, fut apperceu par le roy estant à la messe viz à viz du cardinal. Le larron, se voyant estre apperceu, commença à faire signe du doigt au roy qu'il ne sonnast mot et qu'il verroit bien rire.

Le roy, bien ayse de ce qu'on luy apprestoit à rire, le laissa faire, et peu de temps après vint tenir quelque propos audict cardinal, par lequel il luy donna occasion de fouiller en sa gibbeciere. Luy, n'y trouvant plus ce qu'il y avoit mis, commença à s'estonner et à donner du passetemps au roy, qui avoit veu jouer ceste farce. Toutesfois ledict seigneur, après avoir bien ry, voulut qu'on luy rendisî ce qu'on luy avoit prins, comme aussi il pensoit que l'intention du preneur avoit esté telle;

mais, au lieu que le roy pensoit que ce fust quelque honneste gentilhomme et d'apparence, à le voir si résolu et tenir si bonne morgue, l'expérience monstra que c'estoit un tresexpert larron desguisé en gentilhomme, qui ne s'estoit point Voulu jouer, mais, en faisant semblant de se jouer, feit à bon escient. Et alors ledict cardinal tourna toute la risée contre le roy, lequel , usant de son serment accoustumé, jura, foy de gentilhomme, que c'estoit la première fois qu'un larron l'avoit voulu faire son compagnon.

Du moyen dont usa un gentilhomme italien afin de n'entrer au combat qui luy avoit esté assigné, et de la comparaison que fit un Picard des François aux Italiens.

'n gentilhomme italien, voyant qu'il .ne pouvoit éviter honnestement un [combat qu'il avoit entreprins contre un de sa qualité sans qu'il alleguast cjuelque raison peremptoire, l'avoit accepté; mais, s'estant

NOUVELLECXXl 17?

depuis repenty, n'allégua autre raison, quand l'heure du combat fut venue , sinon qu'il dit à son ennemy qu'il estoit prest à combattre et l'attendoit h grande dévotion, disant : « Tu es désespéré, toy; moy, je ne le suys pas; et pourtant je me garderay bien de combattre contre toy. )>

Il est bien vray que quelqu'un pourra respondre que pour un il ne faut pas faire jugement de tous, et que, si cela avoit lieu, on pourroit à bon droit tourner à blasme à tous les François ce qui fut dit par un Picard rendant tesmoignage de sa prouesse : car, se vantant d'avoir esté quelques années à la guerre sans desgaigner son espée, et estant interrogué pourquoy : c Pource, dit il, que je n'entrois mie en colère; mais toutes et quantes fois, disoit il en continuant son propos, on voudra confesser vérité, on dira haut et clair que les Italiens ont plus souvent porté les marques des François colerez que les François n'ont porté les marques des Italiens désespérez, et que, quand il n'y auroit un seul Picard qui sceust entrer en colère, pour le moins les Gascons y entrent assez, voire sont quelques fois assez entrez pour faire trembler les Italiens dix piedz dedans le ventre s'ilz l'avoient si large. » Combien que sept ou huit ineptes et sots termes de guerre que nous avons emprunté d'eux mettent en danger et les

lyô NOUVELLE CXXII.

Guascons et toutes les autres contrées de France d'estre reputez autres qu'ilz n'estoient aupara-

vant.

NOUVELLE CXXII De celuy qui paya son hoste en chansons.

In voyageant par païs, sentant la faim le .presser, se meit en un cabaret, où il se (rassasia si bien pour un disner que aisément il pouvoit attendre le soupper, pourveu qu'il eust esté bien tost prés. Or, comme le tavernier, son hoste, visitant ses tables, l'eust prié de payer ce qu'il avoit despendu et faire place aux autres, il luy feit entendre qu'il n'avoit point d'argent, mais que, s'il luy plaisoit, il le payeroit si bien en chansons qu'il setiendroit content de luy. Le tavernier, bien estonné de ceste response, luy dit qu'il n'avoit besoin d'aucune chanson, mais qu'il vouloit estre payé en argent contant, et qu'il advisast à le contenter et s'en aller. « Quoy ! dit

le passant au tavernier, si je vous chante une chanson qui vous plaise, ne serez vous point content? — Ouy dea vrayement », dit le tavernier.

A l'instant le passant se print à chanter toutes sortes de chansons, exceptée une qu'il gardoit pour faire la bonne bouche; et, reprenant son haleine, demanda à son hoste s'il estoit content. « Non, dit il, car le chant d'aucune de celles que vous avez chantées ne me peut contenter. — Or bien, dit le passant, je vous en vay dire une autre que je m'asseure qui vous plaira. »

Pour mieux le rendre ententy au son de ceste nouvelle chanson, il tira de son aisselle un sac plain d'argent, et se print à chanter ceste chanson assez bonne et plusque usitée à l'endroit de ceux qui vont par pais : Mitt' la mano alV bursa, et paga Vhoste; qui est à dire : « Metz la main à la bourse et payes l'hoste. » Quand il eust mis fin à cette chanson, demanda à son hoste si elle luy plaisoit et s'il estoit content. « Ouy, dit il, ceste me plaist bien. — Or donc, dit le passant, puis que vous estes content et que je me suis acquitté de ma promesse, je m'en vay. » Et à l'instant se départit sans payer et sans que son hoste l'en requist.

Du procès meu entre une belle mère et son gendre pour n'avoir pas dépucelé sa fille le premier jour de ses nopces.

\\j pais de Limosin fut faicte une nopce *entre une jeune fille aagée de dixhuict ans, ou environ, et un bon garçon de village tresbien emmanché. Or il advint que le compagnon, dez la première nuict, se mit en devoir d'accomplir l'œuvre de son mariage, et, pour gratifier à sa tendre espoùsée, il luy bailla auparavant son manche à tenir pour luy faire envie de le secourir à son affaire. Mais quand la pauvre fille l'eust tenu, et apperceu qu'il estoit si gros, elle ne voulut oncques que le marié luy mist en son estuy, de pœur qu'il ne la blessast, et tousjours craignoit la lutte, dont le marié fut fort ennuyé, et, quoyqu'il peust faire, jamais ne peust persuader à la mariée de luy faire beau jeu : au moyen de quoy il fut contraint pour la nuict s'en passer.

NOUVELLE CXXIH. I 79

Et quand le jour fut venu, la mère s'en alla devers sa fille pour sçavoir comment elle s'estoit portée avec son mary et comment il luy avoit fait. Elle luy feit responce qu'ilz n'avoyent riens fait. « Comment! dit la mère, vostre mary est donq chastré! » Alors, comme furieuse, s'en alla au conseil de l'Eglise afin de faire desmarier sa fille, donnant à entendre à tous que son gendre n'estoit habille à engendrer. Sur cette colère elle le feit citer, afin qu'il luy fust permis de marier sa fille à un aultre , dont le pauvre marié fut tresmalcontent, considérant qu'il n'avoit offensé ne donné occasion pour estre ainsi deshonoré.

Or, quand ilz furent tous devant monsieur Tofficial, et que la demanderesse eust requis séparation de sa fille et de son gendre, et que, par ses raisons, elle eut dit que la première nuict de leurs nopces ledict gendre ne voulut ou ne peut oncq faire l'œuvre de mariage à sa fille , et qu'il estoit chastré, adonq le gendre, au contraire, se deffend tresbien , et dit qu'il estoit aussi bien fourny de lance que sa femme de cul, et ne demandoit autre chose que luitter; mais sa femme n'y voulut oncques entendre et feit la cane , au moyen de quoy il n'avoit peu riens faire. Adonc l'official demanda à la jeune espousée si elle l'avoit refusé, et elle luy dit que ouy, au moyen qu'il l'avoit si

l8o NOUVELLE CXXIV,

gros et qu'elle craignoit, comme encores faisoit, qu'il la blessast, car elle esperoit en après plustost la mort que la vie.

Quand la mère eut entendu cette confession , et que, par telz moyens, elle devoit estre condamnée, elle supplia le juge d'asseoir les despens sur sa fille, attendu qu'elle avoit esté cause de ce procès. Toutesfois, par sentence, monsieur l'official condamna la pauvre jeune fille à prester son beau et joly instrument à son mary pour y besongner et faire ce qu'il devoit avoir fait la nuit précédante, et sans despens, attendu les qualitez des parties.

Comment un Escossois fut guary du mal de ventre au moyen que luy donna son hosiesse.

,L n'y a pas long temps qu'un Escos- 'sois, ayant desja servy à la garde du !roy de France, et lequel avoit, dés sa jeunesse, gousté quelque peu des bonnes lettres, voyant que le roy caressoit les personnes doctes,

NOUVELLE CXXIV. l8l

et, d'autre part, considérant le moyen qu'il avoit de vaquer à l'estude pendant le temps qu'il estoit hors de quartier et de service, il choisit le logis d'une bonne femme vefve, et là se logea pour quelque temps.

Un jour, se sentant mal de sa personne et n'ayant la langue si à délivre pour se faire entendre à autruy, comme il faisoit à son hostesse, à laquelle il demandoit conseil sur son mal, il luy dit : « Ma dam', moy ha grand mal à mon boudin. » Son hostesse, qui entendoit assez bien qu'il disoit le ventre luy faire mal, et que, pour recouvrer prompt allégement, il luy demandoit son advis , elle luy dit qu'il falloit qu'il feit ses prières et oraisons à monsieur S. Eutrope, lequel on dit guarir de tel mal. L'Escossois, ayant entendu cela, et sentant son ventre aller de pis en pis, ne voulut mettre en mespris le conseil de son hostesse, ains, suyvant iceluy, s'en alla à Teglise la plus prochaine qu'il rencontra, et se meit en prières et oraisons telles qu'il sembloit à ceux qui l'oyoient que le saint deust promptement venir à luy.

D'adventure, pendant qu'il estoit en telle méditation, il se trouva un bon frippon, lequel estoit caché derrière l'image de sainct Eutrope et contemploit les allans et venans avec leurs conte-

nances; et, ayant remarqué les mines que faisoit cest Escossois, il commença à crier : « Tru, tru, pour Jehan d'Escosse et son bagaige ! » L'Escossois, qui entendit ces paroles, jettées assez rudement, pensa que ce fût quelque malin qui le voulsist empescher en ses dévotions ; à raison de quoy, après qu'il eust remarqué le lieu d'où pouvoit estre partie ceste voix qu'il avoit entendu, il print sa flesche et son arc, et vous descoche rasibuz l'image du sainct.

Le frippon, qui estoit derrière, craignant que l'Escossois redoublast son coup, se print à descendre de l'escalier de boys où il estoit monté; mais il ne peust s'enfuyr si secrettement qu'il ne feit un bruit, qui effroya tellement l'Escossois, lequel pensoit que ce fût le sainct qui se meit à le poursuivre afin de le punir de l'offence qu'il avoit faicte, qu'il entra en telle frayeur qu'il en perdit incontinent son mal, et depuis vesquit gay comme Perot.

NOUVELLE CXXV. l83

Des cpilaphes de l'Areiin, surnommé Divin, et de son amie Magdaleine.

èài^l 'Aretin , non l'Unique, mais celuv Ip^'^àquia usurpé le surnom de Divin, s'est

'^ aussi donné arrogamment le tiltre de fléau des princes, estant du tout enclin à mesdisance. En quoy il n'espargnoit, comme on dit en commun proverbe, ny roy ny roc : car il escript en une préface d'une sienne comédie italienne que le roy treschretien François premier du nom luy avoit enchaîné la langue d'une chaîne d'or, faite en façon de langues, qu'il luy avoit envoyée afin qu'il n'escrivist de luy comme il avoit fait de plusieurs autres seigneurs.

Mesmement, en un des dialogues qu'il a faictz, il introduit deux courtisanes, recitant l'une à l'autre les moyens par lesquelz elles estoient parvenues aux richesses, et comme par leur saige conduite et maintien gracieux elles s'estoient entretenues en honnestes compagnies; à raison de

quoy, estant l'une d'elles dccedée de son temps , il luy dressa Tepitaphe tel que s'ensuyt, lequel depuis a esté fort divulgué :