TRADUCTION

Icy gist l'Aretin, qui fut l'amer poison De tout le genre humain; dont la langue fichoit Et les vifs et les morts ; contre Dieu son blason N'addressa, s'excusant qu'il ne le cognoissoil.

NOUVELLE CXXVI. l85

De la harenguc qu'cnircprint de faire un jeune homme en sa réception de conseiller, et comment il fut rembarré.

W^j/^iz jeune homme, ayant esté envoyé aux J^vEi^^^universitez pour y apprendre la loy l^^^;fe^ civile et s'en servir en temps et lieu, au gré et contentement de son père, fut là entretenu assez souefvement et délicatement. Advint que, se baignant en ses aises et délices, il rejetta au loing ses codes et digestes, pour imprimer en son cerveau l'idée d'une amye, et, se paissant en tel object, convertit ses leçons en lecture de Pétrarque et autres telz prodigues d'honneur.

Pendant ce temps son père alla de vie à trespas. De quoy advertiz , les parens et amys du jeune homme , pensant qu'il fust un sçavant docteur et qu'il eust profité passablement en la loy, luy mandèrent la mort de son père et l'advertirent qu'il estoit temps qu'il esleut Testât et vacation qu'il vouloit ensuivre, et que à ce faire ilz se monstreroient ses amys. Le jeune homme, se rangeant

l86 NOUVELLE CXXVI,

sur leur conseil et advis, encore qu'il n'eust estudié en la loy, print son chemin vers la maison de feu son père.

Apres qu'il eut visité ses amis et qu'il fut asseuré des biens que son père luy avoit délaissez, il luy vint en l'entendement d'achepter un estât de conseiller en la cour de parlement, A cela s'accordèrent ses amys; et, pour amitié qu'ilz avoient eu avec son père, ilz luy promirent d'en faire demande au roy François premier, duquel, comme tresfîdeles serviteurs, estoient réciproquement cheriz.

Un jour qu'ilz estoient avec le roy, ilz luy firent demande de cest estât de conseiller; ce qu'il leur octroya, et leur en furent délivrées lettres. De cela bien joyeux, en advertirent le jeune homme, et luy feirent sçavoir comme il se devroit gouverner quand il se presenteroit à la court. Le jeune homme, suyvant en tout et par tout leur conseil, feit ses diligences et apprestz. Bref, il présente ses lettres d'estat; elles furent leues en plaine chambre.

Peu de temps après, la court, ayant esté certiorée de l'insuffisance du suppliant, le renvoya aux estudes. De ce bien estonné, il s'en retourne vers ses parens et amys, et les supplie de faire entendre au roy le reffuz qu'on luy avoit fait en

la court de parlement. Le roy en fut adverty. Il manda incontinent à messieurs de la court ce qu'ilz allassent par devers Sa Majesté. La court de parlement délègue deux conseillers d'icelle, lesquelz elle chargea de faire telles remonstrances que de raison. Après qu'ilz se furent présentez devant le roy afin d'entendre sa volonté, il leur demanda pourquoy ilz faisoient reffuz de recevoir ce jeune homme en leur compagnie, veu qu'il luy avoit fait don de cest office de conseiller. Les déléguez luy feirent entendre leur charge, et dirent que la court estoit assez informée de son insuffisance, et pourtant ne le pouvoit honnestement admettre. Le roy, ayant receu ceste remonstrance pour saincte et raisonnable, en sceut bon gré à messieurs de la court, et ne s'en soucioit plus.

Quelques jours après, le jeune homme reprend ses erres de supplication, et importune tellement ses amys qu'ilz furent persuadez supplier derechef le roy de mander à la court de le recevoir, se submettant à l'examen requis en tels cas; luy remonstrant au surplus qu'il estoit homme pour luy faire service à l'advenir; joinct aussi que le père du jeune homme avoit esté son officier par un long temps et avoit acquis bon bruit pendant sa vie. Le roy, entendant ces remonstrances aussi, et se souvenant de celles que luy avoient fait mes-

Ib» NOUVELLE CXXVI,

sieurs de la court sur ce fait, il commanda derechef qu'il fust receu. La court de parlement s'y opposa et feit secondes remonstrances. Ce nonobstant, le roy voulut qu'il fust receu. Et, comme messieurs de la court remonstroient que le jeune homme estoit léger d'entendement et fol, il leur dit : « Et bien! puis qu'ilz sont si grand nombre de saiges et savans personnages, ne sçauroient ils souffrir un fol entr'eux? » A cette parole, les déléguez se départent et rendent la court certaine de la volonté du roy.

Le jeune homme, se promettant en luy mesme d'estre parvenu à son attente, et que à ceste heure il seroit receu, se présente derechef à la court et demande à estre examiné selon l'ordonnance. La court commande à un des huissiers le faire entrer et conduire en une chaire que pour ce faict on luy avoit préparée. Après qu'il fut monté et qu'il eut bien ruminé ce qu'il vouloit dire, il commença sa harangue par un verset du Psalme ii8, et dit ainsi :

« Lapidem quem reprobaverunt œdificanies, hic factiis est 111 capul angidi »; c'est à dire :

La pierre par ceux rejeltée Qui du bas liment ont le soing A esté assise et plantée Au principal endroit du coing.

NOUVELLE CXXVI. iSç

voulant par là donner à entendre à la court qu'elle n'avoit deu le mépriser ainsi qu'elle avoit fait. Ce qu'ayant entendu, un des anciens de la court, auquel ne plaisoit gueres la témérité de ce jeune homme, se leva, et, faisant responce digne à telle outrecuidance, respondit ce qui s'ensuit :

« A domino factum est istud, et est mirabik in ocuUs nostris »; c'est à dire :

Cela est une œuvre céleste Faicte pour vray du dieu des dieux, Et un miracle manifeste Lequel se présente à noz yeux.

Par ceste responce il reprima tellement l'audace du jeune homme que depuis il ne luy advint de haranguer de telle sorte en une si honneste compagnie.

IÇO NOUVELLE CXXVII.

D'un chevalier aagé qui feit sortir les grillons de la teste de sa femme par une saignée, et laquelle auparavant il ne pouvait tenir soubz bride qu'elle ne luy feist souvent des traitz trop gaillardz et brusques.

ey^^ffijJ^'EST un grand'bien en mariage de coé4\&'' ■: ;' i^noistre les, imperfections les uns des (^^ali:^:^^ autres et de trouver les remèdes pour éviter tant de riottes et debatz qui adviennent ordinairement en la pluspart des mesnages, comme en celuy d'un fort gentil chevalier de la Tuscane, lequel, après avoir emploie la fleur de sa jeunesse au fait des armes, de la chasse, et des lettres pareillement, s'advisa un peu tard à soy renger es liens de mariage, qui fut enfin avec une belle et jeune damoyselle, laquelle il traicta fort gracieusement en toutes choses, fors qu'au deduict d'amours, auquel il se portoit assez laschement, à cause de son aage.

Mais la nouvelle mariée n'eut cognoissance par quelque temps de ce deffaut, sinon par com-

munication d'autres bonnes commères qu'elle frequentoit, et lesquelles elle ouyt deviser du passe temps dru et menu qu'elles recevoient de leurs jeunes marys. Cela l'esmeut à en vouloir sentir pareille fourniture que les autres. Mais, pour y parvenir avecques couverture de son honneur, en addressa la plaincte à sa propre mère, laquelle, après quelques remonstrances au contraire (de la conscience blasmée du moyen), ne la pouvant à plain destourner de ceste intention ainsi dictée, pour rompre ce coup, luy dit : « Ma fille, puis que je ne voy autre unguent qui puisse adoucir vostre mal, je vous diray : Il y a des hommes de diverses humeurs et complexions, qui se taillent et font cheoir les cornes par fer ou par poison; aucuns les portent patiemment, et, comme ils ont meilleur estomach, ils digèrent les pillules de cocuage facilement, sans mot sonner. Pource il faut que vous essayez la patience de vostre mary par quelques traitz légers et de peu d'importance. » A ces propoz la fille respond qu'elle ne vouloit aucunement user des finesses requises en telz cas, que d'attraire à sa cordelle un personnage de disposition gaillarde et de bonne réputation, soubz le manteau duquel soit couverte la réputation, telle qu'estoit celle de son capellan. La mère luy chargea de tenter ainsi la douceur du chevalier, et

selon icelle donner bon ordre au demourant. La fille luy promet de n'y tarder gueres de ce faire.

Cependant que le gentilhomme son mary estoit à la chasse, elle print en main une coignée et entre en son jardin, et là se print à abattre un beau laurier, lequel avoit esté planté là de la main de son mary, et pour cette considération il en estoit jaloux et passoit volontiers le temps souz cet ombrage, en attendant que les viandes ordonnées pour traicter ses amis fussent assaisonnées. Pour vous le faire court, voilà Tarbre par terre; voicy venir le mary : elle luy en fait coucher des branchages au feu, qui furent incontinent apperceuz par luy. Toutesfois, avant que d'en mener bruict, remit son manteau sur ses epauUes et va sur le lieu pour mieux s'en asseurer. Il ne faut point demander, après qu'il eut veu la fosse fresche, s'il fut bien troublé : car il s'en retourna plein de menaces et demanda à sa femme qui estoit celuy qui luy avoit joué ce bon tour, et elle luy feit responce qu'elle l'avoit fait pour le rechauffer à son retour de la chasse, et pour avoir entendu cet arbre conforter la vieillesse. Pour cette fois elle l'appaisa, et pensoit luy avoir fait avaller sa colère aussi douce que sucrée.

Cela fait, le lendemain matin elle en advertit sa bonne mère, laquelle luy dit que c'estoit bon

NOUVELLE CXXVII. igZ

commencement, mais qu'il falloit encore essayer davantage, comme à luy tuer la petite chienne qu'il aimoit tant; ce qu'elle entreprint de faire, et le feit à l'occasion que cette petite chienne, retournant de la ville d'avec son maistre, toute boueuse se jetta sur le lict, où la dame avoit, par exprés, mis une riche couverture; et, comme on l'eut chassée de là, elle s'en vint sauteler sur la robe de madame, laquelle, feignant avoir gasté ses beaux habits, empoigna un Cousteau, et, en la présence de son mary, luy en couppa la gorge.

Ce ne fut pas encore assez au jugement de la mère, si, après l'arbre inanimé et la chienne morte, elle n'offençoit d'abondant son mary en quelques personnes des plus chéries de luy, et ce qu'elle feit pareillement : car elle renversa, en un banquet qu'il faisoit à la fleur de ses amis, la table, qui estoit chargée de viandes, et, se voulant excuser, dit qu'elle avoit ce fait par mesgarde et voulant prévoir au service.

Sur ces indignations, la nuict donna conseil au gentilhomme de Tempescher lever du lict; l'empescha bon gré mal gré, et luy remonstra qu'il falloit qu'elle s'y tînt encores pour quelques remèdes qu'il luy avoit apprestez pour la guarir. Elle, en se deffendant, disoit qu'elle se trouvoit en bonne disposition et gaillarde en son esprit.

Il 25

« Je le crois ainsi, dit il, et trop de quelques grains, à quoy convient remédier d'heure. » Lors, luy ramentevant les trois honnestes tours qu'elle luy avoit jouez consécutivement, nonobstant les remonstrances et menaces qu'il luy avoit faites à chacune fois, par lesquelles il avoit juste crainte de quelque quatriesme pire que tous les autres precedans, envoie quérir un barbier, auquel il feit entendre ce qu'il vouloit qu'il executast : c'est assavoir que, pour certaines considérations qu'il luy taisoit, son plaisir et intention estoit qu'aussi tost qu'il luy auroit présenté sa femme, il ne feit faute d'exécuter sa charge, s'il vouloit luy complaire. Le barbier, après avoir entendu telz propos, s'enhardit de demander au gentilhomme quelle estoit sa volonté, de laquelle il fut incontinent asseuré.

Le gentilhomme, après avoir fait allumer un grand feu en une chambre de son logis où l'attendoit le barbier, s'en va en la chambre de sa femme, qu'il trouva toute habillée, faignant d'aller veoir sa mère, à laquelle, peu de jours auparavant, elle avoit décelé l'impuissance de son mary, luy requérant au surplus la vouloir addresser au combat amoureux qu'elle avoit entreprins contre un champion de son aage. De ce adverty, le gentilhomme, redoublant le fiel et courroux.

NOUVELLE CXXVII. IçS

qu'il desguisa au mieux qu'il peut, luy va dire : (( M'amye, certainement vous avez le sang trop chaud, qui vous cause par son ebuUition tous ces caprices et inconsiderez tours que faites tous les jours. Les médecins, à qui j'en ay parlé] et consulté, sont d'avis qu'il convient vous saigner un peu, et disent cela pour vostre santé. »

La damoiselle, entendant ainsi parler son mary et ne s'estant encor apperceue de son entreprinse, se laissa conduire où il voulut. Il la mena en la chambre où le barbier l'attendoit, et luy commanda s'asseoir le visage devant le feu, et feit signe au barbier qu'il prînt son bras dextre et luy ouvrist la veine; ce qu'il fit. Tandis que le sang decouloit du bras de ceste damoyselle, son mary, qui sentoit oculairement les grillons s'affoiblir, commanda fermer ceste veine et ouvrir celle du bras senestre, ce qui fut pareillement fait ; tellement que la pauvre damoyselle resta demy morte. Le gentilhomme, bien joyeux d'estre parvenu à fin de son entreprise, la fait porter sur un lict, où elle eut tout loisir d'apprendre à ne plus fascher son mary.

Si tost qu'elle fut revenue de pasmoison, elle envoyé un de ses gens vers sa mère, laquelle, ayant apprins du messager toutes les traverses et algarades qu'elle avoit joué à son mary, et se

doutant, la bonne dame, qu'au moyen de ce sa fille la voulust semondre de la promesse que outre son gré elle luy avoit faite, s'en va la trouver au lict, et commença à dire : « Et bien! ma fille, comment vous va? Ne vous faschez point, vostre désir sera bien tost accomply touchant ce que m'avez recommandé. — Ha! ma mère, respondit elle, je suis morte; telles passions ne trouvent plus fondement en moy; si bien y a opéré mon mary, auquel je me sens aujourd'huy plus tenue du bon chemin où il m'a remise par sa prudence que de l'honneur qu'il m'avoit premièrement fait de m'espouser; et, si Dieu me rend ma santé, j'espère que vivrons en bon et heureux mesnage, » L'histoire racompte qu'ilz furent depuis en mutuel amour et loyaulté, au grand contentement l'un de l'autre.

De deux jouvenceaux Sienois amoureux de deux damoyscllcs cspagnollcs, l'un desquclz se présenta au danger pour faire planchette à la jouissance de son amy, et qui luy tourna à grand contentement et plaisir.

SiENE y avoit deux jeunes hommes de fort bonne maison, voysins et nourriz ensemble, et de mesme marchandise, ce qui engendra une tresgrande et intrinsèque amitié entr'eux. Hz se délibérèrent un jour de faire un voyage en Espagne pour le trafîq de leurs marchandises.

Après qu'ilz eurent quelque temps séjourné à Valence en Espagne, ilz devindrent extrêmement amoureux de deux gentifemmes espagnolles, mariées à de nobles chevaliers du païs. Les deux Sienois se nommoyent l'un Lucio et l'autre Alessio. Lucio estoit plus advisé en l'amour de sa dame Isabeau que son compagnon n'estoit en la poursuite de sa choisie, et lesquelles ne cedoient en mutuelle amitié à la fraternité des deux Ita-

liens. Or dura ce pourchas d'amour entr'eux l'es- 'pace de deux ans qu'ilz furent à negotier en Valence, sans qu'ilz peussent parvenir plus avant que aux simples caresses de la veue et œillades, plus pour le respect qu'ilz avoient aux chevaliers qu'au danger où ilzse fussent mis en païs estrange s'ilz eussent attenté de plus prés par embassades, missives, resveilz et aubades.

Il advint un jour que la damoyselle Isabeau entra en une église où le passionné Lucio s'estoit mis à couvert de la pluye. De bonheur, en se pourmenant par l'entour de l'église, il apperceut sa dame assise en un coing et accompagnée d'une seule servante, qui fut aussi à propos comme s'il y eut esté mandé. Geste rencontre luy donna hardiesse de s'approcher d'elle, et la salua gracieusement. Elle luy rendit salut avec une modestie assaisonnée d'une sourde gayeté. La servante, qui paraventure estoit du conseil secret et bien apprise, se leva d'auprès sa maistresse comme pour aller regarder quelque image.

Lucio, bien joyeux de ceste commodité de pouvoir manifester ses passions à sa dame, commença sa harangue ainsi que s'ensuit : « Madame, je croy que ne soyez ignorante de l'amour desmesuré qui depuis deux ans entiers me tient prisonnier de vostre beauté, à laquelle il ne s'est peu

NOUVELLE CXXVIII. 19c

descouvrir, pour la révérence de vostre honneur. Aussi suis je asseuré qu'avez assez ouy dire combien ce feu d'amour si longuement clos et couvert en ma poitrine l'a embrasée, ne trouvant en moy issue pour s'évaporer. Je ne fay doubte que le dieu Cupido ne soit appaisé et contenté à la fin par le sacrifice continuel de mes longs soupirs, larmes et travaux, et que, pour en recouvrer allégeance, il ne m'ait préparé ceste oportunité, en laquelle je vous requiers, Madame, en briefves paroles que le lieu et le temps peuvent souffrir, pitié, mercy et miséricorde. »

La dame Isabeau, non moins passionnée d'ardeur amoureuse que Lucio, luy respondit : « Mon amy, puis que vostre courtoisie, honnesteté et constance ont mérité ce nom, je vous prie de vous asseurer d'amour réciproque en mon endroit, et que la commodité seule en a jusques aujourd'huy retardé le mutuel contentement. Toutesfois je suis délibérée d'employer tous mes sens à nous moyenner bien tost une heureuse rencontre qui puisse assouvir noz longs désirs, de laquelle je ne failliray à vous donner bon et seur advertissement. » Lucio, l'en remerciant un genoil en terre, n'oubUa de luy ramentevoir son compaignon Alessio, pour lequel elle luy promit pareillement qu'elle feroit office de bonne amye envers sa

compagne, pour le mérite de son amour constante. La survenue du peuple à l'heure du service les fît départir fort enviz.

Bref, Lucio vole pour porter ces nouvelles à son amy Alessio; et ne passèrent deux jours qu'ilz receurent un message de eux trouver environ les deux heures de nuict au logis de madame Isabeau, à quoy ilz ne faillirent d'une seule minute d'horloge.

Là les attendoit madame Isabeau, laquelle, après la porte ouverte aux poursuyvans, s'arresta à deviser avec Lucio, et luy dit que son mary, ayant depuis quelque temps renoncé à la suyte de la court et au plaisir de la chasse, l'avoit par si long temps frustrée de l'occasion de leur entreveue, non moins désirée de son costé que du sien, mais qu'à la fin, vaincue d'extrême affection, elle avoit voulu hazarder ce larrecin de Venus, si luy et son compaignon avoient en eux la hardiesse d'en accomplir le dessein : c'est à sçavoir que Alessio se despoilleroit à nud et iroit en son lict prés de son mary tenir sa place, tandis que Lucio demeureroit pour deviser avec elle.

Alessio, quelque grande amitié quasi fraternelle qu'il portast à Lucio, trouva cela de dure et difficile entreprise, si la damoyselle Isabeau ne l'eust renforcé par promesse de guerdon qu'elle

NOUVELLE CXXVm. 201

luy avoit moyenne envers sa compaigne, outre le profond sommeil de son mary, qui ne se fust resveillé jusques au jour. Or tout ce qu'elle persuadoit h Alessio estoit afin que, se remuant dedans le lict, son mary sentit sa jambe, ou quelque autre partie humaine qu'il penseroit estre elle. « Quoy ! le vous ferayje long? » Alessio, persuadé par l'un et par l'autre, se despouille, non sans grande frayeur, et s'en va tenant Isabeau par la robbe, et se couche doucement en sa place, se gardant de tousser et cracher si prés de son hoste.

Cependant Lucio et Isabeau jouent leurs jeux paisiblement en une autre chambre du logis.

Le pauvre Alessio, se voyant prés la personne du chevalier, sans qu'il osast se remuer, trembloit, tombant en diverses pensées : maintenant il disoit que la damoyselle les trahissoit tous deux, le livrant le premier à la gueulle du loup; maintenant estimoit, si elle les traitoit de bonne volonté, qu'elle s'oublioit entre les bras de son amy, le laissant en ce grand et eminent danger jusqu'à la pointe du jour; à laquelle heure il est tout esbahy qu'il les veid entrer en la chambre après qu'ilz eurent fait un grand tintamarre d'huys; et, approchans de la courtine, luy demandèrent comme il avoit reposé celle nuict. A l'instant, la damoyselle Isabeau leva la couverture du lict, qui II. 26

fit apparoir à Alessio s'amye couchée auprès de luy en lieu de l'ennemy, et n'avoit, la tendrette, non plus remué ni cligné l'œil que luy.

De cela furent fort louez les deux amans : c'est à sçavoir Alessio pour le danger où il se mit afin d'avancer l'entreprinse de son amy, et son amye à raison de ce qu'elle s'estoit si honnestement contenue estant couchée auprès de luy. Qui fut occasion de les laisser prendre quelque demy once de plaisir au combat amoureux.

On dit que cette couple d'amans entretint son crédit pendant le temps que les mariz servoient leur roy pour un mesme quartier.

NOUVELLE CXXIX. io'i

D'une jeune fille surnommée Peau d'Asne , et comment elle fut mariée par le moyen que luy donnèrent les petitz formiz.

N une ville d'Italie, il y avoit un marchand, lequel, après qu'il se veid passablement riche, délibéra de se reposer et achever joyeusement le demeurant de sa vie avec sa femme et ses enfans, et pour ceste considération se retira en une métairie qu'il avoit aux champs.

Or, pource qu'il estoit homme d'assez bonne chère et qu'il aimoit la gentillesse d'esprit, plusieurs bons personnages le visitoyent, et entr'autres un gentilhomme d'ancienne maison et son voysin, lequel, pour le désir qu'il avoit de joindre quelques pièces de terre du marchand avec les siennes, luy feit à croire qu'il desiroit grandement que le mariage se feit de son fils avec la puisnée de ses filles, nommée Pernette, pourveu

qu'il l'advançast en quelque chose. Le marchand, entendant assez bien où tendoit le gentilhomme, qui le mocquoit, l'en remercia gracieusement, comme celuy qui n'eust jamais pensé tel bien luy devoir advenir.

Toutesfois, ces propos parvenuz aux oreilles du fîlz du gentilhomme et de la fille du marchand, ilz osèrent bien, chascun endroit soy, sonder les cœurs et les affections l'un de l'autre; ce qui fut conduit si dextrement que, de propos familiers, ilz se promirent mariage et se résolurent d'en avertir leurs parens. Quelque temps après, le fils du gentilhomme s'addressa au père de Pernette, lequel il combatit avec telles raisons, emmiellées de promesses de l'advantager en son propre, qu'il le rengea à sa volonté et qu'elle luy demoureroit à femme, pourveu que sa mère y consentist.

Or il faut entendre que les sœurs de Pernette estoient jalouses de son ayse et de ce qu'elle marchoit la première; tellement que, pour divertir leur père de sa promesse, elles luy mirent à sus choses et autres. D'autre part, la mère, qui se repentoit de l'avoir jamais portée en son ventre, ne voulut consentir à ce mariage si avant toutes choses Pernette ne levoit de terre, et avec sa langue, grain à grain, un boisseau plein d'orge,

NOUVELLE CXXIX. 2o5

que à ceste fin elle luy feroit espandre. Outre plus, le marchand, voyant que ce mariage ne plaisoit à sa femme, et prenant pied à ce que ses autres filles luy avoyent dit, voulut que dés lors en avant Pernette ne vestist autre habit qu'une peau d'asne qu'il luy achepta, pensant, par ce moyen, la mettre en desespoir et en desgouster son amy.

Pernette, au contraire, redoubloit son amour par la rigueur qu'on luy tenoit, et se promenoit souvent vestue de ceste peau. Ce qu'entendant son amy, il s'en va vers le marchand, lequel, faisant bonne mine et plus mauvais jeu, luy dit qu'il luy vouloit tenir promesse, mais que sa femme vouloit telle chose, qu'il luy compta, estre faicte, Pernette, oyant ces propos, se présente à son père et luy demande quand il vouloit qu'elle se mist en besogne. Son père, ne pouvant honnestement rompre sa promesse, luy assigna jour. Elle n'y faillit pas.

Comme elle estoit environ ces grains d'orge, ses père et mère faisoient soigneuse garde si elle en prendroit deux en une fois, afin de demourer quittes de leurs promesses; mais, comme la constance rend les personnes asseurées, voicy un nombre de formiz, qui se trainerent où estoit cest orge, et feirent telle diligence avec Pernette,

et sans qu'on les apperceust, que la place fut veue vuyde.

Par ce moyen Pernette fut mariée à son amy, duquel elle fut caressée et aymée comme elle avoit bien mérité. Vray est que, tant qu'elle vesquit, le sobriquet Peau d'Asne lui demoura.