LES NOUVELLES

ET

PREMIERE NOUVELLE En forme de préambule.

|e vous gardoys ces joyeux propos à I quand la paix serait faicte, afïin que (vous eussiez dequoy vous resjouir publiquement et privement et en toutes manières; mais, quand j'ay veu qu'il s'en falloit le manche, et qu'on ne sçavoit par où la prendre, j'ay mieux aymé m'avancer pour vous donner moyen de

tromper le temps, meslant des resjouissances parmy vos fascheries , en attendant qu'elle se face de par Dieu. Et puys je me suys avisé que c'estoit icy le vray temps de les vous donner, car c'est aux malades qu'il fault médecine; et vous asseurez que je ne fais pas peu de chose pour vous en vous donnant dequoy vous resjouir, qui est la meilleure chose que puysse faire l'homme. Le plus gentil enseignement pour la vie, c'est Bene vivere et lastari. L'un vous baillera pour ung grand notable qu'il fault reprimer son courroux; l'autre, peu parler; l'autre, croyre conseil; l'autre, estre sobre; l'autre, faire des amis. Et bien, tout cela est bon ; mais vous avez beau estudier, vous n'en trouverez point de tel qu'est : bien vivre et se resjouir. Une trop grand patience vous consume, ung taire vous tient géhenne, ung conseil vous trompe, une diète vous desseiche, ung amy vous abandonne. Et pour cela vous faut il désespérer? Ne vault il pas mieux se resjouir, en attendant mieux, que se fascher d'une chose qui n'est pas en nostre puissance? « Voire mais, comment me resjouiray je, si les occasions n'y sont? » direz vous. Mon amy, accoustumez vous y; prenez le temps comme il vient, laissez passer les plus chargez, ne vous chagrinez point d'une chose irrémédiable : cela ne fait que donner mal sur mal.

Croyez moy, et vous vous en trouverez bien, car j'ai bien esprouvé que pour cent francs de mélancolie n'acquiteront par pour cent solz de debtes. Mais laissons là ces beaux enseignemens. Ventre d'ung petit poysson ! rions. Et dequoy ? De la bouche, du nez, du menton, de la gorge, et de tous noz cinq sens de nature. Mais ce n'est rien qui ne rit du coeur; et, pour vous y aider, je vous donne ces plaisans Comptes ; et puis nous vous en songerons bien d'assez sérieux quand il sera temps.

Mais sçavez vous quelz je les vous baille? Je vous prometz que je n'y songe ny mal ni malice; il n'y ha point de sens allégorique, mystique, fantastique. Vous n'aurez point de peine de demander comment s'entend cecy, comment s'entend cela; il n'y fault ny vocabulaire ne commentaire : telz les voyez,telzles prenez. Ouvrezlelivre: si ung compte ne vous plait,hay à l'aultre ! Il y en ha de tous boys, de toutes tailles, de tous estocz, à tous pris et à toutes mesures, fors que pour plorer. Et ne me venez point demander quelle ordonnance j'ay tenue, car quel ordre fault il garder quand il est question de rire? Qu'on ne me vienne non plus faire des difficultez : « Oh ! ce ne fut pas cestuy cy qui fit cela. Oh! cecy ne fut pas fait en ce cartier là. Je l'avoys desja ouy compter! Cela fut faict

en nostre pays. » Riez seulement, et ne vous chaille si ce fut Gaultier ou si ce fut Garguille. Ne vous souciez point si ce fut àTours en Berry,ou à Bourges en Tourayne : vous vous tourmenteriez pour néant : car, comme les ans ne sont que pour payer les rentes, aussi les noms ne sont que pour faire debatre les hommes. Je les laisse aux faiseurs de contractz et aux intenteurs de procès. S'ils y prennent l'ung pour l'autre, à leur dam ; quant à moy, je ne suis point si scrupuleux. Et puis j'ay voulu faindre quelques noms tout exprès pour vous monstrer qu'il ne fault point plorer de tout cecy que je vous compte, car peult estre qu'il n'est pas vray. Que me chaut il, pourveu qu'il soit vray que vous y prenez plaisir ? Et puis je ne suis point allé chercher mes Comptes à Constantinople, à Florence, ny à Venise, ne si loing que cela : car, s'ilz sont telz que je les vous veulx donner, c'est à dire pour vous recréer, n'ay je pas mieux faict d'en prendre les instrumens que nous avons à nostre porte que non pas les aller emprunter si loing? Et, comme disoit le bon compagnon quand la chambrière, qui estoit belle et galante, luy venoit faire les messages de sa maistresse : « A quoy faire iray je à Romme? les pardons sont par deçà. » Les nouvelles qui viennent de si loingtain pays, avant qu'elles soient rendues

SUS le lieu, ou elles s'empirent comme le saffran, ou s'enchérissent comme les draps de soye, ou il s'en pert la moitié comme d'espiceries, ou se buffettent comme les vins, ou sont falsifiées comme les pierreries, ou sont adultérées comme tout. Brief, elles sont subgettes à mille inconveniens, sinon que vous me vueillez dire que les nouvelles ne sont pas comme les marchandises, et qu'on les donne pour le prix qu'elles constant . Et vrayement je le veux bien; et pour cela j'ayme mieulx les prendre prés, puis qu'il n'y ha rien à gaigner : Ha 1 ha ! c'est trop argué ! Riez si vous voulez, autrement vous me faites ung mauvais tour.

Lisez hardiment, dames et damoyselles, il n'y ha rien qui ne soit honneste; mais, si d'aventure il y en ha quelques unes d'entre vous qui soyent trop tendrettes et qui ayent peur de tomber en quelques passages trop gaillars, je leur conseille qu'elles se les facent eschansonner par leurs frères ou par leurs cousins, affin qu'elles mangent peu de ce qui est trop appétissant : « Mon frère, marquez moy ceulx qui ne sont pas bons, et y faictes une croix. — Mon cousin, cestuy cy est il bon? — Ouy. — Et cestuy ci? — Ouy. » Ah! mes fillettes, ne vous y fiez pas; ilz vous tromperont, ilz vous feront lire ung qidd pro quod. Voulez vous me croyre ? Lisez tout ; lisez, lisez ! Vous faictes

bien les eslroictes. Ne les lisez donc pas. A caste heure verra l'on si vous faictes bien ce qu'on vous défend. O quantes dames auront bien l'eau h la bouche quand elles orront les bons tours que leurs compagnes auront faictz, et qu'elles diront bien qu'il n'y en ha pas à demy ! Mais je suis content que devant les gens elles facent semblant de couldre ou de filler, pourveu qu'en destournant les yeulx elles ouvrent les oreilles, et qu'elles se reservent à rire quand elles seront à part elles. Eh! mon Dieu, que vous en comptez de bonnes quand il n'y ha qu'entre vous femmes, ou qu'entre vous fillettes ! Grand dommage ! Ne fautil pas rire ?

Je vous dy que je ne croy point ce qu'on dict de Socrate, qu'il fust ainsi sans passions. Il n'y ha ne Platon ne Xenophon qui le me fîst accroyre. Et quand bien il seroit vray, pensez vous que je loue ceste grande sévérité, rusticité, tetricité, gravité? Je loueroys beaucoup plus celuy de nostre temps qui ha esté si plaisant en sa vie que, par une antonomasie, on l'ha appelle le Plaisantin : chose qui luy estoit si naturelle et si propre qu'à l'heure mesme de la mort, combien que tous ceulx qui y estoyent le regrettassent, si ne purent ilz jamais se fascher, tant il mourut plaisamment. On luy avoit mis son lict au long du feu, sus le piastre du

NOUVELLE I. l3

foyer, pour estre plus chaudement; et, quand on luy demandoit : « Or ça, mon amy, où vous tient il ? » il respondoit tout foiblement, n'ayant plus que le cueur et la langue : « Il me tient, dist il, entre le banc et le feu, » qui estoit à dire qu'il se portoit mal de toute la personne. Quand ce fut à luy bailler l'extrême onction, il avoit retiré ses piedz à Cartier tous en ung monceau, et le prestre disoit : « Je ne sçay où sont ses piedz. — Eh! regardez, dit il, au bout de mes jambes, vous les trouverez! — Et, mon amy, ne vous amusez point à railler, luy disoit on ; recommandez vous à Dieu. — Et qui y va? dist il. — Mon amy, vous irez aujourd'huy, si Dieu plaist. — Je voudrois bien estre asseuré, disoit il, d'y pouvoir estre demain pour tout le jour. — Recommandez vous à luy, et vous y serez en huy. — Et bien , disoit il, mais que j'y soys, je feray mes recommandations moy mesmes. » Que voulez vous de plus naïf que cela? quelle plus grande félicité ? Certes, d'autant plus grande qu'elle est octroyée à si peu d'hommes.

NOUVELLE II Des trois [oh, Cailklle, Tribould d PoUlc.

ES pages avoyent attaché l'oreille h Caillette avec un clou contre un pos- I teau, et le povre Caillette demouroit et ne disoit mot, car il n'avoit point d'autre appréhension, sinon qu'il pensoit estre confiné là pour toute sa vie. Il passe un des seigneurs de court qui le voit ainsi en conseil avec ce pillier, qui le fait incontinent desgager de là, s'enquerant bien expressément qui avoit faict cela, et qui l'ha mis là. Que voulez vous? un sot l'ha mis là, un sot l'ha là mis. Quand on disoit : « Ce ont esté les pages , » Caillette respondoit bien en son idiotisme : « Ouy, ouy, ce ont esté les pages. — Sçauras tu congnoistre lequel ce ha esté.? — Ouy, ouy, disoit Caillette, je sçay bien qui ç'ha esté.» L'escuyer, par commandement du seigneur, fait venir tous ses gens de bien de pages en la présence de ce saige homme Caillette, leur demandant à tous l'un après l'autre : « Venez ça, ha ce esté vous.-" » Et mon pagede le nier, hardy comme

un saint Pierre. « Nenny, Monsieur, ce n'ha pas esté moy. — Et vous? — Ny moy. — Et vous? — Ny moy aussi. » Mais allez faire dire ouy à un page quand il y va du fouet ! Caillette estoit là devant qui disoit en cailletois : « Ce n'ha pas esté moy aussi. » Et, voyant qu'ilz disoient tous nenny, quand on lui demandoit : « Ha ce point esté cestuy cy? — Nenny, disoit Caillette. — Et cestuy cy? — Nenny. » Et, à mesure qu'ilz respondoyent nenny, l'escuyer les faisoit passer à costé, tant qu'il n'en resta plus qu'un, lequel n'avoit garde de dire ouy, après tant d'honnestes jeunes gen? qui avoient tous dict nenny; mais il dict comme les autres : « Nenny, Monsieur, je n'y estois pas. » Caillette estoit tousjours là, pensant qu'on le deust aussi interroger si ç'avoit esté luy : car il ne luy souvenoit plus qu'on parlast de son oreille. De sorte que, quand il veit qu'il n'y avoit plus que luy, il va dire: « Je n'y estois pas aussi. » Et s'en va remettre avec les pages, pour se faire coudre Taultre oreille au premier pillier qui se trouveroit.

A l'entrée de Rouan, je ne dis pas que Rouan entrast, mais l'entrée se faisoit à Rouan, Triboulet fut envoyé devant pour dire : « Voy les cy venir, » qui estoit le plus fier du monde d'estre monté sur un beau cheval caparassonné de ses

couleurs, tenant sa marotte des bonnes festes. Il picquoit, il couroit, il n'alloit que trop. Il avoit un maistre avec luy pour le gouverner. Et,povre maistrel tu n'avoys pas besongne faicte : il y avoit belle matière pour le faire devenir Triboulet luy mesmes. Ce maistre luy disoit : « Vous n'arresterez pas, vilain? Si je vous prens... Arresterez vous?... » Triboulet, qui craignoit les coups, car quelquefois son maistre luy en donnoit, vouloit arrester son cheval ; mais le cheval se sentoit de ce qu'il portoit, car Triboulet le picquoit à grands coups d'esperon, il luy haussoit la bride, il la luy secouoit. Et cheval d'aller. « Meschant , vous n'arresterez pas? disoit son maistre. — Par le sang Dieu, disoit Triboulet, car il juroit comme un homme, ce meschant cheval, je le pique tant que je puis, encores ne veut-il pas demeurer 1 » Que diriez vous là, sinon que nature ha envie de s'ebatre quand elle se met à faire ces belles pièces d'hommes; lesquelz seroient heureux, mais ilz sont trop ignoramment plaisans et ne sçavent pas congnoistre qu'ilz sont heureux, qui est le plus grand malheur du monde.

Il y avoit un autre fol nommé Polite, qui estoit à un abbé de Bourgueil. Un jour, un matin, un soir, je ne sçaurois dire l'heure, monsieur l'abbé avoit une belle garse toute vive couchée auprès

de luy, et Polite le vint trouver au lict et mit le bras entre les linceux par les piedz du lit, là où il trouve premièrement un pied de créature humaine ; il va demander à l'abbé : « Moyne, à qui est ce pied? — Il est à moy,dit l'abbé. — Et cestuy cy? — Il est encore à moy. » Et ainsi qu'il prenoit ces piedz, il les mettoit à part et les tenoit d'une main, et de l'autre main il en print encore un, en demandant : « Et cestuy cy, à qui est-il? — A moy, ce dict l'abbé. — Ouay, di Polyte; et cestuy ci? — Va, va, tu n'es qu'un fol, dict l'abbé, il est aussy à moy. — A tous les diables soit le moine! dict Polite, il ha quatre piedz comme un cheval. » Et bien pour cela, encores n'estoit il fol que de bonne sorte. Mais Triboulet et Caillette estoyent folz à vingt et cinq quarraz, dont les vingt et quatre font le tout. Or ça, les folz ont fait l'entrée, mais quelz folz! Moy tout le premier, à vous en compter, et vous le second, à m'escouter, et cestuy là le treizième, et l'autre le quatriesme. Oh! qu'il y en ha! Jamais ce ne seroit faict. Laissons les icy et allons chercher les sages. Esclairez prés, je n'y voy goutte.

Du chantre bassccontrc de Saint Hilaire de Poytiers, qui (iccompara les chanoines à leurs potages.

' N l'église Sainct Hilaire de Poytiers y 'eut jadis un chantre qui servoit de . bassecontre, lequel, parce qu'il estoit bon compaignon et qu'il beuvoit bien , ainsi que volentiers font telles gens, estoit bien venu entre les chanoines, qui l'appelloyent souvent à disner et à soupper, et, pour la familiarité qu'ilz luy faisoient, luy sembloit qu'il n'y avoit celuy d'eux qui ne desirast son avancement; qui estoit cause que souvent il disoit à l'un et puis à l'autre : « Monsieur, vous sçavez combien de temps il y ha que je sers en l'église de céans; il seroit désormais temps que je fusse pourveu : je vous prie le vouloir remontrer en chapitre. Je ne demande pas grand chose : vous autres, Messieurs, avez tant de moyens, je me contenteray de l'un des moindres. » Sa requeste estoit bien prise et escoulée, et chascun d'eux en particulier luy faisoit

bonne response, disant que c'estoit chose raisonnable. « Et quand chapitre n'auroit la commodité de te recompenser, luy disoyent ils, je t'en bailleray plustost du mien. » Somme, à toutes les entrées et issues de chapitre, où il se trouvoit tousjours pour se ramentevoir à messieurs, ilz luy disoient à une voix : « Atten encores un petit, chapitre ne t'oubliera pas, tu auras le premier qui vacquera. » Mais, quand ce venoit au fait, il y avoit tousjours quelque excuse : ou que le bénéfice estoit trop gros, et pourtant l'un de messieurs l'avoit eu; ou qu'il' estoit trop petit et qu'on ne luy voudroit faire présent de si peu de chose ; ou qu'ilz avoient esté contraintz de le bailler à l'un des neveuz de leur frère, mais qu'il n'y auroit faute qu'il n'eust le premier vacquant. Et de ces belles parolles ilz entretenoient ce bassecontre, tant que le temps se passoit, et servoit tousjours sans rien avoir. Et ce pendant il faisoit tousjours quelque présent selon sa petite faculté à messieurs tel et tel, de ceux qu'il congnoissoit avoir plus grande voix en chapitre, comme fruitz nouveaux, poulletz, pigeonneaux, perdriaus, selon la saison, que le povre chantre acheptoit au marché vieux, ou à la regretterie, leur faisant à croire qu'ilz ne luy coustoyent rien. Et tousjours ilz prenoient.

A la fin, le bassecontre, voyant qu'il n'en es-

toit jamais meilleur, ains qu'il y perdoit son temps, son argent et sa peine, se délibéra de ne s'y attendre plus; mais il se proposa de leur montrer quelle opinion il avoit d'eux. Et, pour ce faire, il trouva façon de mectre cinq ou six escuz ensemble, et tandis qu'il les amassoit (car il y falloit du temps), il commença à tenir plus grand compte de messieurs qu'il n'avoit de coustume et à user de plus grande discrétion. Quand il veit son jour à point, il s'en vint aux principaux d'entre eux, et les pria l'un après l'autre qu'ilz luy voulussent faire cest honneur de disner le dimanche prochain en sa maison, leur disant qu'en neuf ou dix ans qu'il y avoit qu'il estoit à leur service, il ne pouvoit faire moins que de leur donner une fois à disner, et qu'il les traiteroit, non pas comme il leur appartenoit, mais au moins mal qu'il luy seroit possible, tousjours usant de telles parolles de respect.

Hz luy promirent; mais ilz ne furent pas si mal songneux, quand ce vint le jour assigné, qu'ilz ne fissent faire leur cuisine ordinaire chascun chez soy, de peur d'estre mal disnez chez ce bassecontre, se fians plus en sa voix qu'en sa cuisine. A l'heure du disner, chascun envoyé son ordinaire chez le chantre, lequel disoit aux valetz qui l'aportoyent : « Comment, mon amy, Monsieur

vostre maistre me faict il ce tort? Ha il si grand peur d'estre mal traitté? Il ne devoit rien envoyer. » Et ce pendant il prenoit tout, et, à mesure qu'ilz venoyent, il mettoit tous les potages ensemble en une grande marmite qu'il avoit expressément apprestée en un coing de cuisine.

Voicy messieurs venuz pour disner, qui s'assi- „,>;«:?£. rent tous selon leurs indignitez. Le chantre leur présente de belle entrée de table les potages de ceste marmite, et Dieu sçait de quelle grâce ilz estoyent : car l'un avoit envoyé un chappon aux porreaux, l'aultre au safran ; l'aultre avoit la pièce de beuf poudrée aux naveaux, l'aultre un poullet aux herbes, l'aultre bouilly, l'aultre rosty. Quand ilz virent ce beau service, ilz n'eurent pas le courage d'en manger; mais ilz attendoyent chascun que leur potage vinst, sans prendre garde qu'ilz les heussent devant eux. Mon chantre, qui alloit et venoit, faisant bien l'empesché à les servir, regardoit tousjours leur contenance de table.

Estant le service un peu long, ilz ne se peurent tenir de luy dire : « Oste nous ces potages, bassecontre, et nous apporte les nostres. — Ce sont bien les vostres, dict il. — Les nostres! non sont pas. — Si sont bien, dict il à l'un, voylà voz naveaux; à l'autre, voilà voz choux; à l'autre, voilà voz porreaux. » Lors ilz commencèrent à recon-

gnoistre chacun leurs soupes et à s'entreregarder. « Vrayement, dirent ilz, nous en avons d'une. Est-ce ainsi que tu traictes tes chanoines, bassecontre? — Le diable y ayt part! je disois bien que ce fol nous tromperoit, disoit l'un ; j'avois le meilleur potage que je mangeay de cest an. — Et moy, disoit l'autre, j'avois tant bien faict accoustrer à disner! je me doubtois bien qu'il le valloit mieux manger chez moy. »

Quand le bassecontre les eut bien escoutez : « Messieurs, dit il, si voz potages esloyent tous si bons, comment seroyent ilz empirez en si peu de temps? Je les ay faict tenir auprès du feu, bien couvertz; il me semble que je ne pouvois mieulx faire. — Voire mais, dirent ilz, qui t'ha appris à les mettre ainsi tous ensemble? Sçavois tu pas bien qu'ilz ne vaudroyent rien en la sorte? — Et doncq, dit il, ce qui est bon à part n'est pas bon assemblé? Vrayement, dit il, je vous en croy, et ne fust ce que vous autres, messieurs : car, quand vous estes chascun à part soy, il n'est rien meilleur que vous estes; vous promettez monts et vaulx, vous faictes tout le monde riche de vos belles paroles; mais, quand vous estes ensemble en vostre chapitre, vous ressemblez à voz potages. »

Alors ilz entendirent bien ce qu'il vouloit dire.

« A ah ! dirent ilz, c'estoit doncq là que tu nous attendois! Vrayement, tu as raison, va! Mais ce pendant, ne disnerons nous point? — Si ferez, si ferez, dist il, mieulx qu'il ne vous appartient. » Et leur apporta ce qu'il leur avoit faict accoustrer, dont ilz mangèrent tresbien, et s'en allèrent contens. Et conclurent ensemble dés l'heure qu'il seroit pourveu; ce qu'ilz firent. Ainsi son invention de soupes luy valut plus que toutes ses requestes et importunitez du temps passé.

Du bassecontn de Reims, chantre, Picard et maistre

In chantre de Nostre Dame de Reins ^en Champagne avoit singulièrement ibonn voix de bassecontre, mais c'estoit l'homme du monde le plus fort à tenir, car il ne passoit jour qu'il ne fist quelque follie : il frappoit l'un, il battoit l'autre, il jouoit aux cartes et aux dez, il estoit tousjours en la taverne ou

après les garses; dont les plaintes se faisoyent à toutes heures à messieurs de chapitre, lesquelz le remontroyent souvent à ce bassecontre, le menaçant à part et en public, et luy faisoyent assez de fois promettre qu'il seroit homme de bien; mais, incontinent qu'il estoit hors de devant eux, messire Jehan Cevin luy remettoit sa haute game en la teste, qui le faisoit tousjours retourner h ses bonnes coustumes.

Or estoyent ilz contraints d'en endurer pour deux raisons : l'une, qu'i] chantoit fort bien; l'autre, qu'ilz l'avoyent prirae la main d'un archediacre de l'église auquel ilz portoyent honneur; et ne luy vouloyent pas reprocher les follies de l'homme, pensans qu'il les sceust aussi bien comme eux et qu'il l'en deust reprendre, comme à la vérité il faisoit quand il en estoit adverti ; mais il n'en sçavoit pas la moitié.

Advint un jour que ce chantre fît une faulte si scandaleuse que les chanoines furent contraints de le dire pour une bonne fois à monsieur l'archediacre, luy remontrans comme, pour le respect de luy, ilz avoyent longuement supporté les insolences de cest homme ; mais, maintenant qu'ilz le voyoient incorrigible et qu'il alloit tousjours en empirant, ilz ne s'en pouvoient plus taire. « 11 ha, dirent ilz, ceste nuict passée, batu un prebstre

tant qu'il ne dira messe de plus de deux mois. Si n'eust esté pour l'amour de vous, long temps ha que nous l'eussions chassé; m.ais, n'y voyans plus autre remède, nous vous prions de ne trouver poinct mauvais si nous vous en disons ce qui en est. »

L'archediacre leur fit responce qu'ilz avoyent raison et qu'il y donneroit ordre; et, de fait, envoyé incontinent quérir ce bassecontre, lequel se doubta bien que ce n'estoit pas pour luy donner un bénéfice. Toutesfois il y va. Il ne fut pas si tost entré que monsieur l'archediacre ne luy commençast à chanter une autre leçon que de matines. « Vien ça, dit il. Tu sçaiz combien de temps il y ha que ceux de l'église de céans endurent de toy et combien j'ay eu de reproches pour ta vie. Sçaiz tu qu'il y ha? Va t'en, et ne te trouve plus devant moi. Je ne veux plus endurer de reproches pour un homme tel que toy. Tu n'es qu'un fol. Si je faisois mon devoir, je te ferois mettre au pain et à l'eau d'icy à un an. » Il ne faut pas demander si mon chantre fut peneux. Toutesfois, il ne fut pas si estonné qu'il ne se mist en responce. « Monsieur, dit il, vous qui vous congnoissez si bien en gens, vous esbahissez vous si je suis fol? Je suis chantre, je suis Picard et maistre aux arts. » L'archediacre, à ceste responce, ne sçavoit

que faire, de s'en fascher ou de s'en rire; mais il le tourna du bon costé, car il appaisa un peu sa colère, et luy fut force de faire comme l'evesque du Courtisan, lequel pardonna au prebstre qui avoit engrossé cinq nonnains, ses filles spirituelles, pour la soudaine responce qu'il luy fit : (( Domine, qiiinque talenta tradidisti mihi, ecce alia , , quinque superlucratus sum. »

N^' Un Picard ha la teste prés du bonnet, un

chantre ha tousjours quelques minimes en son cerveau, un maistre aux arts est si plein d'ergotz qu'on ne sçauroit durer auprès de luy. Et vrayment, quand ces trois bonnes qualitez sont en un personnage, on ne se doibt pas esmerveiller s'il est un petit coquelineux, mais se faudroit bien plus esmerveiller s'il ne l'estoit point.

Des trois seurs nouvelles espousées qui respondirent chascune un bon mot à leur mary la première nuîct de leurs nopces./n- 4^/.^^^,^U .

[u pais d'Anjou y eut jadis un gentil- ) homme qui estoit riche et de bonne ! maison, mais il estoit un peu suget à ses plaisirs. Il avoit trois filles belles et de bonne grâce, et de tel âge que la plus petite eust bien attendu le combat corps à corps. Elles estoient demeurées sans mère ja long temps avoit; et parce que le père estoit encores en bon âge, il entretenoit tousjours ses bonnes coustumes, qui estoient de recevoir en sa maison toutes joieuses compaignies, là où l'ordinaire estoit de baller, jouer, et de faire toutes sortes de bonnes chères. Et d'autant qu'il estoit de sa nature indulgent, facile et sans grand soin du fait de sa maison, ses filles avoient assez de liberté de deviser avec les jeunes gentilz hommes , lesquelz , communément , ne parlent pas de renchérir le pain, ni encores du

gouvernement de la republique. Davantage, le père faisoit l'amour de son costé comme les autres, qui donnoit une hardiesse plus grande aux jeunes damoyzelles de se laisser aymer, et, par conséquent, d'aymer aussi : car elles, ayans le cueur en bon lieu et sentant leur bonne maison, estimoient estre chose de reproche et d'ingratitude d'estre aimées et n'aimer point.

Pour toutes ces raisons ensemble, estant chascune d'elles prisée, caressée et poursuivie tous les jours et à toutes heures, elles se laissèrent gaigner à l'amour, eurent pitié de leur semblable et commencèrent à jouer au passetemps de deux à deux chascune en leur endroit; auquel jeu elles exploicterent si bien que les enseignes en sortirent : car la plus âgée, qui estoit meure et drue, ne se print garde que le ventre luy leva, dont elle fut un peu estonnée, car il n'y avoit moien de se tenir couverte, d'autant qu'en un lieu où il n'y ha point de mère, lesquelles se prennent garde que leurs filles ne soient trop tost abusées, ou bien elles sçavent remédier aux inconveniens quand il leur est advenu quelque surprise. Et la fille n'ayant advis ny moien aulcun de se desrober sans le congé de son père, ce fut force qu'il le sceust.

Quand il eut entendu ceste nouvelle, il en fut fasché de prime face ; mais il ne s'en désespéra

point aultrement, d'autant qu'il estoit de ceste bonne paste de gens qui ne prennent point trop les matières à oueur. Et, à dire vray, dequoy sert il se tourmenter d'une chose quand elle est faicte, sinon de l'empirer? Il envoie soudain sa fille aisnée à deux ou trois lieues de là, chez une de leurs tantes, soubz couleur de maladie, et que, par i'advis des médecins, le changement d'air luy estoit nécessaire; et ce en attendant que les petits piedz sortissent.

Mais, comme une fortune ne vient jamais seule, ce pendant qu'elle sortoit d'affaires, sa seur la seconde y entroit, peut estre par p^rmjissioB divine, pour s'estre en son cueur mocquée de sa seur aisnée, dont Dieu la voulut punir. Pour faire court, elle s'apperceut qu'elle en avoit dedans le dos, dy je dedans le ventre , et le père le sceut aussi. « Et bien, dit il, Dieu soit loué : c'est le monde qui croist. Nous fusmes ainsi faitz. » Et là dessus, se doubtant de tout, il s'en vint à la plus ^ jeune, laquelle n'estoit pas encores grosse, mais elle en faisoit son debvoir tant qu'elle pouvoit. « Et toy, ma fille, comment te portes tu ? N'as tu pas bien suivy le train de tes sœurs aisnées? » La fille, qui estoit jeunette, ne se peut tenir de rougir, ce que le père print pour une confession. « Or bien, dit il, Dieu nous doint bonne aven-

3o NOUVELLE V.

ture et nous garde de plus grande fortune! » Si se pensa' pourtant qu'il estoit temps de pourvoir à ses affaires, ce qu'il congnoissoit bien ne pouvoir mieulx faire qu'en mariant ses trois filles. Mais il le trouvoit un petit malaysé, car il sçavoit bien que de les bailler à ses voisins, il n'y avoit ordre, d'autant que le faict de sa maison estoit congneu, ou pour le moins bien suspect. D'aultre part, de les faire prendre à ceulx qui estoyent les faiseurs, ce n'estoit chose qui se peust bonnement faire : car possible qu'il y en avoit plus d'un, et que l'un avoit fait les piedz, l'aultre les oreilles, et quelque aultre encores le nez : que sçait on comme les choses de ce monde vont? et puis,encore qu'il n'y en eust eu qu'un à chascune, un homme ne se fie pas voulentiers à une fille qui luy a preste un pain sus la fournée. Et pour ce, le père trouva le plus expédient d'aller chercher des gendres un peu à l'escart. Et comme les hommes de joyeuse nature et de bonne chère à grand peine jamais finissent ilz mal, il ne faillit pas à rencontrer ce qu'il luy faisoit besoin, qui fut au pays de Bretaigne, où il estoit bien congneu, tant pour le nom de sa maison que pour le bien qu'il avoit audit pays, non gueres loin de la ville de Nantes; au moyen de quoy luy fut facile de causer son voyage là dessus. Brief, quand il fut audit pays.

NOUVELLE V. 3l

tant par personnes interposées que par luy mesines, il mit en avant le mariage de ses filles ; à quoy les Bretons ouvrirent assez tost les oreilles, de sorte qu'il en trouva à choisir. Mais, entre tous, il trouva une riche maison de gentil homme de Bretaigne où y avoit trois filz de bon âge et de belle taille, beaux danseurs de passepiedz et de trihoriz, beaux luiteurs, et n'en eussent craint homme collet à collet : de quoy mon gentil homme fut fort ayse; et par ce que le plus tost estoit le meilleur, il conclud son affaire promptement avec le père et les trois enfans, qu'ilz prendroyent ses trois filles en mariage, et mesmes qu'ilz feroyent de trois nopces unes, sçavoir est qu'ilz espouseroyent tous trois en un jour. Et pour ce faire, les trois frères s'appresterent en peu de temps, et partirent de leur maison pour venir en Anjou avec le père des trois filles.

Or n'y avoit celuy des trois qui ne fust assez accort : car, combien qu'ilz fussent Bretons, toutesfois ilz n'estoyent pas tonnans, et s'estoyent meslez de faire bons tours avec ces Bretes, qui sont de assez bonne volonté, comme l'on dit, toutesfois hors de combat. Quand ilz furent en la maison du gentil homme, ilz se prindrent à regarder la contenance chascun de sa chascune, et les trouvèrent toutes trois belles, disposes et es-

veillées; parmy cela, qui faisojent bien les sages. Les mariages furent concludz, les apprestz se firent; ilz achepterent leurs bancs et leurs selles de l'evesque.

Quand la veille des nopces fut venue, le père appella ses trois filles en une chambre à part, et leur va dire ainsi : « Venez ça. Vous sçavez quelle faulte vous avez faicte toutes trois, et en quelle peine vous m'avez mis. Si j'eusse esté de la nature de ces pères rigoureux, je vous eusse desavouées pour filles, et jamais n'eussiez amendé de mon bien. Mais j'ay mieux aymé prendre peine une bonne fois pour raccoustrer les choses, que non pas vous mettre toutes trois en desespoir, et moy en perpétuel regret pour vostre follie. Je vous ay icy amené à chascune un mary : délibérez vous de leur faire bonne chère; ayez bon courage, vous n'en mourrez pas. S'ilz s'apperçoivent de quelque chose, à leur dam! pourquoy y sont ilz venuz.? Il les falloit aller quérir. Quand vous faisiez vos estatz, vous ne songiez pas en eulx, n'est il pas vray? » Elles respondirent toutes trois en soubzriantque non. « Et bien donc, dit le père, vous ne leur avez point encores faict de faulte. Mais pour l'advenir ne me mettez plus en cest ennuy par faulte de bien vous gouverner; gardez vous en bien. Et je vous asseure que je suis délibéré de

mettre en oubly toutes les faultes du temps passé. Et si y ha bien plus : pour vous donner meilleur courage,' je vous prometz que celle de vous qui dira le meilleur savouret la première nuict qu'elle sera avec son mary, je luy donneray deux cens escus davantage qu'aux deux autres. Or allez, et pensez bien à vostre cas. » Après ce bon admonestement il se va coucher, et les filles aussi, lesquelles pensèrent bien chascune à part soy quel bon mot elles pourroyent dire la nuict des combatz, pour avoir ces deux cens escus. Mais elles se délibérèrent à la fin d'attendre l'assaut, espérant que le bon Dieu leur donneroit sus l'heure ce qu'elles auroyent à dire.

Le jour des nopces fut l'endemain. Hz espousent, ilz font grand chère, ilz ballent; que voulez vous de plus? Les litz se font, les trois pucelles se couchent, et les maris après. Celuy de la plus grande, en la mignardant, luy met la main sus le ventre et par tout, qui trouva incontinent qu'il estoit un petit ridé par le bas, qui luy fit souvenir qu'on la luy avoit belle baillée. « O ho! dit il, les oyseaux s'en sont allez. » La damoiselle luy respond tout contant : « Tenez vous au nid. » Et une.

Le mary de la seconde, en la maniant, trouva que le ventre estoit un peu rond. « Comment! dit il.

la grange est pleine? — Battez à la porte,» luy respondit elle. Et deux.

Le mary de la tierce, en jouant les jeux, cogneut incontinent qu'il n'estoit pas le fol. « Le chemin est batu, » dit il. La jeune fille luy dit : « Vous ne vous en esgarerez pas si tost. « Et trois.

La nuit se passe ; le l'endemain elles se trouvèrent devant leur père, et chascune luy rapporta ce qui lui estoit advenu et ce qu'elle avoit respondu. Queritur à laquelle des trois le père devoit donner les deux cens escus. Vous y songerez, et ne sçay si vous serez point des miens, qui suis d'advis qu'elles debvoyent toutes troys départir les deux cens escus, ou bien en avoir chascune deux cens, propter mille rationes, quorum ego dicam tantum unam brevitatis causa : c'estoit que toutes trois estoyent de bonne volonté; toute bonne volonté est réputée pour le fait : ergo in tantum consequentia est in barbara, ou ailleurs. Mais ce pendant, s'il ne vous desplait, je vous feray une question à propos de ceste cy : « Lequel vous aymeriez mieulx estre, cocu en herbe, ou en gerbe? » Et ne respondez pas trop tost qu'il vault mieux l'avoir esté en herbe, et ne l'estre point en gerbe : car vous sçavez combien c'est chose rare et de grand contentement que d'espouser une pucelle. Et bien, s'elle vous fait cocu après, le plaisir vous demeure

tousjours, je ne dis pas d'estre cocu, je dy de l'avoir dépucelée. Et puis vous avez mille faveurs, mille avantages à cause d'elle. Pantagruel le dit bien ; mais je ne veux pas en debatre les raisons d'une part et d'aultre, je vous en laisse le pensement à vostre loisir; puis vous m'en sçaurez à dire.

Du mary de Picardie qui retira sa femme de l'amour pour une remonstrance qu'il luy fit en la présence des parens d'elle.

)L y eut jadis un roy de France duquel ^£le nom ne se sçait poinct au vray quant îà cest affaire dont nous voulons parler ; tant y a qu'il estoit bon roy et digne de sa couronne. Il se rendoit fort communicatif à toutes personnes, et s'en trouvoit bien, car il apprenoit les nouvelles auprès de la vérité , ce qu'on ne fait pas quand on n'escoute. Pour venir à nostre compte , ce bon roy se pourmenoit par

les contrées de son royaume, et mesmes (|uelc|ue fois alloit par ville en habit dissimulé pour mieux entendre la vérité de toutes sortes d'affaires. Un jour il voulut visiter son pais de Picardie en personne royale, portant toutesfois sa privauté accoustumée. Estant à Soissons, il vit venir les plus apparens de la ville, et les fit seoir à sa table par signe de grande familiarité, les invitant et enhardissant à luy compter toutes nouvelles, les unes joyeuses, les autres sérieuses, ainsi qu'il vint à propos. Entre autres il y en eut un qui se mit à compter devant le roy la nouvelle qui s'ensuit :

« Sire, il est advenu, dit il, depuis n'hagueres, en une de vos villes de Picardie, qu'un personnage de robe longue et de justice, lequel vit encores, ayant perdu sa femme après avoir esté assez longuement avec elle, et s'estant assez bien trouvé d'elle, prjnt envie de se marier en secondes nopces h une fille qui estoit belle et jeune, et de bon lieu; non toutesfois qu'elle fust sa pareille en biens, et moins encores en autres choses, car il estoit desja plus de demy passé, et elle en la fleur de ses ans et gaillarde à l'advenant, tellement qu'il n'avoit pas le fouet pour mener ceste trompe. Quand elle eut commencée gouster un petit que c'estoit des joyes de ce monde, elle sentit que son mary ne la faisoit ([ue mectre en appétit ; et, corn-

bien qu'il la traictast bien d'habillemens, de la bouche, de bonne chère, de visage et de parolles, toutesfois cela n'estoit que mectre le feu auprès des estoupes : si bien qu'il lui print fantasie d'emprunter d'ailleurs ce qu'elle n'avoit pas à son gré à la maison. Elle fait un amy, auquel elle se tint pour quelque temps; puis, ne se contentant de luy seul, en fit un autre, et puis un autre, de manière qu'en peu de temps ilz se trouvèrent si bon nombre qu'ilz nuisoyent les uns aux autres, entrans à heures deues et indeues en la maison pour l'amour de la jeune femme, qui avoit desja mis à part la souvenance de son honneur pour entendre du tout à ses plaisirs, ce pendant que son mary ne s'en advisoit pas, ou par adventure si bien, mais il s'armoit de patience, songeant en luy mesmes qu'il falloit porter la pénitence de la follie qu'il avoit faicte d'avoir sus le haut de son âge prins une fille si jeune d'ans.

« Ce train dura et continua tant que ceux de la ville en tenoyent leurs comptes, dont les parens de luy se fascherent fort; l'un desquelz ne se peut plus tenir qu'il ne le luy vinst dire, luy remonstrant la rumeur qui en estoit, et que, s'il n'y obvioyt, il donneroit à penser qu'il seroit de vil courage, et en fin qu'il seroit laissé de tous ses parens et des gens de sorte. Quand il eut entendu ce propos, il

fit semblant devant celuytiuiluy tenoit tel que lecas le requeroit, c'est à dire d'un grand desplaisir et fascherie, et luy promit que il mettroit ordre par tous les moyens à luy possibles. Mais, quand il fut à part soy, il songea bien ce qui en estoit, qu'il estoit hors de sa puissance de nettoyer si bien un tel affaire que les taches n'en demeurassent tousjours ou long temps. Il pensoit que la femme se deust garder par un respect de la vertu et par crainte de son deshonneur; autrement toutes les murailles de ce monde ne la sçauroyent tenirqu'elle ne fist une fois des siennes. Davantage, luy qui estoit homme de bon discours, raisonnoit en soymesmes que l'honneur d'un homme tiendroit à bien peu de chose s'il dependoit du fait d'une femme. Ce qui le gardoit d'appréhender les matières trop avant.

« Toutesfois, pour ne sembler estre nonchalant de son inconvénient domestique, lequel est estimé si deshonneste du commun des hommes, il s'avisa d'un moyen, lequel seul il pensoit estre expédient en tel cas : ce fut qu'il achepta une maison qui estoit joignante au derrière de la sienne, et des deux en fît une, disant qu'il vouloit s'accommoder d'une entrée et d'une issue par deux costez. Ce qui fut exécuté diligemment, et fut posé un huis de derrière le plus proprement qu'il

NOUVELLE VI. 'iq

se peut aviser, duquel il fit faire demie douzaine de clefz, et n'oublia pas à faire faire une gallerie bien propice pour les allans et venans. Cela ainsi appresté, il choisit un jour de commodité pour invitera disner les principaux parens de sa femme, sans toutesfois appeller ceux du costé de luy pour celle fois. Il les traitta bien et à bonne chère. Quand ilz eurent disné, avant que personne se levast de table, il se print à leur dire ainsi en la présence de sa femme :

« Messieurs et mes dames, vous sçavez com- « bien de temps il y ha que j'ay espousé vostre pa- « rente que voicy ; j'ay eu le loisir de congnoistre « que ce n'estoit pas à moy à qui elle se devoit « marier, d'autant que nous n'estions pas pareilz « elle et moy. Toutesfois, quand ce qui est fait « ne se peult defïaire, il fault aller jusques au <t bout. » Puis, en se tournant vers sa femme, luy dit : '( Mamie, j'ay eu depuis peu de temps en ça « des reproches de vostre gouvernement, lesquel- « les m'ont grandement despieu. Il m'ha esté dit « que vous avez des jeunes gens qui viennent « céans à toutes heures du jour pour vous entre- « tenir, chose qui est à vostre grand deshonneur « et au mien. Si je m'en fusse apperceu d'heure, « j'y eusse pourveu plustost et mieux. Si est ce « qu'il vault mieux tard que jamais. Vous direz à

« ceux qui vous hantent que d'icy en avant ilz '( entrent plus discrettement pour vous venir voir, « ce qu'ilz pourront faire par le moyen d'une « porte de derrière que je leur ay fait faire, de « laquelle voicy demie douzaine de clefz que je « vous baille pour leur en donner à chascun la « sienne; et s'il n'y en ha assez, nous en ferons « faire d'autres : le serrurier est à nostre comman- « dément. Et leur dictes qu'ilz trouvent manière « de départir leur temps le plus commodément « pour vous et pour eux qu'il sera possible : « car, si vous ne vous voulez garder de mal faire, « au moins ne pouvez vous que le faire secrette- « ment, pour garder le monde de parler contre « vous et contre moy. »

<c Quand la jeune femme eut ouy ces propos, venans de son mary, et en la présence de ses parens, elle commença à prendre vergoigne de son faict, et luy vint au devant le tort et deshonneur qu'elle faisoit à son mary, à ses parens et à soymesmes, dont elle eut tel remors que deslors en là elle ferma la porte à tous ses amoureux et à ses plaisirs desordonnez, et depuis vesquit avec son mary en femme de bien et d'honneur. »

Le roy, ayant ouy ce compte, voulut sçavoir qui estoit le personnage : « Foy de gentilhomme, dit il, voilà l'un des plus froids et plus patiens

NOUVELLE vil. 41

hommes de mon royaume! Il feroit bien quelque chose de bon, puis qu'il sçait si bien faire la patience. » Et dés l'heure lui donna Testât de procureur gênerai au pais de Picardie.

Quant est de moy, si je sçavois le nom de cest homme de bien, je le voudroys honnorer d'une immortalité. Mais le temps luy ha faict le tort de supprimer son nom, qui meritoit bien d'estre mis es Chroniques, voire d'estre canonizé : car il ha esté vrai martir en ce monde, et croy qu'il est maintenant bien heureux en l'autre. Qu'ainsi vous en prenne. Amen, car un prebstre ne vault rien sans clerc.

Du Normand allant à Komme qui fit provision de latin pour porter au sainct père, et comme il s'en ayda.

In Normand, voyant que les prebstres i avoyent le meilleur temps du monde, ^^ après que sa femme fut morte, eut envie de se faire d'église; mais il ne sçavoit lire ny escripre que bien peu. Toutesfois, ayant ouy

dire que pour argent on fait tout, et s'estimant aussi habile homme que beaucoup de prebstres de sa paroisse, s'adressa à l'un de ses familliers, auquel il se descouvrit, etluy demanda conseil comment il se devoit gouverner en cest affaire. Lequel, après plusieurs propos debatuz d'une part et d'autre, l'en reconforta, et luy dit que, s'il vouloit bien faire son cas, il falloit qu'il allast à Romme , et que à grand peine en auroit il la raison de son evesque, qui estoit difficile en cas de faire prebstres et de bailler les A quocunque; mais que le pape, qui estoit empesché à tant d'autres choses, ne il prendroit garde à luy de si prés et le depesche-

.,— *■ roit incontinent. Davantage, qu'en ce faisant il

'•' verroit le pais, et que, quand il seroit retourné,

ayant esté créé prebstre de la main du pape, il n'y auroit celuy qui ne luy fist honneur, et qu'en moins de rien il seroit bénéficié et deviendroit un grand monsieur.

Mon homme trouve ces propos fort à son gré; mais il avoit tousjours ce scrupule sur sa conscience touchant le fait du latin, lequel il déclara à son conseiller, luy disant : « Voire mais, quand je seray devant le pape, quel langage parleray je? Il n'entend pas le normand, ny moy le latin; que feray je? — Pour cela, dit l'autre, ne te faut pas demeurer : car, pour estre prebstre, il suffit de

sçavoir bien sa messe de Requiem, de Beata, et du S. Esprit, lesquelles tu auras assez tost aprises quand tu seras de retour. Mais, pour parler au pape, je t'apprendray trois motz de latin si bien assiz que, quand tu les auras dicts devant luy, il croira que tu sois le plus grand clerc du monde. » Mon homme fut tresaise et voulut sçavoir tout à l'heure ces trois motz. « Mon amy , ce luy dit l'autre, incontinent que tu seras devant le pape, tu te jetteras à genoulx en luy disant : Salve, Sancte Pater. Puis il te demandera en latin : Unde es tu ? c'est à dire : D'où estes vous ? Tu respondras : De Normania. Puis il te demandera : Ubi sunt litterx tu9e? Tu luy diras : In manica mea. Et incontinent, sans autre delay, il commandera que tu sois expédié. Puis tu t'en reviendras. » Mon Normand ne fut oncq si joyeulx, et demeura quinze ou vingt jours avec son homme pour luy mettre ces trois mots de latin en la teste.

Quand il pensa les bien sçavoir, il s'appresta pour prendre le chemin de Romme ; et en allant ne disoit aultre chose que son latin : Salve, Sancte Pater. De Normania. In manica mea. Mais je croy bien qu'il les dit et redit si souvent et de si grande affection qu'il oubHa le beau premier mot, Salve, Sancte Pater, et de malheur il estoit desja bien avant de son chemin. Si mon Nor-

mand fut fasché, il ne le fault pas demander, car il ne sçavoit à quel sainct se vouer pour retrouver son mot, et pensoit bien que de se présenter au pape sans cela, c'estoit aller aux meures sans crochet; et si ne cuidoit point qu'il fust possible de trouver homme si fidelle enseigneur et qui luy sceust si bien montrer comme celuy de sa paroisse qui le luy avoit appris. Jamais homme ne fut si marry, jusques à tant qu'un samedy matin il entra en une église de la ville où il estoit, attendant la grâce de Dieu, là où il entendit que l'on commençoit la messe de Nostre Dame en notte: Salve, sancta parens. Et mon Normand d'ouvrir l'oreille : « Eh, Dieu soit loué et Nostre Dame! » dit il. Il fut si resjouy qu'il luy sembloit estre revenu de mort à vie. Et incontinent s'estant faict redire ces motz par un clerc qui estoit là, jamais depuis n'oublia Salve, sancta parens, et poursuivit son voyage avec son latin. Croyez qu'il estoit bien ayse d'estre né. Et fit tant par ses journées qu'il arriva à Romme.

Et fault noter que de ce temps là il n'estoit pas si malaysé de parler aux papes comme il est de présent. On le fît entrer devers le pape, auquel il ne faillit à faire la révérence en luy disant bien dévotement : Salve, sancta parens . Le pape luy va dire : Ego non sum mater Christi. Le Normand

luy respond : De Normania. Le pape le regarde et luy dit : Dsmonium habes. — In manica mea, respondit le Normand. Et en disant cela il mit la main en sa manche pour tirer ses lettres. Le pape fut un petit surpris, pensant qu'il allast tirer le gobelin de sa manche. Mais, quand il veid que c'estoyent lettres, il s'asseura et luy demanda encores en latin : Quid petis? Mais .mon Normand estoit au bout de sa leçon, qui ne respondit meshuy rien à chose qu'on luy demandast. A la fin, quand quelques uns de sa nation l'eurent ouy parler son cauchois, ilz se prindrent à l'arraisonner, ausquelz il donna bien tost à congnoistre qu'il avoit apris du latin en son village pour sa ^ , J'

provision, et qu'il sçavoit beaucoup de bien, mais qu'il n'entendoit pas la manière d'en user.

NOUVELLE Vin

Du procureur qui fit venir une jeune garse du village pour s'en servir, et de son clerc qui la luy essaya.

?N procureur en parlement estoit de- • j^.7jj.j,j™^meuré veuf n'ayant pas encore passé f^iïsïi^i quarante ans, et avoit tousjours esté assez bon compagnon, dont il luy tenoit tousjours, tellement qu'il ne se pouvoit passer de féminin genre , et luy faschoit d'avoir perdu sa femme si tost, laquelle estoit encores de bonne emploitte. Toutesfoys il prenoit patience , et trouvoit façon de se pourvoir le mieulx qu'il pouvoit, faisant œuvre de charité; c'est à sçavoir : aymant la femme de son voisin comme la sienne propre, tantost revisitant les procès de quelques femmes veufves et aultres qui venoyent chez luy pour le solliciter. Brief, il en prenoit là où il en trouvoit et frappoit soubz luy comme un casseur d'acier. Mais, quand il eut faict ce train par une espace de temps, il le trouva un petit fascheux : car il ne pouvoit bonnement

prendre la peine d'agueter ses commoditez, comme font les jeunes gens; il ne pouvoit pas entrer chez ses voisins sans suspicion, veu qu'il ne l'avoit pas accoustumé. Davantage, il luy coustoit à fournir à l'appointement. Parquoy il se délibéra d'en trouver une pour son ordinaire.

Et luy souvint qu'à Arqueil, où il avoit quelques vignes, il avoit veu une jeune garse de l'âge de seze à dix sept ans, nommée Gillette, qui estoit fille d'une povre femme gaignant sa vie à filler de la laine. Mais ceste garse estoit encores toute simple et niaise, combien qu'elle fust assez belle de visage. Si se pensa le procureur que ce seroit bien son cas, ayant ouy aultrefois un proverbe qui dit : Sage amy et sotte amye. Car d'une amie trop fine, vous n'en avez jamais bon compte; elle vous joue tousjours quelque tour de son mestier; elle vous tire à tous les coups quelque argent de soubz l'aisle; ou elle veut estre trop brave, ou elle vous fait porter les cornes, ou tout ensemble. Pour faire court, mon procureur, un beau temps de vendanges , alla luy mesmes à Arqueil, et demanda ceste jeune garse à sa mère pour chambrière, luy disant qu'il n'en avoit point et qu'il ne s'en sçauroit passer; qu'il la traicteroit bien, qu'il la marieroit quand il viendroit à temps. La vieille, qui entendit bien que vouloyent dire

^O NOUVELLE V m.

ces parolles, n'en fit pas pourtant grand semblant, et luy accorda aysement de luy bailler sa fille, contraincte par povreté, luy promettant de la luy envoyer le dimanche prochain : ce qu'elle fit.

Quand la jeune garse fut à la ville, elle fut toute esbahye devoir tant de gens, parce qu'elle n'avoit encores veu que des vaches. Et pour ce le procureur ne luy parloit encores de rien, mais il alloit tousjours chercher ses aventures en la laissant un peu asseurer. Et puis il luy vouloit faire faire des accoustremens, à fin qu'elle eust meilleur courage de bien faire.

Or il avoit un clerc en sa maison qui n'avoit point toutes ces considérations là, car au bout de deux ou de troys jours, estant le procureur allé disner en ville, quand il eut avisé ceste garse ainsi neufve, il commence à se faire avec elle, luy demandant dont elle estoit et lequel il faisoit meilleur, aux champs ou à la ville. « Mamie, dit il, ne vous souciez de rien ; vous ne pouviez pas mieulx arriver que céans , car vous n'aurez pas grand peine ; le maistre est bon homme, il fait bon avecques luy. Or ça, m'amie, disoit il, ne vous ha il point encores dit pourquoy il vous ha prise.'' — Nenny, dit elle; mais ma mère m'ha bien dit que je le servisse bien et que je retinse bien ce qu'on me diroit, et que je n'y perdrois rien. —

Mamie, dit le clerc, vostre mare vous ha bien dit vray. Et pource qu'elle sçavoit bien que le clerc vous dirait tout ce que vous auriez à faire, ne vous en ha point parlé plus avant. Mamie, quand une jeune fille vient à la ville chez un procureur, elle doit se laisser faire au clerc tout ce qu'il voudra; mais aussi le clerc est tenu de luy enseigner les coustumes de la ville et les complexions de son maistre, afin qu'elle sçache la manière de le servir; autrement les povres filles n'apprendroyent jamais rien, ny leur maistre ne leur feroit jamais bonne chère et les renvoyeroit au village. » Et le clerc le disoit de tel escient que la povre garse n'eust osé faillir à le croire quand elle oyoit parler d'apprendre à bien servir son maistre. Et respondit au clerc d'une parolle demy rompue et d'une contenance toute niaise : « J'en serois bien tenue à vous, » disoit elle. Le clerc, voyant à la mine de ceste garse que son cas ne se portoit pas mal, vous commence à jouer avec elle; il la manie, il la baise. Elle disoit bien : « Oh ! ma mère ne me l'ha pas dit. » Mais ce pendant mon clerc la vous embrasse, et elle se laissoit faire, tant elle estoit folle, pensant que ce fust la coustume etusance de la ville. Il la vous renverse toute vifve sus un bahu. Le diable y ait part, qu'il estoit aise! Et depuis continuèrent leurs affaires ensem-

5o NOUVF.LLK vni.

ble à toutes les heures que le clerc trouvoit sa commodité. Et ce pendant que le procureur attendoit que la garse fust déniaisée, son clerc prenoit ceste charge sans procuration.

Au bout de quelques jours, le procureur ayant faict accoustrer la jeune fille, laquelle se faisoit tous les jours en meilleur point, tant à cause du bon traictement que parce que les belles plumes font les beaux oyseaux, qu'aussi à raison que elle faisoit fourbir son bas, eut envie d'essayer s'elle se voudroit renger au montoir, et envoya par un matin son clerc en ville porter quelque sac, lequel d'aventure venoit d'avec Gillette de desrober un coup en passant. Quand le clerc fut dehors, le procureur se met à follatrer avec elle, luy mettre la main au tetin, puis soubz la cotte. Elle luyrioit bien, car elle avoit desja apris qu'il n'y avoit pas dequoy pleurer ; mais pourtant elle craignoit tousjours avec une honte villageoise qui luy tenoit encores, principalement devant son maistre. Le procureur la serre contre le lict, et parce qu'il s'apprestoit de faire en la propre sorte que le clerc quand il l'embrassoit, la pressant de fort prés, la garse (eh ! qu'elle estoit sotte ! ) luy va dire : » Oh ! Monsieur, je vous remercie , nous en venons tout maintenant, le clerc et moy. » Le procureur, qui avoit la brayette bendée, ne laissa pas à donner

NOUVELLEIX 5l

dedans le noir; mais il fut bien peneux, sçachant que son clerc avoit commencé de si bonne heure à la luy déniaiser. Pensez que le clerc eut son congé pour le moins.

De celui qui acheva l'oreille de l'enfant à la femme ■ ■ //^

de son voism . , . '. -—j^ ^/^/?. 7^i>~^

)L ne se fault pas esbahir si celles des

(champs ne sont gueres fines, veu que

kelles de la ville se laissent quelques fois abuser bien simplement. Vray est qu'il ne leur advient pas souvent, car c'est es villes que les femmes font les bons tours. De par Dieu ! c'est là, car je veulx dire qu'il y avoit en la ville de Lyon une jeune femme honnestement belle, laquelle fut mariée à un marchand d'assez bonne traficque. Mais il n'eut pas esté avec elle trois ou quattre moys qu'il ne lui fallust aller dehors pour ses affaires, la laissant pourtant enceincte seullement de trois sepmaines, ce qu'elle congnoissoit à

ce qu'il luy prenoit quelques foys defaillement decueur, avec telz autres accidens qui prennent aux femmes enceinctes.

Si tost qu'il fut party, un sien voisin, nommé le sire André, s'en vint voir la jeune femme comme il avoit de coustume de hanter privement en la maison par droit de voisiné, qui se print à railler avec elle, luy demandant comme elle se portoit en mesnage. Elle luy respond qu'assez bien, mais qu'elle se sentoit estre grosse. « Est il possible? dit . il; vostre mary n'auroit pas eu le loisir de faire un enfant depuis le temps que vous estes ensemble. — Si est ce que je le suis, dit elle, car la dena Thoiny m'ha dit qu'elle se trouva ainsi comme je me trouve de son premier enfant. — Or, ce luy dit le sire André, sans toutesfois penser grandement en mal, ny qu'il en deust advenir ce qu'il en advint, croyez moy que je me congnois bien en cela, et à vous voir je me double que vostre mary n'ha pas faict l'enfant tout entier, et qu'il y ha encores quelques oreilles à faire. Sus mon honneur, prenez y bien garde. J'ay veu beaucoup de femmes qui s'en sont mal trouvées, et d'autres, qui ont esté plus sages, qui se sont faict achever leur enfant en l'absence de leur mary, de peur des inconveniens. Mais incontinent que mon compère sera venu, faictes le luy achever. — Comment ! dit

la jeune femme, il est allé en Bourgoigne; il ne sçauroit pas estre icy d'un moys pour le plustost. — Mamie, dit il, vous n'estes donc pas bien; vostre enfant n'aura qu'une oreille, et si estes en danger que les autres d'après n'en auront plus qu'une non plus, carvoulentiers, quand il en vient quelque faulte aux femmes grosses de leur premier enfant, les derniers en ont autant. »

La jeune femme, à ces nouvelles, fut la plus faschée du monde. « Eh ! mon Dieu, dit elle, je suis bien povre femme. Je m'esbahy qu'il ne s'est advisé de le faire tout devant que despartir. — Je vous diray, dit le sire André, il y ha remède par tout, fors qu'à la mort. Pour l'amour de vous, vrayementjje suis content de le vous achever, chose que je ne ferois pas si c'estoit un aultre, car j'ay assez d'affaires environ les miens; mais je ne voudrois pas que par faulte de secours il vous fust advenu un tel inconvénient que cestuy là. » Elle, qui estoit à la bonne foy, pensa que ce qu'il luy disoit estoit vray, car il parloit brusquement et comme s'il luy eust voulu faire entendre qu'il faisoit beaucoup pour elle, et que ce ne fust qu'une corvée pour luy. Conclusion : elle se fît achever cest enfant, dont le sire André s'acquitta gentiment, non pas seuUement pour ceste foys là, juais y retourna assez souvent depuis. Et à l'une des fois la jeune

femme luy disoit : « Voire mais, si vous luy faictes quattre ou cinq oreilles? Arrière, ce sera une mauvaise besoigne. — Non, non, ce dit le sire André, je n'en feray qu'une; mais pensez vous qu'elle soit si tost faicte? Vostre mary a demeuré si long temps à faire ce qu'il y ha de faict ! Et puis on peult bien faire moins, mais on ne sçauroit en faire plus : car, quand une chose est achevée, il n'y fault plus rien. » En cest estât fut achevée ceste oreille.

Quand le mary fut venu de dehors, sa femme luy dit la nuict,en folâtrant : « Ma figue, vous estes un beau faiseur d'enfant ! Vous m'en aviez fait un qui n'eust eu qu'une oreille, et vous en estiez allé sans l'achever. — Allez, allez, dit il, que vous estes folle! Les enfans se font ilz sans oreilles? — Ouy dea, ilz s'y font, dit elle ; demandez à sire André, qui m'ha dit qu'il en ha veu plus de vingt qui n'en avoyent qu'une par faulte de les avoir achevez, et que c'est la chose la plus mal aisée à faire que l'oreille d'un enfant; et, s'il ne la m'eust achevée, pensez que j'eusse fait un bel enfant 1 » Le mary ne fut pas trop content de ces nouvelles. « Quel achèvement est cecy? dit il. Qu'est ce qu'il vous ha fait pour l'achever ? — Le demandez vous ? dit elle; il m'ha fait comme vous me faictes. — A ha! dit le mary, est il vray? M'en avez vous fait

d'une telle ? » Et Dieu sçait de quel sommeil il dormit là dessus! Et luy, qui estoit homme colère, en pensant à l'achèvement de ceste oreille, donna par fantasie plus de cent coups de dague à l'acheveur; et luy dura la nuict plus de mil ans qu'il n'estoit desja après ses vengeances.

Et, de fait, la première chose qu'il fit quand il fut levé, ce fut d'aller à ce sire André, auquel il dit mille outraiges, le menassent qu'il le feroit repentir du meschant tour qu'il luy avoit fait. Toutesfois, de grand menasseur peu de fait : car, quand il eut bien fait du mauvais, il fut contraint de s'appaiser pour une couverte de Cataloigne que luy donna le sire André, à la charge, toutesfois, qu'il ne se mesleroit plus de faire les oreilles de ses enfans, et qu'il les feroit bien sans luy.

De Fouquet, qui fit accroire au procureur en Chaitellel, son maisire, que le bon homme estait sourd, et au bon homme que le procureur l'estoit; et comment le procureur se vengea de Fouquet.

I N procureur en Chastellet tenoit deux . ou trois clercs soubz luy, entre lesquelz !y avoit un apprentif, filz d'un homme assez riche de la ville mesme de Paris, lequel l'avoit baillé à ce procureur pour apprendre le stille. Le jeune filz s'appelloit Fouquet, de l'âge de seize à dixsept ans, qui estoit bien affaicté et faisoit tousjours quelque chattonnie. Or, selon la coustume des maisons des procureurs , Fouquet faisoit toutes les corvées , entre lesquelles l'une estoit qu'il ouvroit quasi tousjours la porte quand on tabutoit, pour congnoistre les parties que servoit son maistre,et pour sçavoir qu'elles demandoyent, pour le luy rapporter.

Il y avoit un homme de Bagneux qui plaidoit

on Chaslellel, et avoit pris le maistre de Fouquet pour son procureur, lequel il venoit souvent voir, et, pour mieux estre servy, luy apportant par les foys chappons, beccasses, levrauts, et venoit voulentiers un peu après midy, sus l'heure que les clers disnoyent ou achevoyent de disner. Auquel Fouquet alloit ouvrir; mais il n'y prenoit point de plaisir à une telle heure, car il y alloit du temps pour luy, par ce que le bon homme se mettoit en raison avecques luy, tellement qu'il falloit bien souvent que Fouquet allast parler à son maistre et puis en rendre responce, qui faisoit qu'il disnoit quelques foys bien légèrement; et son maistre, d'une aultre part, n'avoit pas grand respect à luy, car il l'envoyoit à la ville à toutes heures du jour, vingt fois, cent fois, ne sçay combien, dont il estoit fort fasché.

A l'une des fois, voicy ce bon homme de Bagneux qui frappe à la porte et à l'heure accoustumée, lequel Fouquet entendoit assez au frapper. Quand il eut tabuté deux ou trois coups, Fouquet luy va ouvrir, et en allant s'advisa de jouer un tour de chatterie à son homme, qui vient, disoit-il, tousjours quand on disne, et se pensa comment son maistre en auroit sa part. Ayant ouvert l'huis : 4 Et puis, bon homme,que dittes-vous? — Jevouloys parler à Monsieur, dit-il, ^our mon procès.

— El bien ! dit Fouquet, dittes moi que c'est, je le luy iray dire.— Oh! dit le bon homme, il faut que je parle à luy ; vous n'y feriez rien sans moy. — Bien donq, dit Fouquet, je m'en* vois luy dire que vous estes icy. » Fouquet s'en va à son maistre et luy dit: " C'est cest homme de Bagneux qui veult parler à vous. — Fay-le venir, dit le procureur. — Monsieur, dit Fouquet, il est devenu tout sourd ; au moins il oit bien dur. Il faudroit parler hault si vous vouliez qu'il vous entendist. — Et bien! dit le procureur, je parleray prou haut. » Fouquet retourne au bon homme et luy dit: « Mon amy, allez parler à Monsieur; mais sçavez vous que c'est ? Il ha eu un catherre qui luy est tombé sus l'oreille, et est quasi devenu sourd. Quand vous parlerez à luy, criez bien haut, autrement il ne vous entendroit pas. » Cela faict, Fouquet s'en va veoir s'il acheveroit de disner, et en allant il dit en soymesme : « Nos gens ne parleront pas tantost en conseil. »

Ce bon homme entre en la chambre où estoit le procureur et le salue, en luy disant : «Bonjour, Monsieur, » si hault qu'on l'oyoit de toute la maison. Le procureur luy dit encore plus haut : « Dieu vous gard, mon amy. Que dittes vous? « Lors ilz entrèrent en propos de procès et se mirent à crier tous deux comme, s'ilz eussent esté en un bois.

NOUVELLE X. Sç

Quand ilz eurent bien crié, le bon homme prend congé de son procureur et s'en va.

De là à quelques jours voicy retourner ce bon homme, mais ce fut à une heure que, par fortune, Fouquet estoit allé par ville, là où son maistre l'avoit envoyé. Ce bon homme entre, et, après avoir salué son procureur, luy demande comment il se portoit. Il respond qu'il se portoit bien. <( Eh ! Monsieur, ditle bon homme, Dieu soit loué I vous n'estes plus sourd, aumoins? Dernièrement que je vins icy, il falloit parler bien hault; viais maintenant vous entendez bien, Dieu mercy. » Le procureur fut tout esbahy. « Mais vous, dit il, mon amy, estes vous bien guery de vos oreilles ? C'estoit vous qui estiez sourd. » Le bon homme luy respond qu'il n'en avoit point esté malade et qu'il avoit tousjours bien ouy, la grâce à Dieu.

Le procureur se souvint bien incontinent que c'estoit des fredaines de Fouquet; mais il trouva bien dequqy le luy rendre, car, un jour qu'il l'avoit envoyé à la ville, Fouquet ne faillit point à se jetter dedans un jeu de paulme qui n'estoit pas gueres loing de la maison, ainsi qu'il faisoit le plus des fois quand on l'envoyoit quelque part; de quoy son maistre estoit assez bien adverty, et mesme l'y avoit trouvé quelques fois en passant. Sachant bien qu'il y estoit, il envoya dire à un

6o NOUVELLE X.

barbier, son compère, qui demeuroit là auprès, qu'il luy fist tenir un beau balay neuf tout prest, et luy fit dire à quoy il en avoit affaire. Quand il sceut que Fouquet pouvoit estre bien eschauffé à testonner la bourre, il vint entrer au jeu de paulme et appelle Fouquet, qui avoit desja bandé sa part de deux douzaines d'esteufz et jouoit à l'acquict. Quand il le vit ainsi rouge : « Eh 1 mon amy, vous vous gastez, dict il, vous en serez malade, et puis vostre père s'en prendra à moy. » Et là dessus, au sortir du jeu de paulme, le fait entrer chez le barbier, auquel il dit : « Mon compère, je vous prie, prestez moy quelque chemise pour ce jeune filz qui est tout en eau, et le faictes un petit frotter. — Dieu ! dit le barbier, il en ha bon mestier; aultrement il seroiten danger d'une pleurésie. » Hz font entrer Fouquet en une arrière boutique et le font despouiller au long d'un feu qu'ilz firent allumer pour faire bonne mine. Et cependant les verges s'apprestoyent pour le povre Fouquet, qui se fust bien voiuntiers passé de chemise blanche. Quand il fut despouillé, on apporte ces maudites verges, dont il fut estrillé soubz le ventre et par tout; et, en le fouettant, son maistre lui disoit : « Dea, Fouquet, j'estois l'aultre jour sourd; et vous, estes vous point punais à cest heure? Sentez vous bien le balay? »

Et Dieu sçait comment il pleut sus sa mercerie ! Ainsi le gentil Fouquet eut loisir de retenir qu'il ne fait pas bon se jouer à son maisîre.

D'un dockiir en décret qu'un beuf blessa si fort qu'il ne sçavoit en quelle jambe c'estoit.

N docteur en la faculté de décret, passant pour aller lire aulx escolles, rencontra une troupe de beufs, ou la troupe de beufs le rencontra, qu'un valet de boucher menoit devant soy, l'un desquelz quidem beufz, comme monsieur le docteur passoit sus sa mule, vint frayer un petit contre sa robe, dont il se print incontinent k crier : « A l'ayde ! ô le meschant beuf! il m'ha tué ! je suis mort !» A ce cry s'amassèrent force gens, car il estoit bien congneu, parce qu'il y avoit trente ou quarante ans qu'il ne bougeoit de Paris, lesquelz, à l'ouir crier, pensoyent qu'il fust énormément blessé. L'un le soustenoit d'un costé, l'autre d'un aultre, de peur

qu'il ne tumbast de dessus sa mule; et entre ses hauts criz, il dit à son famulus, qui avoit non Corneille : « Vien çà. Eh! mon Dieu! va t'en aux escolles, et leurdy que je suis mort, et qu'un beuf m'ha tué, et que je ne sçaurois aller faire ma lecture, et que ce sera pour une aultre foys.

Les escolles furent toutes troublées de ces nouvelles, et aussi messieurs de la Faculté; et incontinent l'allerent veoir quelques uns d'entre eulxqui furent députez, qui le trouvèrent estendu sus un lit, et le barbier environ, qui avoit des bandeaux, d'huiles, d'onguens, d'aubins d'eufs et tous les ferrementz en tel cas requis. Monsieur le docteur plaignoit la jambe droitte si fort qu'il ne pouvoit endurer qu'on le deschaussast, mais fallut incontinent descoudre la chausse.

Quand le barbier eut veu la jambe à nud, il ne trouva point de lieu entamé ny meurdry, ny aucune apparence de blesseure, combien que tousjours monsieur le docteur criast : « Je suis mort, mon amy ! je suis mort. » Et quand le barbier y vouloit toucher de la main, il crioit encores plus haut : « Oh ! vous me tuez ! je suis mort ! — Et où est ce qu'il vous faict le plus de mal, monsieur? disoit le barbier. — Et ne le voyez vous pas bien? disoit il. Un beuf qui m'ha tué, et il me demande où c'est qu'il m'ha blessé! Eh ! je suis mort ! » Tan-

tost le barbier luy demandoit : « Est ce là, monsieur?

— Nenny. — Et là ? — Nenny. » Brief, il ne s'y trouvoit rien. « Eh ! bon Dieu ! qu'est ce cy ? ces gens icy ne sçauroyent trouver là oîi j'ay mal. N'est il point enflé? dit il au barbier. — Nenny.

— Il fault donc, dit monsieur le docteur, que ce soit en l'autre jambe, car je sçay bien que le beuf m'ha heurté. » Il fallut deschausser ceste aultre jambe; mais elle se trouva blessée comme l'aultre. « Baa ! ce barbier icy n'y entend rien : allez m'en quérir un aultre. » On y va; il vint, il n'y trouve rien. « Eh ! mon Dieu, dit monsieur le docteur, voicy grand chose ! Un beuf m'auroit il ainsi frappé sans me faire mal? Vien çà, Corneille; quand le beuf m'ha blessé, de quel costé venoit il? N'estoit ce pas devers la muraille ? — Oui, Domine, ce disoit le famulus. — C'est donc en ceste jambe icy. Je leur ay bien dit dés le commencement; mais il leur est advis que c'est mocque. »

Le barbier voyant bien que le bon homme n'estok malade g^ue d'aprehension, pour le contenter, il y mit un appareil legier, et luy banda la jambe en luy disant que cela suffiroit pour le premier appareil. « Et puis, dit il, monsieur nostre maistre, quand vous aurez advisé en quelle jambe est vostre mal, nous y ferons quelque aultre chose. »

Comparaison des alqucmislcs h la bonne femme qu portoil une potc'c de lait au marche'.

S HASCUN sçaitque le commun langaige (les alquemistes, c'est qu'ilz se pro-

„ mettent un monde de richesses, et (ju ilz scavent des secretz de nature que tous les hommes ensemble ne sçavent pas; mais à la fin tout leur cas s'en va en fumée, tellement que leur alquemie se pourroit plus proprement dire : Art qui mine, ou Art qui n'est nùe; et ne les sçauroit on mieux comparer qu'à une bonne femme qui portoit une potée de lait au marché, faisant son compte ainsi : qu',elle la vendroit deux liards; de ces deux liards elle en achepteroit une douzaine d'eufs, lesquelz elle mettroit couver, et en auroit une douzaine de poussins; ces poussins deviendroyent grands, et les feroit chaponner: ces chapons vaudroyent cinq solz la pièce : ce seroit un escu et plus, dont elle achepteroit deux cochons, masle et femelle, qui deviendroyent grands et en

feroyent une douzaine d'autres, qu'elle vendroit vingt solz la pièce après les avoir nourriz quelque temps : ce seroyent douze francs, dont elle achepteroit une jument, qui porteroit un beau poulain, lequel croistroit et deviendroit tant gentil : il saulterroit et feroit hin. Et, en disant hin, la bonne femme , de l'aise qu'elle avoit en son compte, se print à faire la ruade que feroit son poulain, et en la faisant sa potée de lait va tomber et se respandit toute. Et voilà ses eufs, ses poussins, ses chapons, ses cochons, sa jument et son poulain, tous par terre.

Ainsi les alquemistes, après qu'ilz ont bien fournayé, charbonné, lutté, soufflé, distillé, calciné, congelé, fixé, liquéfié, vitrefié, putréfié, il ne fault que casser un alembic pour les mettre au compte de la bonne femme.

Du roy Salomon, qui fit la pierre philosophale, et la cause pourquoy la alqucnmks ne viennent au dessus de leurs intentions.

A cause pour laquelle les alquemistes ^ rWif^cT "^ peuvent parvenir au bout de leurs d^ii>^3Si entreprinses, tout le monde ne la sçait pas; mais Marie la prophetesse la met bien à propos et bien au long en un livre qu'elle ha fait de la grande excellence de l'art, exhortant les philosophes et leur donnant bon courage qu'ilz ne se désespèrent point, et dit ainsi que la pierre des philosophes est si digne et si précieuse que, entre ses admirables vertus et excellences, elle ha puissance de contraindre les espritz, et que quiconque l'ha, il les peut conjurer, anathematiser, lier, garrotter, bafouer, tormenter, emprisonner, geiner, martirer. Brief, il en joue de l'espée à deux mains, et peut faire tout ce qu'il veult, s'il sçait bien user de sa fortune.

Or est ce, dit elle, que Salomon eut la perfec-

NOUVELLE XlII. 67

tion de ceste pierre, et si congneut par inspiration divine la grande et merveilleuse propriété d'icelie, qui estoit de contraindre les gobelins, comme nous avons dit. Parquoy, aussi tost qu'il l'eut faicte, il conclud de les faire venir; mais il fit premièrement faire une cuve de cuyvre de merveilleuse grandeur, car elle n'estoit pas moindre que tout le circuit du boys de Vincennes, sauf que, s'il s'en failloit quelque demy pied ou environ , c'est tout un : il ne fault point s'arrester à peu de chose. Vray est qu'elle est plus ronde, et la falloit ainsi grande pour faire ce qu'il en vouloit faire ; et par mesme moyen fit faire un couvercle, le plus juste qu'il estoit possible. Et quant et quant et pareillement , fit faire une fosse en terre assez large pour enterrer ceste cuve , et la fit caver le plus bas qu'il peut.

Quand il veit son cas ainsi bien appareillé, il fit venir, en vertu de ceste saincte pierre, tous les espritz de ce bas monde, grands et petits , commençant aux quatre empereurs des quatre coings de la terre; puis fit venir les roys, les ducs, les contes, les barons, les colonnelz, capitaines, caporaux, lancespessades, sôudars à pied et à cheval, et tous tant qu'il y en avoit. Et, à ce compte, il n'en demeura pas un pour faire la cuisine. Quand ilz furent venuz , Salomon leur commanda , en la

vertu susdicte , ([u'ilz eussent tous <i se mettre dedans caste cuve, laquelle estoit enfoncée dedans ce creux de terre. Les espritz ne sceurent contredire qu'ilz n'y entrassent, et croyez que c'estoit h grand regret, et qu'il y en avoit qui faisoyent une terrible grimasse. Incontinent qu'ilz furent là dedans, Salomon fît mettre le couvercle dessus, et le fit tresbien lutter, cum lulo sapientlse, et vous laisse messieurs les diables là dedans, lesquelz il fît encores couvrir de terre jusques à ce que la fosse en fust comble. Enquoy toute son intention estoit que le monde ne fust plus infecté de ces meschans et maudits vermeniers , et que les hommes de là en avant vesquissent en paix et amour , et que toutes vertus et resjouissances régnassent sus terre. Et, de fait, soudainement après furent les hommes joyeux, contans, sains, gays, drus, hubiz, vioges, alaigres, esbaudiz, galans, galois, gaillardz, gentz, frisques, mignons, poupins, brusques. Ol qu'ilz se portoyent bien! O! que tout alloit bien 1 La terre apportoit toutes sortes de fruitz sans main mettre; les loups ne mangeoyent point le bestial; les lions, les ours, les tigres, les sangliers, estoyent privez comme moutons. Brief , toute la terre sembloit estre un paradis ce pendant que ces truans de diables estoyent en basse fosse.

Mais qu'avint il? Au bout d'un long espace de temps, ainsi que les règnes se changent et que les villes se destruisent et qu'il s'en reedifie d'aultres, il y eut un roy auquel il print envie de bastir une ville. Et fortune voulut qu'il entreprint de la bastir au propre lieu où estoyent ces diables enterrez. Il fault bien que Salomon faillist à y faire entrer quelque petit diable qui s'estoit caché soubz quelque motte de terre quand ses compagnons y entrèrent, lequel quidam diablotin mit en l'entendement de ce roy de faire sa ville en cedit lieu, à fin que ses compagnons fussent délivrez. Ce roy donc mit gens en œuvre pour faire ceste ville, laquelle il vouloit magnifique, forte et imprenable; et pour ce, il y falloir de terribles fondemens pour faire les murailles , tellement que les pionniers caverent si bas que l'un d'entre eulx vint tout premier à descouvrir ceste cuve où estoyent ces diables , lequel l'ayant ainsi heurtée, et que ses compagnons s'en furent apperceuz, ilz pensèrent bien estre tous riches, et qu'il y eust un trésor inestimable là dedans. Helas! quel trésor c'estoit! Eh Dieu! que ce fut bien en la malheure! O! que le ciel estoit bien lors envieux contre la terre! O! que les dieux estoyent bien courroussez contre le povre genre humain ! Où est la plume qui sceust escripre, où est la langue qui sceust dire assez de

malédictions contre ceste horrible et malheureuse descouverte? Voilà que fait l'avarice, voilà que ^'^Z/yfJ^ fait l'ambition, qui creuse la terre jusques aux en-

fers pour trouver son malheur, ne pouvant endurer son ayse.

Mais retournons à nostre cuve et à noz diables. Le compte dit qu'il ne fut pas en la puissance de ces bêcheurs de la pouvoir ouvrir si tost, car avec la grandeur, elle estoit espaisse à l'avenant. Pour ce, il fut force que le roy en eust la congnoissance, lequel l'ayant veue, ne pensa pas aultre » chose que ce qu'en avoyent pensé les pionniers : car qui eust jamais imaginé qu'il y eust eu des diables dedans, quand mesmes on ne pensoit plus qu'il y en eust au monde, veu le long temps qu'il y avoit qu'on n'en avoit ouy parler ? Ce roy se souvenoit bien que ses prédécesseurs roys avoyent esté infiniment riches, et ne pouvoit estimer aultre chose, sinon qu'ilz eussent là enfermé une finance incroyable , et que les destins l'avoyent réservé à estre possesseur d'un tel bien, pour estre le plus grand roy de la terre. Conclusion : il employa tant de gens qu'il en avoit environ ceste cuve.

Et ce pendant qu'ilz chamailloyent, ces diables estoyent aux escoutes et ne sçavoyent bonnement que croire, si on les tiroit point de là pour les mener pendre, et que leur procès eust esté fait

depuis qu'ilz estoyent là. Or, les gastadours donnèrent tant de coups à ceste cuve qu'ilz la faussèrent, et quand et quand enlevèrent une grand pièce du couvercle et firent ouverture. Ne demandez pas si messieurs les diables se battoyent à sortir à la foulle, et quelz criz ilz faisoyent en sortant, lesquelz espouvanterent si fort le roy et tous ses gens qu'ilz tombèrent là comme morts.

Et mes diables devant et au pied, ilz s'en revont par le monde, chascun en sa chascuniere; fors que par avanture il y en eut quelques uns qui furent tout estonnez de veoir les régions et les pays changez depuisleur emprisonnement. Au moyen de quoy ilz furent vagabonds tout un temps , ne sçachans de quel pays ilz estoyent, ne voyans plus le clochier de leur parroisse. Mais, par tout où ilz passoyent , ilz faisoyent tant de maulx que ce seroit une horreur de les raconter. En lieu d'une meschanceté qu'ilz faisoyent le temps jadis, pour tourmenter le monde, ilz en inventèrent de toutes nouvelles. Hz tuoyent , ilz ruoyent, ilz tempestoyent, ilz renversoyent tout cen dessus dessoubz. Tout alloit par escuelles, mais aussi les diables y estoyent.

De ce temps là il y avoit force philosophes (car les alquemistes s'appellent philosophes par excellence}, d'aultant que Salomon leur avoit laissé par

escripl la manicre de faire la saincte pierre , laquelle il avoit réduite en art , et s'en tenoit escole comme de grammaire, de mode que plusieurs arrivoyent à l'intelligence, attendu mesmes que les vermeniers ne leur troubloyent point le cerveau, estans enclos. Mais sitost qu'ilz furent en liberté, se ressentans du mauvais tour que leur avoit joué Salomon en vertu de ceste pierre, la première chose qu'ilz firent , ce fut d'aller aux fourneaux des philosophes et de les mettre en pièces. Et mesmes trouvèrent façon d'effacer, d'es- JUir^ graffigner, de rompre, de falsifier tous les livres

iJ/^ -qu'ilz peurent trouver de ladite science, tellement

4 ^fji qu'ilz la rendirent si obscure et si difficile que les L-M" hommes ne sçavent qu'ilz y cherchent, et l'eussent

voulentiers abolie du tout; mais Dieu ne leur en ,^ ,,,A-'***' donna pas la puissance. Bien eurent ilz cette permission d'aller et de venir pour empescher les plus sçavans de faire leurs besongnes , tellement que quand il y en ha quelqu'un qui prend le bon chemin pour y parvenir, et que telle foys il ne luy fault quasi plus rien qu'il n'y touche, voicy un diablon qui vient rompre un alembic, lequel est plein de ceste matière précieuse, et fait perdre en une heure toute la peine que le povre philosophe ha prise en dix ou douze ans, de sorte que c'est à refaire. Non pas que les pourceaux y ayent esté.

NOUVELLE XIII. yS

mais les diables, qui valent bien pis. Voilà la cause pourquoy on voit aujourd'huy si peu d'alque- •''•■ mistes qui parviennent à leurs entreprises; non que la science ne soit aussi vraye qu'elle fut onq, mais les diables sont ainsi ennemis de ce don de Dieu.

Et par ce qu'il n'est pas qu'un jour quelqu'un n'ayt ceste grâce de la faire aussi bien que Salomon la fit onques, de bonne aventure s'il advenoit de nostre temps, je le prie par ces présentes qu'il n'oublie pas à conjurer, adjurer, excommunier, anathematiser, exorciser, cabalizer, ruiner, exterminer, confondre, abismer ces meschans gobelins, vermeniers, ennemys de nature et de toutes bonnes choses, qui nuisent ainsi aux pouvres alquemistes , mais encore à tous les hommes , et aux femmes aussi, cela s'entend : car ilz leur mettent mille rigueurs, mille reffus et mille fantaisies en la teste; voire et eux mêmes se mettent en la teste de ces vieilles sempiterneuses, et les rendent diablesses parfaictes. De là est venu que l'on dit d'une mauvaise femme qu'elle ha la teste au diable.

De l'advocat qui parlait latin à sa chamhricrc, et <lu clerc qui estait le truchement.

)i y ha environ trente ou quarante ans ^qu'en la ville du Mans y avoit un adîvocat qui s'appelloit La Roche Thomas, l'un des plus renommez de la ville, comme de ce temps y en eust bon nombre de sçavans; tellement qu'on venoit bien à conseil jusques au Mans de l'université d'Angers. Celuy sieur de La Roche estoit homme joyeux, et accordoit bien les récréations avec les choses sérieuses; il faisoit bonne chère en sa maison, et, quand il estoit en ses bonnes, qui estoit bien souvent, il C^ latinisoit le françois et francisoit le latin, et s'y plaisoit tant qu'il parloit demy latin à son valet et à sa chambrière aussi, laquelle il appelloit Pedisseque. Et quand elle n'entendoit pas ce qu'il luy disoit, si n'osoit elle pas luy faire interpréter ses motz, car La Roche Thomas luy disoit : « Grosse pécore arcadicque, n'entendois tu point mon

NOUVELLE XIV. ji

idiome ? » Des quelz motz la povre chambrière estoit estonnée des quatre piedz, car elle pensoit que ce fust la plus grande malédiction du monde. Et à la vérité il usoit quelquesfois des si rudes termes que les poules s'en fussent levées du juc.

Mais elle trouva façon d'y remédier, car elle s'accointa de l'un des clercs, lequel luy mettoit par aventure l'intelligence de ces motz en la teste par le bas, et la secouoit, dy je la secouroit au besoin : car, quand son maistre lui avoit dit quelque mot, elle ne faisoit que s'en aller à son truchement, qui l'en faisoit sçavante.

Un jour de par le monde il fut donné un pasté de venaison à La Roche Thomas, duquel ayant mangé deux ou trois lesches à l'espargne avec ceulx qui disnerent quand luy, il dit à sa chambrière en desservant : « Pedisseque, seri'e moi ce farcime de ferlne, qu'il ne soit point famulé. » La chambrière entendit assez bien qu'il luy parloit d'un pasté, car elle luy avoit aultrefois ouy dire le mot de farcime, et puis il le luy monstroit ; mais ce mot de famulé, qu'elle retint en se hastant d'escouter, elle ne sçavoit encores qu'il vouloit dire. Elle print ce pasté, et, ayant fait semblant d'avoir bien entendu, dit : « Bien, Monsieur. » Et vint h ce clerc quand ilz furent à part, lequel d'adventure avoit esté présent au commandement du maistre,

76 NOUVELLt XIV.

pour luy demander l'exposition de ce mot famuié. Mais le mal fut que, pour celle fois, il ne luy fut pas fidelle, car il luy dit : « M'amie, il t'ha dit que tu donnasses de ce pasté aux clercs, et puis que tu serrasses le demeurant. » La chambrière le creut, car jamais elle ne s'estoit mal trouvée de rapport qu'il luy eust faict. Elle met ce pasté devant les clercs, qui ne l'espargnerent pas, comme on avoit faict à la première table, car ils mirent la main en si bon lieu qu'il y parut.

Le lendemain La Roche Thomas, cuidant que son pasté fust bien en nature, appelle àdisner des plus apparens du palais du Mans, qui ne s'appelloit pour alors que la sale, et leur fist grande feste de ce pasté. Hz viennent, ilz se mettent à table. Quand ce fut à présenter ce pasté, il estoit aisé de voir qu'il avoit passé par de bon'nes mains. On l ne sauroit dire si la Pedisseque fut plus mal menée de son maistre d'avoir laissé famuler ce farcime, ou si ledit maistre fut mieulx gaudy de ceux qu'il avoit conviez pour avoir parlé latin à sa chambrière en luy recommandant un pasté, ou si la chambrière fut plus marrie contre le clerc qui l'avoit trompée; mais, pour le moins, les deux ne durèrent pas tant comme le tiers, car elle fongna au clerc plus d'un jour et une nuict, et le menassa fort et ferme qu'elle ne luy presteroit ja-

mais chose qu'elle eust. Mais, quand elle se fut bien ravisée qu'elle ne se pouvoit passer de luy, elle fut contraincte d'appoincter le dimanche matin que tout le monde estoit à la grand messe, fors qu'eulx deux, et mangèrent ensemble ce qui estoit demeuré du jeudy, et raccordèrent leurs vielles comme bons amys.

Advint un aultre jour que La Roche Thomas estoit allé disner en la ville chez un de ses voisins, comme la coustume ha tousjours esté en ces quartiers là de manger les uns avec les aultres et de porter son disner et son soupper, tellement que l'hoste n'est point foullé, si non qu'il met la nappe. La Roche Thomas, qui pour lors estoit sans femme, avoit faict mettre pour son disner seullement un poullet rosty, que sa chambrière luy apporta entre deuxplatz. A laquelle il dit tout joyeusement : « Qu'est-ce que tu m'afferes là, Pedisseque? » Elle luy respondit : « Monsieur, c'est un poullet.» Luy, qui vouloit estre veu magnificque, ne trouve pas cette response bonne et la note jusques à tant qu'il fut retourné en sa maison, qu'il appella sa chambrière tout fascheusement Pedisseque, laquelle entendit bien à l'accent de son maistre qu'elle auroit quelque leçon, et va incontinent quérir son truchement pour assister à la lecture et luy pouvoir rapporter ce que son maistre luy di-

roit, car il tensoit bien souvent en latin et tout.

Quand elle fut comparue, La Roche Thomas luy va dire: « Viens-ça, gros animal brutal, idiotte, inepte, insulse, nugigerulle, imperite, » et tous les mots du Donat. « Qiiand je disne à la ville et que je te demande que c'est que tu m'afferes, qui t'ha monstre à respondre : Un poulet ' Parle, parle une aultre foys en plurier nombre, grosse quadrupède, parle en plurier nombre. Unpoullet! voylà un beau disnerd'un tel homme que La Roche Thomas ! » La Pedisseque n'avoit jamais esté desjeunée de ce mot de plurier nombre, par quoy elle se fit explicquer au clerc, qui luy dit : « Sçaiz-tu que c'est? Il est marry qu'aujourd'huy, en luy portant son disner, quand il t'ha demandé que c'estoit que tu luy apportoys, que tu luy ayes respondu : un poullet, et il veut que tu dies des poulletz, et non pas un poullet. Voilà ce qu'il veut dire par plurier nombre, entends-tu? » La Pedisseque retint bien cela.

De là à quelques jours La Roche Thomas estant encor allé disner chez un sien voisin, ne sçay si c'estoit chez le mesme de l'autre jour, sa chambrière luy porte son disner. La Roche Thomas luy demande, selon sa coustume, que c'est qu'elle afferoit. Elle, se souvenant bien de sa leçon, respondit incontinent : « Monsieur, ce sont

des beufz et des moutons. " Dont elle appresta à rire à toute la présence, principalement quand ilz eurent entendu qu'il apprenoit à sa chambrière à parler en plurier nombre.

Du cardinal de Luxembourg et de la bonne femme qui voulait faire son filz prebstrc, qui n'avoit point de tesmoings; et comment ledict cardinal se nonima Philippot.

u temps du roy Louys douziesme y avoit iun cardinal de la maison de Luxem- ^^ bourg lequel fut evesque du Mans, et se tenoit ordinairement sus son evesché, homme vivant magnifiquement, aymé et honoré de ses diocesins, comme prince qu'il estoit. Et avec sa magnificence, avoit une certaine privauhé qui le faisoit encores mieulx vouloir de tout lemonde,etmesme estoit facétieux en temps et lieu; et, s'il aymoit à gaudir, il ne prenoit point en mal d'estre gaudy. Un jour se présenta à luy une bonne femme des champs, comme il estoit facile à escouter tou-

tes personnes, laquelle, après s'estre agenouillée devant luy et ayant eu sa bénédiction, comme ilz faisoyent bien religieusement de ce temps-là, luy va dire : « Monsieur, ne vous despiese, sa voûte gresse, contre vous ne set pas dit : j'ay un fils qui ha desjà vingt ans passez, o révérence! et qui est assez grand quiert ; il ha desja tenu un an les escolles de nostre parroisse : j'en voudras ben faire un prêtre, si c'estoit le piesir de Dieu. — Par foy, dit le cardinal, ce seroit bien fait, mamie, il le fault faire. — Vere mes. Monsieur, dit la bonne femme, il y ha quelque chouse qui l'engarde; mes en m'ha dict que vous l'en pourriez ben recompenser. » La bonne femme vouloit dire dispenser. Le cardinal, prenant plaisir en la simplicité de la bonne femme, luy dit : « Et qu'estce, mamie? — Monsieur, voez-vous ben, il n'ha point.... — Qu'est-ce qu'il n'ha point? dit-il. — Eh! Monsieur, dit-elle, il n'ha point..., je n'ouseras dire, dont vous m'entendez ben, ce que les hommes portant. » Le cardinal, qui l'entendoit bien, luy dit : « Et qu'est-ce que les hommes portent? N'ha-t-il point de chausses longues? — Bol bol ce n'est pas ce que je vieulx dire. Monsieur; il n'ha point de chouses. »

Le cardinal fut long-temps à marchander^ avec elle, pour veoir s'il luy pourroit faire parler bon

NOUVELLE XV. 8l

françoys-; mais il ne fut possible, car elle luy di-

soit : « Eh ! Monsieur, vous l'entendez ben, à

que faire me faictes vous ainsin muser ?Toutesfois ■^:^

à la fin elle se luy va dire : « Agardez mon, Mon- «Sfeîx/vtA/*-'

sieur, quand il estoit petit il cheut du haut d'une

eschelle et se rompit, tant qu'il ha fally le senner

(senner, en ce pais là, est chastrer), et sans cela je

l'eussion marié, quer c'est le plus grand de tous

mes enfans. » Le cardinal luy dit : « Par foy ! ma-

mie, il ne laissera pas d'estre prebstre pour cela,

avec dispense, cela s'entend. Que pleust à Dieu

que tous les prebstres de mon diocèse n'en eussent

non plus que luy!

— Eh! Monsieur, dit elle, je vous remercie; il sera ben tenu de prier Dieu pour vous et pour vos amis trespassez. Mes, Monsieur, il y ha encores un auhre cas que je vous voudras ben dire, mes qui ne vous despiesist. — Et qu'est ce, mamie? — O! regardez mon! Monsieur, je vous voudras bien prier, en m'ha dit que les evesques pouvont ben changer le nom aux gens : j'ay un aultre hardeau (ainsi appellent ilz aux champs un garson, et une garce une hardelle) ; ilz ne font que se mocquer de ly. Il ha nom Phelipes, sa voûte gresse; il m'est avis quand il aira un aultre nom, que j'en seray pus à mon ése; quer ilz crient après ly Phelipot! Phelipot! Vous sçavez

ft2 NOUVELLE XV.

ben, Monsieur, qu'il fasche ben aulx gens quand les aultresse mocquent d'eulx. Je voudras ben, si c'estoit voûte piésir, qu'il eust un autre nom. « Or est il que le reverendissime s'appelloit en son propre nom Phelippes.

« Par foy! mamie, dit il, c'est mal fait à eux d'appeller ainsi votre filz Phelippot, il y fault remédier. Mais sçavez vous bien, mamie, je ne luy osteray point le nom de Phelippes , car je veulx qu'il le garde pour l'amour de moy : je m'appelle Phelippes, mamie, entendez vous? mais je luy donneray mon nom et je prendray le sien; il aura nom Phelippes et j'auray nom Phelippot; et qui l'appellera autrement que Phelippes, venez le moy dire, et je vous donneray congé d'en faire tirer une querimoine. Est ce pas bien dit, mamie? Vous ne serez pas faschée que vostre filz porte mon nom ? — En bonne foy. Monsieur, dit elle, vous nous faictes pus d'honnour qu'à nous appartient ; je prie à Dieu par sa gresse qu'il vous doint bonne vie et longue, et Paradis à la fin.»

La bonne femme s'en alla bien contente d'avoir eu ainsi bonne responce de son evesque, et fit entendre à tous ceulx de son village ce que l'evesque luy avoit dict. Et depuis ledit seigneur, qui recitoit voulentiers telle manière de comptes, se nommoit Phelippot par manière de passe temps,

et disoit qu'il n'auroit plus nom Phelippes. Et y fut depuis souvent appelle : dont il ne se faisoit que rire, à la mode d'Auguste César, lequel gaudissoit volontiers et prenoit les gaudisseries en jeu.

Tesmoin l'apophtegme tout commun de luy et d'un jeune filz qui vint à Romme, lequel sembloit si bien à Auguste, qu'on n'y trouvoit quasi rien à dire quand aux trétz du visage, et le regardoit on par toute la ville en grande singularité pour la grande ressemblance d'entre l'empereur et luy ; dequoy Auguste estant averty, luy dit une foys : « Dites moy, mon amy, vostre mère ha elle esté autrefoys en ceste ville? » Le jeune filz, qui entendit ce qu'Auguste vouloit dire : « Sire, dit il, non pas ma mère, elle n'y fut jamais que je sache, mais mon père assez de foys. » Et par là rendit à Auguste ce que Auguste avoit voulu mettre sus luy ; car il n'estoit pas impossible que le père du jeune filz n'eust congneu la mère d'Auguste , non plus qu'Auguste celle du jeune filz.

Le mesme empereur print encor sans desplaisir que Virgile l'appellast filz d'un boulangier, parce qu'au commencement qu'il le cognent, il ne luy faisoit donner que des pains pour tous presens ; mais depuis il luy fit assez d'autres grands biens.

De l'enfant de Paris nouvellement marié, et de Beaufort, qui trouva moyen de jouyr de sa femme, nonobstant la songneuse garde de dame Pernette.

In jeune homme natif de Paris, après • avoir hanté les universitez de çà et de ilà les montz, se retira en sa ville, où il fut un temps sans se marier, se trouvant bien à son gré ainsi qu'il estoit, n'ayant point faulte de telle sorte de plaisirs qu'il souhaittoit, et mesme de femmes, encores qu'il ne s'en trouve point à Paris de malheur! Desquelles ayant congneu les ruses et finesses en tant de pais, et les ayant luy mesmes employées à son profit et usage, il ne se soucioit pas trop d'espouser femme, craignant ce maudit et commun mal de cocuage ; et n'eust esté l'envie qu'il avoit de se veoir père, et d'avoir un héritier descendant de luy, il fust volentiers demeuré garson perpétuel. Mais luy, qui estoit homme de discours, pensa bien qu'il falloit passer par là (je dy par mariage), et qu'autant valloit y entrer de bonne heure comme attendre plus tard.

se proposant qu'il ne faut pas se garder tant qu'on soit usé pour prendre femme, car il n'est rien qui ouvre la porte plus grande à cocuage que l'impuissance du mary. Et puis il avoit reduict en mémoire et par escript les ruses plus singulières que les femmes inventent pour avoir leur plaisir. Il sçavoit les allées et les venues que font les vieilles par les maisons, soubz ombre de porter du fil, de la toile, des ouvrages, des petits chiens. Il sçavoit comme les femmes font les malades, comme elles vont en vendanges, comme elles parlent à leurs amis qui viennent en masque, comme elles s'entrefont faveur soubz ombre de parentage. Et avec cela il avoit leu Bocace et Celestine.

Et de tout cela deliberoit de se faire sage, faisant les desseins en soy mesme : « Je feray le meilleur devoir que je pourray, pour ne porter point les cornes. Au demeurant, ce qui doibt advenir viendra. » Et de ceste empeincte se signa de la main droite, en se recommandant à Dieu.

Adonc entre les filles de Paris dont il estoit à mesme, il en choisit une à son gré, la mieux conditionnée, du meilleur esprit et la plus acomplie. Et n'y faillit de gueres, car il la print jeune, belle, riche, et bien apparentée; laquelle il espouse, et la meine en sa maison paternelle.

»f) NOUVELLE XVI.

Or il tenoit une femme avec soy assez âgée, qui avoit esté sa nourrice, et qui de tout temps demeuroit en la maison, appellée dame Pernette, advisée et accorte femme, laquelle il présente à sa jeune espouse d'entrée de mesnage, luy disant : « Mamie, je suis bien tenu à ceste femme icy, c'est ma mère nourrice; elle ha fait de grandz services à mes père et mère, et à moy après eux. Je la vous baille pour vous faire compagnie, elle sçait du bien et de l'honneur : vous vous en trouverez bien. » Puis en particulier il enchargea à dame Pernette de se tenir prés de sa femme et de ne l'abandonner, sus les peines qu'il luy dit, et en quelque lieu qu'elle allast. Laquelle luy promit seurement qu'elle le feroit.

Et cy diray en passant qu'il y ha un meschanl proverbe, je ne sçay qui l'ha inventé, mais il est bien commun : « Costa quam nemo rogavit. » Je ne dy pas qu'il soit vray, je m'en rapporte à ce qu'il en est; mais je dy bien qu'il n'est point de belle femme qui n'ait esté priée, ou qui ne le soit tost ou tard. Ah? je ne suis donc pas belle? dira ceste cy. Ny moy donc aussi? dira ceste là. Et bien j'en suis content, je ne veulx point de noise. Tant y ha que une femme bien aprise se garde bien de dire qu'elle ayt esté priée, principalement à son mary : car, s'il est fin, il pensera de sa

femme que , si elle n'eust donné occasion et audience, elle n'eust pas esté requise.

Pour venir à mon compte, il advint qu'entre ceulx qui hantoyent en la maison de monsieur le marié ; n'attendez pas que je le vous nomme) y avoit un jeune advocat appelé le sieur de Beaufort, lequel estoit du pays de Berry, hantant la barre pour usiter et praticquer ce qu'il avoit veu aux estudes, auquel monsieur faisoit grande familiarité et bonne chère, parce qu'ilz s'entre estoyent veuz aux universitez, et mesmes avoyent esté compaignons d'armes en plusieurs factions.

Ce Beaufort n'estoit pas surnommé, car il estoit beau, adroit et de bonne grâce. Et pour ce, la dame lui faisoit bon œil, et luy à elle, tant qu'en moins de rien, par frequens messages des yeulx, ilz s'entredonnerent signe de leurs mutuelles volontez. Or le mary, sachant que c'estoit de vivre, ne se monstroit point avoir de froit aux piedz, mesmement à la nouveauté, ne se deffiant pas grandement d'une si grande jeunesse qui estoit en sa femme, ne de l'honnesteté de son amy, et se contentant de la garde que faisoit dame Pernette.

Beaufort, qui de son costé entendoit le tour du baston, voyant la grande privaulté que luy faisoit le mary, et le gracieulx accueil que luy faisoit la

jeune femme, avec une affection, ce luy sembloit, bien plus ouverte qu'à nul aultre, comme il estoit vray, trouve aisément l'occasion, en devisant avec elle, de la conduire au propos d'aymer, d'autant qu'elle avoit esté nourrie en maison d'apport, et qu'elle sçavoit suivre et entretenir toutes sortes de bons propos. A laquelle Beaufort, de fil en aiguille, se print à dire telles paroles :

« Madame, il est assez aisé aux dames d'esprit et de vertu à congnoistre le bon vouloir d'un serviteur , car elles ont tousjours le cueur des hommes, encores qu'elles ne vueillent. Pour ce n'est besoin de vous faire entendre plus expressément l'affection et l'honneur que je porte à l'infinité de vos grâces, lesquelles sont accompagnées d'une telle gentillesse d'esprit qu'homme n'y sçauroit aspirer qui ne soit bien né, et qui n'ayt le cueur en bon lieu : car les choses précieuses ne se désirent que des gentilz courages, qui m'est grande occasion de louer la fortune, laquelle m'ha esté si favorable de me présenter un si digne et si vertueux subject, pour avoir moyen de mettre en évidence l'inclination que j'ay aux choses de prix et de valleur. Et combien que je soys l'un des moindres de ceulx desquelz vous méritez le service, je me tiens pourtant asseuré que voz grandes perfections, lesquelles j'admire, seront

cause d'augmenter en moy les choses qui sont requises à bien servir : car, quant au cueur, je l'ay si bon et si affectionné envers vous, qu'il est impossible de plus; lequel j'espère vous faire congnoistre si évidemment, que vous ne serez jamais mal contente de m'avoir donné l'occasion de vous demeurer perpétuellement serviteur. »

La jeune dame, qui estoit honneste et bien apprise, oyant ces propos d'affection, eust bien voulu son intention aussi facile à exécuter comme à penser. Laquelle, d'une parolle féminine, assez asseurée pourtant, selon l'âge d'elle, auquel communément les femmes ont une crainte accompagnée d'une honte honneste , luy va respondre ainsi :

« Monsieur, quand bien j'aurois voulenté d'aymer, si n'aurois-je pas encore eu le loisir de songer à faire un aultre amy que celuy que j'ay espousé, lequel m'aime tant et me traicte si bien qu'il me garde de penser en aultre qu'en luy. Davantage, quand la fortune devroit venir sus moy pour mettre mon cueur en deux partz, j'estime tant de vostre vertu et de vostre bon cueur que vous ne voudriez estre la première cause de me faire faire chose qui fust à mon desavantage. Quant aux grâces que vous m'attribuez, je laisse cela à part, ne les recongnoissant point en moy.

et les rendz au lieu dont elles viennent, qui est à vous. Mais, pour mes aultres deffenses, voudriezvous bien faire ce tort à celuy qui se fie tant en vous, qui vous faict si bonne chère? Il me semble qu'un cueur si noble que le votre ne sçauroit donner lieu à une telle intention que celle-là. Et puis, vous voyez les incommoditez assez grande pour vous divertir d'une telle entreprise, quand vous l'auriez. Je suis tousjours accompagnée d'une garde, laquelle, quand jevoudrois faire mal, tient l'œil sus moy si continuel que je ne luy sçaurois rien desrober. »

Beaufort se tint bien ayse quand il ouit ceste responce, et principalement quand il sentit que la dame se fondoit en raisons dont les premières estoient un peu fortes, mais par les dernières la jeune dame les rabatoit elle-mesme. Ausquelles Beaufort respondit sommairement :

« Les trois pointz que vous m'alléguez, Ma dame, je les avois bien preveuzet pourpensez; mais vous sçavez que les deux despendent de vostre bonne voulenté, et le tiers gist en diligence et bon avis. Car, quant au premier, puisque l'amour est une vertu, laquelle cherche les espritz de gentile nature, il vous fault penser que quelque jour vous aymerez tost ou tard; laquelle chose devant estre, mieulx vault que de bonne heure vous receviez le

service de celuy qui vous ayme comme sa propre vie que d'attendre plus longuement à obéir au Seigneur, qui ha puissance de vous faire payer l'usure du passé, et vous rendre entre les mains de quelque homme dissimulé qui ne prenne pas vostre honneur en si bonne garde comme il mérite. Quant au second, c'est un point qui ha esté vuydé, long-temps ha, en l'endroit de ceulx qui sçavent que c'est que d'aymer : car, pour l'affection que je vous porte, tant s'en fault que je face tort à celuy que vous avez espousé, que plustost je luy fay honneur quand j'ayme de si bon cueur ce qu'il aime. Il n'y ha point plus grand signe que deux cueurs soient bien d'accord sinon quand ilz ayment une mesme chose. Vous entendez bien que, si nous estions ennemis luy et moy, ou si nous n'avions point de familiarité l'un à l'autre, je n'aurois pas l'opportunité de vous veoir, ny de vous parler si souvent. Ainsi, le bon vouloir que j'ay vers luy, estant cause de la grand amour que je vous porte, ne doibt pas estre cause que vous me laissiez mourir en vous aymant. Quant au tiers, vous sçavez. Ma dame, qu'à cueur vaillant rien impossible. Advisez donq que c'est qui pourroit eschapper à deux cueurs soubmis à l'amour, lequel est un seigneur qui faict si bien valloir ses sugetz! »

Pour abréger, Beaufort luy compta si honnestement son cas qu'honnestement elle ne l'eust sceu refuser. Et demeurèrent les affaires en tel point que la jeune dame fut vaincue d'une force volontaire, si qu'il ne restoit plus qu'à trouver quelque bonne opportunité de mettre leur entreprise à exécution. Hz adviserent des moyens uns et aultres; mais quand ce venoit à les faire bons, dame Pernette gastoit tout, car elle avoit deux yeulx qui valloyent bien tous ceulx du gardien de la fîUe d'Inache. Et puis d'user des finesses que Beaufort avoit aultres fois faictes, il n'y avoit ordre, car le mary les sçavoit toutes par cueur. Toutesfoys il s'ingénia tant qu'il en advisa une qui luy sembla assez bonne : ce fut que, sçachant bien qu'en toutes bonnes entreprises d'amours il y fault un tiers, il se descouvre à un sien amy, jeune homme marchand de draps de soye, et encores non marié, demeurant en une maison que son père luy avoit n'ha gueres laissée au bout du pont Nostre- Dame ; et mesme estoit bien congneu du mary.

Un jour de Toussaintz, comme il avoit esté advisé entre les parties, la jeune femme, que le dieu d'amours conduisoit, partit de sa maison sus l'heure du sermon, pour aller ouir un docteur qui preschoit à S. Jehan en Grève, et qui avoit grand presse; et le mary demeura en sa maison pour

NOUVELLE XVI. çS

quelque sien affaire. Ainsi que la dame passoit par devant la maison du sire Henry, ainsi s'appelloit le marchand, voicy qu'il luy fut getté, selon que le mistere avoit esté dressé, un plein seau d'eau, qui luy couvrit toute la personne, et fut getté si à point que tous ceulx qui le virent cuiderent bien que ce fust par inconvénient. « O! lasse, dit-elle, dame Pernette, je suis diffamée! Et que feray-je? » Le plus viste fut qu'elle se getta dedans la maison du sire Henry, et dit à dame Pernette : « Mamie, courez vistement me quérir ma robe fourrée d'agneaulx crespés; je vous attendray icy chez le sire Henry. » La vieille y va, et la jeune dame monte en hault, où elle trouva un fort beau feu que son amy luy avoit fait aprester, lequel ne luy donna pas le loisir de se devestir, qu'il la gette sus un lict qui estoit là auprès du feu, là où pensez qu'ils ne perdirent point temps, et si eurent assez bon loisir de bien faire avant que la vieille fust allée et venue, et prins robe, chapperon, collet, et tous les aultres chefz d'accoustremens.

Le mary, qui estoit à la maison, entendit que dame Pernette estoit en la chambre de devant, laquelle faisoit son affaire sans luy en dire rien, de peur qu'il se faschast d'aventure. II vient et trouve la bonne Pernette, et commence à luy dire :

« Que faites-vous icy ? Où est ma femme ? » Dame Remette luy compte ce qui luy estoit advenu, et qu'elle estoit venue quérir des habillemens pour elle. « O! de par le diable! dit-il en fongnant, voilà un tour de finesse qui n'estoit point encor en mon papier; je les sçavois tous, fors celuy-là. Je suis bien accoustré ! Il ne fault qu'une meschante heure pour faire un homme cocu ! Allezvous-en à elle, de par Dieu! je luy envoyeray le reste par le garçon.»

Dame Pernette y va , mais il n'estoit plus temps, car Beaufort avoit fait une partie de ses affaires, et se sauva par un huis derrière, selon l'advertissement qu'il eut par celuy qui faisoit le guet pour veoir venir dame Pernette, laquelle, quand elle fut venue, n'y congneut rien : car, combien que la jeune dame fust un petit en couleur, elle pensa que ce fust de la chaleur du feu. Aussi estoit-ce, mais c'estoit d'un feu qui ne s'estaint pas pour l'eau de la rivière.

NOUVELLE XVII. y5

De l'advocat en parlement qui fit abbattre sa barbe pour la pareille, et du disner qu'il donna à ses amys.

)n advocat en parlement, qui estoit bien feau compte de la douzaine, plaidoit une jcause devant monsieur le président Lizet, n'agueres decedé abbé de S. -Victor prope muros; et parce que c'estoit une cause d'importance, il plaidoit d'affection ; esquelles causes est tousjours advis aux advocatz qu'ilz ne sçauroyent trop expressément parler pour le prouffit des parties et pour leur honneur; et pour ce il redisoit d'adventure quelque poinct desjà allégué, craignant, possible, qu'il n'eust pas esté pris de la court, ce qu'il ne fault pas craindre à Paris : de sorte que le président se levoit pour aller au conseil. L'advocat ayant la matière à cueur, disoit : « Monsieur le président, encore un mot. » Le président n'oyoit point, mais estoit aux opinions de Messieurs. L'advocat estant affectionné, va dire : « Monsieur

le président, un mot. Eh! un mot pour la pareille. » Quand le président entendit parler de pareille, pour laquelle honnestement ne se doibt rien refuser, il demeure à escouter l'advocat tout à son gré, pour lui faire entendre qu'il vouloit bien faire quelque chose pour luy à la pareille, de quoy il fut bien ris; et Dieu sçait s'il eust voulu retenir sa pareille! Toutesfois, i! dit ce qu'il vouloit dire; et s'il gaigna ou perdit pour la pareille, le compte n'en dit rien, mais bien dit que l'advocat dont est question portoit longue barbe, chose, encores qu'elle ne fust plus nouvelle, car assez d'aultres en portoyent, et de Testât mesme d'advocat; toutesfois ne plaisoit pas à monsieur Lizet, parce que de son régne avoit esté faict l'edit des barbes, lequel pourtant n'avoit pas tenu longuement, car on suivit la mode de court, là où chascun portoit barbe indifféremment.

Suyvant propos, il advint que de là à quelques jours l'advocat mesme plaidoit une aultre cause, ledit seigneur président estant lors en ses bonnes, lequel, quand ce vint à prononcer l'arrest, y adjousta une queue en disant : « Et quand et quand, et pareillement, Jacquelot, vous ferez ceste barbe. » Et, avec une petite pausette dit : « Pour la pareille. » De quoy il fut encores mieulx ris qu'il n'avoit esté la première foys, car ceste

pareille estoit encore de fresche mémoire. Il fut contrainct d'abbattre sa barbe ; aultrement il n'eust jamais eu patience à monsieur le président, auquel il devoit ceste pareille. Environ ce mesme temps, Jacquelotse trouva en compagnie de gens de bonne chère, faisant le sixiesme, en la maison de l'abbé de Chatelus, là où ilz desjunerent, mais assez sommairement, parce que possible ne se trouvèrent pas viandes prestes sus l'heure, et qu'ils estoyent tous familliers, desquelz Chatelus se dispensa privément.

Jacquelot au départir les convia à disner, et appella encores quelques uns de ses amis, qui disnerent tous ensemble famillierement. Et y estoit entre aultres un personnage dont le nom est bien congneu en la France, tant pour son tiltre d'honneur que de son sçavoir, lequel avoit esté au desjeuner de Chatelus. Et de sa part je croy bien qu'il se contentoit bien de chascun destraitementz, car les hommes de respect prennent garde à la bonne chère des personnes plus qu'à l'exquisition des viandes. Toutesfoys, par manière de passetemps, il en fit un epigramme :

Chalelus donne à desjuner

A six pour moins d'un carolus,

Et Jaquelol donne à disner

A plus pour moins que Chatelus.

Apris cti repas dissolus, Chascun s'en va gay el (allât Qui me perdra chez Chalelus Ne me cherche chez Jaquelol.

De Gillcl le mcnuzicr, comment il se vengea du lévrier qui luy venait manger son disner.

s menuzier de Poictiers, nommé Gillet, ,.iLm Jj,,4ui travailloit pour gagner sa vie le ^^fesg^^mieulx qu'il pouvoit, ayant perdu sa femme, qui lui avoit laissé une fille de l'âge de neuf à dix ans, se passoit du service d'elle, et n'avoit aultre valet ni chambrière. Il faisoit sa provision le samedy de ce qu'il luy falloit pour la sepmaine, et mettoit de bon matin sa petite potée au feu, que sa fille faisoit cuire; et se trouvoit aussi bien de son petit ordinaire comme un plus riche du sien. Or il se dit en commun langage qu'il ne fait pas bon avoir voisin trop povre ni trop riche : car, s'il est povre, il sera toujours à vous demander sans vous pouvoir secourir de rien ; s'il est

NOUVELLE XVUI. 99

trop riche, il vous tiendra en subjection, et vous faudra endurer deluy, et ne l'oserez emprunter de rien.

Ce menuzier avoit pour voisin un gentilhomme de ville, lequel estoit un petit trop grand seigneur pour luy, et qui tenoit grand train de valetz et d'allans et venans. Et d'aultant qu'il aymoit la chasse, il tenoit des chiens en sa maison, pour ce qu'il ne luy falloit pas sortir loin hors de la ville pour avoir son passetemps du lièvre. Entre ces chiens y avoit un lévrier fort meffaisant, qui entroit par tout, et ne trouvoit rien trop chaud ne trop pesant : pain, chair, fourmaige, tout luy estoit fourrage; et le povre menuizier en estoit le plus foullé, car il n'y avoit que la muraille entre le gentilhomme et luy. Au moyen de quoy ce lévrier se fourroit à toute heure chez luy, et emportoit tout ce qu'il trouvoit. Et mesmece lévrier avoit ceste astuce que de la patte il renversoit le pot qui bouilloit au feu et en prenoit la chair, et s'en alloit à tout, dont bien souvent le povre Gillet estoit mal disiié, chose qui lui faschoit fort qu'après avoir travaillé toute la matinée il fust desservy avant se mettre à table. Et le pis estoit qu'il ne s'en osoit plaindre; mais il proposa de s'en venger, quoy qu'il en deust advenir.

Un jour qu'il veid entrer ce lévrier, qui alloit à

lOO NOUVELLE XVI 11.

sa prise, il s'en va après, sans faire grand bruit, avec une grosse limande carrée en sa main, et le trouve qu'il estoit environ son pot à tirer la chair qui estoit dedans. Il ferme la porte bien h point et vous attrappe ce lévrier, auquel en moins de rien donna cinq ou six coups de cette limande sus les reins, et ne s'y faignit point. Et tout incontinent il laisse sa limande et print une houssine en la main, qui n'estoit pas plus grosse que le doigt, longue d'une aulne ou environ, et ouvre l'huis au lévrier, qui crioit à gueuUe ouverte, comme errené qu'il estoit.

Ce menuzier couroit après avec sa houssine, dont il le frappoit tousjours, et le poursuivit jusques en la rue en disant : « Vous n'irez pas, monsieur le lévrier! Si vous y retournez! Vous venez manger mon disner! » faisant semblant qu'il ne l'avoit frappé que de la verge. Mais ç'avoit esté d'une verge souple comme un pied de selle dont il avoit accoustré tellement le lévrier que le gentilhomme ne mangea depuis lièvre de sa prise.

Du savetier Blondeaii, qui ne fut onq en sa vie melancholic que deux fois, et comment il y pourveut, et de son

[Paris sus Seine trois batteaux y ha; Imais il y avoit aussi un savetier qu'on lappelloit Biondeau, lequel avoit sa loge prés la Croix du Tiroir, là où il refaisoit les souliers, gaignant sa vie joyeusement, aymoit le bon vin sus tout, et l'enseignoit volentiers à ceux qui y alloyent : car, s'il y en avoit en tout le Cartier, il falloit qu'il en tastast, et estoit content d'en avoir davantage et qu'il fust bon. Tout le long du jour il chantoit et resjouissoit tout le voisiné.

Il ne fut onq veu en sa vie marry que deux fois l'une, quand il eut trouvé en une vieille muraille un pot de fer auquel y avoit grande quantité de pièces antiques de monnoye, les unes d'argent, les autres d'aloy, desquelles il ne sçavoit la valleur. Lors il commença de devenir pensif. Il ne chantoit plus, il ne songeoit plus qu'en ce pot de

quinquaille. Il fantasioit en soymesme : « La monnoye n'est pas de mise; je n'en sçaurois avoir ny pain ny vin. Si je la montre aux orfèvres, ilz me décèleront ou ilz en voudront avoir leur part, et ne m'en bailleront pas la moitié de ce qu'elle vault. » Tantost il craignoit de n'avoir pas bien caché ce pot et qu'on le luy desrobast. A toutes heures il partoit de sa tente pour l'aller remuer. Il estoit en la plus grand' peine du monde. Mais à la fin il se vint à recongnoistre, disant en soy mesme : « Comment! je ne fais que penser en mon pot ! Les gens cognoissent bien à ma fasson qu'il y ha quelque chose de nouveau en mon cas. Baa ! le diable y ait part au pot! il me porte malheur. » En efîect, il le va prendre gentiment et le gette en la rivière, et noya toute sa melancholie avec ce pot.

Une autre fois, il se trouva fasché d'un monsieur qui demeuroit tout vis-à-vis de sa logette; au moins il avoit sa logette tout vis-à-vis de monsieur, lequel quidam monsieur avoit un singe qui faisoit mille maulx au povre Blondeau, car il l'espioyt d'une fenestre haulte quand il tailloit son cuir et regardoit comme il faisoit; et aussi tosl que Blondeau estoit allé disner, ou en quelque part à son affaire, ce singe descendoit et venoit en la loge de Blondeau, et prenoit son trenchet et

NOUVELLE XIX. Io3

decouppoit le cuir de Blondeau comme il avoit veu faire; et de cela faisoit coustume à tous les coups que Blondeau s'escartoit. De sorte que le povre homme fut tout un temps qu'il n'osoit aller boire ny manger hors de sa boutique sans enfermer son cuir. Et si quelques fois il oublioyt à le serrer, le singe n'oublioyt pas à le luy tailler en lopins, chose qui luy faschoit fort; et si n'osoit pas faire mal à ce singe par crainte de son maistre. Quand il en fut bien ennuyé, il se délibéra des'en venger. Après s'estre bien apperceu de la manière qu'avoit ce singe, qui estoit de faire en la propre sorte qu'il voioyt faire, car, si Blondeau avoit aguisé son trenchet, ce singe l'aguisoit après luy; s'il avoit poissé du ligneul, aussi faisoit ce singe; s'il avoit cousu quelque carrelleure, ce singe s'en venoit jouer des coudes comme il luy avoit veu faire; à l'une des fois Blondeau aguisa un trenchet et le fit couper comme un rasoir, et puis, à l'heure qu'il veid ce singe en aguet, il commença à se mettre ce trenchet contre la gorge et le mener et ramener comme s'il se fust voulu égosiller. Et quand il eut fait cela assez longuement pour le faire adviser à ce singe, il s'en part de sa boutique et s'en va disner. Ce singe ne faillit pas incontinent à descendre, car il vouloit s'esbattre à ce nouveau passetemps qu'il n'avoit point encores

veu faire. Il vint prendre ce trenchet et tout incontinent se le met contre la gorge, en le menant et ramenant comme il avoit veu faire à Blondeau. Mais il l'approcha trop prés, et ne se print garde qu'en le frayant contre la gorge, il se couppe le gosier de ce trenchet, qui estoit si bien affilé, dont il mourut avant qu'il fust une heure de là.

Ainsi Blondeau fut vengé de son singe sans danger, et se remist à sa coustume première de chanter et faire bonne chère, laquelle luy dura jusqu'à la mort; et, en la souvenance de la joyeuse vie qu'il avoit menée, fut fait un epitaphe de luy qui s'ensuit ;

Cy-dessoubz gist en ce tombeau Un savetier nommé Blondeau, Qui en son temps rien n'amassa; Et puis après il trespassa.

Marriz en furent tes voisins, Car il enseignait les bons vins.

NOUVELLE XX Des trois frères qui cuidercnt estrc pcnduz pour leur latin.

[ROIS frères de bonne maison avoyent s longuement demeuré à Paris, mais ilz ^^è^M avoyent perdu tout leur temps à courir, à joueretàfolastrer. Advint que leur père les manda tous trois pour s'en venir, dont ilz furent fort surpris, car ilz ne sçavoyent un seul mot de latin ; mais ilz prindrent complot d'en apprendre chascun un mot pour leur provision . Sçavoir est : le plus grand aprint à dire : Nos très clerici; le second print son thème sur l'argent, et aprint : Pro bursa et pecunia; le tiers, en passant par l'église, retint le mot de la grand messe : Dignum et justum est. Et là dessus partirent de Paris, ainsi bien pourveuz, pour aller veoir leur père; et conclurent ensemble que, par tout où ilz se trouveroyent et à toutes sortes de gens ils ne parleroyent autre chose que leur latin, se voulant faire estimer par-là les plus grands clercs de tout le pais.

Or, comme ilz passoyent par un bois, il se

trouva que les brigans avoyent coupé la gorge à un homme et l'avoyent laissé là, après l'avoir destroussé. Le prevost des niareschaulx estoit après avec ses gens, qui trouva ces trois compaignons prés de là où le meurdre s'estoit fait et où gisoit le corps mort. « Venez çà, ce leur dit-il. Qui ha tué cest homme ? » Incontinent le plus grand, à qui l'honneur appartenoit de parler le premier, va dire : « Nos (res denci. — O ho! dict le prevost, et pourquoy l'avez-vous faict? — Pro bursa et pecunia^ dit le second. — Et bien! dit le prevost, vous en serez penduz. — Dignum et justum est,» dit le tiers.

Ainsi les povres gens eussent esté penduz a crédit, n'eust esté que, quand ilzveirent que c'estoit à bon escient, ilz commencèrent à parler le latin de leur mère et à dire qu'ilz estoyent. Le prevost, qui les veid jeunes et peu fins, congneut bien que ce n'avoit pas esté eulx et les laissa aller, et fit la poursuite des volleurs qui avoyent fait le meurdre.

« Mais les trouva il .'' — Et qu'en sçay-je , mon amy? je n'y estois pas. »

Du jeune plz qui fit valloir le beau latin que son curé tuy avait monstre.

)n laboureur riche et aisé, après avoir .tenu son filz quelques années à Paris, île manda quérir, par le conseil de son curé. Quand il fut venu, le père, qui estoit ja vieulx, fut joyeux de le veoir, et ne faillit à envoyer incontinent quérir monsieur le curé à disner pour luy faire feste de son fîlz. Le curé vient, qui veid le jeune enfant, et luy dit : « Vous soyez le bien venu, mon amy ; je suis bien aise de vous veoir. Çà, disnons, et puis nous parlerons à vous. » Hz disnerent tresbien. Après disner, le père dit au curé : « Monsieur le curé, vous voyez ce garson ; je l'ay fait venir de Paris, comme vous m'aviez conseillé. Il y aura trois ans à ceste Chandeleur qu'il y alla. Je voudrois bien sçavoir s'il ha prouffité, mais j'ay grand peur qu'il ne veuille rien valloir. J'en voulois faire un prestre. Je vous prie, Monsieur le curé, de l'interroguer un petit pour

sçavoir comment il ha employé son temps. — Ouy dea, mon compere, dit le curé, je le feray pour l'amour de vous. » Et sus le champ et en la présence du bon homme, fit approcher le jeune filz.

« Or çà, dit-il, vos regens de Paris sont grands latins; que je voye comme ilz vous ont appris. Puisque vostre père vous veult faire prestre, j'en suis bien aise; mais dictes moy un peu en latin un prestre : vous le devez bien sçavoir. » Le jeune filzluy respondit : Sacerdos. « Et bien! dit le curé, ce n'est trop mal dict, car il est escript : Ecce sacerdos magnus; mais prestolus est bien plus élégant et plus propre, car vous sçavez bien qu'un prestre porte l'estolie.

« Or çà, dictes-moy en latin un chat. » Le curé voyoit le chat au long du feu. L'enfant respond catus, felis, murilegus. Le curé, pour donner à entendre au père qu'il sçavoit bien plus qu'ilz ne sçavoyent à Paris, dict au jeune filz : « Mon amy, je pense bien que vos regens vous ont ainsi monstre; mais il y ha bien un meilleur mot : c'est mitis, car vous sçavez bien qu'il n'est rien si privé qu'un chat; et mesmes la queue, qui est si souefve quand on la manie, s'appelle suavis.

'< Or çà, comment est-ce en latin du feu ? » L'enfant respond ignis. " Non, non, dict le curé :

c'est gaudiuin, car le feu resjouit. Ne voyez-vous pas comme nous sommes ici à nostre ayse auprès du feu?

« Orçà, de l'eau, comment s'appelle elle en latin? » L'enfant luy dict a^ua. « C'est beaucoup mieulx dict abundantia, dict le curé, car vous sçavez qu'il n'y ha chose plus abondante que l'eau.

« Or çà, un lict?» L'enfant dict lectus. «Lectus? dict le curé; vous ne parlez que le latin tout vulgaire : il n'y ha enfant qui n'en dict bien autant. N'en sçavez vous point d'aultres? » L'enfant luy respond thorus. « Encores n'y estes vous pas, dict le curé; n'en sçavez vous point d'aultre? » L'enfant dit cubile. « Encores n'y estes vous pas. » A la fin, quand il n'eut plus rien à luy dire : « Pour le latin d'un lict, Jan! je le vous vois dire, dit le curé, c'est requies, mon amy, pour ce qu'on y dort et qu'on y prend son repos. »

Ce pendant que le curé l'interrogoit ainsi avec ses Or çà, le bon homme de père ne faisoit pas gueres bonne chère, et eut volentiers battu son filz, et pensoit qu'il avoit perdu son argent. Mais le curé, le voyant fasché, luy dit : « Non, non, mon compère, il n'ha pas mal prouffité; je sçay bien qu'on luy ha ainsi montré comme il dict. Il ne respond pas trop mal, mais il y ha latin et latin, dea ! Je sçay des motz dont ilz n'ouyrent ja-

mais parler à Paris. Envoyez le moy souvent, je luy apprendray choses qu'il ne sçait pas encores ; et vous verrez que, devant qu'il soit trois mois, je l'auray rendu bien aultre qu'il n'est. »

Le jeune enfant cependant n'osoit pas répliquer , parce qu'il estoit craintif et honteux; mais il n'en pensoit pas moins pourtant.

De là à quelques jours, le curé fit tuer un pourceau gras, et envoya quérir à disnerlebon homme de père pour luy donner des charbonnées et des boudins, et luy manda qu'il ne faillist pas à mener son filz. Ils vindrent et disnerent. Le jeune filz, qui avoit bien retenu le latin que luy avoit enseigné le curé et qui avoit desja songé la manière de le mettre en exécution et pratique, s'estant levé de table de bonne heure, va gentiment prendre le chat, et, lui ayant attaché un bouchon de paille à la queue, met le feu dedans la paille avec une allumette et vous laisse aller ce chat, qui se print à fouir comme s'il eust eu le feu au cul. Le premier lieu où il se fourre, ce fut soubz le lict du curé, là où le feu fut tanstost espris. Quand le jeune filz congneut qu'il estoit temps d'adoperer son latin, il s'en vint vistement au curé et luy dit : « Prestole mitis habet gaudium in suavi; quod si abundantiaiwn est, tu amittis tunm requiem.

Ce fut au curé à courir voyant le feu desja

NOUVELLE XXn

grand; et par ce moyen le jeune filz approufita le latin que luy avoit appris monsieur le curé, pour luy apprendre à ne le faire plus infâme devant son père.

D'un prebstre qui ne disoil aultre mot que Jésus en son Evangile.

' N une paroisse du diocèse du Mans, 'laquelle se demande Saint George, y . avoit un prebstre qui autresfoys avoit esté marié; et depuis que sa femme fut morte, pour mieux faire son debvoir de prier Dieu pour elle, et aussi pour gaigner une messe qu'elle avoit ordonné par son testament estre dicte en l'église parrochiale , se voulut faire d'église. Et combien qu'il ne sceust du latin que pour sa provision, encores pas, toutesfoys il faisoit comme les aultres et venoit à bout de ses messes au moins mal qu'il luy estoit possible.

Un jour de bonne feste vint à S. George un gentilhomme pour quelque affaire qu'il y avoit, et

I 12 NOUVELLE XXir.

arriva entre les deux messes; et parce qu'il n'avoit bonnement loisir d'attendre la grand messe, voulut en faire dire une basse, et commanda à son homme de luy trouver un prebstre pour la luy dire. Lequel s'adressa à cestuy cy duquel nous parlons, qui estoit prest comme un chandelier. Et combien qu'il ne sceust bien que ses messes de requiem, de Nostre-Dame et du Saint Esprit, toutesfois il n'en faisoit jamais semblant de rien, de peur de perdre ses six blancs. Il se vest, il commence sa messe, il se depesche de l'introïte, combien qu'il luy cousta assez, l'epistre encores plus. Mais le gentilhomme n'y prenoit bonnement garde, estant empesché à dire ses heures, jusques à ce que ce vint à l'évangile, lequel n'estoit pas bien à l'usage du prebstre, car il ne l'avoit jamais dict que trois ou quatre foys; au moyen de quoy il estoit fort empesché, sçachant bien qu'on l'escoutoit, qui estoit cause que la crainte luy faisoit encores plus fourcher la langue. Il disoit cest évangile si pesamment et vous y trouvoit tant demotz nouveaux et si longs à eppeller qu'il estoit contraint d'en laisser la moytié, et vous disoit à tous coups Jésus, encores qu'il n'y fust point. A la fin, il s'en tira à bien grand peine et acheva sa messe comme il peut.

Le gentilhomme, ayant noté la suffisance de ce

NOUVELLEXXH. Il3

bon capeian, le fit payer de sa messe et dit à son homme qu'il le fist venir chez le curé pour disner avec luy quand la grand messe seroit dicte, ce qu'il fit voulentiers, car qui baille six blancs à un homme et luy donne bien à disner, il luy donne la valeur de cinq bons solz à proffit de mesnage. En disnant le gentilhomme vint en propos de la messe et du service du jour, et se print à dire : « Messire Jehan, l'évangile du jourd'huy estoit fort devotieux : il y avoit beaucoup de Jésus. » Lors, messire Jehan, qui estoit un petit regaillardy tant pour la familliarité du gentilhomme que pour la bonne chère qu'il avoit faicte, luy dit: « J'enten desja bien là où vous voulez venir, Monsieur; mais je vous diray. Monsieur, il n'y ha encores que trois ans que je suis prebstre. Monsieur ; je ne suis pas encores si bien stillé, Monsieur, comme ceulx qui l'ont esté vingt ou trente ans. Monsieur. L'Evangile du jourd'huy. Monsieur, pour dire vérité, je ne l'avois point encores veu. Monsieur, que troys ou quatre foys, comme il y en ha beaucoup d'aultres au Messel, Monsieur, qui sont un peu mal aisez. Monsieur; mais quand je dis la messe. Monsieur, devant les gens. Monsieur, de bien, et qu'en l'Evangile il y ha de ces motz difficiles à lire, Monsieur, je les saulte, Monsieur, de peur de faire le messe trop

longue, Monsieur; mais je dy Jésus au lieu, qui vault mieulx, Monsieur.

— Vrayement, dit le gentilhomme, messire Jehan, vous avez bien cause d'avoir raison. Quand je viendray icy, je veulx tousjours ouyr vostre messe. J'en voys boire à vous.

— Grand mercy, Monsieur, dit messire Jehan, et ego cum vos. Prou vous face, Monsieur. Quand vous aurez affaire de moy. Monsieur, je vous serviray aussi bien que prebstre. Monsieur, de ceste paroisse. » Et ainsi print congé, gay comme Perot.

De maislre Pierre Faifeu, qui eut des bottes qui ne luy coustercnt rien, et des Copieux de la Flèche en Anjou.

'ha pas encores long temps que re- 'gnoit en la ville d'Angiers un bon afifieux de chiendant, nommé maistre Pierre Faifeu, homme plein de bons motz et de bonnes inventions et qui ne faisoit pas grand mal,

NOUVELLE XXIII. Il5

fors que quelques foys il usoit des tours villoniques, car :

Pour mettre, comme un homme habile.

Le bien d'aultrui avec le sien.

Et vous laisser sans croix ne pile, Maistre Pierre le faisait bien,

et trouvoit fort bon le proverbe qui dit que tous les biens sont communs et qu'il n'y ha que manière de les avoir. Vray est qu'il le faisoit si dextrement et d'une si gentille façon qu'on ne luy en pouvoit sçavoir mauvais gré, et ne s'en faisoit on que rire, en s'en donnant garde pourtant qui pouvoit.

Il seroit long à racompter les bons tours qu'il ha faitz en sa vie, mais j'en diray un qui n'est pas des pires, affin que par là vous puissiez juger que les aultres devoyent valoir quelque chose.

Il se trouva une foys entre toutes si pressé de partir de la ville d'Angiers qu'il n'eut pas loisir de prendre des botes. Comment! des botes? il n'eut pas le loysir de faire seller son cheval, car on le suyvoit un peu de prés. Mais il estoit si accort et si inventif qu'incontinent qu'il fut à deux jectz d'arc de la ville, trouva façon d'avoir une jument d'un povre homme qui s'en retournoit dessus en son village, luy disant qu'il s'en alloit par là et

I l6 NOUVELLE XXlll.

qu'il la laisserait à sa femme en passant; et parce qu'il faisoit un peu maulvais temps , il entra en une grange, et, en grande diligence, fit de belles botes de foin toutes neufves, et monte sus sa jument, et pique, au moins talonne tant qu'il arriva à la Flèche tout mouillé et tout mal en point, qui n'estoit pas ce qu'il aymoit, dont il se trouvoit tout pesneux.

Encores, pour amender son marché, en passant tout le long de la ville, où il estoit cogneu comme un loup gris, et ailleurs avec, les copieux (ainsi ont ilz esté nommez pour leurs gaudisseries) commencèrent à le vous railler de bonne sorte. « Maistre Pierre, disoyent ilz, il feroit bon à ceste heure parler à vous! Vous estes bien attrempé. » L'aultre luy disoit : « Maistre Pierre, ton espée vous chet. » L'aultre : « Vous estes monté comme un sainct George, à cheval sus une jument. » Mais, par sus tous, les cordouanniers se mocquoyent de ses botes. « Ah! vrayement, disoyent ilz, il fera bon temps pour nous : les chevaulx mangeront les botes de leurs maistres. « Mon maistre Pierre estoit mené qu'il ne touchoit de pied en terre, et d'aultant plus volentiers se prenoyent à luy qu'il estoit celuy qui gaudissoit les aultres. Il print patience et se sauve en l'hostellerie pour se faire traitter.

Quand il fut un petit revenu auprès du feu, il commence à songer comment il auroit sa revenche de ses copieux qui luy avoyent ainsi fait la bien venue. Si luy souvint d'un bon moyen que le temps et la nécessité luy presentoyent pour se venger des cordouanniers, en attendant que Dieu luy donnast son recours contre les aultres. Ce fut qu'ayant faute de botes de cuir, il imagina une invention de se faire boter par les cordouanniers à leurs despens.

Il demanda à l'hoste, comme s'il n'eust gueres bien congneu la ville, s'il n'y avoit cordouanniers là auprès, faisant semblant d'estre party d'Angiers en diligence pour quelque affaire qu'il luy dit, et qu'il n'avoit eu loisir de se houserny esperonner. L'hoste luy respondit qu'il y avoit des cordouanniers à choisir. « Pour Dieu, ce dit maistre Pierre, envoyez m'en quérir un, mon hoste. « Ce qu'il fit.

Il en vient un, lequel, de bonne aventure, estoit l'un de ceulx qui l'avoyent ainsi bien lardé à sa venue. « Mon amy, dit maistre Pierre, ne me feras tu pas bien une paire de botes pour demain au matin? — Ouy dea, monsieur, dit le cordouannier. — Mais je les voudrois avoir une heure devant jour. — Monsieur, vous les aurez à telle heure et si bon matin que vous voudrez.

I l8 NOUVELLE XXIII.

— Eh! mon amy, je l'en prie, despesche les moy; je te payeray à tes motz. ■> Le cordouannier luy prend sa mesure et s'en va.

Incontinent qu'il fut departy, maistre Pierre envoyé par un aultre valet quérir un aultre cordouannier, faisant semblant qu'il n'avoit pas peu accorder avec celuy qui estoitvenu. Le cordouanniervint, auquel il dit tout ainsi qu'à l'autre qu'il luy fîst une paire de botes pour le lendemain une heure devant le jour, et qu'il ne luy challoit qu'elles coustassent, pourveu qu'il ne luy faillist point et qu'elles fussent de bonne vache de cuir, et luy dit la mesme façon dont il les vouloit qu'il avoit dict à l'autre. Après luy avoir pris la mesure, le cordouannier s'en va.

Et mes deux cordouanniers travaillèrent toute la nuict environ ces botes, ne sçachant rien l'un de l'autre.

Le lendemain matin, à l'heure dicte, il envoya quérir le premier cordouannier, qui apporta ses botes. Maistre Pierre se fait chausser celle de la jambe droite, qui luy estoit faicte comme un gant ou comme de cire, ou comme vous voudrez, car les bottes ne seroyent pas bonnes de cire. Contentez vous qu'elle luy estoit moult bien faicte; mais, quand ce vint à chausser celle de la jambe gauche, il fait semblant d'avoir mal en la jambe.

(. Oh ! mon amy, tu me blesses! J'ay ceste jambe un petit enflée d'une humeur qui m'est descendue dessus; j'avoys oublié à te le dire. La bote est trop estroitte, mais il y a bon remède. Mon amy, va la remettre à l'embouchoir; je l'attenderay plustost une heure. »

Quand le cordouannierfut sorty, maistre Pierre se deschausse vistement la bote droitte et mande quérir l'aultre cordouannier. et ce pendant fit tenir sa monture toute preste, et compta et paya. Voicy venir le second cordouannier avec ses botes. Maistre Pierre se fait chausser celle de la jambe gauche, laquelle se trouva merveilleusement bien faicte; mais, à celle delà jambe droitte, il fit telle fourbe comme il avoit fait à l'aultre, et renvoyé ceste bote droitte pour estre eslargie.

Incontinent que le cordouannier s'en fut allé, maistre Pierre reprend sa bote de la jambe droitte et monte à cheval sus sa jument, et va vie avec ses botes et des espérons, lesquelz il avoit acheptez, car il n'avoit pas loisir de tromper tant de gens à un coup; et de picquer !

Il estoit desja à une lieue loing quand mes deux cordouanniers se trouvèrent à l'hostelerie avec chascun une bote en la main, qui s'entredemanderent pour qui estoit la bote. « C'est, ce dit l'un, pour maistre Pierre Faifeu, qui me l'ha faict eslargir

pour ce qu'elle le blessoit. — Comment! dit l'auitre, je luy ay eslargie ceste cy. — Tu te trompes, ce n'est pas pour luy que tu as besoigné. — Si est, si est, dit il; n'ay je pas parlé à luy? ne le congnois je pas bien? »

Tandis qu'ilz estoyent en ce débat, l'hoste vint, qui leur demande que c'estoit qu'ilz attendoyent. « C'est une bote pour maistre Pierre Faifeu que je luy raporte, » dit l'un. Et l'aultre en disoit aultant. « Vous attendrez donc qu'il repasse par icy, dit l'hoste, car il est bien loing s'il va tousjours. »

Dieu sçait si les deux cordouanniers se trouvèrent bien camus ! « Et que ferons nous de nos botes? » disoyent ilz l'un à l'autre. Hz s'adviserent de les jouer à belle condemnade, parce qu'elles estoyent toutes deux d'une mesme façon. Et maistre Pierre escampe de hait, qui estoit un petit mieux en équipage que le jour de devant.

De maisire Arnaud, qui emmena la hacqucnéc d'i Italien en Lorraine et la rendit au bout de neuf niois.

)L y en avoit un en Avignon, je ne ^sçay s'ilz avoient esté à mesme escole

Jmaistre Pierre Faifeu et luy, mais tant y ha qu'ilz faisoyent d'aussi bons tours l'un comme l'aultre, et si n'estoyent pas loing d'un mesme temps. Cestuy cy s'appelloit maistre Arnaud, lequel mesme usa en Avignon de la propre praticque d'avoir des botes que nous avons dicte; et si n'estoit point si pressé de partir comme maistre Pierre; mais un jour, voulant faire un voyage en Lorraine, le disoit à tout le monde. Et par ce qu'il ne se tenoit jamais garny de rien, s'asseurant en ses inventions, on pensoit qu'il se mocquast. Quand il avoit un manteau, on lui demandoit où il prendroit des botes; s'il avoit des botes, on luy demandoit où il prendroit un chapeau. Et puis de l'argent, qui estoit la clef du

mestier. Mais cependant il trouvoit de tout, tellement que, pour son voyage de Lorraine, il se trouva prest, petit à petit, de tout ce qu'il luy . -ji falloit, fors qu'il n'avoit point de cheval. Mais,

^» ^^ -fi^''-, se fiant bien que Dieu ne l'oublieroit au besoin,

il se tenoit tousjours bote comme un messagier, se pourmenant par cy, par là, faisant semblant de dire adieu à ses amis. Mais il espioit sa proye, qui estoit à avoir un cheval par quelque bonne fortune. Ceulx qui le congnoissoyent luy disoyent en riant : « Or çà, maistre Arnaud, vous irez en Lorraine quand vous aurez un cheval; vous estes bote pour coucher en ceste ville. — Et bien! bien! disoit il, laissez faire, je partiray quand il sera temps. » Mon homme pensoit tout au contraire des gens : car ce qu'on cuidoit qui luy fust le plus malaisé à recouvrer, il l'estimoit le plus facile. Ce qu'il monstra bien; car quand il veid son appoint, il s'en vint environ les neuf heures du matin devant le palais; là où quelques misseres estoyent entrez le matin pour les affaires de la légation, lesquelz sont quasi tous Italiens, qui sur une hacquenée et qui sur une mulle, principallement les vieilles personnes, car les jeunes s'en peuvent bien passer. Or il y en ha tousjours quelqu'une de mal gardée : car les laquais les attachent à quelque boucle contre la muraille et s'en

vont jouer ou yvrongner en attendant qu'il soit heure de venir quérir leurs maistres.

A l'heure susdicte, maistre Arnaud veid là quelques monteures, parmy lesquelles y avoit une hacquenée bien jolie qui luy pleut sur toutes les aultres, laquelle estoit à un Italien qu'il congnoissoit estre bonne personne. Et voyant que le valet n'y estoit pas, il s'approche de ceste hacquenée, et, en la destachant, luy demanda s'elle vouloit venir en Lorraine. Ceste hacquenée ne dit mot et se laisse destacher. Et mon homme, qui estoit légiste, print à son proiiffit le brocard de droit : jQui tacet consentire videturj Et commence à mener ceste hacquenée par la bride hors de la place du palais, en tirant sur le pont où fouy chanter la belle.

Quand il se veid hors des yeulx de ceulx qui la lui avoyent veu prendre, il monte habilement dessus, et devant à Villeneufve, qui est hors de la jurisdition du pape, et de là picque le plus droit qu'il peut le chemin de Lorraine, là où il arriva par ses journées à joye et santé, et y demeura huict ou neuf moys sans envoyer de ses nouvelles à Misser Julliano, qui fut bien esbahy à l'issue du palais quand il ne trouva point sa hacquenée, et encore plus quand il n'en oyoit point de nouvelles un jour, deux jours, trois jours.

un moys, deux moys, trois moys; tellement qu'à la fin il fut contraint d'achepter une mule, car il estoit vieulx et mal aisé de sa personne. Et ce pendant maistre Arnaud luy entretenoit sa hacquenée et luy faisoit gaigner son avoine.

Au bout du terme des femmes grosses, maistre Arnaud ayant depesché ses affaires en Lorraine, s'en retourna en Avignon sus la dicte hacquenée, et, pour faire son entrée en la ville, il espia justement l'heure qu'il estoit quand il la print, en séjournant quelque peu à Villeneufve pour boire un doigt. Sus le poinct de neuf heures il se trouva devant le palais et vint attacher gentiment sa hacquenée à la propre boucle là où il l'avoit prise, et s'en va par ville.

Et, de fortune, il Magnifico Misser estoit ceste' matinée au palais, qui descendit tantost après. Et quand ce fut à monter dessus sa mule, il jeta l'œil sus ceste hacquenée, qui estoit assez bonne à recongnoistre. Si se pensa en luy mesme qu'elle ressembloit fort à celle qu'il avoit perdue l'année passée, de poil, de taille et encore au harnois, lequel quidem harnoys maistre Arnaud n'avoit point changé. Vray est qu'il n'estoit pas si neuf comme il l'avoit pris, car il l'avoit fait servir ses trois cartiers; mais l'Italien ne s'en osoit asseurer du premiercoup,veu le long temps qu'ill'avoit adiré.

Il appelle son garson, qui avoir nom Torneto : « Vert qua; vede che questo mi par' esser li cavallo ch'io perdi l'an passato. » Le varlet regarde ceste hacquenée, qui la trouvoit toute telle, excepté qu'elle n'estoit pas en si bon poinct; mais il ne savoit bonnement que respondre, car ilz songèrent tous deulx qu'elle deust appartenir à quelque autre monsieur. Toutesfois, tant plus ilz la regardoyent, et plus ilz trouvoyent certain que c'estoit elle, et demeurèrent là tous deux jusques à unze heures et plus, là où en raisonnant tousjours ensemble sus ceste hacquenée et voyant que personne ne la prenoit, ilz s'asseurerent pour vray que c'estoit elle. Misser Juliano commanda à Torneto de la prendre et de la mener chez luy en l'astable, là où elle se rangea aussi proprement comme si elle n'en eust jamais bougé.

Il la fit ramener le lendemain en la mesme place pour voir se quelqu'un la vendiqueroit; mais il ne venoit personne, dont il fust fort esbahy, et pensoit que ce fust quelque esprit qui l'eust ramenée.

De là à quelque temps, maistre Arnaud s'adresse à Misser Juliano, lequel il trouva monté sur sa hacquenée, et luy dict : « Monsieur, je suis fort aise de sçavoir que ceste hacquenée soit à vous, car asseurez vous qu'elle est bonne : je l'ay es-

sayée. Il y a environ un an que je la trouvay prés du pont du Rosne qu'elle s'en alloit toute seule et qu'un garson la vouloit prendre; mais, cognoissant à sa façon qu'elle n'estoit pas sienne, je la luy ostay et la garday un jour ou deux sans pouvoir sçavoir à qui elle^estoit; le troiziesme jour je la menay jusques à Villeneufve, où j'ouy dire qu'un gentilhomme François la cherchoit, et qu'il luy avoit esté dit qu'on l'avoit veue emmener par un garson sus le chemin de Paris. Le gentilhomme alloit après, et moy, sçachant cela, je picque après luy pour la luy rendre; mais je ne le peu jamais atteindre, car il alloit grand train pour atteindre son larron, et allay, tant en le cherchant, que je me trouvay jusqu'en Lorraine, là où, voyant que je n'oyois point de nouvelles de ce gentilhomme, je la garday long temps, et à la fin m'en suis revenu en ceste ville, où je l'avois prise, et ay trouvé par quelques uns de mes amis qu'il se souvenoit bien l'avoir veue autresfois en ceste ville, mais qu'il ne sçavoit à qui, sinon que ce fust à quelqu'un de vous aultres messieurs de la légation. Sçachant cela, je l'ay fait mener en place du Palais, à fin que celuy à qui elle estoit la peust appercevoir; et ce pendant je m'en estois allé d'icy à Nimes, d'où je suis retourné depuis deux jours. Mais Dieu soit loué qu'elle ha retrouvé

son maistre, car j'en estois en grand peine. » L'Italien escouta toute la belle harangue de maistre Arnaud, et en fin le remercia en luy disant : « O valente huomo, io vi ringratio ; io faceva conto de l'aver persa, ma Iddio hà voluto cbe sia casca in buona man. Se voi avete bisogno di cosa che sia ne la possenza mia, io son tutto vostro. »

Messire Arnaud le remercie de son costé, et depuis alla souvent veoir l'Italien. Et pensez que ce ne fut pas sans luy jouer tousjours quelque tour de son mestier, lesquelz je vous racompterois volontiers, si je les sçavois, pour vous faire plaisir; mais je vous en diray d'aultres en recompense.

Du conseillier et de son pallef renier , qui luy rendit sa mule vieille en guise d'une jeune.

' '■ [^ i'^'r/N conseillier du Palais avoit gardé une i '" i mule vingt cinq ans ou environ, et

.w^Tci^j avoit eu entre aultres un pallefrenier, nommé Didier, qui avoit pansé cette mule dix ou douze ans ; lequel, l'ayant assez longuement servy, luy demanda congé, et avec sa bonne grâce se fit maquignon de chevaulx, hantant neantmoins ordinairement en la maison de son maistre, en se présentant à luy faire service, tout ainsi que s'il eust tousjours esté son domestique.

Au bout de quelque temps, le conseillier, voyant que sa mule devenoit vieille, dit à Didier : « Vien çà; tu congnois bien ma mule : elle m'ha merveilleusement bien porté; il me fasche bien qu'elle devienne si vieille, car à grand peine en trouveray je une telle. Mais regarde, je te prie, à m'en trouver quelqu'une. Il ne te fault rien dire : tu sais bien quelle il la me fault. » Didier lui dit :

« Monsieur, j'en ay une en l'estable qui me semble bien bonne : je la vous bailleray pour quelque temps. Si vous la trouvez à vostre gré, nous en accorderons bien, vous et moy; sinon, je la reprendray. — C'est bien dit. » Le conseillier se faict amener ceste mule, et cependant il baille la sienne vieille à Didier pour en trouver la deffaicte, lequel luy lime incontinent les dentz; il la vous bouschonne, il la vous estrilie, il la traicte si bien qu'il sembloit qu'elle fust encores bonne beste.

Tandis son maistre se servoit de celle qu'il lui avoit baillée; mais il ne la trouva pas à son plaisir, et dit à Didier : « La mule que tu m'as baillée ne m'est pas bonne; elle est fantastique. Ne veulx tu point m'en trouver d'aultre? — Monsieur, dit le maquignon, il vient bien à point, car, depuis deux ou trois jours en çà, j'en ay trouvé une que je congnois de longue main. Ce sera bien vostre cas, et quand vous aurez monté dessus, s'elle ne vous est bonne, reprochez le moy. » Didier luy ameine cette belle mule au frain doré, qu'il faisoit moult bon voir. Ce conseillier la prend, il monte dessus, il la trouve traictable au possible; il s'en louoit grandement, s'esbahissant comme elle estoit si bien faicte à sa main : elle venoit au montoir le mieulxdu monde.

l3o NOUVELLE XXV.

Somme, il y trouvoit toutes les complcxions de la sienne première, et, attendu mesme qu'elle estoit de la taille et du poil, il appelle ce maquignon : « Vien çà , Didier. Où as tu pris ceste mule? Elle semble toute faicte à celle que je t'ay baillée, et en ha toute la propre façon. — Je vous prometz, dit il, monsieur, que quand je la vey du poil de la vostre et de la taille, il me sembla qu'elle en avoit les conditions, ou que bien aisément on les luy pourroit apprendre ; et pour ce je l'ay acheptée, espérant que vous vous en trouveriez bien. — Vrayement, dit le conseillier, je t'en sçay bon gré; mais combien me la vendras tu? — Monsieur, dit il, vous sçavez que je suis vostre et tout ce que j'ay. Si c'estoit un aultre, il ne l'auroit pas pour quarante escuz; je la vous laisseray pour trente. » Le conseillier s'y accorde et donne trente escus de ce qui estoit sien et qui n'en valloit pas dix.

Des Copieux de la Fksclie, en Anjou : comment Hz furent trompez par Piquet au moyen d'une lamproye.

^ ^ ous avons cy dessus parlé des Copieux ^ de la Flesche, lesquelz on dit avoir esté si grandz gaudisseurs que jamais homme n'y passoit qui n'eufit son lardon. Je ne sçay pas si cela leur dure encores, mais je dy bien qu'une fois un grand seigneur entreprint d'y passer sans estre copié, et pensa d'y arriver si tard et en partir de si bon matin qu'il n'y auroit personne qui se peust gaudir de luy. Et, à la vérité, pour son entrée, il mesura tellement son chemin qu'il estoit toute nuict quand il y arriva. Parquoy, estant tout le monde retiré, il ne trouva homme ne femme qui luy dist pis que son nom. Et quand il fut descendu à l'hostelerie, il fit semblant d'estre un peu mal disposé, et se retira en sa chambre, où il se fît servir par ses gens, si bien que la nuict se passe sans inconvénient. Mais il commanda au soir au maistre d'hostel que tout le monde fust

l32 NOUVELLE XXVI.

prest à partir le l'endemain deux heures devant soleil levant, ce qui fut faict, et luy mesmes le premier levé, car il n'avoit aucune envie de dormir, de grand désir qu'il avoit de passer sans estre copié.

Il monte à cheval sus l'heure que l'aube commençoit à paroistre, et qu'il n'y avoit encores personne debout par la ville. Il marche jusques aux dernières maisons de la Flesche, et pensoit bien avoir évité tous les dangers, dont il estoit desja bien fier; mais voicy qu'il y avoit une vieille accropie au coing d'une muraille qui lui vint donner sa copie en lui disant en son vieillois : « Matin, matin, de peur des mousches. » Jamais homme ne fut plus marry d'estre ainsi copié au despourveu, et encore d'une vieille. Et si c'eust esté un roy, comme on dit que c'estoit, je croy qu'il eust faict mauvais party à la vieille damnée; mais la plus saine partie croid qu'il n'estoit pas roy, encores que ceulx de la Flesche se vantent que si. Or, quel qu'il fust, il eut son lardon comme les aultres.

Mais comme on dit en commun proverbe que les mocqueurs sont souvent mocquez, ceulx de la Flesche en recepvoyent bien quelquefois de bonnes, comme celle que nous avons dicte de maistre Pierre Faifeu, et encores leur en fut donnée

NOUVELLE XXVI. lî5

une aultre bonne par un qui s'appelloit Picquet. Ce fut qu'il achepta une lamproye à Durtal, et la mit en un bissac de toille qu'il portoit derrière soy à l'arson de sa selle, laquelle lamproye il attacha fort bien par l'un des trous d'auprès de la teste avec une fisselle, tellement qu'elle ne pouvoit eschapper de dedans le bissac; mais il luy fit seuUement paroistre la queue par dehors.

Quand il fut auprès de la Flesche, cette lamproye, qui estoit bien vive, demenoit tousjours la queue, tant qu'en passant par la ville les Copieux l'adviserent qu'en se démenant elle paroissoit tousjours un petit davantage hors du bissac; et mes gens de se tenir prés, attendant qu'elle deust cheoir! Et Picquet passoit tout à son aise par la ville, comme s'il n'eust pas eu grand haste, pour tousjours amasser des Copieux davantage, qui sortoyent des maisons et le suivoyent, pour avoir ceste lamproye quand elle tomberoit; desquelz y en eut quatre ou cinq des plus frians qui s'y attendoyent comme à leurs œufz de Pasques, disant l'un à l'aultre : « J'en disneron, j'en disneron. » Et Picquet ne faisoit pas semblant de les adviser, fors quelques fois, comme si son cheval ne fust pas bien senglé, il regardoit de costé ses lacquais qui le suivoyent.

Quand il fut hors de la ville, il commença à

picquer un peu plus fort, et mes Copieux après, Guidant qu'elle ne deust plus demeurer à tomber, car elle paroissoit quasi toute dehors. Il les vous meine un petit quart de lieue tousjours après ceste lamproye. Mais il y en eut deux qui se lassèrent de trotter, parce qu'ilz estoyent un petit chargez de cuisine. Les deux aultres tindrent bon, et furent bien aises que les deux s'en allassent, et dirent l'un à l'autre : « Tez tay, fen airon meilleure part. »

Quand Picquet eut congneu qu'il n'avoit plus que deux iacquais, lesquelz estoyent assez dispos de leurs personnes, il commence à picquer un peu plus fort, et encores plus fort; et mes deux Copieux après, tellement qu'ilz le suyvirent plus d'une grand demye lieue, tousjours courans après, qui pensoyent bien se venger sus la lamproye; et Picquet tousjours picquoit, mais ceste lamproye ne tomboit point, dont ilz commencèrent à se fascher, joint que Picquet, qui en avoit son passetemps, se prenoit à rire par les fois si fort qu'ilz s'en apperceurent, et virent bien qu'ilz en avoyent d'une. Toutesfois, l'un d'eulx, pour faire bonne mine, dit de loing à Picquet : « Hau! monsieur, vostre lamproye vous cherra. » Picquet se retourne vers eulx en leur disant : <i A a! il la vous faut, la lamproye? Venez, venez,

NOUVELLE XXVII. l35

VOUS l'aurez : elle cherra tantost. » Mes gens furent tout camus et dirent : « A tous les diesbes la lamproyel »

Puis, quand ilz furent de retour, Dieu sçait comment ilz furent copiez de ceulx de la ville qui entendirent la fourbe, en leur demandant à quelle saulse ilz la vouloyent. Ainsi les gaudisseries retournent quelquefoys sus les gaudisseurs.

Dr t'asne umbrageux qui avait peur quand on ostoit U bonnet, et de Sainct Chelaut et Croisé, qui chenisserenl les chausses Vun de l'aultre.

LusiEURS ont ouy le nom de messire René dii Bellay, dernièrement decedé ; evesque du Mans, lequel se tenoit sus son evesché, studieux des choses de la nature, et singulièrement de l'agriculture, des herbes et du jardinage. Il avoit en sa maison de Tonnoye un haraz de jumens, et prenoit plaisir à avoir des poullains de belle race.

l36 NOUVELLE XX VII.

11 avoit un maistre d'hostel qui meitoit peine de luy entretenir ce qu'il aymoit , auquel fut donné par quelqu'un de ses amys un asne, par grande singularité, qui estoit si beau et si grand qu'on l'eust pris à tous coups pour un mulet, et mesmes en avoit le poil; avec cela qu'il alioit l'amble aussi bien qu'un mulet. Pour ce le maistre d'hostel, voyant la bonté de cest asne, bien souvent le bailloit à l'un des officiers, sus lequel il suyvoit aussi bien le train, encores que ledit seigneur picquast aussi bien comme pas un des aultres. Et à la fin ledict asne demeura pour l'un des aulmosniers, lequel on appelloit Sainct Chelault. Ne sçay si c'estoit son nom, ou si on luy avoit donné ce soubriquet, ou si c'estoit quelque bénéfice qu'il eust eu de son maistre.

Or, pour ce qu'il n'y ha chose si excellente qui n'ait quelque imperfection, cest asne estoit un petit umbrageux. Que dy je, un petit? j'entens un petit beaucoup; car, au moindre remuement qu'il eust senty faire, il gambadoit, il saultoit, et qui failloit à se tenir bien, il vous terrassoit son homme. Au moyen de quoy Sainct Chelault, qui n'estoit pas des plus habiles escuyers du monde, à tous les coups estoit passé chevalier dessus cest asne. Quand à quelque destour il voyoit une souche couchée le long du chemin, ou quand

NOUVELLE XXVII. l ij

quelque homme se presentoit à la rencontre et au despourveu, ou quand il tomboit à Sainct Chelault le bréviaire de sa manche, le bruit seul faisoit tressaillir cest asne, qui ne cessoit de tempester qu'il n'eust porté mon aulmosnier par terre.

Mais sus tout cest asne se faschoit quand il voyoit oster un bonnet, car, quand on saluoit monsieur du Mans par les chemins, comme telles personnes sont saluées de tout chascun, cest asne au maniement des bonnetz faisoit rage. Il couroit à travers pays comme si le diammour l'eust porté, et ne failloit point à vous planter le povre Sainct Chelault en un fossé ou en quelque tartre bourbonnoise. De sorte qu'il estoit contrainct de demeurer derrière et n'aller point en trouppe, pour éviter l'inconvénient des salutations. Et si d'aventure, il rencontroit quelqu'un de congnoissance par les chemins venant au devant de luy, il luy crioit tout de loing : « Monsieur, je vous prie, ne me saluez point! ne me saluez point! » Mais bien souvent, pour en avoir passetemps, on luy attiltroit des salueurs qui luy faisoyent de grandes révérences et barretades pour veoir un peu cest asne en son avertin faire ses gambades. Quelques foys Sainct Chelault partoit devant, dont il avoit bien meilleur marché : pre-

l38 NOUVELLE XXVII.

mierement, pour éviter le danger susdict; secondement, pour aller prendre un avantage de buvettes, speciallement les après disnées, qu'il ne luy falloit point attendre Monsieur pour dire la messe devant luy.

Une foys donc, de par Dieu! qu'il estoit en plein esté, faisant grand chaleur sus l'aprésdisnée, et que Monsieur attendoit le chauU à passer, Sainct Chelault partit devant avec un qui estoit solliciteur dudict seigneur, nommé Croisé. Et parce que la traitte n'estoit pas trop longue, ilz arrivèrent de bonne heure au logis, là où ilz se rafreschirent en beuvant et beurent en se rafreschissant, et, en attendant le train à venir, donnèrent ordre au soupper. Mais quand ilz veirent que Monsieur ne venoit point si tost, ilz se mirent gentiment à soupper de ce que bon leur sembla ; et mesmes, voyans que rien ne venoit, ilz recommandèrent tout à l'hoste et au cuisinier qui estoit venu quand et eux, et eux aussi quand et le cuisinier; et se firent bailler une petite chambre jacopine, où ilz se couchèrent tresbien et tresbeau, et commencèrent à jouer à la ronfle.

Tantost, voicy Monsieur venir; et quand ses gens sceurent que mes deux compagnons estoyent couchez, ilz les laissèrent jusques après soupper, que deux ou trois d'entre eux trouvèrent façon

NOUVELLE XXVII. iSç

d'entrer en la chambre où ilz dormoyent sans faire bruit, et les trouvèrent en leur premier somme. Or il fault noter que Sainci Chelault estoit si maigre que les os luy persoyent la peau; mais Croisé faisoit bien autant d'honneur à celuy qui le nourrissoit comme Sainct Chelault lui faisoit de deshonneur, car il estoit si gras et si fafelu qu'on l'eust fendu d'une areste. Que firent mes gens? Hz prindrent les chausses des deux dormans et les descousirent par la moytié, et les mespartirent Tune d'avec l'aultre, rattachant la droicte de l'un avec la gauche de l'aultre, et la gauche avec la droicte, le plus proprement qu'ils peurent, et les remirent en leur place, et vous laissèrent dormir mes deux pèlerins jusques au lendemain qu'il fut jour et que Monsieur fust prest de monter à cheval, car il vouloit aller à la frescheur.

Et sur ce poinct, l'un des pages, qui sçavoit toute la trafficque, car telles gens ne se trouvent jamais loing de toutes bonnes entreprises, vint frapper en grand haste à la porte de la chambre où ilz estoyent couchez, disant : « Monsieur Croisé, monsieur de Sainct Chelault, voilà Monsieur à cheval! Voulez vous pas vous lever? » Mes deux gens s'éveillent en sursault, et de prendre leurs vestemens à la haste. Sainct Chelault en eut bien meilleur compte que non pas monsieur Croi-

sé, car luy, qui estoit maigre, entra dedans la chausse de Croisé comme les mariez de l'année passée. Il se chausse, il s'habille, et fut aussi tost prest qu'un chien auroit saulté un eschalier. Il monte à cheval sus son asne, et devant !

Mais Croisé, qui d'aventure avoit chaussé la bonne chausse la première, quand ce vint à celle deSainctChelault, le diable y fut, car elle estoit si estroicte qu'à grand peine y eust il mis le bras. Il tiroit, il tiroit, mais il y fust encores; et si ne songeoit point que la chausse ne fust à luy, car il n'eust jamais pensé en telz affaires; et puis il n'estoit pas encores bien esveillé, comme sont gens repletz et qui ont repeu au soir. A la fin, de force de tirer, il esclatta tout, qui fut cause de le reveiller et de le faire entrer en colère. « Que diable est ce cy? » disoit il. Il regarde à son cas de plus prés, et congneut que ce n'estoit pas sa chausse, et n'y peut jamais entrer, sinon qu'il passa toute la jambe et la cuisse par la fendasse qu'il avoit faicte, affin au moins que le fessier luy demeurast couvert en attendant qu'il eust moyen de remédier à son cas, et chausse sa bote de ce costé là tout à nud sus la jambe, et monte à cheval, galoppant après Monsieur, qui estoit desja à une lieue de là.

Et Dieu sçait comment il fut ris de leurs jeuxl

car, quand ilz furent à la disnée, là où de fortune il n'y avoit point de ravaudeurs ny de cousturiers, car c'estoit en une maison de gentilhomme un petit à l'escart, on veid tout à cler le faict comme il estoit passé. Hz s'entrerendirent chascun sa chausse et se mirent à les rabillecoustrer tandis qu'on disnoit, qui fut en déduction de ce qu'ilz avoyent le soir souppé si bien à leur aise. Ce ne fut pas mauvais pour monsieur Croisé, car la diette ne luy estoit que bonne. Mais le povre Sainct Chelault en eut mauvais party, car il n'avoit pas affaire de cela ; et puis Croisé luy avoit rompu toute sa chausse.

Ainsi la mauvaise fortune jamais ne vient qu'elle n'en apporte une, ou deux, ou trois, avecques elle, Sire. Ouy, ouy, cela est dedans Marot.

Les uns me conseilloyent que je disse que cecy estoit advenu en hyver, pour mieulx faire valoir le compte; mais, estant bien informé que ce fut en esté, je n'ay point voulu mentir : car, avec ce qu'un compte froid n'est pas trouvé si bon, je me damnerois, ou pour le moins il m'en faudroit faire pénitence. Toutes fois il sera permis à ceulx qui le feront après moy de dire que ce fut en hyver, pour enrichir la matière. Je m'en rapporte à vous. Quant à moy, je passe oultre.

Du prevost Coquillaire, malade des yeux, auquel les médecins faisoycnt accroire qu'il voyait.

mesme pays du Maine y avoii n'Iia ''ÂfTtii^ë^^^^^ ^" lieutenant du prevost des fe^i^^s^I mareschaulx qu'on appelloit Coquillaire, homme qui faisoit bien un procès et qui sçavoit bien la ruse du lieutenant Maillard, lequel, un jour ayant entre ses mains un homme qui avoit fait des maulx assez, mais il alleguoit qu'il avoit tonsure, le vous laissa refroidir quelque temps en la prison; puis, à heure choisie, le fet venir devant soi, et commença à faire le familier avecque lui :

« Vrayement, dit il, tel, l'appelant par son nom, c'est bien raison que vous soyez renvoyé par devant vostre evesque. Je ne vous veulx pas faire tort de vostre privilège, ains vous en voudrois advertir quand vous n'y penseriez pas; mais je vous conseille que d'icy en avant vous vous retiriez es lieux où se font les actes d'honneur.

NOUVELLE XXVIIl. 148

Vous estes beau personnage et vaillant, vous debvriez aller servir le roy; vous vous feriez incontinent congnoistre et seriez pour avoir charge et pour vous faire grand, non pas vous amuser es villes et par les chemins et vous mettre en danger de vostre vie et vous deshonorer à jamais. » Incontinent le gallant, qui se sentoit loué : « Monsieur, dit il, je ne suis pas maintenant à congnoistre que c'est du service du roy. J'estois bien devant Pavie quand il fut pris, soubz la charge du capitaine Lorge, et depuis me trouvay à la suicte de monsieur de Lautrec à Millan et au royaume de Naples. » Alors Maillard vous luy achevoit son procès et le vous faisoit pendre hault et court avec sa tonsure, et luy apprenoit que c'estoit de servir le roy.

Coquillaire sçavoit bien faire cela et semblables choses, et voyoit assez clair dedens un sac des yeulx de l'esperit; mais des yeulxde la teste il n'y voyoit pas la longueur de quatre doigtz, et ne luy falloit point demander lequel il eust mieulx aymé avoir, le nez aussi long que la veue ou la veue aussi longue que le nez, car il n'y avoit pas beaucoup à dire de l'un à l'autre.

Advint qu'un jour l'evesque du Mans, allant visiter par son diocèse, le voulut veoir en passant, parce qu'il le congnoissoit bon justicier et que

son chemin s'adonnoit par Ih; lequel il trouva au lict, malade d'une humeur qui lui estoit tombée sur ses pauvres yeulx. « Et bien! monsieur le prevost, dit l'evesque, comment vous trouvez vous? — Monsieur, dit il, il y ha un mois et davantage que je suis icy. — Vous avez toujours mauvais yeulx, dit l'evesque ; comment en estes vous? — Monsieur, dit Coquillaire, j'espère que je m'en porteray mieulx. Le médecin m'ha dit que je voy. »

Pensez que c'estoit un si fin homme de se rapporter au médecin s'il voyoit ou non; mais il ne se rapportoit pas si voulentiers au dire des prisonniers pour leur faict propre comme il faisoit au médecin pour le sien.

Des finesses et actes mémorables d'un regnard qui estait au bailly de Maine la Juhés.

N la ville de Maine la Juhés, au bas ' du pays du Maine, c'est es limites de

ce bon pays nus, y avoit un bailly, homme de bonne chère selon le pays, et qui se delectoit de beaucoup de gentillesses, et avoit en sa maison quelques animaulx apprivoisez, entre lesquelz estoit un regnard qu'il avoit fait nourrir petit, et luy avoit on couppé la queue, et pour ce on l'appelloit le hère.

Ce regnard estoit fin de père et de mère; mais il avoit encore passé la nature en conversant avec les hommes, et avoit si bon esprit de regnard que, s'il eust pu parler, il eust monstre à beaucoup de gens que ce n'estoyent que bestes. Et certainement il sembloit à sa mine que quelquesfoys il s'efforçast de parler au plaisant regnardoys qu'il jargonnoit. Et quand il estoit avec le valet de la maison ou avec la chambrière, pource qu'ilz

le traictoyent bien à la cuisine, vous eussiez dict qu'il les vouloit appelle: par leur nom. Il sçavoit aussi bien quand monsieur le bailly debvoit faire un banquet à veoir les gens de là dedans tous empeschez, et principalement le cuisinier. Il s'en alloit chez les poullailliers et ne failloit point à apporter connilz, chappons, pigeons, perdris, levraulx, selon les saisons, et les prenoit si finement que jamais il n'estoit surpris sur le faict, et vous fournissoit la cuisine de son maistre merveilleusement bien.

Toutesfois, il alla et retourna si souvent en méfiait qu'il commença à se faire congnoistre des poullailliers et des aultres à qui il desroboit les gibiers; mais pour cela il ne s'en soucioit gueres, car il trouvoit tousjours nouvelles finesses, les desrobant tousjours de plus en plus, tant qu'ilz conspirèrent de le tuer, ce qu'ilz n'osoyent pas faire apertement, pour la crainte de son maistre, qui estoit le grand Monsieur de la ville, mais se délibérèrent chascun de leur part de le surprendre de nuict.

Or mon hère, quand il vouloit aller quester, entroit tantost par le souspiral de la cave, tantost par une fenestre basse, tantost par une lucarne; tantost il attendoit que l'on vint ouvrir la porte sans chandelle, et entroit secrettement comme un

rat. Et s'il avoit des inventions d'entrer, il en avoit bien autant de sortir avec sa proye. O quantes foys le pouUaillier parloit de luy pour le tuer, qu'il estoit tout auprès à escouter la conspiration, pensant en soy mesmes : « Tu ne me tiens pas! » On luy tendoit quelque gibier en belle prise, et là dessus le pouUaillier veilloit avec une arbaleste bandée, et le garrot dessus, pour le tuer. Mais mon regnard sentoit cela comme si c'eust esté la fumée du rosty, et ne s'approchoit jamais tandis qu'on veilloit; mais l'homme n'eust sceu si tost avoir les yeulx cloz pour sommeiller que mon hère ne croquast son gibier, et devant! Si on luy tendoit quelques trebuchetzou repoussoirs, il s'en sçavoit garder comme si luy mesmes les eust mis; tellement qu'ilz ne sçavoyent jamais estre si vigilans de le pouvoir attraper, et ne trouvèrent d'aultre expédient sinon tenir leur gibier serré en lieu où le hère ne peust attaindre; encores pour cela il ne manquoit pas d'en trouver quelqu'un en voye, mais c'estoit peu souvent.

Dont il commença à se fascher, partie pour n'avoir plus si grands moyens de faire service au cuisinier, partie aussi qu'il n'en estoit point si bien de sa personne comme il souloit. Et pour ce, tendant desja sur l'âge, il devint soupsonneux, et luy fut advis qu'on ne tenoit plus compte de luy.

et peut estre aussi qu'on ne luy faisoit pas tant de caresses que de coustume, car c'est grand pitié que de vieillesse. Et, pour ces causes, il commença à devenir meschantement fin, et se print à manger les poullailles de la maison de son maistre ; et, quand tout estoit couché, il s'en alloit au joue, et vous prenoit tantost un chappon, tantost une poulie. Et ne se doubtoit on point de luy; on pensoit que ce fust la bellette ou la fouyne. Mais à la fin, comme toutes meschancetez se descouvrent, il y alla tant de foys qu'une petite garse qui couchoit au buscher pour l'honneur de Dieu s'en apperceut, qui déclara tout. Et, dés lors, le grand malheur tomba sur le hère, car il fut rapporté à monsieur le bailly que le hère mangeoit les poullailles.

Or mon regnard se trouvoit partout pour escouter ce qu'on disoit de luy, et avoit de coustume de ne perdre gueres le disner et le soupper de son maistre, pource qu'il luy faysoit fort bonne chère, et l'aimoyt, et luy donnoit tousjours quelque morceau de rosty. Mais, depuis qu'il eut entendu qu'il mangeoit les poulies de la maison, il luy changea de visage, tant qu'une foys, en disnant, que le hère estoit là derrière les gens en tapinois, monsieur le bailly va dire : « Que diriez vous de mon hère qui mange mes poulies?

J'en feray bien la justice avant qu'il soit trois jours. »

Le hère, ayant ouy cela, congneut qu'il ne faisoit plus bon à la ville pour luy, et n'attendit pas les trois jours à passer qu'il ne se bannist de luy mesmes et s'enfuit aux champs avec les aultres regnardz. Pensez que ce ne fut pas sans faire la meilleure dernière main qu'il peust. Mais le povre hère eut bien affaire à s'appointer avec eulx : car, du temps qu'il estoit à la ville, il avoit appris à parler bon cagnesque, et les façons des chiens aussi, et alloit à la chasse avec eulx, et, soubz umbre de comperage, trompoit les povres regnardz sauvages et les mettoit en la gueuUe des chiens ; dont les regnardz se souvenans, ne le vouloyent point recevoir avec eulx et ne s'y fioyent point. Mais il usa de rhétorique, et s'en excusa en partie, et en partie aussi leur demanda pardon; et puis il leur fît entendre qu'il avoit le moyen de les faire vivre ayses comme roys, d'aultant qu'il sçavoit les meilleurs poullailliers du pays et les heures qu'il y falloit aller; tant qu'à la fin ilz creurent en ses belles parolles et le firent leur capitaine, dont ilz se trouvèrent bien pour un temps, car il les menoit es bons lieux, où ilz trouvoyent de butin assez.

Mais le mal fut qu'il les voulut trop accoustu-

I 5o NOUVELLE XXIX.

mer à la vie civille et compagnable, leur faisant tenir les champs et vivre à discrétion, de sorte que les gens du pays, les voyans ainsi par bandes, menoyent les chiens après, et y dem.euroit tousjours quelqu'un de mes compères les regnardz. Mais cependant le hère le savoit tousjours, car il se tenoit à l'arriére garde, affin que, tandis que les chiens estoyent après les premiers, il eust loisir desesaulver; et mesmes il n'entroit jamais dedans le terrier, sinon en compagnie d'auhres regnardz; et quand les chiens estoyent dedans, il mordoit ses compagnons et les contraignoit de sortir, affin que les chiens courussent après et qu'il se sauvast.

Mais le povre hère ne sceut si bien faire qu'il ne fust attrappé à la fin : car, d'aultant que les paysans sçavoyent bien qu'il estoit cause de tous les maulx qui se faisoyent là autour, ilz ne cherchoyent que luy et n'en vouloyent qu'à luy, tant qu'ilz jurèrent tous une bonne foys qu'ilz l'auroyent. Et, pour ce faire, s'assemblèrent toutes les paroisses d'alentour, qui députèrent chascun un marguillier pour aller demander secours aux gentilzhommes du pays, les prians que, pour la communaulté, ilz voulussent prester chascun quelques chiens pour despescher le pays de ce meschant garniment de regnard. A quoy voulontiers

s'accordèrent lesditz gentilz hommes, et firent bonne responce aux ambassadeurs; et mesmes, la pluspart d'entre eulx, long temps avoit qu'ilz en cherchoyent leur passe temps sans y avoir peu rien faire.

En somnie, on mit tant de chiens après qu'il y en eut pourluyet pour ses compagnons; lesquelz il eut beau mordre et harasser, car, quand ilz furent pris, encores fallut il qu'il y demeurast, quelque bon corps qu'il eust. Il fut empoigné tout en vie, et fut trayné, acculé en un coin de terrier à force de creuser et de bescher, car les chiens ne le peurent jamais faire sortir hors du terrier, ou fust qu'il leur jouast tousjours quelque finesse, ou, qui estmieulx à croire, qu'il leur parloit en bon cagnesque et appoinctoit à eulx, tellement qu'il y fallut aller par aultres moyens.

Or le povre hère fut pris et amené ou apporté tout vif en la ville du Maine, où fut faict son procès, et fut sacrifié publiquement pour les volleries, larrecins, pilleries, concussions, trahisons, déceptions, assassinementz et aultres cas énormes et torsionnaires par luy commis et perpétrez; et fut exécuté en grande assemblée, car tout le monde y accouroit comme au feu, parce qu'il estoit congneu à dix lieues à la ronde pour le plus mauvais garson de regnard que la terre porta ja-

l52 NOUVELLE XXX.

mais. Si dit on pourtant que plusieurs gens de bon esprit le plaignoyent, parce qu'il avoit tant fait de belles gentillesses et si dextrement, et disoyent que c'estoit dommage qu'il mourust un regnard de si bon entendement; mais à la fin ilz ne furent pas les maistres, quoy qu'ilz missent la main aux armes pour luy saulver la vie, car il fut pendu et estranglé au chasteau du Maine.

Voilà comment n'y 'na finesse ne meschanceté qui ne soit punie en fin de compte.

De maistre Jehan de Pontalalsj comment il la bailla bonne au barbier d'estuves qui faisait le brave. .

iL y ha bien peu de gens de nostre (temps qui n'ayent ouy parler de maistre t Jehan du Pontalais, duquel la mémoire n'est pas encore vieille, ny des rencontres, brocardzet sornettes qu'il faisoit et disoit, ny des beaux jeux qu'il jouoit, ny comment il mit sa bosse contre celle d'un cardinal, en luy montrant

NOUVELLE XXX. l53

(]ue deux montagnes s'entrerencontroyent bien, en despit du commun dire. Mais pourquoy dy je ceste là, quand il en faisoit un million de meilleures? Mais j'en puis bien dire encore une ou deux.

Il y avoit un barbier d'estuves qui estoit fort brave, et ne luy sembloit point qu'il y eust homme en Paris qui le passast en esprit et en habilleté. Mesmes estant tout nud en ses estuves, povre comme frère Croiset qui disoit la messe en pourpoint, n'ayant que le rasoir en la main, disoit à ceulx qu'il estuvoit : « Voyez vous, monsieu, que c'est que d'esprit. Que pensez vous que ce soit de moy? Tel que vous me voyez, je me suis avancé moymesmes. Jamais parent ny amy que fu^^^ j'eusse ne m'ayda de rien. Si j'eusse esté un sot, je ne fusse pas où je suis. » Et s'il estoit bien content de sa personne, il vouloit que l'on tinst encores plus grand compte de luy.

Ce que congnoissant, maistre Jehan de Pontalaisen faisoit bien son proffit, l'employant à toutes heures en ses farces et jeux, et fournissoit de luy quand il vouloit : car il luy disoit qu'il n'y avoit homme dedans Paris qui sceust mieulx jouer son personnage que luy. « Et n'ay jamais honneur, disoit Pontalais, sinon quand vous estes en jeu. Et puis on me demande : « Qui estoit cestuy là

« qui jouoit un tel personnage? O qu'il jouoit « bien ! » Lors je dis vostre nom à tout le monde, pour vous faire congnoistre. Mon amy, vous serez tout esbahy que le roy vous voudra veoir : il ne fault qu'une bonne heure. »

Ne demandez pas si mon barbier estoit glorieulx. Etdefaict, il devint si fier qu'homme n'en pouvoit plus jouir. Et mesmes il dit un jour à maistre Jehan du Pontalais : « Sçavez vous qu'il y ha, Pontalais? Je n'entendz pas que d'icy en avant vous me mettez à tous les jours, et ne veulx plus jouer si ce n'est en quelque belle moralité où il y ayt quelques grands personnages comme roys, princes, seigneurs. Et si veulx avoir tousjours le plus apparent qui soit. — Vrayement, dit maistre Jehan du Pontalais, vous avez raison, et le méritez; mais que ne m'en advisiez vous plustost? J'ay bien faulte d'advis, que je n'y ay pensé de moymesmes; mais j'ay bien dequoy vous en contenter d'icy en avant, car j'ay des plus belles matières du monde, où je vous feray tenir la plus belle place de l'eschaufault. Et pour commencement, je vous prie ne me faillir dimanche prochain, que jedoibzjouerun fort beau mistere, auquel je fais parler un roy d'Inde la Majeur. Vous le jouerez, n'est ce pas bien dict? — Ouy, ouy, dit le barbier; et qui le joueroit si je ne le

NOUVELLE XXX. l5S

jouois? Baillez moy seulement mon rolle. » Pontalais le luy bailla dés le l'endemain.

Quant ce vint au jour des jeux, mon barbier se représenta en son trosne avec son sceptre, tenant la meilleure majesté royalle que fit oncques barbier. Maistre Jehan du Pontalais cependant avoit faict ses apprestz pour la donner bonne à monsieur le barbier. Et pource que luymesmes faisoit volontiers l'entrée des jeux qu'il jouoit, quand le monde fut amassé, il vint tout le dernier sur l'eschaufault, mais il commença à parler tout le premier, et va dire :

Je suis des moindres le mineur, Et SI n'ay large ny escu ; Mais le roy d'Inde la Majeur M'ha souvent ratissé le eu.

Et disoit cela de telle grâce qu'il falloit pour faire entendre la braveté dudict ratisseur. Et si avoit faict son jeu de telle sorte que le roy d'Inde ne debvoit quasi point parler, mais seulement tenir bonne mine, afin que, si le barbier se fust despité, que le jeu n'en eust pas moins vallu. Et Dieu sçait s'il n'apprint pas bien à monsieur l'estuvier à jouer le roy, et s'il n'eust pas voulu estre à chauffer ses estuves !

On dit du mesme Pontalais un compte que

l56 NOUVELLE XXX.

d'aultres attribuent à un aultre; mais,quiconciues en soit l'aucteur, il est assez joly. Cestoit un monsieur le curé, lequel un jour de bonne feste estoit monté en chayre pour sermonner, là où il estoit fort empesché à ne dire gueres bien; car quand il se trouvoit hors propos, qui estoit assez souvent, il faisoit des plus belles digressions du monde. « Et que pensez vous, disoit il, que ce soit de moy.'' On en trouve peu qui soyent dignes de monter en chayre; car, encores qu'ilz soyent sçavans, ilz n'ont pas la manière de prescher. Mais à moy. Dieu m'ha faict la grâce d'avoir tous les deux; et si sçay de toutes sciences ce qu'il en est. » Et en portant le doigt au front, il disoit : « Mon amy, si tu veulx de la grammaire, il y en ha icy dedans; si tu veulx de la rethorique, il y en ha icy dedans; si tu veulx de la philosophie, il y en ha icy dedans; de la théologie, je n'en crains docteur qui soit en la Sorbonne; et si n'y ha que trois ans que je n'y sçavois rien, et toutesfois vous voyez comment je presche ; mais Dieu fait ses grâces à qui il luy plaist. »

Or est il que maistre Jehan du Pontalais, qui avoit à jouer ceste aprésdisnée là quelque chose de bon, et qui congnoissoit assez ce prescheur pour tel qu'il estoit, faisoit ses monstres par la ville, et par fortune luy falloit passer par devant

NOUVELLE XXX. iSj

l'église où estoit ce prescheur. Maistre Jehan du Pontalais, selon sa coustume, fit sonner son tabourin au carrefour, qui estoit tout vis à vis de l'église, et le faisoit sonner bien fort et longuement tout exprés pour faire taire ce prescheur, afin que le monde vint à ses jeux. Mais c'estoit bien au rebours, car tant plus il faisoit de bruit, et plus le prescheur crioit hauh; et se battoyent Pontalais et luy, ou luy et Pontalais, pour ne faillir pas, à qui auroit le dernier. Le prescheur se mit en colère, et va dire tout hault par une auctorité de predicant : « Qu'on aille faire taire ce tabourin. » Mais pour cela personne n'y alloit, sinon que, s'il sortoit du monde, c'estoit pour aller voir maistre Jehan du Pontalais, qui faisoit tousjours battre plus fort son tabourin.

Quand le prescheur veid qu'il ne se taisoit point et que personne ne luy en venoit rendre responce : k Vrayement, dit il, j'iray moymesmes. » Et descend de la chayre en disant : « Que personne ne bouge; je reviendray à ceste heure. » Quand il fut au carrefour, tout eschauffé, il va dire à Pontalais : « Hé ! qui vous fait si hardy de jouer du tabourin tandis que je presche? » Pontalais le regarde et luy dit : « Hé ! qui vous fait si hardy de prescher tandis que je joue du tabourin .'' » Alors le prescheur, plus fasché que devant, print

l58 NOUVELLE XXX.

le Cousteau de son famulus qui estoit auprès de luy, et fit une grand'balaiîre à ce tabourin avec ce Cousteau; et s'en retournoit à l'église pour achever son sermon. Pontalais print son tabourin et courut après ce prescheur, et l'en va coiffer comme d'un chapeau d'Albanois, le luy affublant du costé qu'il estoit rompu. Et lors le prescheur, tout en Testât qu'il estoit, vouloit remonter en chayre, pour remonstrer l'injure qui luy avoit esté faicte, et comment la parole de Dieu estoit vilipendée. Mais le monde rioit si fort, le voyant avec ce tabourin sus la teste, qu'il ne sceust meshuy avoir audience, et fut contrainct de se retirer et de s'en taire, car il luy fut remonstré que ce n'estoit pas le fait d'un sage homme de se prendre à un fol.

De madame la Fourrière qui logea le gentilhomme au large.

NCORES n'y ha pas long temps qu'il y 'avoit une dame de bonne volonté, qu'on appelloit la Fourrière, laquelle suyvoit quelques foys la court, qui estoit quand son mary estoit en quartier. Mais le plus du temps elle estoit à Paris : car elle s'y trouvoit bien, d'autant que c'est le paradis des femmes, l'enfer des mules et le purgatoire des soliciteurs. Un jour, elle estant audict lieu, à la porte du logis où elle se retiroit, va passer un gentilhomme par là devant, accompagné d'un sien amy, auquel il dit tout hault, en passant auprès de ladite dame, affin qu'elle l'entendist : « Par Dieu, dit il, si j'avois une telle monture pour ceste nuict, je ferois un grand pays d'icy à demain matin. » La dame Fourrière, ayant entendu ceste parolle du gentilhomme, qu'elle trouvoit à son gré, car il estoit dispos, dit à un petit poisson d'avril

lOO NOUVELLE XXXI.

qu'elle avoit auprès de soy : « Va t'en suivre ce gentilhomme que tu voys ainsi habillé, et ne le perds point que tu ne sçaches où il entrera; et fay tant que tu parles à luy, et luy dis que la dame qu'il ha tantost veue à la porte d'un tel logis se recommande à sa bonne grâce, et que, s'il veult la venir veoir k ce soir, elle luy donnera la collation entre huit et neuf heures. » Le gentilhomme accepta le message, et, r'envoyant ses recommandations, manda à la dame qu'il s'y trouveroit à l'heure. Et fault entendre que les deux logis n'estoyent pas loing l'un de l'aultre.

Le gentilhomme ne faillit pas à l'assignation, qui trouva madame la Fourrière qui l'attendoit. Elle le receut gracieusement, et le festoya de confitures. Hz devisent un temps; il se fait tard, et cependant la chambrière apprestoit le lict proprement comme elle sçavoit faire, là où le gentilhomme s'alla coucher selon l'accord fait entre les parties, et madame la Fourrière auprès de luy. Le gentilhomme monta à cheval, et commença à piquer et puis repicquer. Mais il ne sceut onq en tout faire que trois courses, depuis le soir jusques au matin, qu'il se leva d'assez bonne heure pour s'en aller; et laissa sa monture en l'estable.

Le lendemain, ou quelque peu de jours après, la Fourrière, qui avoit tousjours quelque commis-

NOUVELLE XXXII. l6l

sion par la ville, vint rencontrer le gentilhomme, lequel elle salua en luy disant : « Bonjour, monsieur de Deux et As. » Le gentilhomme s'arresta en la regardant, et luy va dire : « Par le corps bieu, Madame, si le tablier eust esté bon, j'eusse bien faict ternes. »

Et ayant sceu le nom d'elle le jour de devant, car elle estoit femme bien congnue, luy dit : « Encores, madame la Fourrière, vous me logeastes l'autre nuict bien au large. — Il est vray, dit elle, Monsieur; mais je ne pensois pas que vous eussiez si petit train. »

Bien assailly, bien deffendu.

Du gentilhomme qui avoit couru la poste, et du coq qui ne pouvait chaucher.

In gentilhomme, grand seigneur, ayant lesté absent de sa maison par quelque (temps, print le loisir de venir veoir sa femme, laquelle estoit jeune, belle et en bon

l62 NOUVELLE XXXII.

point. Et pour y estre plustost, il print la poste environ de deux journées de sa maison, là où il arriva sus le tard, que sa femme estoit desja couchée. Il se met auprès d'elle; laquelle fut incontinent resveillée, bien joyeuse d'avoir compagnie, s'attendant qu'elle auroit son petit picotin pour le fin moins. Mais sa joye fut courte, car monsieur se trouva si las et si rompu de sa course que, quelque caresse qu'elle luy fîst, il ne se peult mettre en debvoir, et s'endormit sans rien faire, dont il s'excusa vers elle : « Mamie, dit il, la grand amour que je vous porte m'ha faict haster de vous venir veoir, et suis venu en poste tout le long du chemin; vous m'excuserez pour ceste fois. »

La dame ne trouva pas cela bien à son gré : car l'on dit qu'il n'est rien qu'une femme trouve plus mauvais, et non sans cause, que quand l'homme la met en appétit sans la contenter. Et ha esté souvent veu par expérience qu'un amoureux, après avoir long temps poursuivy une dame, s'il advient qu'elle prenne quelque soudaine disposition de l'accepter, et que luy se trouve surprins de sorte qu'il soit impuissant, ou par trop grande affection, ou par crainte, ou par quelque aultre inconvénient, jamais depuis il n'y recouvrera, si ce n'est par grande adventure.

NOUVELLE XXXII. l6S

Toutesfois la dame print patience, moytié par force et moytié par cizeaulx, et n'en eut aultre chose pour celle nuict. Elle se leva le matin d'auprès de monsieur, et le laissa reposer.

Au bout d'une heure ou deux qu'il se voulut lever, en s'habillant il se met à une fenestre qui regardoit sur la basse cour, et madame à costé de luy. Il advise un coq qui muguetoit une poulie, puis la laissoit, puis refaisoit ses caresses assez de fois, mais il ne faisoit aultre chose. Monsieur, qui le regardoit faire, s'en fascha, et va dire : « Voyez ce meschant coq, qu'il est lasche! il y ha une heure qu'il est à mugueter ceste poulie, et ne luy peult rien faire : il ne vault rien ; qu'on le m'oste et qu'on en ayt un aultre. » La dame luy respond : « Eh 1 Monsieur, pardonnez luy : peult estre qu'il ha couru la poste toute la nuict. » Monsieur se teut à cela, et n'en parla plus, sçachant bien que c'estoit à luy à qui ces lettres s'addressoyent.

Du curé de Brou, cl des bons tours qu'il faisoit en son vivant.

curé de Brou, lequel en d'aucuns ! lieux ha esté nommé curé de Briosne, îha tant faict d'actes mémorables en sa vie que qui les voudroit mettre par escript, il s'en feroit une légende plus grande que d'un Lancelot ou d'un Tristan. Et ha esté si grand bruit de luy que, quand un curé ha faict quelque chose digne de mémoire, on l'attribue au curé de Brou. Les Limosins ont voulu usurper cest honneur pour leur curé de Pierre Buffere; mais le curé de Brou l'ha emporté à plus de voix, duquel je reciteray icy quelques faictz héroïques, laissant le reste pour ceulx qui voudront un jour exercer leur stile à les descripre tout du long.

Il fault sçavoir que ledit curé faisoit unes choses et aultres d'un jugement particuHer qu'il avoit, et ne trouvoit pas bon tout ce qui avoit esté introduict par ses prédécesseurs, comme les

NOUVELLE XXXIII. i .

Antiennes, les Respons, les Kyrie, les Sanctus, les Agnus Dei. Il les chantoit souvent à sa mode; mais surtout ne luy plaisoit point la façon de dire la Passion à la mode qu'on la dit ordinairement par les églises, et la chantoit tout au contraire : car, quand Nostre Seigneur disoit quelque mot aux Juifz ou à Pilate, il le faisoit parler hault et cler, que chascun l'entendist. Et quand c'estoyent les Juifz ou quelque aultre, il parloit si bas qu'à grand peine le pouvoit on ouyr.

Advint qu'une dame de nom et d'autorité, tenant son chemin à Chasteau Dun pour y aller faire ses festes de Pasques, passa par Brou le jour du Vendredy Sainct environ les dix heures du matin, et, voulant ouyr le service, s'en alla à l'église, là où estoit le curé qui le faisoit. Quant ce vint à la Passion, il la dit à sa mode, et vous faisoit retentir l'église quand il disoit : « Quem quseriùs ?» Mais, quand c'estoit à dire : « Jesum Nazarenum », il parloit le plus bas qu'il pouvoit. Et en ceste façon continua sa Passion. Cette dame, qui estoit devotieuse, et pour une femme estoit bien entendue en la saincte Escripture, et notoit bien les cérémonies ecclésiastiques, se trouva scandalisée de ceste manière de chanter, et eust voulu ne s'y estre point trouvée; mais elle en voulut parler au curé, et luy en dire ce qu'il luy en sembloit. Elle

l66 NOUVELLE XXXIII.

l'envoya quérir après le service faict, pour venir parler à elle. Quand il fut venu, elle luy dit : « Monsieur le curé, je ne sçay pas où vous avez appris à officier à un tel jour qu'il est aujourd'huy, que le peuple doibt estre tout en humilité; mais, à vous ouyr faire le service, il n'y ha dévotion qui ne se perdist. — Comment cela, ma dame? dit le curé. — Comment! dit elle, vous avez dict une Passion tout au contraire de bien. Quand Nostre Seigneur parle, vous criez comme si vous estiez en une halle ; et quand c'est un Caïphe ou un Pilate, ou les Juifz, vous parlez doux comme une espousée. Est ce bien dict à vous? Est ce à vous à estre curé? Qui vous feroit droict, on vous priveroit de vostre bénéfice, et vous feroit on cognoistre votre faulte. » Quand le curé l'eut bien escoutée : « Est ce cela que me vouliez dire, ma dame? ce luy dit il. Par mon ame, il est bien vray ce que l'on dit, qu'il y ha beaucoup de gens qui parlent des choses qu'ilz n'entendent pas. Ma dame, je pense aussi bien sçavoir mon office comme un aultre, et veulx que tout le monde sçache que Dieu est aussi bien servy en ceste paroisse selon son estât qu'en lieu qui soit d'icy à cent lieues. Je sçay bien que les aultres curez chantent la passion tout aultrement. Je la chanterois bien comme eulx si je voulois; mais ilz n'y

entendent rien. Car appartient il à ces coquins de Juifz de parler aussi hault que Nostre Seigneur? Non, non, ma dame, asseurez vous qu'en ma p'-^isse je veulx que Dieu soit le maistre, et le sera tant que je vivray; et que les aultres facent en leur paroisse comme ilz l'entendront. «

Quand ceste bonne dame eut congneu l'humeur de l'homme, elle le laissa avec ses opinions bigarres, et luy dit seulement : « Vrayement, monsieur le curé, vous estes homme de bon esprit; on le m'avoit bien dict, mais je ne l'eusse pas creu si je ne l'eusse veu. »

Du mesme curé et de sa chambrière, et de sa laiscive qu'il lavoit, et comment il traicta son cvesque et ses chevaulx et tout son train.

J^EDiT curé avoit une chambrière de j l'âge de vingt et cinq ans, laquelle le I servoit jour et nuict, la povre garse ! dont il estoit souvent mis à l'office, et en payoit

l'amende; mais pour cela son evesque n'en pouvoit venir à bout. Il luy deffendit une foys d'avoir chambrières qui n'eussent cinquante ans pour le moins. Le curé en print une de vingt ans, et l'aultre de trente. L'evesque, voyant que c'estoit erreur pejor priore, luy deffendit qu'il n'en eust point du tout; à quoy le curé fut contrainct d'obéir, au moins il en fit semblant. Et parce qu'il estoit bon compagnon et de bonne chère, il trouvoit tousjours des moyens assez pour appaiser son evesque, lequel mesmes passoit souvent par chez lui : car il luy donnoit de bon vin, et le fournissoit quelquefoys de compagnie françoyse.

Un jour l'evesque luy manda qu'il vouloit aller soupper le l'endemain avec luy, mais qu'il ne vouloit que viandes legieres, parce qu'il s'estoit trouvé mal les jours passez, et que les médecins les luy avoyent ordonnées pour luy refaire son estomac. Le curé luy manda qu'il seroit le bienvenu, et incontinent s'en va achepter force courées de veau et de mouton, et les m.it toutes cuire dedans une grande oulle, délibéré d'en festoyer son evesque.

Or il n'avoit point lors de chambrière, pour la deffense qui luy en avoit esté faite. Que fit il? Tandis que le soupper de son evesque s'apprestoit, et environ l'heure qu'il sçavoit que ledit sei-

gneiir devoit venir, il oste ses chausses et ses souliers, et s'en va porter un faiz de drapeaulx à un douet qui estoit sus le chemin par où devoit passer l'evesque, et se mit en l'eau jusqu'aux genoulz, avec une selle, tenant un batoiren la main, et lave ses drapeaulx bien et beau ; et s'y faisoit de cul et de poincte comme une corneille qui abat noys.

Voicy l'evesque venir; ceulx de son train qui alloyent devant vindrent à descouvrir de loing mon curé de Brou qui lavoit sa buée, et en haussant le cul monstroit par foys tout ce qu'il portoit. Hz le montrent à l'evesque : « Monsieur, voulez vous veoir le curé de Brou qui lave des drapeaulx? » L'evesque, quand il le veid, fut le plus esbahy du monde, et ne sçavoit s'il en debvoit rire ou s'il s'en debvoit fascher. Il s'approcha de ce curé, qui battoit tousjours à tour de bras, faisant semblant de ne voir rien : « Et, vien çà, gentil curé ; que fais tu icy ? » Le curé, comme s'il fust surpris, luy dit : « Monsieur, vous voyez, je lave ma laiscive. — Tu laves ta laiscive? dit l'evesque. Es tu devenu buandier? est ce Testât d'un prebstre? Ah! je te feray boire une pipe d'eau en mes prisons, et t'osteray ton bénéfice. — Et pourquoy, Monsieur? dit le curé : vous m'avez deffendu que je n'eusse point de chambrière,

lyo NOUVELLE XXXIV.

il fault bien que je me serve moymesmes, car je n'ay plus de linge blanc. — O le meschant curé! dit l'evesque : va, va, tu en auras une; mais que soupperons nous? — Monsieur, vous soupperez bien, si Dieu plaist; ne vous souciez point, vous aurez des viandes légères. »

Quand ce fut à soupper, le curé servit l'evesque, et ne luy présenta d'entrée que ces courées bouillies; auquel l'evesque dit : « Qu'est ce que tu me bailles ici? Te mocques tu de moy? — Monsieur, dit il, vous me mandastes hier que je ne vous apprestasse que viandes legieres : j'ay essayé de toutes sortes de viandes; mais, quand ç'ha esté à les apprester, elles alloyent toutes au fons du pot, fors qu'à la fin j'ay trouvé ces courées, qui sont demourées sus l'eau : ce sont les plus legieres de toutes. — Tu ne valus de ta vie rien, dit l'evesque, ny ne vaudras. Tu sçaiz bien les tours que tu m'as faict. Et bien, bien, je t'apprendray à qui tu te dois addresser. « Le curé pourtant avoit fort bien faict apprester le soupper, et de viandes d'aultre digestion, lesquelles il se fit apporter, et traicta bien son evesque, qui s'en trouva bieri.

Après soupper, il fut question de jouer une heure au fins, puis l'evesque se voulut retirer. Le curé, qui congnoissoit sa complexion, avoit ap-

preste un petit tendron pour son vin de coucher, et d'aultre costé aussi à tous ses gens chacun une commère : car c'estoit leur ordinaire quand iiz yenoyent chez luy. L'evesque, en se couchant, luy dit : « Va, retire toy, curé, je me contente assez bien de toy pour ceste foys. Mais sçaiz tu qu'il y ha? J'ay un pallefrenier qui n'est qu'un yvroigne : je veulx que mes chevaux soyent traictez comme moy mesmes, prens y bien garde. »

Le curé n'oublie pas ce mot ; il prend congé de son evesque jusqu'au lendemain, et incontinent envoyé par toute sa parroisse emprunter force jumentz, et en peu de temps il en trouva aultant qu'il luy en falloit, lesquelles il va mettre à l'estable auprès des chevaulx de l'evesque. Et chevaulx de hennir, de ruer, de tempester environ ces jumentz; c'estoit un triomphe de lesouyr. Le pallefrenier, qui s'en estoit allé estriller sa monture à deux jambes, se liant au curé de ses chevaulx, entend ce beau tintamarre, qui se faisoit à l'estable, et s'y en va le plus soubdainement qu'il peult pour y donner ordre. Mais ce ne peust jamais estre si tost que l'evesque n'en eust ouy le bruit.

Le lendemain matin l'evesque voulut sçavoir qu'avoyent eu ses chevaulx toute la nuict à se tormenter ainsi. Le pallefrenier le vouloit faire

passer pour rien, mais il fallut que l'evesque le sceust : « Monsieur, dit le pallefrenier, c'estoyent des jumentz qui estoyent avec les chevaulx. » L'evesque, songeant bien que c'estoit des tours du curé, le fit venir et luy dit mille injures. « Malheureux que tu es, te joueras tu tousjours de moy? Tu m'as gasté mes chevaulx; ne te chaille, je te!... » Mon curé luy respond : «Monsieur, ne me distes vous pas au soir que vos chevaulx fussent traictez comme vous mesmes? Je leur ai faict du mieulx que j'ay peu. Hz ont eu foin et aveine; ilz ont esté en la paille jusques au ventre; il ne leur falloit plus qu'à chacun leur femelle, je la leur ai envoyé quérir : vous et voz gens n'en aviez vous pas chascun la vostre? — Au diable le meschant curé! dit l'evesque; tu m'en donnes de bonnes. Tais toy, nous compterons et je te payeray des bons traictemens que tu me fais. )) Mais à la fin il n'y sceut aultre remède sinon que de s'en aller jusques à une aultre foys. Je ne sçay si c'estoit point l'evesque Milo, lequel avoit des procès un million, et disoit que c'estoit son exercice ; et prenoit plaisir à les veoir multiplier, tout ainsi que les marchans sont aises de veoir croistre leurs denrées. Et dit on qu'un jour le roy les luy voulut appointer ; mais l'evesque ne prenoit point cela en gré, et n'y voulut point

entendre, disant au roy que, s'il luy ostoit ses procès, il luy ostoit la vie. Toutesfoys, à force de remonstrances et de belles paroles, car il y falloit aller de sorte, il consentit à ces appointemens. De mode qu'en moins de rien luy en furent que vuydez, que accordez, que amortiz, deux ou trois cens. Quand l'evesque veid que ses procès s'en alloyent ainsi à néant, il s'en vint au roy, le suppliant à jointes mains qu'il ne les luy ostast pas tous, et qu'il luy pleust au moins luy en laisser une douzaine des plus beaux et des meilleurs pour s'esbatre.

cur^j et de la carpe qu'il achepta pour son disner.

Lu ' DUR revenir à nostre curé de Brou, un / ^„^dimenche matin qu'il estoit feste, se jjpourmenant autour de ses courtilz, il veid venir un homme qui portoit une belle carpe. Si se pensa que le lendemain estoit jour de poys-

son, c'estoyent possible les Rogations; il marchanda caste carpe et la paya. Et parce qu'il estoit seul, il print ceste carpe et l'attache à l'eguillette de son sayon, et la couvre de sa robe, et en ce poinct s'en va à l'église, où ses parroissiens l'attendoyent pour dire la messe.

Quand ce fut à l'offerte, ledit curé se tourne devers le peuple avec la plataine pour recepvoir les offrandes. La carpe, qui estoit toute vive, demenoit la queue foys à foys, et faisoit lever l'amict de monsieur le curé, de quoy il ne s'appercevoit point. Mais si faisoyent bien les femmes, qui s'entreregardoyent et se cachoyent les yeulx à doigtz entr'ouverts. Elles rioyent, elles faisoyent mille contenances nouvelles. Et cependant le curé estoit là à les attendre. Mais il n'y avoit celle qui osast venir la première : car elles pensoyent de ceste carpe que ce fust la tresdouce chose que Dieu fist croistre. Le curé et son assistant avoyent beau crier : « A l'offrande, femmes, qui aura dévotion! » elles ne venoyent point.

Quand il veid qu'elles rioyent ainsi, et qu'elles faisoyent tant de mines, il congneut bien qu'il y avoit quelque chose, tant qu'à la fin il se vint adviser de ceste carpe qui remuoit ainsi la queue. « Ha ! ha ! dit il, mes parroissiennes, j'estois bien esbahy que c'estoit qui vous faisoit ainsi rire :

NOUVELLE XXXV. lyS

non, non, ce n'est pas cela que vous pensez; c'est une carpe que j'ay au matin acheptée pour demain à disner. » Et en disant cela, il recoursa sa chasuble et son amict et sa robe, pour leur monstrer ceste carpe : autrement elles ne fussent jamais venues à l'offrande.

Il se soucioit du l'endemain, le bon homme de curé, nonobstant le mot de l'Evangile : Nolite solliciti esse de crastino. Lequel pourtant il interpretoit gentiment à son advantage. Car, quand quelqu'un luy dit : « Comment, Monsieur le curé 1 Dieu vous ha deffendu de vous soucier du l'endemain, et toutesfois vous acheptez une carpe pour vostre provision. — C'est, dit il, pour accomplir le précepte de l'Evangile : car quand je suis bienpourveu, je ne me soucie pas du l'endemain. »

Les uns veulent dire que ce fust un moyne qui avoit caché un pasté en sa manche, estant à disner à certain banquet. Mais tout revient à un.

On dit encores tout plein d'aultres choses de ce curé de Brou, qui ne sont point de mauvaise grâce, comme, entre autres, celle qui s'ensuit.

Du mesmc curé, qui excommunia tous cculx qui estaient dedans un trou.

''''"^ ' N' dimenche qu'il estoit feste solenile, et à l'heure du prosne, le curé ^■,^i->^.^^Lic Brou monte en une chayre pour prescher ses paroissiens, laquelle estoit auprès d'un pilier, comme elles sont volontiers. Tandis qu'il preschoit, vint à luy le clerc du presbitere, qui luy présenta quelques mémoires de querimonies, selon la coustume, qui est de les publier les dimenches. Le curé prend ces mémoires et les met en un trou qui estoit au pilier tout exprés pour semblables cas, c'est à dire pour y mettre tous les brevetz qu'on luy apportoit durant le prosne.

Quand ce fust h la fin de son presche, il voulut r'avoir ces mémoires, et met le doigt dedans le trou ; mais ilz estoyent un peu bien avant, pource qu'en les y metant il estoit, possible, ravy à exposer quelque poinct difficile de l'Evangile. Il tire, il tourne le doigt, il y fait tout ce qu'il peult; il

NOUVELLE XXXVl. lyy

n'en sceut jamais venir à bout: car, au lieu de les tirer, il les poussoit. Quand il y eut bien ahanné, et qu'il veid qu'il n'y avoit ordre : « Mes parroissiens, dit il, j'avois mis des papiers là dedans que je ne sçaurois avoir; mais j'excommunie tous ceulx qui sont en ce trou là. »

Les uns attribuent cela à un aultre curé, et disent que c'estoit un curé de ville. Et de faict, ilz ont grande apparence, car ez villages n'y ha pas communément des chayres pour faire le prosne; mais je m'en rapporte à ce qui en est. Si celuy qui c'est prétend que je luy aye faict tort en donnant cest honneur au curé de Brou pour le luy ester, m'en advertissant , je suis content d'y mettre son nom. Au pis aller, il doit penser qu'on en ha bien faict autant des Jupiters et des Hercules : car ce que plusieurs ont faict, on le réfère tout à un pour avoir plustost faict, d'aultant que tous ceulx du nom ont esté excellentz et vaillantz. Aussi il n'y auroit point d'inconvénient de nommer par antonomasie curez de Brou tous prebstres, vicaires, chanoines, moines et capellans qui feront des actes si vertueux comme il ha faict.

NOUVELLE XXXVl

NOUVELLE XXXVn

De Tciran, qui, estons sus sa mule, ne paroissoil point par dessus l'eirson de la selle.

'n la ville de Montpeslier y avoit n'ha 'gueres un jeune homme qu'on appel- , loit le prieur de Teiran, lequel estoit homme de bon lieu et d'assez bonnes lettres; mais il estoit malaisé de sa personne, car il avoit une bosse sus le doz et l'aultre sus l'estomac, qui luy faisoyent mal porter son bois, et qui l'avoyent si bien gardé de croistre qu'il n'estoit pas plus hault que d'une coudée. Attendez, attendez, j'entendz de la ceincture en sus.

Un jour, en s'en allant de Montpeslier à Thoulouse, accompagné de quelques siens amis de Montpeslier mesmes, ilz se trouvèrent à S. Tubery à l'une de leurs disnées, et, parce que c'estoit en esté et que les jours estoient longs, ses compagnons après disner ne se hastoyent pas beaucoup de partir et attendoyent la chaleur à s'abbaisser; et mesmes quelques uns d'entr'eux se

vouloyent mettre à dormir, ce que Teiran ne trouva pas bon, et fit brider une mule qu'il avoit tout en colère, n'entendez pas que sa mule fust en colère : c'estoit luy, et monte dessus en disant : « Or dormez tout vostre saoul, je m'en vois. » Et picque devant tout seul tant qu'il peult.

Quand ses compaignons le veirent deslogé, ne le voulant point laisser, se despeschent d'aller après. Mais Teiran estoit desja bien loing.

Or il portoit un de ces grands feultres d'Espagne pour se deffendre du soleil, qui le couvroit quasi luy et toute sa mule, sauf toutesfois à en rabattre ce qui sera de raison. Ceulx qui alloyent après veirent un païsant en un champ assez prés du chemin auquel ilz demandèrent : « Mon amy, as tu rien veu un homme à cheval icy devant qui s'en va droit à Narbonne? » Le païsant leur respond : « Nenny, dit il, je n'ay point veu d'homme ; mais j'ay bien veu une mule grise qui avoit un grand chapeau de feultre sur la selle et couroit à bride abbattue. » Mes gens se prindrent à rire, et congneurent bien que c'estoit leur homme, qui picquoit d'une telle colère qu'ilz ne le peurent oncques atteindre qu'ilz ne fussent à Narbonne.

Aulcuns ont voulu dire que la mule n'estoit pas grise, et qu'elle estoit noire. Mais il y ha des

l8o NOUVELLE XXXVIll.

gens qui ont un esprit de contradiction dedans le corps, et qui voudroit contester avec eulx, ce ne seroit jamais faict.

Du docteur qui blasmoit les danses, cl de ta dame qui les soustcnoil , et des raisons alléguées d'une part et d'auUre.

' N la ville du Mans y avoit n'ha gueres 'un docteur en théologie appelle nostre maistre d'Argentré qui tenoit la prébende doctorale, homme de grand sçavoir et de bonne vie ; et n'estoit point si docteur qu'il n'entendist bien la civilité et l'entregent, qui le faisoit estre bien venu en toutes compagnies honnestes.

Un jour, en une assemblée des principaulx de la ville qui avoyent souppé ensemble, luy estant du nombre, il y eut d'aventure des danses après soupper, lesquelles il regarda pour un peu de temps, pendant lequel il se print à parler avec

une dame de bien bonne grâce appellée la baillive de Sillé, femme, pour sa vertu, bonne grâce et bon esprit, tresbien venue entre les gens d'honneur, et avenante en tout ce qu'elle faisoit, et entre autres à baller, là où elle prenoit un grandissime plaisir. Or, en devisant de propos et aultres, ils commencèrent à parler des danses ; surquoy le docteur dist que, de tous les actes de récréation, il n'y avoit point un qui sentist moins son homme que la danse. La baillive luy va dire tout au contraire qu'elle ne pensoit qu'il y eust chose qui reveillast mieulx l'esprit que les danses, et que la mesure ny la cadence n'entreroit jamais en la teste d'un lourdault, lesquelles sont tesmoignage que la personne est adroicte et mesurée en ses faitz et desseins. « Il y en ha mesmes, disoit elle, de jeunes gens qui sont si pesans que l'on auroit plustost appris à un bœuf à aller la hacquenée qu'à eux à danser; mais aussi vous voyez quel esprit ilz ont. Des danses, il en vient plaisir à ceulx qui dansent et à ceulx qui voyent danser, et si ay opinion, si vous osiez dire la vérité, que vous mesmes y prenez grand plaisir à les regarder : car il n'y ha gens, tant melancholiques soyent ils, qui ne se resjouissent à veoir si bien manier le corps et si alaigrement. »

Le docteur, l'ayant ouye, laissa un peu reposer

l82 NOUVELLE XXXVIII.

les termes de la danse, entretenant neantmoins tousjours ceste dame d'autres propos qui estoyent divers, mais non pa's tant eslongnez qu'il n'y peust bien retomber quand il voudroit. Au bout de quelque espace qui luy sembla estre bien à poinct, il va demander à la dame baillive : « Si vous estiez, dit il, à une fenestre ou sus une gallerie, et vous veissiez de loing en quelque grande place une douzaine ou deux de personnes qui s'entretinssent par la main et qui saultassent, qui virassent d'aller et de retour, en avant et en arrière, ne vous sembleroyent ilz pas folz? — Ouy bien, dit elle, s'il n'y avoit quelque mesure. — Je dy encore qu'il y eust mesure, dit il, pourveu qu'il n'y eust point de tabourin ny de fluste. — Je vous confesse, dit elle, que cela pourroit avoir mauvaise grâce. — Et donc, dict le docteur, un morceau de boys perse et une seille estouppée de parchemin par les deux boutz ont ilz tant de puissance que de vous faire trouver bonne une chose qui de soy sent sa follie? — Et pourquoy non? dit elle. Ne sçavez vous pas de quelle puissance est la musique? Le son des instruments entre dedans l'esprit de la personne, et puis l'esprit commande au corps, lequel n'est pour aultre chose que pour monstrer par signes et mouvemens la disposition de l'ame à joye ou à tristesse. Vous

NOUVELLE xxxvm. l83

sçavez que les hommes marris font une autre contenance que les hommes gayz et contens. D'avantage, en tous endroitz fault considérer les circonstances, comme vous mesmes preschez tous les jours. Un tabourineur qui fleusteroit tout seul seroit estimé comme un prescheur qui se mettroit en chayre sans assistans. Les danses sans instrument ou sans chansons seroyent comme les gens en un lieu d'audience sans sermonneur. Parquoy vous avez beau blasmer noz danses, il faudroit nous oster les piedz et les oreilles ; et vous asseure, dit elle, que, si j'estoys morte et j'ouysse un violon, je me leveroys pour baller. Ceulx qui jouent à la paulme se tourmentent bien encor d'avantage pour courir après une petite pelote de cuir et de bourre, et y vont de telle affection que quelquefois il semble qu'ilz se doibvent tuer, et si n'ont point d'instrument de musicque comme les danseurs et ne laissent pas d'y prendre une merveilleuse récréation. Pensez vous oster les plaisirs de ce monde ? Ce que vous preschez contre les voluptez, si vous vouliez dire vray, n'est pas pour les abolir, sinon les deshonnestes, car vous sçavez bien qu'il est impossible que ce monde dure sans plaisir; mais c'est pour empescher qu'on n'en prenne trop. »

Le docteur vouloit replicquer, mais il fut en-

vironné de femmes qui le mirent à se taire, craignant qu'à un besoing elles ne l'eussent pris pour le mener danser; et Dieu sçait si ce eusi bien esté son cas!

De l'Escossois et sa femme, qui estoil un peu trop habile

au maniement.

Escossois, ayant suivy la court quele temps, aspiroit à une place d'ar-

*^^^ï=3S^j «-lier de la garde, qui est le plus hault qu'ilz désirent estre quand ilz se mectent à servir en France, car lors ilz se disent tous cousins du roy d'Escosse. Cet Escossois, pour parvenir à ce hault estât, avoit faict tout plein de services, pour lesquelz, entre aultres, il eut ceste faveur, d'espouser une fille qui estoit damoiselle d'une bien grand dame, laquelle fille estoit d'assez bon aage. Elle n'eut gueres esté en mariage qu'elle ne se souvint des commandemens que l'on donne aux jeunes espousées : premièrement, que la nuict elles

NOUVELLE XXXIX. l85

tiennent leur couvrechief à deux belles mains, de peur que leur mary les descoiffe ; qu'elles serrent les jambes comme un homme qui descend en un puiz sans corde; qu'elles soyent un peu rebelles, et que pour un coup qu'on leur baille qu'elles en rendent deux. Cette jeune damoiselle commence à observer de bonne heure ces beaux et sainctz enseignementz l'un après l'autre, jusques à ce qu'elle en fit une leçon et les praticqua tous à la fois, dont cest Escossois ne fut pas trop content, speciallement du dernier poinct ; et, voyant qu'elle s'en sçavoit ayder de si bonne heure, il sembla à ce povre homme qu'elle avoit appris ces tordions d'un aultre maistre que de luy, de mode qu'il luy fongna bien gros, en luy disant : et Ah ! vous culy » , qu'oncques puis ne dormit de bon somme. Et mesme, à toutes heures qu'il estoit avec elle, il luy disoit : « Ah 1 vous culy, ah 1 vous culy, c'est un putain qui culy. « Et s'y fonda bien si fort qu'il ne pouvoit regarder sa femme de bon œil, ny la nuict mesme il ne la baisoit point de bon cueur.

Elle, de son costé, se retira petit à petit et se garda de là en avant d'estre trop frétillante. Et, voyant que cest Escossois avoit tous) ours froid aux piedz et mal à la teste, et qu'il fongnoit tousjours, elle devint toute mélancolique et pensive,

l86 NOUVELLE XXXIX.

dont madame sa maistresse s'apperccut et luy demandoit souvent : « Qu'avez vous, m'amie? Vous estes enceinte? — Savetre grâce, Madame, disoit elle. — Qu'avez vous doncq? Il y ha quelque chose. » Elle la pressa tant qu'il fallut qu'elle sceust ce qu'il y avoit, ainsi que les femmes veullent tout sçavoir; je peux bien dire cela icy, car je sçay bien qu'elles ne liront pas ce passage. Elle luy compta le cas; quand ma dame l'eut entendue : « Et n'y ha il que cela? dit elle. Taisez vous; vrayement je parleray bien à luy. »

Ce qu'elle fit de bonne heure, et appella cest Escossois à part, et luy commença à demander comment il se trouvoit avec sa femme. « Ma dam, dit il, je trouvy bien, grand mercy vous. — Voire mais, vostre femme est toute faschée; que luy avez vous faict? — J'aury pas rien faict, ma dam ; je sçavoy pas pourquoy faict il mauvais cher. — Je le sçay bien, moy, dit elle, car elle m'ha tout dict. Sçavez vous qu'il y ha, mon amy? Je veulx que vous la traictez bien et ne faictes pas le fantastique. Comment estes vous bien si neuf de penser que les femmes ne doibvent avoir leur plaisir comme les hommes? Pensez vous qu'il faille aller à l'escolle pour l'apprendre? Nature l'enseigne assez. Et que pensez vous que vostre femme ne se doibve remuer non plus qu'une

souche de boys? Or ça, dit elle, que je n'en oye plus parler, et luy faictes bonne chère. »

Mon Escossois se contenta, moytié par force et moytié par amour, et incontinent madame fit sçavoir à la damoiselle ce qu'elle avoit dict à TEscossois ; et peult bien estre que la damoiselle mesme estoit en la garderobe à l'escouter sans que l'Escossois en sceust rien. Mais elle ne fit pas semblant à son mary d'en rien sçavoir et faisoit tousjours de la faschée le jour et la nuict, et ne se revengeoit plus de& coups qu'elle recepvoit, jusques à ce qu'une des nuictz il luy dit en la reconfortant : « Culy, culy, ma dam le vouly bien. » De quoy elle se fit un peu prier; mais à la fin elle se rapprivoisa, et l'Escossois ne fut plus si fascheux.

Dm pnbstre, el du masson qui se confcssoil à luy.

) avoit un prebstre de village qui !oit tout fier d'avoir veu un petit iplus que son Caton. Car il avoit leu De syntaxi, et son Fauste precor gelida. Et pour cela il s'en faisoit croire, et parloit d'une braveté grande, usant des motz qui remplissoyent la bouche, afin de se faire estimer un grand docteur. Et mesmes en confessant il avoit des termes qui estonnoyent les povres gens.

Un jour il confessoit un povre homme manouvrier auquel il demandoit : « Or çà, mon amy, es tu point ambitieux? » Le povre homme disoit que non, car il pensoit bien que ce mot là appartenoit aux grands seigneurs, et quasi se repentoit d'estre venu à confesse à ce prebstre, lequel il avoit ouy dire qu'il estoit si grand clerc, et qu'il parloit si haultement, qu'on n'y entendoit rien, ce qu'il congneut à ce mot ambitieux : car, encores qu'il l'eust possible ouy dire aultresfois, si

est ce qu'il ne sçavoit pas que c'estoit. Le prebstre en après luy va demander : « Es tu point fornicateur? — Nenny. — Es tu point glouton? — Nenny. — Es tu point superbe? » Il disoit tousjours nenny. « Es tu point iraconde? — Encore moins. » Ce prebstre, voyant qu'il luy respondoit tousjours nenny, estoit tout admirabonde. « Es tu point concupiscent ? — Nenny. — Et qu'es tu donc? dit le prebstre. — Je suis, dit il, masson; voicy ma truelle. »

Il y en eut un aultre qui respondit de mesme à son confesseur, mais il sembloit estre un peu plus affaité. C'estoit un berger, auquel le prebstre demandoit : « Or çà, mon amy, avez vous bien gardé les commandemens de Dieu ? — Nenny, disoit le berger. — C'est mal faict. Et les commandemens de l'Eglise? — Nenny. — Lors, dit le prebstre, qu'avez vous doncq gardé? — Je n'ay gardé que les brebis » , dit le berger.

Il y en ha un aultre qui est si vieil comme un pot à plume; mais il ne peult estre qu'il ne soit nouveau à quelqu'un. C'estoit un, lequel, après qu'il eut bien compté tout son affaire, le prebstre luy demanda : « Et bien ! mon amy, qu'avez vous encores sus vostre conscience? » Il respond qu'il n'y avoit plus rien, fors qu'il luy souvenoit d'avoir desrobbé un licol. ■< Et bien! mon amy, dit le

prebstre, d'avoir desrobé un licol n'est pas grand chose; vous en pourrez aysement faire satisfaction. — Voire mais, dit l'aultre, il y avoit une jument au bout. — A, ha 1 dit le prebstre, c'est auhre chose. Il y ha bien différence d'une jument à un licol. Il fault doncq que vous rendiez la jument, et puis, la première fois que vous reviendrez à confesse à moy, je vous absoudray du licol. »

Du gentilhomme qui criolt la nuict après ses oyscaux, et du chartier qui fouctioit îes chevaux.

y ha une manière de gens qui ont les humeurs colericques ou melanco- ^Si^s^ssiicques, ou flegmathicques, il fault bien que ce soit l'une de ces trois, car l'humeur sanguine est tousjours bonne, ce dit on, dont la fumée monte au cerveau, qui les rend fanthasticques, lunaticques, erraticques, phanaticques, scismaticques, et tous les aticques qu'on sçauroit

dire, ausquelz on ne trouve remède, pour purgation qu'on leur puisse donner. Pource, ayant désir de secourir ces povres gens, et de faire plaisir à leurs femmes, parens, amys, bienfaicteurs, et tous ceux et celles qu'il appartient, j'enseigneray icy par un brief exemple advenu comment ilz feront quand ilz auront quelqu'un ainsi mal traicté, principallement des resveries nocturnes : car c'est un grand inconvénient de ne reposer ny jour ny nuict.

Il y avoit un gentilhomme au pays de Prouvence, homme de bon âge et assez riche et de récréation ; entre aultres il aymoit fort la chasse, et y prenoit si grand plaisir le jour que la nuict il se levoit en dormant; il se prenoit à crier ny plus ny moins que le jour, dont il estoit fort desplaisant, et ses amys aussi : car il ne laissoit reposer personne qui fust en la maison où il couchoit, et resveilloit souvent ses voisins, tant il crioit haut et long temps après ses oyseaulx. Aultrement il estoit de bonne sorte et estoit fort congneu, tant à cause de sa gentillesse que pour ceste imperfection qu'il avoit ainsi fascheuse, pour laquelle tout le monde l'appelloit l'oyselleur.

Un jour, en suivant ses oyseaulx, il se trouva en un lieu escarté, où la nuict le surprint qu'il ne sçavoit où se retirer, fors que il tourna et vira

NOUVELLE XLi

tant par les boys et montagnes qu'il vint arriver tout tard en une maison qui estoit bien sur le grand chemin toute seule, là où l'hoste logeoit quelquesfois les gens de pied qui estoyent en la nuict, parce qu'il n'y avoit point d'aultre logis qui fust prés. Quand il arriva, l'hoste estoit couché; lequel il fit lever, luy priant de luy donner le couvert pour ceste nuict, pource qu'il faisoit froid et mauvais temps. L'hoste le laisse entrer, et luy mect son cheval à l'estable aux vaches, et luy monstre un lict au sau, car il n'y avoit point de chambre haulte.

Or y avoit là dedans un charretier voicturier, qui venoit de la foire de Pesenas, lequel estoit couché en un aultre lict tout auprès; lequel s'esveilla à la venue de ce gentilhomme, dont il luy fascha fort, car il estoit las, et n'y avoit gueres qu'il commençoit à dormir; et puis telles gens de leur nature ne sont gracieux que bien apoint. Au resveil ainsi soudain, il dit à ce gentilhomme : K Qui diable vous amaine si tard? » Ce gentilhomme, estant seul et en lieu incongneu, parloit le plus doulcement qu'il pouvoit : « Mon amy, dit il, je me suis icy trainé en suyvant un de mes oyseaux; endurez que je demeure icy à couvert, attendant qu'il soit jour. « Ce charretier s'esveilla un peu mieulx, et en regardant le gentilhomme

NOUVELLE XLI. IçS

vint à le recongnoistre : car il l'avoit assez veu de fois à Aix en Prouvence, et avoit souvent ouy dire quel coucheur c'estoit. Le gentilhomme ne le congnoissoit point; mais en se deshabillant lui dit : « Mon amy, je vous prye, ne vous faschez point de moy pour une nuict; j'ay une coustume de crier la nuict après mes oyseaulx, car j'ayme la chasse, et m'est advis toute la nuict que je suis après. — O ! ho ! dit le charretier en jurant ; par la corpbieu! il m'en prend ainsi comme à vous, car toute la nuict il me semble que je suis à toucher mes chevaulx, et ne m'en puis garder. — Et bien, dit le gentilhomme, une nuict est bien tost passée; nous supporterons l'un l'aultre. »

Il se couche; mais il ne fut gueres avant en son premier somme qu'il ne se levast tout grand, et commença à crier par la place : « Vola, vola, vola! » Et à ce cri mon charretier s'esveille, qui vous prend son fouet, qu'il avoit auprès de luy, et le vous meine à tort et à travers, la part où il sentoit mon gentilhomme, en disant : « Dya,dya, houois, hau dya! » Il vous sengle le povre gentilhomme, il ne fault pas demander comment, lequel se resveilla de belle heure aux coups de fouet, et changea bien de langage : car, en lieu de crier : a Vola ! » il commença à crier à l'ayde et au meurtre; mais le charretier fouettoit |tou-

jours, jusques à tant que le povre gentilhomme fut contraint de se jeter soubz la table sans dire plus mot, en attendent que le charretier eust passé sa fureur; lequel, quand il veid que le gentilhomme s'estoit saulvé, se remit au lict et fit semblant de ronfler.

L'hoste se levé, qui allume du feu, et trouve ce gentilhomme musse soubz le banc, qui estoit si petit qu'on l'eust mis dans une bourse d'un double; et avoit les jambes toutes frangées, et toute la personne afîollée de coups de fouet, lesquelz certainement firent grand miracle, car oncques puis il ne luy advint de crier en dormant, dont s'esbahyrent depuis ceulx qui le congnoissoyent ; mais il leur compta ce qui luy estoit advenu. Jamais homme ne fut plus tenu à aultre que le gentilhomme au charretier de l'avoir ainsi guery d'un tel mal comme celuy là, comme on dit qu'autresfois ont esté guéris les malades de sainct Jehan.

Et aux chevaulx restifz, on dit qu'il ne fault que leur pendre un chat à la queue, qui les esgratignera tant par derrière qu'il faudra qu'ilz aillent, de par Dieu ou de par l'aultre; et perdra sa restiveté, en le continuant trois cent soixante et dix sept fois et demie et la moitié d'un tiers : car dix sept solz et un onzain, et vingt et cinq solz moings un trezain, combien vallent-ilz ?

NOUVELLE XLl

De la bonne femme vcfve qui avait une requesie à présenter, et la bailla au conseiller lay pour la rapporter.

bonne vefve avoit un procès à i^ , !j, là où elle estoit allée pour le

fe>p5é©i solliciter; enquoy elle faisoit grand diligence, combien qu'elle n'entendist gueres bien ses affaires ; mais elle se fioit que messieurs de parlement auroyent esgard à sa vieillesse, à son vefvage et à son bon droict.

Un matin de bonne heure, avant le jour, plustost que de coustume, elle n'entra pas en son jardin pour cueillir la violette, mais elle print sa requeste en la main, en laquelle requeste estoit question de certains excès faictz à la personne de son feu mary. Elle s'en va au palais, à l'entrée de Messieurs, et s'addressa au premier conseiller qu'elle veit venir, et luy présente sa requeste pour la rapporter. Le quel la print, et, en la luy baillant, la femme luy fait ses plaintes pour

luy donner bien entendre son cas. Quand le conseiller, qui d'adventure estoit des ecclésiastiques, ouyt parler de crimes, il dit à la bonne femme : « M'amie, ce n'est pas à moy à rapporter vostre requeste, il faut que ce soit un conseiller lay qui la rapporte. «

La bonne femme, ne sçachant que vouloii dire un conseiller lay, entendit que ce deust estre un conseiller laid, parce qu'elle veid que cestuy là d'aclventure estoit beau personnage et de belle taille. Elle commence à vous regarder de prés ces conseillers qui entroyent pour veoir s'ilz seroyent beaux ou laidz, en quoy elle estoit fort empeschée. A la fin en voicy venir un qui n'estoit pas des plus beaux hommes du monde, au moins au gré de la bonne femme, parce (peult estre) qu'il portoit une grand'barbe et estoit tondu. La bonne femme pensa bien avoir trouvé son homme, auquel elle bailla sa requeste, et luy dit : « Monsieur, on m'ha dit qu'il fault que ce soit un conseiller bien laid qui rapporte ma requeste : j'ay bien regardé tous ceulx qui sont entrez, mais je n'en ay, point trouvé de plus laid que vous ; s'il vous plaist, vous la rapporterez. »

Le conseiller, qui entendit bien ce qu'elle vouloitdire, trouva bonne la simplicité d'elle, et print sa requeste, et en la rapportant ne faillit pas à en

NOUVELLE XLIll. IÇJ

faire le compte à ceulx de sa chambre, lesquelz expédièrent la bonne femme.

De la jeune fille qui ne voulait point d'un mary pource qu'il avoit mangé le doz de sa première fenvne.

'Ropos de ambiguïté de motz qui ^

rgist en la prolation, les Françoys ont ( une façon de prononcer assez douce, tellement que de la pluspart de leurs paroles on n'entend point la dernière lettre, dont bien souvent les motz se prendroyent les uns pour les autres, si ce n'estoit qu'ilz s'entendent par la signification des aultres qui sont parmy.

Il y avoit en la ville de Lyon une jeune fille qu'on vouloit marier à un homme qui avoit eu une autre femme, laquelle luy estoit morte, à l'aide K-vi-'^ de Dieu, depuis un an ou deux;. Cest homme icy avoit bruict de n'estre guieres bon mesnagier, car il avoit vendu et despendu le bien de sa pre-

miere femme. Quand il fut question de parler de ce mariage, la jeune fille s'y trouva en cachettes derrière quelque porte, pour ouyr ce qu'on en diroit. Hz parlèrent de cest homme en diverses sortes, desquelz y en eut un entre autres qui vint dire : « Je ne serois pas d'avis qu'on la iuy baillast ; c'est un homme de mauvais gouvernement : il ha mangé le dot de sa première femme. »

Geste jeune fille ouytceste parole, qu'elle n'entendoit point telle que l'aultre l'entendoit, car elle estoit jeune et n'avoit point encores ouy dire ce mot de dot, lequel. ilz disent en certains endroictz de ce royaume , et principallement en Lyonnois, pour douaire; et pensoit qu'on eust dict que cest homme eust mangé le dos ou l'eschine de sa femme. Et la fille bien marrie qui va faire une mauvaise chère devant sa mère, et Iuy dit franchement qu'elle ne vouloit point du mary qu'on Iuy vouloit donner. Sa mère Iuy demande : « Et pourquoy ne le voulez vous, m'amie? » Elle respond : « Ma mère, c'est le plus mauvais homme; il avoit une femme qu'il ha faict mourir : il Iuy ha mangé le dos. » Dont il fut bien ris quand on sceut là où elle le prenoit.

Mais elle n'avoit point du tout tort de n'en vouloir point, car, combien qu'un homme ne soit pas si affamé de manger le dos d'une femme

comme s'il luy mangeoit le dot, si est ce qu'ilz ne vallent gueres ny l'un ny l'autre pour elles.

Du bastard d'un grand seigneur qui se laissait pendre à ,^^ fcrcdit, et qui se faschoit qu'on le sauvast.

L y avoit un bastard d'un grand sei- , gneur, ou pour le moins filz putatif, : qui n'estoit sage que de bonne sorte, encore pas : car il luy sembloit que tout chascun luy debvoit faire autant d'honneur qu'à un prince, parce qu'il estoit bastard d'une si grand maison; et luy estoit advis encores que tout le monde estoit tenu de sçavoir sa qualité, son lieu et son nom ; dequoy il ne donnoit pas grande occasion aux gens, car le plus souvent il s'en alloit vagant par le pais, avec un équipage de peu de valeur, et se mettoit en toutes compagnies, bonnes et mauvaises; tout luy estoit un. Il jouoit ses chevaulx quand il estoit remonté, et ses accoustre-

mens, par les hostelleries, et maintesfois alloit à beau pied sans lance.

Un jour qu'il estoit demeuré en fort mauvais ordre, il passoit par le païs de Rouergue, s'en revenant vers la France pour se remonter, et se trouve à passer par un boys où quelques volleurs tout freschement avoyent tué un homme. Le prevost qui poursuivoyt les brigans vint rencontrer ce bastard, habillé en soudard, auquel demande d'où il venoit. Le bastard ne luy respond autre chose, sinon : « Qu'en avez vous affaire, d'où je vien? — Si ay dea, j'en ay affaire, dit le prevost : estes vous point de ceulx qui ont tué cet homme? — Quel homme? dit il. — 11 ne faut point demander quel homme, dit le prevost; je vous prendrois bien pour en sçavoir quelques nouvelles. » Respond il : « Qu'en voulez vous dire?»

Le prevost le print au mot, et au collet, qui estoit bien pis, et le fait mener. En allant, tousjours ce bastard disoit : « Ah! vous vous prenez doncq à moy, monseigneur le prevost? je vous auray laissé faire. » Le prevost, pensant qu'il le menassast de ses compaignons, se tint sus sa garde, et le meine droit au prochain village, là où il luy fait sommairement son procès; mais en luy demandant qui il estoit et comment il s'appelloit,

il ne respondoit aultre chose : « On le vous apprendra, qui je suis; ah! vous pendez les gens! «

Sus ces menaces, le prevost le condamne par sa confession mesme, et le fait tresbien monter à l'eschelle. Ce bastard se laissoit faire, et ne disoit aultre chose jamais, sinon : « Par le corps bieu, monseigneur le prevost, vous ne pendistes jamais homme qui vous coustast si cher! Ah! vous estes un pendeur de gens! »

Quand il fut au hault de l'échelle, y eut par fortune, ainsi que tant de gens se trouvent à telles exécutions, un Rouergueis qui avoit aultresfois esté à la court, lequel congnoissoit bien ce bastard pour l'avoir veu assezde foys à la court et en aultres lieux. Il le recongneut incontinent, et encores s'approche plus prés de l'eschelle, pour ne faillir point, et tant plus congneut il que c'estoit luy. « Monseigneur le prevost, dit il tout haut, que voulez vous faire? c'est un tel. Regardez bien que c'est que vous ferez. » Le bastard entendant ce Rouergueys, luy dit : « Mot ! mot ! De par le diable, laisse luy faire pour luy apprendre à pendre les gens. » Le prevost, quand il l'eut ouy nommer, le fit promptement descendre , auquel le bastard dit encores : « Ah ! vous me vouliez pendre ! On vous en eust faict souvenir, par Dieu, monseigneur le prevost. Mais que ne le laissois tu faire?»

dit il au Rouergueys en se faschant. Pensez le grand sens d'où il estoit plein, de se laisser pendre, et qu'il en eust esté bien vengé. Mais qui croira que cela fust filz d'un grand seigneur, mesme un gentilhomme?

Le povre homme ne sembloit pas à celuy que le roy vouloit envoyer par devers le roy d'Angleterre, qui estoit pour lors bien mauvais Françoys, lequel gentilhomme respondit au roy : « Sire, dit il, je vous doibz et ma vie et mes biens, et ne feray jamais difficulté de les exposer pour vostre service et obéissance; mais, si vous m'envoyez en Angleterre en ce temps icy, je n'en retourneray jamais : c'est aller à la boucherie, et pour un affaire qui n'est point si fort contrainct qu'il ne se puisse bien différer à un autre temps, que le roy d'Angleterre aura passé sa colère; car, maintenant qu'il est animé, il me fera trencher la teste. — Foy de gentilhomme! dit le roy, s'il l'avoit faict, il m'en cousteroit trente mille pour la vostre avant que je n'en eusse la vengeance. — Voire mais, Sire, dict le gentilhomme, de toutes ces testes y en auroit il une qui me fust bonne? C'est un povre reconfort à un homme que sa mort sera bien vengée. »

Vray est que , aux exécutions vertueuses, l'homme de bien y va la teste baissée, sansaultres

NOUVELLE XLV. 2o3

circonstances que pour le respect de son honneur et pour le service de la republicque.

NOUVELLE XLV Du sieur de Kaschaulf, qui allait tirer du vin, et comment

O ^^^ N la ville de Poytiers y avoit un gentil- ^t R5^^ homme de bien riche maison, homme i4î'?^^sfe(de bonne entreprinse et de bon cueur; mais il avoit un grandissime deffault naturel, qui estoit de la langue, car il n'eust sceu dire trois motz sans begueyer, et encore demeuroit il une heure à les dire, et à la fin il ne pouvoit se faire entendre. Et ne troussoit bien gentiment la parolle la première qu'il disoit, comme un sang Dieu et une mort Dieu, quand il estoit en sa colère, qui est signe qu'un tel vice ne provient que d'une humeur colérique, abondante extrêmement en l'homme, laquelle l'empesche de modérer sa parole. Jedevrois payer l'amende pour m'apprendrc F-**-^ à philosofer.

Dont son père, le voyant ainsi vicié, le recommanda dés sa petitesse au vicaire de sainct Didier, qui le faisoit psalmodier à l'église, chanter des leçons de matines et de vigiles et des Benedicamits, pour luy façonner sa langue; là où pourtant il ne prouffita d'autre chose sinon que, quand il chantoit, il prononçoit assez distinctement quant à son langage quotidien, car en parlant il retint toujours ceste imperfection.

Il fut marié à une damoiselle de bonne maison, vertueuse et sage, qui le sçavoit bien gouverner.

Un jour qu'il estoit l'une des quatre bonnes festes, ainsi que tout le monde estoit empesché aux dévotions, ce bon gentilhomme, ayant faict les siennes, s'en vint à la maison avec un sien valet, pour desjeuner de quelque pasté de venaison que ma damoiselle avoit fait. Mais, quand ce fut à bien faire, il se trouva qu'elle en portoit la clef, qui luy fascha fort, car il n'y avoit ordre d'empescher les dévotions de la damoiselle et de la faire venir de l'église pour un pasté. Mais, ayant appétit, il envoya son homme deçà, delà, quérir quelque chose pour desjeuner. Toutesfois, quand il avoit de l'un, il luy failloit de l'autre : beurre pour fricasser, un œuf pour faire la sausse ; oignons, vinaigre, moustarde; ils estoyent tous deux bien empeschez en l'absence des femmes,

NOUVELLE XLV. 2o3

qui entendent cela, principalement es maisons mesnageres, lesquelles, non pas les maisons, mais les femmes, n'estoyent pas pour venir de l'église que la grand'messe ne fust achevée. Mon gentilhomme, estant impatient de faire un mestier qu'il n'entendoit pas, et voiant que son valet ne faisoit pas bien à son appétit, le vous chasse de la maison et l'envoya au diable.

Quand il se veid ainsi destitué d'ayde, il se trouva bien esbahy; toutesfois si ne voulut il perdre son desjeuner, lequel estoit prest, que de bond , que de voilée , excepté que le mot de l'Evangile estoit en pays : Vinum non habent. Que fît il? Il n'avoit pas la clef de la cave, mais il se prend à belle serrure de Dieu et la rompt trèsbien à grands coups de marteau et de ce qu'il trouva; et prend un pot et s'en va tirer du vin. Mais il s'y entendoit encores moins qu'à fricasser : car tout premièrement il oublia à apporter de la chandelle, secondement, il ne sçavoit de quel tonneau il debvoit tirer; toutesfois il tastonna tant par cette cause environ ces tonneaux qu'il en trouva un qui avoit un fausset. Et mon homme environ, mais il ne se print garde qu'en tirant le vin le fausset luy escfaappa dedans le pot ; le voylà puny à toutes rigueurs, car le vaisseau estoit si estroit qu'il ne pouvoit mettre la main

dedans, ei peult estre encore que le fausset estoit tombé en terre.

O povre homme ! que feras tu ? Il n'eut rien plus prés que de mettre le doigt au devant du pertuis du tonneau, car il ne vouloit pas laisser gaster son vin, et demeura là tout un temps; mais cependant, o tapet ben do pé, il grinsoit les dentz il ronfloit, il petilloit, il juroit à toutes restes, il maugreoit Colin Brenot et ses quittances.

A la fin, tandis qu'il prenoit ainsi bonne patience en enrageant, voicy venir ma damoiselle de l'église, qui trouva les huys ouvertz, entre aultres celuy de la cave, et la serrure et les crampons par terre, qui se songea bien incontinent que monsieur de Raschault avoit faict ce beau mesnage. Tantost elle l'entendit par le souspirail de la cave qui disoit ses kyrielles, auquel elle se print à dire : « Eh! mon Dieu! que faictes vous là bas, monsieur de Raschault?» Il luy respondoit en un langage jurois, tantost en beguois , tantost en tous deux ; et, s'il estoit en peine, si estoit elle aussi bien, car elle n'osoit pas descendre en la cave à cause qu'elle estoit en ses beaux drappeaux, et puis, n'entendant point ce qu'il disoit, ne songeoit jamais qu'il fust ainsi engagé.

A la parfin, voyant qu'il ne venoit point, elle pensa qu'il y debvoit avoir quelque chose, et

s'advisa, pour le faire parler, de luy dire : « Chantez, monsieur de Raschault, chantez! » Mon homme, encore qu'il n'eust pas envie, ayma mieux pourtant le faire que de demeurer toujours là. Si se print à chanter le grand Makdicamus en haulte note : « Et çà, de par le diable, çà, dit-il, le douzil est en la pinte ! » Quand ma damoiselle l'eut entendu, elle l'envoya desgager par sa chambrière. Mais pensez qu'en chaude cole monsieur de Raschault luy donna des à doz pour son desjeuner, encores qu'il ne fust pas jour de poisson, et qu'elle n'en peust mais.

NOUVELLE XLVl

Du tailleur qui se desroboii soymesmes, et du drap gris qu'il rendit à son compère le cbaussetier.

)n tailleur de la mesme ville de Poy- . tiers, nommé Lyon, estoit bon oujvrier de son mestier et accoustroit fort proprement un homme et une femme et tout, excepté quelques foys il tailloit trois cartiers de

2 08 NOUVELLEXLVl.

derrière en lieu de deux, ou trois manches en un manteau ; mais il n'en cousoit que deux, car aussi bien les hommes n'ont que deux bras; et avoit si bien accoustumé à faire la bannière qu'il ne se povoit garder d'en faire de toutes sortes de drap et de toutes couleurs. Voyre quand il tailloit un habillement pour soy, il lui estoit advis que son drap n'eust pas esté bien employé s'il n'en eust eschantillonné quelque lopin et caché en la liette ou au coffre des bannières; comme l'aultre qui estoit si grand larron que, quand il ne trouvoit que prendre, il se levoit la nuict et se desroboit l'argent de sa bourse. Non pas que je vueille dire que les tailleurs soyent larrons, car ilz ne prennent que cela qu'on leur baille, non plus que les munniers; et comme la bonne chambrière qui disoit à celle qui l'allouoit : « Voyez-vous, madame, je vous serviray bien, mais... — Quel mais ? disoit la dame. — Agardez mon ! disoit la garse ; j'ay les talons un petit cours, je me laisse cheoir à l'envers, je ne m'en sçaurois tenir; mais je n'ay que cela en moy, car en toutes les aultres choses vous me trouverez aussi diligente qu'il sera possible. » Aussi nostre tailleur faisoit fort bien son mestier, mais il avoit cette petite faultette.

Dont, de par Dieu, il avoit une fois faict un

manteau d'un fin gris de Rouan à un sien compère chaussetier qui s'en vouloit aller bientost dehors pour quelque sien affaire, duquel gris il avoit retenu un bon quartier. Ce compère s'en apperceut bien, mais il ne voulut pas aultrement s'en plaindre, car il sçavoit bien par son faict mesme qu'il falloit que tout le monde vesquist de son mestier.

Un matin que le chaussetier passoit par devant la bouticque du tailleur avec son manteau vestu, il s'arreste à cacqueter avec luy. Le tailleur luy demande s'il vouloit desjeuner d'un haran, car c'estoit en caresme ; il le voulut bien. Ils montent en hault pour faire cuire ce haran ; le tailleur crie d'en hault à l'apprentis : « Apporte moy ce gril qui est là bas. » L'apprentis pensoit qu'il demandoit ce drap gris qui estoit resté du manteau, et qu'il le voulust rendre à son compère le chaussetier. Il print ce drap et le porte en haut à son maistre. Quand le compère veid ce grand lopin de drap : « Comment, dit il, voilà de mon drap ! et n'en prens tu que cela ? Ah ! par la corbieu ! ce n'est pas assez. » Le tailleur, se voyant descouvert, luy va dire : « Et penses tu que je te le voulsisse retenir, toi qui es mon compère ? Ne voiz tu pas bien que je l'ay faict apporter pour le te rendre ? On luy espargne son drap, encores dit il qu'on le luy

desrobe ! » Le compère chaussetier fut bien content de cette responce ; il desjeune et emporte son gris. Mais le tailleur fit bien la leçon à l'apprentis qu'il fust une autre fois plus sage.

La faute vint que l'apprentis avoit toujours ouy dire grille en féminin, et non pas gril : qui fut ce qui descouvrit le pasté.

De t'abbc de Sainct Ambroysc cl de ses moines, et d'aullres rencontres dudict abbé.

[aistre Jacques Colin, n'hagueresmort ; abbé de Sainct Ambroyse, estoit homme 'de bon sçavoir et de bon cerveau, comme il ha assez faict congnoistre tandis qu'il ha vescu ; et avoit une grande asseurance de parler de quelques propos que ce fust, et rencontroit singulièrement bien ; tellement que ces parties toutes ensemble le firent fort bien venir vers la personne du feu roy Françoys, devant lequel il ha

leu longuement. On dit de luy tout plain de bons comptes, lesquelz seroyent longs à reciter ; mais parmy tous j'en compteray un ou deux qui sont de bonne grâce, qu'il dit devant ledict seigneur.

Il estoit en picque contre ses moines, lesquelz luy faisoyent tout du sanglant pis qu'ilz pouvoyent, et luy faisoyent bien souvenir du proverbe commun, qui dit qu'il se fault garder du devant d'un beuf, du derrière d'une mule et de tous les costez d'un moine. Vray est qu'il se revanchoit bien, et en toutes les sortes dont il se povoit adviser, dont la plus fascheuse pour les povres moines estoit qu'il les faisoit jeusner; ce qu'ilz ne prenoyent point en gré toutes fois, et s'en plaignirent à tant de gens et en tant de lieux que, par le moyen des uns et puis des autres, il fut rapporté jusques aux oreilles du roy, lequel, voulant sçavoir la vérité du faict, dit un jour à maistre Jacques Colin : « Sainct Ambroyse, voz moines se plaignent de vous, et disent que vous ne les traictez pas ainsi que .porte leur reigle, et que vous les faites mourir de faim. Qu'en est il? — Sire, respondit S. Ambroyse, il vous ha pieu me faire leur abbé, ilz sont mes moines, et, puis que je représente la personne du fondateur de leur reigle, raison veult que je leur face maintenir selon l'intention de luy, qui estoit qu'ilz vesquissent

21? NOUVELLEXLVll.

en humilité, povreté, chasteté et obédience. J'ay advisé et consulté tous les moyens qu'il ha esté possible, mais je n'en ay point trouvé de plus expédient que par la sobriété, car elle est cause de tous biens, comme la gourmandise de tous maulx. Je croy que David entendoit Dieu quand il disoit : « Si non fuerint saturati, murmurabunt. » Et interpretoit ce mot au roy, selon son office de lecteur. « Et depuis, dit il, le Nouveau Testament a parlé d'eux tout appertement, là où il est escript en S. Mathieu, au chap. xvii, v. 20 : Hoc genus demoniorum non ejicitur, nisi oratione et jejunio. — Hoc genus demoniorum, dit il, c'est à dire ce genre de moines. »

A une aultrefoys, il avoit perdu un procès à la court , et peult estre que ce fut contre ces moines susdits, qui fut du temps que les arrestz se livroyent en latin. En l'arrest contre luy donné y avoit selon le stille : « Dicta curia debotavit et debotat dictum Colinum de sua demanda. » Et ce S. Ambroyse, ayant receu le double de ses arrestz par son solliciteur, se trouva devant le roy, et luy dit à une heure qu'il sceut choisir : « Sire, je ne receu jamais si grand honneur que j'ay faict depuis trois jours en çà. — Et comment ? dit le roy. — Sire, dit il, vostre court de parlement m'ha débotté. » Le roy, ayant entendu là où il le pre-

NOUVELLE XLVII. 2l3

noit, le trouva bien bon, après avoir congneu leur élégance de ce beau latin ferré à la glace. Mais depuis on ha mis les arrestz en bon françoys. Dequoy l'on dit par railleure que maistre Jacques Colin en avoit esté cause, afin qu'on ne dist plus que la court se meslast de debotter les gens, mais débouter tant qu'on voudroit, et plus que beaucoup ne voudroyent bien.

On dit encores tout plain de bons motz venans de luy.

Estant à table, un maistre d'hostel, en assoyant les platz, luy respandit un potage sus un saye de veloux qu'il portoit. Il trouva occasion de mettre en propos un personnage qui estoit à table auprès de luy, nommé Fundulus, homme de bonnes lettres, mais tout exténué, partie de sa naturelle complexion, et partie de l'estude. Auquel l'abbé Sainct Ambroyse dit : « Monsieur Fundulus, vous estes tout maigre, il semble que vous vous portez mal. — Je me porte, dit fundu/tis, tousjours ainsi; je ne puis engraisser pour temps qui vienne. — Je vous enseigneray, dit S. Ambroyse, un bon remède. Il ne fault que parler à monsieur le maistre que voilà, il ne vous engraissera que trop. »

Il y en ha de luy assez de telz, mais tout cela appartient aux apophthegmes.

NOUVELLE XLVIII De celuy qui renvoya kdil abbé avec une responce de nez.

'E mesme personnage dont nous par- I lions estoit de ceulx que l'on dit qui 1 ont esté allaictez d'une nourrice ayant les tetins durs, contre lesqueiz le nez rebouche et devient mousse ; mais cela ne luy advenoit point mal, car il estoit homme trappe, bien amassé, et mesmes qui sçavoit bien jouer des cousteaux. Au moyen de quoy se congnoissoit en luy ce que disoit une dame en comparant les hommes contre les femmes. « Nous autres femmes, disoit elle, ne nous faisons pas beaucoup estimer sinon par l'ayde de la beauté ; et pour ce il nous la fault songneusement entretenir et nous faire valoir ce pendant que nous en avons la commodité; car, quand nostre beauté est passée, on ne tient plus de compte de nous. Quant est des hommes, je n'en voy point de laids, je les trouve tous beaux. » Suivant propos, S. Ambroise, un jour, estant

NOUVELLE XLVIII. 2l5

accoudé sus une gallerie, estant à Fontainebleau avec quelques siens familliers, advisa en la court basse un homme qu'il pensa bien congnoistre, lequel estoit seul de compaignie et avoit la contenance d'un nouveau venu. Sainct Ambroise ne se trompoit point, car il l'avoit assez veu de fois et mesmes fréquenté du temps qu'il faisoit la rustrerie. « Par Dieu! dist il à ceux qui estoyent avecques luy, c'est un tel, c'est mon homme, je le vois un petit accoustrer. »

Il descend et s'en vint faire congnoissance à son homme, toutesfois d'une autre façon qu'il n'avoit faict jadis ; car il y alloit à la réputation, laquelle les courtisans ne peuvent pas bonnement desguiser, quand bien ilzvoudroyent.Cest homme, voyant la mine de Sainct Ambroise, luy tint assez bonne de son costé ; car, encores qu'il ne hantast gueres la cour, si en sçavoit assés bien les façons. Après quelques salutations, Sainct Ambroise luy va dire : « Or çà, que faictes vous en ceste court ? vous n'y estes pas sans cause. — Par ma foy, dit l'aultre, je n'y fay pas grande chose pour ceste heure ; je regarde qui ha le plus beau nez. » Maistre Jacques Colin luy va monstrer le roy, lequel d'aventure estoit à une fenestre à deviser. « Voicy doncq, ce dit il, celuy là que vous cherchez. » Car de faict le roy François, avec ce qu'il

2l6 NOUVELLE XL VIII.

estoit royal de toute façon, avoit le nez beau et long autant que maistre Jacques Colin l'avoit court et troussé.

Pour ce, il entendit bien que ces lettres ne s'addressoyent point à aultre que à luy mesme. Et luy tarda qu'il ne fut hors de là pour en aller faire le compte à ceulx qu'il avoit laissez, ausquelz il dit : « Par le corbieu ! mon homme m'ha payé tout comptant. Je luy ay demandé qu'il faisoit de bon icy ; il m'ha respondu qu'il regardoit qui avoit le plus beau nez. »

On dit que le mesme personnage, que l'on dit avoir esté le receveur Eloin de Lyon, en donna d'une semblable à un cardinal qui luy demandoit : « Or çà, dit il, que faites vous maintenant de bon Vous n'estes pas sans avoir quelque bonne entreprise. — Ma foy, Monsieur, respondit il, sauve vostre grâce, je ne faiz rien non plus qu'un prebstre. »

De Chichouan, tabourineur, qui fit adjoitrner son beau père pour se laisser mourir, et de la sentence qu'en donna le juge.

'ha pas trop longtemps qu'en la ville iSd'Amboise y avoit un tabourineur qui

s'appeloit Chichouan, homme récréatif et plein de bons motz, pour lesquelz il estoit aussi bien venu par toutes les maisons comme son tabourin. Il print en mariage la fille d'un homme vieulx, lequel estoit logé chez soy en la ville mesme d'Amboise, homme de bonne foy, sentant la preud'hommie du vieulx temps, et se passoit aisément n'avoir aultre enfant que ceste fille. Et pource que Chichouan n'avoit pas d'autre moyen que son tabourin, il demandoit à ce bonhomme quelque argent comptant, en mariage faisant, pour soustenir les frais du nouveau mesnage. Mais ce bon homme n'en vouloit point bailler, disant pour ses defences à Chichouan : « Mon amy, ne me demandez point d'argent, je ne vous

en puis bailler pour ceste heure ; mais vous voyez bien que je suis sus le bord de ma fosse ; je n'ay auitre héritier ni héritière que ma fille, vous aurez ma maison et tous mes meubles, je ne sçaurois plus vivre qu'un an ou deux au plus. « Le bonhomme luy dit tant de raisons qu'il se contenta de prendre sa fille sans argent, mais il luy dit : « Escoutez, beau sire, je fais sous vostre parole ce que je ne voudrois pas faire pour un auitre ,• mais m'asseurez vous bien de ce que vous me dites? — Ehem ! dit le bonhomme, je ne trompay jamais personne, ja Dieu ne plaise que vous soyez le premier. — Eh bien doncq 1 dit Chichouan, je ne veulx point d'aultre contract que vostre promesse. >■

Le jour des espousailles vint ; Chichouan part de sa maison et va quérir sa femme chez le père, et luy mesmes la meine à l'église avec son tabourin. Quand elle fut là : « Encores n'est ce pas tout, dit il, Chichouan est allé quérir sa femme, à ceste heure il se va quérir, » et s'en retourne à son logis. Et tout incontinent voi le cy qu'il se rameine luy mesme à tout son tabourin à Teglise, là où il espouse sa femme, et puis la rameine ; et estoit le marié et le menestrier, et gagnoit son argent luy mesmes.

Il fit bon mesnage avec elle, vivant tousjours

joyeusement. Au bout de deux ans, voyant que son beau père ne mouroit point, il attend encores un mois, deux mois ; mais il vivoit toujours. Il se advise, pour son plaisir, de faire adjourner son beau père, et de faict lui envoya un sergent. Ce bonhomme, qui n'avoit jamais eu affaire en jugement et qui ne sçavoit que c'estoit que d'ajournementz, fut le plus estonné du monde de se veoir adjourné, et encores à la requeste de son gendre, lequel il avoit veu le jour de devant, et ne luy en avoit rien dict. Il s'en va incontinent à Chichouan, et luy faict sa plaincte, luy remonstrant qu'il avoit grand tort de l'avoir faict adjourner, et qu'il ne sçavoit pourquoy c'estoit. « Non 1 non 1 dit Chichouan ; je le vous diray en jugement. » Et n'en eut aultre chose, tellement qu'il fallut aller à la court.

Quand iiz furent devant le juge, voicy Chichouan qui proposa sa demande luy mesme. « Monsieur, dit il, j'ay espousé la fille de cest homme icy, comme chascun sçait ; je n'en ay point eu d'argent, il ne dira pas le contraire ; mais il me promist, en me baillant sa fîUe, que j'aurois sa maison et tout son bien, et qu'il ne vivroit qu'un an ou deux, pour le plus. J'ay attendu deux ans et plus de trois mois d'avantage ; je n'ay eu ny maison, ny aultre chose. Je requiers

qu'il ayt à se mourir, ou qu'il me baille sa maison, ainsi qu'il m'ha "promis. » Le bonhomme se fit deffendre par son advocat, qui respondit en peu de plaid ce qu'il debvoit respondre.

Le juge ayant ouy les parties et les raisons d'une part et d'aultre, congnoissant la gaudisserie intentée par Chichouan de sa demande, et pour le fol adjournement, le condampna es despens, dommages et interestz du bonhomme, et outre cela en vingt livres tournois envers le roy. Incontinent Chichouan va dire : « Ah ! Monsieur, Chichouan en appelle. — Attendez ! attendez ! dit le juge en se tournant vers Chichouan : je modère, dit il, à un chapon et sa suite, que le bon homme payera demain en sa maison ; et en irez tous manger vostre part ensemble, comme bons amis ; et une aubade que vous luy donnerez tous les ans, le premier jour du moys de may, tant qu'il vivra. Et puis après sa mort, vous en aurez sa maison s'elle n'est vendue ou aliénée, ou tombée en fortune de feu. »

Ainsi l'appoinctement du juge fut de mesmes la demande de Chichouan, auquel il fît une peur de commencement ; mais il modéra sa sentence, ainsi que peult faire un juge, pourveu que ce soit sus le champ, comme il estoit noté In l. nescio, ff. ubi et qiiando, per Bartholum, Baldum, Paulum,

Salicetum, Jasonem, Felinum, et omnes tormentatores juris.

Du Gascon qui donna à son père à choisir des aufz.

N Gascon, après avoir esté à la guerre, s'estoit retiré chez son père, qui estoit ((:^5>v^i-yêsj ^jj homme des champs desja vieulx et qui estoit assez paisible ; mais son filz estoit escarabilhat, et faisoit du soudart à la maison comme s'il eust esté le maistre. Un vendredy, à disner, il disoit à son père : « Pai, dit-il, nous avons assez de pinte pour vous et pour moy, encores que vous n'en beviez point. » Son père et luy avoyent mis cuire trois œufs au feu, dont le Gascon en prend un pour l'entamer et tire l'aultre à soy, et n'en laisse qu'un dedans le plat-, puis il dit à son père : « Choisissez, mon père. » Auquel son père dit : « Eh ! que veux tu que je choisisse ? il n'y en ha qu'un. » Lors le Gascon luy dit : « Cap de bieu !

222 NOIJVF.LLELI.

encores avez vous à choisir : à prendre ou à laisser. » C'estoit faict un bon party à son père. Et, quand son père esternuoit, il luy disoit : « Dieu vous ayde! mon père » ; et un peu après : " S'il le veut, car il ne fait rien par force. » Il estoit honteux comme une truye qui emporte un levain, car il n'osoit pas maudire son père, mais il disoit : « Vienne le cancre à la moitié du monde! »*Et quand et quand il disoit à un sien compagnon : « Donne, dit il, le cancre à l'autre moytié, afin que mon père en ayt sa part. »

Du Clerc des finances qui laissa cheoir deux detz de son escriptoire devant le roy.

"'' •''': ''E roy Louis onziesme estoit un prince ;de grande délibération et d'une exé- ^^,:tj>=r-l .ficution de mesme ; lequel, entre ai'ltres siennes complexions, aymoit ceux qui estoyent accortz et qui respondoyent promptement, et si ne faisoit, comme on dit, jamais plus grand pre-

NOUVELLE Ll. 22i

sent que de cent escuz à une fois. Un jour, entre aultres, qu'il falloit signer quelques lettres et n'y avoit point de secrétaire de commandemens présent, le roy commanda à un jeune homme de finances qui estoit là, car il n'estoit point autrement difficille, lequel, en ouvrant son escriptoire pour signer, laissa tomber deux detz sur la table, qui estoyent dans le calemart. « Comment ! dit le roy, quelle dragée est ce là ? A quoy est elle bonne ? — Contra peslem, Sire, dit le Clerc. — Contra peslem ! dit le roy. Tu es un de mes gens. » Et commanda qu'on luy donnast cent escus.

Un jour les Genevoys, desquelz il est escript Vane ligue, voyans que le roy s'en alloit au dessus de ses affaires et qu'il rangeoit ses ennemis à la raison, pensans préoccuper sa bonne grâce, luy envoyèrent un ambassadeur, lequel, avec sa belle harangue, s'efforçoit de faire trouver bon au roy que les ennemis estoyent si prestz et appareillez de luy obeyr, et que, de leur bon gré et franche volonté, ilz se donnoyent à luy plus tost qu'à aultre prince de la terre, pour la grandeur de son nom et de ses prouesses. « Ouy ! dit le roy ; les Genevoys se donnent ilz à moy? — Ouy, Sire. — Hz sont doncq à moy sans repentir? — Oui, Sire. — Et je les donne, dit le roy, à tous les diables ! » Il faisoit un aussi beau présent comme il l'avoit

NOUVELLE Ll

receu, et si ne donnoit rien qui ne fust à luy : car on dit communément qu'il n'est point de plus bel acquest que de don.

NOUVELLE LU Des deux poinctz pour faire taire une femme.

iWn jeune homme, devisant avec une f^âjp. femme de Paris, laquelle se vantoit id'estre maistresse, luy disoit : « Si j'estoys vostre mary, je vous garderoys bien de faire à vostre teste. — Vous ! disoit elle ; il vous faudroit passer par là aussi bien comme des aultres. — Ouy ! dit il ; asseurez vous que je sçay deux poinctz pour avoir la raison d'une femme. — Dites vous? fit elle. Et qui sont ces deux poinctz là?» Le jeune homme, en fermant la main : « En voylà un», dit il ; puis, tout soudain en fermant l'aultre main : « et voilà l'aultre. » De quoy il fut bien ris, car la femme attendoit qu'il luy allast descouvrir deux raisons nouvelles pour

mettre les femmes à la raison, prenant poings de poinct ; mais l'aultre entendoit poings de poing. Et, mon ame, je croy qu'il n'y ha ny poing ny poinct qui sceust assagir la femme, quand elle l'ha mis en sa teste.

;'uN petit commencement de marchanîdise, qui estoit de contreporter des (eguillettes, ceintures et espingles, un homme estoit devenu fort riche, de sorte qu'il acheptoit les terres de ses voisins, et ne se parloit que de luy tout autour du pays ; de quoy s'esbahissant un gentilhomme qui alloit avec luy de compagnie par chemin, luy va dire : « Mais, venez ça, tell le nommant par son nom. Qu'avez vous faict pour devenir ainsi riche comme vous estes? — Monsieur, dit il, je vous le diray en deux motz :^est que j'ay faict grand'diligence

22b NOUVELLE LIV.

et petite despence. " Voylà deux bons motz; mais il faudrait encores du pain et du vin, car il y en ha qui se pourroyent rompre le col qu'ilz n'en seroyent pas plus riches. Pour le moins si sont ilz mieulx à propos que de celuy qui disoit que, pour devenir riche, il ne falloit que tourner le dos à Dieu cinq ou six bons ans.

D'une dame d'Orléans qui aymoit un escoUer qui faisait le petit chien à sa porte, et comment le grand chien chassa le petit.

^-''' '''' ''-'^'^ 'ne dame d'Orléans, gentile et honneste, encores qu'elle fust guespine, .;.v^', femme d'un marchand de draps, après avoir esté assez longuement poursuyvie d'un escolier, beau jeune homme et qui dansoit de bonne grâce, car il y avoit de ce temps là danseurs d'Orléans, flusteurs de Poytiers, braves d'Avignon, estudians de Thoulouse. Cest escolier estoit nommé Clairet, auquel la femme se laissa gai-

gner, comme pitoyable et humaine qu'elle estoit, et le mit en possession du bien amoureux, duquel il jouissoit assez paisiblement, au moyen des advertissemens, propos et messages qu'ilz s'entrefaisoyent. Hz avoient de petites intelligences ensemble qui estoyent jolies, desquelles iizusoyent par ordre, des unes et puis des aultres ; entre lesquelles l'une estoit que Clairet venoit sur les dix heures de nuict à la porte d'elle, et jappoit comme un petit chien ; à quoy la chambrière estoit faicte, qlii luy ouvroit incontinent la porte sans chandelle et sans lanterne, et se faisoit tout le mistere sans parler.

Il y avoit un aultre escolier, logé tout auprès de la jeune dame, qui en estoit fort amoureulx, et eust bien voulu estre en part avec Clairet ; mais il n'en pouvoit venir à bout, ou fust qu'il n'estoit pas au gré d'elle, ou qu'il ne sçavoit pas s'y gouverner, ou, qui est mieux à croire, que les dames, qui sont un peu fines, ne se donnent pas voulentiers à leurs voisins, de peur d'estre trop tost descouvertes. Toutesfois, estant bien adverty que Clairet avoit entrée, et l'ayant veu aller et venir ses tours, et entre aultres l'ayant ouy japper et veu comme on luy ouvroit la porte, que fit il ? L'une des fois que le mary estoit dehors, après s'estre bien accertené de l'heure que Clairet y

NOUVELLE Ll

entroit, il se pensa qu'il avoit bonne voix pour faire le petit chien comme Clairet, et qu'il ne tiendroit à abbayer que la proye ne se print.

Adonc il s'en vint un peu avant les dix heures et fît le petit chien à la porte de la dame : « Hap ! hap! » La .portière, qui l'entendit, luy vint incontinent ouvrir, dont il fut fort joyeux, et sçachant bien les addresses de la maison, ne faillit point à s'aller mettre tout droict au lict, auprès de la jeune dame, qui cuidoit que ce fust Clairet ; et pensez qu'il ne perdit pas temps auprès d'elle.

Tandis qu'il jouoit ses jeux, voicy Clairet venir selon sa coustume, et se mit à faire à la porte : « Hap ! hap ! » Mais on ne lui ouvrit pas, combien que la dame en eut bien entendu quelque chose ; mais elle ne pensoit jamais que ce fust luy. Il jappe encores une fois, dont la dame commença à soupçonner je ne sçay quoy, et mesmement parce que celuy qui estoit avec elle luy sembloit avoir une aultre guise et une aultre maniment que non pas Clairet. Et pource, elle se voulut lever pour appeller sa chambrière et sçavoir que c'estoit.

Quoy voyant l'escolier, et voulant avoir ceste nuict franche où il se trouvoit si bien, se levé incontinent du lict, et se mettant à la fenestre, ainsi que Clairet faisoit encores : « Hap ! hap ! »

luy va respondre en un abbay de ces clabaux de village : « Hop ! hop ! hop ! » Quand Clairet entendit ceste voix : « A ! ha ! dit il, par le corps bieu ! c'est la raison que le grand chien chasse le petit. Adieu, adieu, bonsoir et bonne nuict. » Et s'en va. L'aultre escollier se retourne coucher, et appaisa la dame le mieulx qu'il peut, à laquelle il fut force de prendre patience ; et depuis il trouva façon de s'accorder avec le petit chien qu'ils iroyent chasser aux connilz chascun en leur tour, comme bons amys et compagnons.

De Vaudrey et des tours qu'il faisait.

IL n'y ha pas longtemps qu'estoit vi- ^vant le seigneur de Vaudrey, lequel

fs'est bien faict congnoistre aux princes, et quasi à tout le monde, par les actes qu'il ha faictz en son vivant d'une terrible bigearre, accompagnez d'une telle fortune que nul, fors

23o NOUVELLE LV.

luy, ne les eust osé entreprendre, et, comme l'on dit en commun langage, un sage homme en fust mort plus de cent foys : comme quant il print une pie en la Beausse à course de cheval, laquelle il lassa tant qu'enfin elle se rendit ; et quand il estrangla un chat à belles dentz, ayant les deux mains liées derrière ; et quand une foys, voulant esprouver un collet de buffle qu'il avoit vestu, ou un Jacques de maille, ne sçay lequel, fit planter une espée toute nue contre une muraille, la poincte devers luy, et se print à courir contre l'espée de telle roydeur qu'il se persa d'oultre en oultre, et toutesfois il n'en mourut point. 11 faut dire qu'il avoit bien l'ame de travers.

Entre toutes ses folies, il y en eut encores une qui mérite bien d'estre racomptée. Il passoit à cheval sus les ponts de Sey prés d'Angiers, lesquelz sont bien hauitz de l'eau pour ponts de boys, et portoit en crouppe un jeune gentilhomme, qui luy dit en riant : « Vien çà, Vaudrey ! toy qui as tant de belles inventions et qui sçais faire de si bons tours, si tu voyois maintenant les ennemys aux deux boutz de ce pont qui t'attendissent à passer, que feroys tu ? » Lors dit Vaudrey : « Que je feroys ? Mort bieu ! voilà, dit il, que je feroys. » Et, ce disant, il donne de l'esperon à son cheval et le fait saulter par dessus les

accoudieres dedans Loyre, et se tint si bien qu'il eschappa avec le cheval.

Si son compagnon eschappa comme luy, il fut aussi heureux que sage pour le moins ; car c'estoit grand folie à luy de se mettre en crouppe derrière un fol, veu que, quand on en est à une lieue, encores n'en est on pas trop loin.

Du gentilhomme qui couppa l'oreille à un coupeur de bourses.

l'église de Nostre Dame de Paris, 'un gentilhomme, estant en la presse, . sentit un larron qui luy couppoit des boutons d'or qu'il avoit aux manches de sa robe, et, sans faire semblant de rien, tira sa dague et print l'oreille de ce larron, et la luy couppa toute necte ; et en la luy monstrant : « Aga, dit il, ton oreille n'est pas perdue, la vois tu là ? Rendz moi mes boutons, je la te rendray. » Il ne luy faisoit

pas mauvais party, s'il eust pu recoudre son oreille comme le gentilhomme ses boutons.

De la damoiscUe de Thoulouse qui ne souppoil plus, et de celuy qui fnisoii la dielte.

)ne damoiselle de Thoulouse, au temps .de vendanges, estoit à une borde (sienne, et avoit pour voisine une aultre damoiselle de la ville mesme; lesquelles entendoyentà faire leur vin, et s'entrevoyoient souvent, et quelques foys mangeoyent ensemble. Mais y en avoit une qui avoit prins coustume de ne soupper point, et disoit à sa voisine : « Ma damoyselle, j'ay veu le temps que je me trouvois quasi tousjours malade, jusques à tant que j'ay prins coustume de ne soupper plus, et de faire seullement un petit de collation au soir. — Et de quoy collationnez vous, ma damoyselle ? disoit l'autre. — Sçavez vous, dist elle, comment j'en use ? Je fais

rostir deux cailles entre belles feuilles de vigne (comme ilz les accoustrent en ce pays là pour les faire cuyre avec leur graisse, car elles sont fort grasses), et fais mettre une poire de râteau entre deux braises. (Ces poires sont grosses comme le poingt, et mieulx.) Je fais collation de cela, dit elle, et, quand j'ay mangé cela et beu une jaste de vin (qui vault loyaulment la pinte de Paris) avec un pain d'un hardy, je me trouve aussi bien de cela comme si j'avois mangé toutes les viandes du monde. — Sec ! ce dit l'autre, le diable vous en feroit bien mal trouver. » Et quand le temps des cailles estoit passé, à belles peringues, à belles palombes, à belles pellixes, pensez que la povre damoiselle estoit bien à plaindre.

J'aimeroys aultant celuy qui disoit à son valet : « Recommande moy bien à monsieur le maistre, et luy dy que je le prie qu'il m'envoye seulement un potage, un morceau de veau, une aisle de chapon et de perdris, et de quelque aultre petite chose, car je ne veux gueres manger, à cause de ma diette. »

Et l'aultre, cuidant estre estimé sobre en demandant à boire, après qu'il eust esté interrogé duquel il vouloit : « Donnez moy, dit il, du blanc cinq ou six coups, et puis du clairet tant qu'il vous plaira. »

Mais il ne sembloit pas à celle qui plaignoit l'estomac : « J'ay, dit elle, mangé la cuisse d'une allouette, qui m'ha tant chargé l'estomac que je ne puis durer. » Il n'y eut pas entré la pointe d'un jonc.

Du moyne qui respondoU tout par monossyllabes rymez.

UELCiPE moyne, passant pays, arriva en une hosteilerie sus l'heure du soupper. L'hoste le fit asseoir avec les aultres qui avoyent desja bien commencé, et mon moyne, pour les attaindre, se met à bauffrer d'un tel appétit comme s'il n'eust veu de trois jours pain. Le galant s'estoit mis en pourpoint, pour mieux s'en acquiter ; ce que voyant, l'un de ceulx qui estoyent à table luy demandoit force choses, qui ne luy faisoit pas plaisir, car il estoit empesché à remplir sa poche. Mais, affin de ne perdre gueres de temps, il respondoit tout par monos-

syllabes rymez; et croy bien qu'il avoit apprins ce langage de plus longue main, car il estoit fort habille. Les demandes et les responses estoyent.

L'aultre lui demande : « Quel habit portez vous? — Fort. — Combien estes vous de moynes? — Trop. — Quel pain mangez vous? — Bis. — Quel vin bevez vous ? — Gris. — Quelle chair mangez vous ? — Beuf. — Combien avez vous de novices ? — Neuf. — Que vous semble de ce vin ? — Bon. — Vous n'en bevez pas de tel? — Non. — Et que mangez vous les vendredy ? — Œufs. — Combien en avez vous chascun ? — Deux. »

Ainsi ce pendant il ne perdoit pas un coup de dent ; et si satisfaisoit aux demandes laccnicquement. S'il disoit ses matines aussi courtes, c'estoit un bon pillier d'église.

De l'escollur légiste et de l'apothiquaire qui luy apprint la médecine.

In escollier, après avoir demeuré à ^Thoulouse quelque temps, passa par ».^^î?;^&ilune petite ville prés de Cahors en Quercy nommée Sainct Anthonin, pour là repasser ses textes de loix : non pas qu'il y eust grandement prouffité, car il s'estoit tousjours tenu aux lettres humaines, esquelles il estoit bien entendu ; mais il songea, puis qu'il s'estoit mis en la profession du droit, de ne s'en debvoir point retourner esgarant et qu'il n'en sceust respondre comme les aultres. Soudain qu'il fut à Sainct Anthonin, comme en ces petites villes on est incontinent veu et remarqué, un apothicaire le vint aborder, en luy disant : « Monsieur, vous soyez le bien venu », et se met à deviser avec luy, auquel en suivant propos il eschappa quelques motz qui appartenoyent à la médecine, ainsi qu'un homme d'es-

tude et de jugement ha tousjours quelque chose à dire en toutes professions.

Quand l'apothicaire l'eut ouy parler, il luy dit : « Monsieur, vous estes doncq médecin, à ce que je puis congnoistre ? — Non suis point aultrement, dit il ; mais j'en ay bien veu quelque chose. — Je pense bien, dit l'apothicaire, que vous ne le voulez pas dire, parce que vous n'avez pas proposé de vous arrester en ceste ville ; mais je vous asseure bien que vous n'y feriez pas mal vostre prouffit. Nous n'avons point de médecin pour le présent ; celuy que nous avions n'hagueres est mort riche de quarante mille francs. Si vous y voulez demeurer, il y fait bon vivre ; je vous logeray, et vivrons bien vous et moy, mais que nous nous entendons bien. Venez vous en disner avec moy. » L'escollier, oyant parler cet apothicaire, qui n'estoit pas beste, car il avoit esté par les bonnes villes de France pour apprendre son estât, se laisse emmener à disner et se pensa en soy mesme : « il fault essayer la fortune, et si cest homme icy fera ce qu'il dit ; aussi bien ay je bon mestier : voicy un pays escarté, il n'y ha homme qui me congnoisse, voyons que ce pourra estre. »

L'apothicaire le maine disner en son logis. Après disner, ayant tousjours continué ses premiers propos, ilz furent incontinent cousins. Pour

abbreger, l'apothicaire luy fit accroire qu'il estoit médecin, et lors l'escollier luy va dire premièrement : « Sçavez vous qu'il y ha ? Je ne praticquay encores jamais en nostre art, comme vous pouvez penser ; mais mon intention estoit de me retirer à Paris pour y estudier encores quelque année et pour me jetter à la praticque en la ville d'où je suis ; mais, puisque je vous ay trouvé et que je congnois que vous estes homme pour me faire plaisir, et moy à vous, regardons à faire nos besongnes ; je suis content de demeurer. — Monsieur, dit l'apothicaire, ne vous souciez, je vous apprendray toute la praticque de médecine en 'moins dé quinze jours. Il y ha longtemps que j'ay esté soubz les médecins et en France et ailleurs ; je sçay leurs façons et leurs receptes toutes par cueur. D'avantage, en ce pays icy, il ne fault que faire bonne mine et sçavoir deviner, vous voylà le plus grand médecin du monde. Et deslors l'apothicaire commence à luy monstrer comment s'escripvoit une once, une drachme, un scrupule, une pongnée, un manipule ; et un aultre demain il luy apprint le nom des drogues les plus vulgaires, et puis à dozer, à mixtionner, à brouiller, et toutes telles besongnes.

Cela dura bien dix ou douze jours, pendant lesquelz il gardoit la chambre, faisant dire par

l'apothicaire qu'il estoit un peu mal disposé. Lequel apothicaire n'oublia pas à dire par toute la ville que cest homme estoit le meilleur médecin et le plus sçavant qui jamais fust entré en Sainct Anthonin. Dequoy ceulx de la ville estoyent fort aises, et commencèrent à le caresser incontinent qu'il fut sorty de la maison, et se battoyent à qui le convieroit, et eussiez dict qu'ilz avoyent desja envie d'estre malades pour le mettre en besongne, afin qu'il eust courage de demeurer. Mais l'escollier, que dis je, escollier ! docteur passé par les mains d'un apothicaire, se faisoit prier, ne frequentoit que peu gens, tenoit bonne mine, et sur toutes choses ne partoit guère d'auprès de l'apothicaire, qui luy rendoit ses oracles en moins de rien.

Voicy venir urines de tous costez. Or, en ce pays là, il falloit deviner par les urines si le patient estoit homme ou femme, et en quelle part il sentoit mal et quel âge il avoit. Mais ce médecin faisoit bien plus, car il devinoit qui estoit son père et sa mère, s'il estoit marié ou non, et depuis quel temps, et combien il avoit d'enfans. Somme, il disoit tout ce que en estoit, depuis les vieulx jusques aux nouveaux, et tout par Tayde de son maistre l'apothicaire : car, quand il voyoit quelqu'un qui apportoit une urine, l'apothicaire

alloit le questionner, ce pendant que le médecin estoit en hault, et luy demandoit de bout en bout toutes les choses susdites, et puis le faisoit un peu attendre, tandis qu'il alloit advertir secrettement son médecin de tout ce qu'il avoit apprins de ce porteur d'urines. Le médecin, en les prenant, les regardoit incontinent hault et bas, mettoit la main entre l'urinai et le jour, et le baissoit et le viroit avec les mines en tel cas requises, puis il disoit : « C'est une femme. — O par ma fé! segni ! bien disez vertat ! — Elle ha une grand douleur au costé gauche au dessoubz de la mamelle, ou de teste, ou de ventre, selon que luy avoit dict l'apothicaire. Il n'y ha que trois mois qu'elle ha faict une fille. » Ce porteur devenoit le plus esbahydu monde, et s'en alloit incontinent compter par tout ce qu'il avoit ouy de ce médecin ; tant que de bouche en bouche le bruit court qu'il estoit venu le premier homme du monde. Et si d'adventure quelquefois son apothicaire n'y estoit pas, il tiroit le ver du nez à ces Rouerguoys, en disant par une admiration : « Bien malade ! « A quoy le porteur respondoit incontinent il ou elle. Au moyen de quoy il disoit, après avoir un petit considéré ceste urine : « N'est ce pas un homme ? — O certes! be es un homme, disoit le Rouerguoys.— Ha ! Je l'ay bien veu incontinent », di-

soit le médecin. Mais, quand ce venoit à ordonner devant les gens, il se tenoit tousjours prés de son magister, lequel luy parloit le latin medecinal, qui estoit en ce temps là fin comme bureau teint. Et soubz ceste couleur là l'apothicaire luy nommoit le Kecipe tout entier, faisant semblant de parler d'autre chose ; en quoy je vous laisse à penser s'il ne faisoit pas bon veoir un médecin escripre soubz un apothicaire.

En effect, ou fust pour l'opinion qu'il fit concepvoir de soy, ou par quelque autre adventure, les malades se trouvoyent bien de ses ordonnances, et n'estoit pas filz de bonne mère qui ne venoit à ce médecin, et se faisoyentà croyre qu'il faisoit bon estre malade cependant qu'il estoit là, et que, s'il s'en alloit, ilz n'en recouvreroyent jamais un tel. Hz luy envoyoient mille presens, comme gibiers ou flascons de vin, et ces femmes luy faisoyent des moucadous et des camises. Il estoit traicté comme un petit cocq au panier, tellement qu'en moins de six ou de sept moys il gaigna force escuz, et son apothicaire aussi, par le moyen l'un de l'autre ; dequoy il se mit en équipage pour s'en aller de S. Anthonin, faisant semblant d'avoir receu lettres de son pays par lesquelles on luy mandoit nouvelles qu'il falloit qu'il s'en allast, mais qu'il ne failliroit à retourner bien tost.

Ce fut à Paris qu'il s'en vint , là où depuis estudia en la médecine, et peultestre que oncques puis il ne fut si bon médecin comme il avoit esté en son apprentissage; j'entendz qu'il ne fît point si bien ses besongnes, car quelquesfois la fortune ayde plus aux advantureux que non pas aux trop discretz; car l'homme sçavant est de trop grand discours : il pense aux circonstances, il s'engendre une crainte et une doubte, par laquelle l'on donne aux hommes une deffiance de soy qui les descourage de s'adresser à vous; et de faict, on dit qu'il vauh mieulx tomber es mains d'un médecin heureux que d'un médecin sçavant.

Le médecin italien entendoit bien cela, lequel, quand il n'avoit que faire, escripvoit deux ou trois centz receptes pour diverses maladies, desquelles il prenoit un nombre qu'il mettoit en la facque de son saye ; puis, quand quelqu'un venoit à luy pour urines, il tiroit l'une de ces receptes à l'advanture comme on met à la blanque, et la bailloit au porteur, en luy disant seullement : Dio te la daga buona. Et, s'il s'en trouvoit bien : In buona hora. S'il s'en trouvoit mal : Suo danno. Ainsi va le monde.

De messire Jehan, qui monta sus le mareschal pensant nionter sus sa femme.

N mareschal, demeurant en un vilfMM lage qui estoit un lieu de passage,

avoit une femme passablement belle, au moins au gré d'un prebstre qui demeuroit tout auprès de luy, appelé messire Jehan, lequel fit tant qu'il accorda ses fleutes avec ceste jeune femme, et s'entendoit tellement avec elle que, quand le mareschal s'estoit levé pour forger ses fers, ce que le prebstre congnoissoit bien quand il entendoit battre à deux, car c'estoit signe que le mareschal y estoit avec le valet, messire Jehan ne failloit point à entrer par un huys derrière, dont elle luy avoit baillé la clef, et se venoit mettre au lict en la place du mareschal, qu'il trouvoit toute chaude, là où il forgeoit de son costé sus une enclume; mais on ne l'oyoit pas de si loing faire sa besongne, et, quand il avoit faict,

il se retiroit gentiment par l'huys où il estoit entré.

Mais ilz ne sceurent pas faire leur cas si secrettement que le mareschal ne s'en apperceust, au moins qu'il n'en eust une véhémente presumption, ayant ouy ouvrir et fermer cest huys; tant qu'il s'en print un jour à sa femme et la menassa, et la pressa tant et avec une colère telle qu'ont volontiers ces gens de feu, qu'elle luy demanda pardon et luy confessa le cas, et luy dit comme messire Jehan se venoit coucher auprès d'elle quand il oyoit battre à deux. Le mareschal ayant ouy ces nouvelles, après que sa femme luy eut bien crié mercy, ce luy fut force de demeurer là; mais pensez que ce ne fut pas sans luy donner dronos et chaperon de mesme.

De là à quelques jours le mareschal trouva le prebstre, auquel il dit : « Messire Jehan, vous venez veoir ma femme quand vous avez le loisir. » Le prebstre le nia fort et ferme, luy disant qu'il ne luy voudroit pas faire ce tour là et qu'il aymeroit mieux estre mort. « Vous estes mon compère, disoit le prebstre. — Et bien! dit le mareschal, je m'en rapporte à vous; chevauchez h à vostre ayse quand vous y serez; mais gardez vous bien de me chevaucher : car, s'il vous advient, le diable vous aura bien chanté matines. )■

Le prebstre, congnoissant que ce mareschal estoit un mauvais fol, se tint deslors sus ses gardes et ne voulut plus venir à la forge; mais le mareschal dit à sa femme : « Sçavez vous qu'il fault que vous faciez? Mais gardez vous bien de faire la borgne ny la boiteuse, car vous sçavez bien que vostre marché n'en seroit pas meilleur. Refaites congnoissance à messire Jehan et l'entretenez de parolles, et puis, un matin, je vous diray ce que vous aurez à faire. » Elle fut fort contente de luy promettre tout ce qu'il voulut, de peur de la malle adventure.

Et fault entendre qu'elle sçavoit bien battre et de bonne mesure, car elle avoit appris à battre avec le valet pour faire la besongne quand le mareschal n'y estoit pas. Adonc elle se mit à faire bon semblant à messire Jehan, ainsi que son mary l'avoit instruicte, luy donnant entendre que le mareschal n'y pensoit point et que ce n'estoit qu'une opinion qui luy avoit passé par l'entendement, et le vous asseura par de belles parolles, luy disant : « Venez, venez demain au matin à l'heure accoustumée, quand vous orrez qu'ilz batteront à deux. » Messire Jehan la creut, le povre home !

Quand le matin fut venu, le mareschal dit à sa femme en la présence du valet : « Levez vous, et

allez battre en ma place, car je me trouve un peu mal. » Ce qu'elle fit, et se mist à la forge avec ce valet. Incontinent que messire Jehan entendit battre à deux, il ne fut pas endormy; il se leva avec sa grosse robe de nuict, entre par l'huys accoustumé et se vient coucher auprès de ce mareschal, pensant estre auprès de sa femme; et parcequ'il y avoit longtemps qu'il n'avoit donné es gauffriers, il estoit lors tout prest à bien faire, et ne fust pas si tost au lict que de prinsault il ne se ruast dessus ce mareschal, lequel le vous commença à serrer à deux belles mains en luy disant : « Eh ! vertu bieu ! (pensez que c'estoit par un D) messire Jehan, qui vous ha icy faict venir? Je vous avois tant dict que vous ne me chevauchissiez point, et que j'estois mauvaise beste, et vous n'en avez rien voulu croire! »

Le prebstre se vouloit deffaire; mais le mareschal le vous tenoit à deux bons bras, et se print à crier à son valet, qui estoit en bas, lequel monta incontinent et apporta du feu; et Dieu sçait comment monsieur le prebstre fut estrillé à beaux nerfs de bœuf, que le mareschal tenoit tous prestz et expressément pour battre à deux sur le dos de messire Jehan, à la recrue du maistre et du valet. Et, cependant, il n'osoit pas crier au secours, car le mareschal le menassoit de le mettre en la four-

naise ; pour ce il aimoyt mieux endurer les coups que le feu.

Encores en eut il bon marché au pris de celuy qui eut les deux tesmoings enfermez au coffre et le feu allumé au derrière, tellement qu'il fut contrainct de se les coupper luy mesme avec le rasoir qui luy avoit esté baillé en la main.

— L'édition de Robert Granjon

l^ cviii feuillets cotés au recto. C'est la .^ .:.^ : iiemière, la meilleure et la plus rare de toutes les éditions des Nouvelles Kécréations. Granjon y fit l'essai du caractère qu'il venait d'inventer, et qui, sous le nom de « lettre Françoise », est resté l'un des types les plus remarquables de la gravure en lettre de notre pays.

P. 2. — Granjon, établi d'abord à Paris vers le milieu du XVI" siècle, était venu se fixer à Lyon depuis une année, lorsqu'il demanda le privilège des Nouvelles Kécrcaiions. A la fois imprimeur et graveur, il vint augmenter le nombre des artistes qui honoraient à cette époque la typographie lyonnaise.

P. 3. — Il n'y a aucun motif sérieux pour contester à Granjon le mérite fort mince d'avoir écrit cette préface. La Monnoye l'attribue à Antoine du Moulin,

25o NOTES.

qu'il regarde comme le « vertueux personnage n dont il est question dans cette lettre. Quel qu'ait été l'éditeur, et nous pensons que ce fut le grand ami de Des Periers, Jacques Pelletier, Granjon était à même, autant que personne, de présenter au public un livre auquel il attachait tant d'importance au regard de sa profession.

P. 4. — Ce sonnet a été retranché dans beaucoup d'éditions, quoiqu'il soit certainement de Des Periers.

P. Q, I. 9. — Allusion au Cymbalum mundi. Ce préambule, à en croire les premières lignes, paraît avoir été composé lors de la trêve conclue entre François I" et Charlcs-Quint, l'année même où parut la première édition de ce pamphlet (iSSy).

P. 10, 1. 2. — On voit d'après ce passage que le comédien Hugues Guérin, connu sous le nom de Gautier Garguille, adopta un nom populaire depuis longtemps.

P. 11,1. avant-dernière. — Quid proquo. u C'est ainsi que les médecins desXIII°et XIV siècles intituloient les chapitres où, au défaut de telle ou telle drogue, ils en substituoient quelque autre équivalente en vertu; et, comme il étoit aisé de se tromper en cela, étant même arrivé souvent que des apothicaires, au lieu de drogues ordonnées qu'ils n'avoient pas, en substituoient d'autres moins bonnes, de leur chef, on a dit de là quid pro quo : premièrement, pour une méprise d'apothicaire, et, ensuite, pour quelque méprise que ce soit. »(La Monnoje.)

P. 12, I. 22. — Le plaisantin. Rabelais qu'on a cru reconnaître dans ce passage, vivait encore à l'époque où il fut écrit. Ne serait-ce pas Triboulet, ce bouffon sur lequel Des Periers revient si complaisamment à tant de reprises, et dont la mort arriva vers iSSy, puisque son épitaphe se trouve dans les poésies latines de J. Voulté, publiées pour la première fois en i538?Voy. notam-

NOTES. 25l

ment sur Tiiboulet un passage de la xcii'^ Nouvelle, t. II, p. loS.

Triboulet fut un fol de la teste écorné...

Et de tout si plaisant qu'onc homme ne fascha.

(Jean Marot, Description du voyage de Venise.)

P. 14. — Polite était le bouffon de l'abbé de Bourgueil. Triboulet, d'abord fou en titre du roi Louis XII, passa au service de François I", où il eut Caillette pour confrère. Celui-ci mourut vers i520. Triboulet vécut jusque vers iSSy.

P. I 5, second paragraphe. — A l'entrée de Louis XII à Rouen, le 28 septembre i5o8.

P. 16, second paragraphe. — Les fous en titre avaient sans doute un répertoire de plaisanteries qu'ils se transmettaient les uns aux autres comme un patrimoine. Le bon tour que Des Periers rapporte de Polite, Pogge l'attribue dans ses facéties à un fou de l'archevêque de Cologne, et il a passé de Pogge dans d'autres recueils de contes salés. (Voy. Cc;if Nouvelles nouvelles, la xcix'^; Apologie pour Hérodote, chap. XXXIX; Moyen de parvenir, chap. XXVI, etc.)

P. 19, 1. i5. — Des neveuz de leur frère, plaisanterie pour désigner leurs bâtards.

P. 21,1. 2. — Ha il si grand peur. Le ( se prononçait quoiqu'on ne l'écrivît pas, comme le fait remarquer Jacques Peletier : « Souvent nous prononçons des lettres qui ne s'escrivent pas^ comme quand nous disons : dineti? ira-ti? et escrivons dine il? ira il? et seroit chose ridicule si nous les escrivions selon qu'ils se prononcent. » (Peletier, de l'Oriographe (i55o), liv. I, p. 57.)

P. 26, 1. 3. — L'evesque. II s'agit de Gerardo Landriano, évêque de Côme et cardinal, au rapport du

Bandel. (La Tcrza parte de le Novelle, Lucca, 1^54,