PIÈCE N« XIX

TRAITÉ ENTRE l/ÉVÊOCE DE CAMBRAI ET LE COMTE DE HAINAUT.

tX Août 1312. Sachent tuit présent et avenir que nous Pierres, par la grâce de Dieu, evesques de Cambray et cuens de

Cambresis. attendans et regardanz le profil el le seurté de nous et de nostre église et de nostre pais de

Cambresis Et nous Guilliaumes par celé mcisme grâce cuens de Haynau, de Hollande, de Zelande et

sires de Frise attendanz el regardanz l'honneur et le profit de nous, de nos subgiez et de nostre pais de Haynau . de nostres bones volentez et pour ce que pais et amour se nourrisse entre nous . nos sougiez et nos pays qui sont si voisin ensamble, especiaUment que nous li diz cuens de Haynau, sommes bons de monseigneur l'evesques devant dit pour la raison de son evesquie, et li devons foi et loiauté comme à nostre seigneur et nostre père en Dieu; et nous evesques devant ditz, devons foi et loiauté au comte devant dit, comme à nostre fil en Dieu , et no homme pour raison de levesquie et li devons amour et honneur comme a noble prince et nostre bon voisin et ami. Avons faiz acors et aliances ensamble en la manière qui s'ensuit : Premièrement, nous avons promis et fiancié l'un a l'autre nostres mains mises ensamble que nous pourchacerons le profit et destoumerons le damage l'un del autre et que nous aiderons, conforterons et tenserons l'un l'autre par nous et par noz genz . toutes fois que li uns en sera requis del autre par lui u par sa gent. et que nous garderons lonneur et Testât l'un del autre et de noz pais a nostre povoir en tele manière, que quant l'evesque. son baillif ou sa gent requerront nous conte devant dit. no bailliu ou noz gens de lui aidier et conforter lui et son pais aussi de Cambresis, nous promettons a i aller ou envoier souffîsament de noz

genz pour lui tenser et garder et son pais aussi contre tous, exceptez nos seigneurs le roi d'Alemaigne. le roi de France, l'evesque du Liège et nos aloiez. c'est a sauoir. les enfans le roi de France, ses frères et nos autres aloiez que nous avons maintenant et nos sougiez en tele manière que quant nous ou noz genz entrerons en le conté et le terre de Cambresis a armes pour deffandre et tenser l'evesque ou son pais, nous ou noz

I (In n'est |>as d'accord sur le sens du mot Juignet. Quelques personnes traduisent par Juin, d'autres par Juillet. a Cartulaire de Hamaut, p. 119, V*. cOté N« 59, de la Chambre des comptes. Arefùvetdu Boyaume de 8elçique.

genz serons et devrons eslre au fraiz et despans dudit evcsque , tant comme nous ou noz genz demorrons en le conté et en le terre de Cambresis pour sa besoigne. Et aussi quant nous evesques dessus dits, no bailliuz ou noz genz serons requis par le conte devant dit, par son bailliu ou sa gent, nous devons aler ou envoier de noz genz souffisamment pour conseillier, aidier, deifandre et tenser le conte devant dit. son pais, sa gent, a nos povoir en contre touz. exceptez noz seigneurs le pape. Karcevesque de Reims, le roy d'Âlemaigne. le roy de France, ses enfans et ses frères et noz aloiez que nous avons maintenant et noz songiez en la manière que dessus est dit. C*est a savoir que se nous ou noz genz alons ou pais de Hainau a gens d'armes pour aidier et conforter le conte ou son pais, nous devons estre ou conte de Haynau a ses fraiz et despanz. tant comme nous ou noz genz serons pour sa besoingne. Item, nous avons promis li uns a Tautre et par nos foyz, que nous garderons les droiz Tun del autre de nos pais et de nos contez en temporel et en espirituel. et ne soufferrons que préjudice, ne tort, ne forces soient faiz par les genz del un al autre, et si tost nous le saurons, nous ferons nos genz delaissier et déporter, et ferons restaurer et mètre en ustat deu les torz fais par noz genz. et le ferons faire plainement. loialemcnt. senz fainte et senz alonge toutes foys que nous en serons souffisamment enformez nous ou noz gens li uns par l'autre ou par les genz del un al autre, en gardant les loys. les usages et les coustumes des pais. Item, nous avons acordé ensamble, que nous tairons courre nos raonoies del un pais en Tautre. sauf ce que nous evesques ne noz genz de no monoie. ne autre de par nous ne de par eus ne pourions achater ne faire achater dedanz le conté de Haynau argent ou billon , ne canges d'or ou d'argent, et en tele manière ne porront achater cil del monoie de nous conte de Haynau, argent ou billon ou canges dedanz le conté et le terre de Gambrésis. et passera paisiblement parmi no terre de Haynau li argens et li billons que les gens l'evesque achateront hors de no conté de Haynau, et en tel manière ferons nous evesques audit conte et a ses genz ; et pour ce que li cuens de Haynau devant diz puet avoir aucuns damages en sa monoie de Haynau. parce que il lairra courre la monoie de Cambray en son pais et en %a terre de Haynau qui est plus granz que ne soit nostre terre de Cambresis; nous evesques devant diz. voulons et otroions audit conte de Haynau que paiée et délivrée la disieme partie du profit de no monoie de Cambray a no chapitre de Nostre-Dame. lequel disiesme il i ont par leur droit, du remanant qui a nous appartient li diz cuens ait la moitié du profit duranz ledit accors et les aliances dessus dites, et voulons et otroions encore que li diz cuens ait pour la cause dessus dite la moitié des forfaitures des monoies deffaudues du billon et del argent qui seront pris en nostre terre de Cambresis, paiez et rabatuz les couz et les fraiz des sergenz qui seront faiz et establiz par nous pour les prises dessusdites, et sera li diz billons et l'argent qui vendra a la partie le conte devant dit. tout porté a nostre monoie de Cambray. en tel pris cl en tel value comme li maislres de la monoie. achatera pour le teus billon et argent; et nous evesques devant diz, voulons que notre partie de la forfaiture soit tournée aussi par devers no monoie de Cambray, et que li maislres de la monoie, se nous ne tenions no monoie en no main, nofs en doie paier tel pri del argent el du billon comme il Tachatera u tens

d'adonc pour la monoie. et ara li diz cuens un receveur en no monoie de Cambray au fraiz de la monoie, des despans de bouche pour lui. pour son garçon et pour son cheval, pour veoir le conquest et pour recevoir la partie dudit conte du profit de no monoie et d(^ amandes et des forfaitures, en la manière que dessus est dît, et sera li diz receverres le conte a toutes les dehvrances qui se feront en no monoie et a tous les achaz aussi

se fîslrp i puet btinneinenl , H quant estre ni porra, nos genz ou cil qui tenront no monoie li devront dire et raporter loialement ei doivent estre les genz ledit conte a censir no dit« monoie se estre i wenlent et le devrons censir de leur conseil seiiz mauvaise occoison et a loial recours ; et ches choses nous evesques et cuens devant nommés, otrions Tun al autre, sauf le droit a nous evesques et a notre église, et sauf notre serment en toutes choses, et sauves les loys, les us et les cousturoes de nostre conté et de nostre terre de Cambresis, et sauf aussi a nous conte de Haynau no serment, les lois. les usages et les coutumes de no conté; et est a savoir que nous contes de Hainau dessusdiz. ne povons demander ne réclamer nul droit u tens avenir pour nous ne pour noz successeurs en la monoie de Cambray et de Cambresis ne es forfaitures du billon et d'argent pris en la conté de Cambresis, fors que en la manière dessus dite, et ce que li diz evesques nous donne et otroie la moitié des profiz de la monoie de Cambresis et des forfaitures . nous le prendrons pour les raisons et causes dessus dites ; et nous evesques et cuens devant dit, voulons et otroions Fun al autre toutes les choses dessus escriptes par nos bons grez et par nos bones volontez ; et voulons et otroions que cist acort et ces alliances durent tant comme il plaira a Diu que nous Pierres dessus diz serons evesque del église de Cambray et nous Guilliaumes dessus diz serons cuens de Haynau, en tel manière que sil defaloit del un ou del autre par mort ou li uns ou li autres estoit avanciez en plus grant estât, en laissant Testât ou nous sommes maintenant que lesdites ahances et les acorz faillissent, se ce n'esloit par nouviaus acors faiz entre nous. En lesmogniage des choses dessus dites, nous devant dit evesques et cuens, avons de certaine science et par bonne délibération de nous eue a noz espeçiaux consauz mis et appenduz nos propres seaus a ces présentes lettres en cognoscance de vérité.

Donne Fan de grâce, mil troiz ceuz et douze, le jour de le Feste S. Augustin ou mois d*Aoust.*