L'AUTRE SALUT D'AMOURS

Tant me fu de bêle manière; Une foiz fui en sa meson, Et d'amors i pris l'achoison * Par qoi mon cuer la doit amer ; Puis i ai trové tant d'amer, Et tant de contrère nuisant, Je cuit ce m'ont fet mesdisant.

Qui vers li m'ont esté contrère.

Or depri à la debonère , Por Dieu, que nul n'en voist créant, Que par celui où sui créant, Jà tant ne m'i seront contrère Que de s'amor vueille retrère.

Por ce cest salu li envoi, Et si ne le tiengne à anoi.

Par cest escript li sui message.

Comme cil qui cuer et corage Ai mis en li toute ma vie.

Por Dieu qu'il ne l'oublie mie , Ne mesdisanz ne croie point.

Que s'amors m'auroit à mort point, Se toz jors m'estoit issi fîère.

Por ce li pri que sa manière Change, et praingne autre corage, Et que de son très douz visage Aie .j. petit d'alegement, D'un regard d'amors doucement,

' Cause , occasion.