CASSAN

Est-il possible qu'on te croye?

COLOM.

Croy moy : pour certain il m'envoye

De Vandomois, et parmy l'air 24 Jusques icy m'a fait voler

Avec ces vers que je t'apporte:

Et m'a dit, si je fais en sorte

Que j'amolisse ta fierté, 28 Qu'il me donnera liberté.

Or pour cela je ne veux estre

Ny libre, ne changer de maistre:

Car que me vaudroit le changer?

32 Afin d'aller après manger

Comme au-paravant es bocages,

Des grains et des graines sauvages?

Quand il m'esmie de sa main 36 Tousjours à la table du pain,

Et me fait boire dans son verre?

Apres avoir beu je desserre Toutes mes ailes, et luy fais

40 Sur la teste un ombrage frais:

Puis je m'endors dessus sa lyre.

Mais luy qui jour et nuict souspire Pour ton amour, à tous les coups

44 Me fait rompre mon somme dous De mille baisers qu'il me donne En me disant, Douce mignonne, Làsl je t'aime: car je te voy

48 Vivre en servage comme moy.

Vray est que tu pourrois bien vivre De ma cage franche et délivre, Quand tu voudrois, fuyant es bois:

52 Mais moy chetif je ne pourrois Vivre franc de la servitude Où nostre ioliere trop rude Sans espoir me tient arresté.

56 Mais adieu, c'est trop caqueté, Tu m'as rendue plus jazarde Qu'une Corneille babillarde:

Trop longuement icy j'attens,

60 Baille moy response, il est temps.