ODE XXXII

En vous donnant ce portrait mien, Dame, je ne vous donne rien:

Car tout le bien qui estoit nostre,

4 Amour dés le jour le fist vostre, Que je receu dedans le cœur Vostre nom et vostre rigueur:

Puis la chose est bien raisonnable,

8 Que la peinture resemblable Au corps, qui languist en soucy Pour vostre amour, soit vostre aussi.

92 P. de Ronsard. [200.— XXXIII

Mais voyez comme elle me semble

12 Pensive, triste et palle ensemble, Portraite de mesme couleur Qu'Amour a portrait son seigneur !

Que pleust à Dieu que la Nature

16 M'eust fait au cœur une ouverture, Afin que vous eussiez pouvoir De me cognoistre et de me voir !

Làsl ce n'est rien de voir, Maistresse,

20 La face qui est tromperesse,

Et le front bien souvent moqueur:

C'est le tout que de voir le cœur:

Vous voirrez du mien la constance,

24 La foy, l'amour, l'obeyssance :

Et les voyant, peut cstre aussi Qu'auriez de luy quelque merci, Et des angoisses qu'il endure:

28 Voire quand vous seriez plus dure Que les rochers Caucaseans, Ou les naufrages Aegeans, Qui sourds, n'entendent les prières

32 Des pauvres barques marinières