ODE XXXVI

Plus dur que fer j'ay finy mon ouvrage, Que l'an dispos à démener les pas, Que l'eau rongearde, ou des frères la rage

4 Qui rompent tout, ne ru'ront point à bas. Le mesme jour que le dernier trespas M'assoupira d'un somme dur, à l'heure Sous le tombeau tout Ronsard n'ira pas,

8 Restant de luy la part qui est meilleure.

Tousjours tousjours, sans que jamais je meure, Je voleray tout vif par l'Univers, Eternisant les champs où je demeure 12 De mes Lauriers honorez et cou vers:

Pour avoir joint les deux Harpeurs divers

Au doux babil de ma lire d'yvoire,

Qui se sont faits Vandomois par mes vers.

16 Sus donque Muse, emporte au ciel la gloire Que j'ay gaignée, annonçant la victoire Dont à bon droit je me voy jouyssant:

Et de Ronsard consacre la mémoire,

20 Ornant son front d'un Laurier verdissant.

102 P. de Ronsard. [204