ODE XX

O Père, ô Phoebus Cynthien,

O saint Apollon Pythien, 3 Seigneur de Déle, isle divine,

Cyrenean, Patarean,

Par qui le trepié Thymbrean 6 Les choses futures devine:

Ou soit que Clare, ou que tes sœurs

Te détiennent de leurs douceurs, 9 Ou :;oit que tu iaves en l'onde

D'Eurote clerement roulant

104 P. de Ronsard. [20

Le crespe honneur du poil coulant 12 Par flocons de ta teste blonde:

Entens, ô Prince, mon soucy,

Et vien pour soulager icy 15 Celle qui ne m'est moins cruelle

Que la fièvre, qui va mordant

D'un accez et froid et ardant, 18 La douce humeur de sa mouëlle.

Quoy, sur elle n'espandras-tu

Quelque just remply de vertu?

21 Veux-tu pas son médecin estreV

Si seras, ou je fus deceu

Ayant l'autre jour apperceu 24 Ton Cygne voler à senestre.

Tu as seul des Dieux cest honneur

D'estre Poëte, et gouverneur 27 De toute herbe, soit de campaigne,

Soit de monts, soit de celles là

Que Thetis deçà et delà 30 En quelque bord estrange baigne.

Par toy Esculape pilla

Les enfers, lors qu'il resveilla 33 Hippolyt de la gresle bande,

Et fraudant le Prince inhumain,

Luy arracha hors de la main 36 Le tribut qu'à tous il demande, Par toy le doux enchantement

Sçait arrester soudainement 39 Le corps de l'homme qui des- vie:

Par toy le médecin expert

Ayant invoqué ton nom, pert 42 Le mal larron de nostre vie.

Helas Seigneur escoute moy,

Vien, et apporte avec toy 45 Le Moly, et la Panacée,

Et l'herbe que Medée avoit,

Quand reverdir elle devoit

48 D'Eson la jeunesse passée:

Et l'herbe forte qui changea

Glauce si tost qu'il la mangea, 51 Le faisant immortel, d'un homme:

Qui par la mer entre les Dieux

Ne craint que le temps odieux 54 Le nombre de ses ans consomme.

Brise les du bout de ton arc,

Puis d'elles pressurant le marc 57 Fais un bruvage, et le luy baille,

Ou bien les applique à ses bras,

Et lors ô Pean, tu rompras 60 Le mal qui deux âmes travaille.

Desja son beau coural s'esteint,

Et ja la rose de son teint 63 Se fanit paliement flestrie,

Et l'oeil meurtrier où m'aguettoit

Ne sçay quel archer qui estoit 66 L'object de mon idolâtrie.

Lasl tu peux en la guarissant,

Me soulager moy périssant 69 Au feu qui sa fièvre resemble:

Ainsi ratifiant mes vœux,

De mesme cure, si tu veux, 72 Tu en guariras deux ensemble.

Lors un temple j'edifiray,

Où ton image je feray 75 De longues tresses honorée,

A son doz pendray l'arc Turquois,

La lyre sœur de son carquois, 78 A son flanc la dague dorée.