ODE XI

Mais que me vaut d'entretenir Si chèrement un souvenir Qui hoste de mon cœur le ronge, Et tousjours me fait devenir 5 Resveur comme un homme qui songel Ce n'est pas moy, c'est toy mon cœur, Qui pour allonger ma langueur, Desloyal envers moy te portes, Et pour faire un penser veinqueur, 10 De nuict tu luy ouvres mes portes.

Tu ne te scaurois excuser Que tu ne viennes nrabuser, Et qu'à tort ne me sois contraire, Qui veux mon party refuser

15 Pour soustenir mon adversaire.

Mais en qui me doy-je fier !

Quand chetif je me voy lier De mes gens qui me viennent prendre, Pour estre fait le prisonnier

20 De ceux qui me devroient defendrel Ce penser n'eust logé chez moy S'il n'eust eu trafique avec toy.

Sors, cœur, de ta place ancienne:

Puis que tu m'as rcmpu ta foy,

25 Je te veux rompre aussi la mienne.

Sors donq, si tu ne veux périr De telle mort qu'on fait mourir Le soudart, qui rompt sa foy vaine Pour aller, traistre, secourir

30 L'ennemy de son Capitaine.