ODE XXXVIII

Ha, si l'or pouvoit allonger D'un quart d'heure la vie aux hommes, De soin on devroit se ronger •î Pour l'entasser à grandes sommes:

Afin qu'il peust servir de pris Et de rançon à nostre vie, Et que la mort en l'ayant pris, 8 De nous tuer n'eust plus envie.

Mais puis qu'on ne la peut tarder Pour don, ny pour or qu on luy offre, Que me serviroit de garder 12 Un trésor moisy dans mon coffre?

Il vaut mieux Jamin, s'addonner A fueilleter tousjours un livre, Qui plustost que l'or peut donner 16 Maugré la mort, un second vivre.