ODE XXXIX

Tu me fais mourir de me dire Qu'il ne faut sinon qu'une lyre Pour m'amuser. et que tousjours 4 Je ne veux chanter que d'amours.

72 P. de Ronsard. [155.—.

Tu dis vray, je te le confesse:

Mais il ne plaist à la Déesse, Qui mesle un plaisir d'un souci,

8 Que je vive autrement qu'ainsi.

Car quand Amour un coup enflame De son feu quelque gentille ame, Impossible est de l'oublier, 12 Ny de ses rets se deslier.

Mais toy Pasquier, en qui Minerve A tant mis de biens en reserve, Qui as l'esprit ardent et vif 16 Et nay pour n'estre point oisif, Esleve au ciel par ton histoire De noz Rois les faits et la gloire, Et pren sous ta diserte vois 20 La charge des honneurs François :

Et désormais vivre me laisse Sans gloire au sein de ma maistresse, Et parmy ses ris et ses jeux 24 Laisse grisonner mes cheveux.