ODE XXX

Si j'aime depuis naguiere Une belle chamberiere, Hé, qui m'oseroit blasmer * De si bassement aimer?

Non ! l'amour n'est point vilaine, Que maint brave Capitaine.

Maint Philosophe et maint Roy 8 A trouvé digne de soy.

Hercule, dont l'honneur vole Au ciel, aima bien Iole, Qui prisonnière dontoit 12 Celuy qui son maistre estoit.

Achille, l'effroy de Troyc, De Briseïs fut la proye, Dont si bien il s'eschaufa 16 Que serve elle en trionfa.

Ajax eut pour sa maistrerse Sa prisonnière Tecmesse, Bien qu'il secoiiast au bras 20 Un bouclier à sept rebras.

Agamemnon se vit prendre De sa captive Cassandre, Qui sentit plus d'aise au cœur 24 D'estre veincu que veinqueur.

Le petit Amour veut estre Tousjours des plus grands le maistre, Et jamais il n'a esté 28 Compagnon de majesté.

A quoy diroy-je l'histoire De Jupiter, qui fait gloire De se vestir d'un oiseau, 32 D'un Satyre, et d'un toreau, Pour abuser noz femelles?

Et bien que les immortelles

60 P. de Ronsard. [54— XXXI

Soient à son commandement, 36 II veut aimer bassement.

L'amour des riches Princecses

Conçoit les mesmes tristesses :

Qui veut avoir ses esbas, 40 II faut aimer en lieu bas.

Quant à moy, je laisse dire

Tous ceux qui veulent mesdire,

Je ne veux laisser pour eux 44 En bas lieu d'estre amoureux.

DE LA FLEUR DE la Vigne.