Desdity refusé

En quoy j'ay ouy dire que, la première fois que ces deux belles princesses s^entreveirent, toutes deux furent si contemplatives Tune de Pautre, ores conduisantz droit leurs regards fixement sur elles, ores de travers, ores de costé, que Tune et 1 autre ne se pouvoient assez regarder, tant elles furent fixes et attantives à s'entrevoir. Je vous laisse à penser les divers pensemens qu'elles pouvoient là-dessus pourmener dans leurs belles âmes; ny plus ny moins qu'on list qu un peu avant que ceste grand' bataille se donnast en Affrique entre Scipion et Anibal, qui fut la totallediffinition ' de la guerre de Romme et de Cartage, avant que la commancer, s'aboucharent ensemble par une petite surcéance d'armes d'environ quelques deux heures : et, ainsi qu'ilz se furent aprochez l'un de l'autre, demeurarent quelque petite espace de temps, ravys', en contemplation de l'un et de l'autre, chascun de la valeur de son compaignon, tant renommée par leurs beaux feitz et si bien représentée en leurs visages, en leurs corps et en leurs belles et guerrières façons et gestes. Et par ainsi, ayant demeuré assez ravis en si belles méditations de l'un et de l'autre, se meireut à parlementer de la façon que Tite-Live le descrit trèsbien'. Que c'est que de la vertu, qui se fait admirer parmy les haynes et innimitiez, comme de mesme h beauté parmy les jalousies, ainsi que fît celle de ces deux dames et princesses que je viens de dire !