Si que. — Signifie : de telle .lorte qu'au lieu d'être

Je bruslay du désir d'amasser et d'avoir...

Et alors, à bon droit, les Muses courroussées De quoy' je les avois si Jaschement laissées, Vindrent à la Fortune, et luy dirent ainsi...

« Nous avions par long-temps entre nos bras chery, Et comme nostre enfant tres-cherement nourry Un Ronsard vendomois, luy permettant l'entrée, Qu'à bien peu nous faisons, de nostre onde sacrée, Luy permettant de boire en nos divins ruisseaux, De toucher nostre luth, de monter auxcoupeaux^ De nostre sainct Parnasse, et, comme par conqueste, Porter de nos lauriers un chapeau ' sur la teste, Et aux rais* de la lune entre cent mille fleurs De son pied fouler l'herbe au milieu de nos sœurs.

« Or ce Ronsard, ingrat de tant de bénéfices, Qu'il a receus de nous comme de ses nourrices, Alléché des faveurs trompeuses de la court, (Le pauvre sot qu'il est) après les princes court. Et nous met à mespris, nous fuit et nous dédaigne, Ne fait plus cas de nous ny de nostre montaigne, Et par despit de nous son luth il a brisé. Et tellement il a nostre chœur déprisé, Que plus que le venin maintenant il évite La source de Pégase^ où nostre troupe habile.

« Pource% grande déesse, à qui Dieu met es mains Les verges pour punir les péchez des humains, Puny cet apostat, et de playes cruelles Montre-luy qu'il ne doit outrager les pucelles'