PERNETTE DU GUILLET

0 vraye amour, dont je suis prise, Comment m'as-tu si bien apprise.

Que de mon jour tant me contente.

Que je n'en espère autre attente, Que celle de ce doulx amer.

Pour me guérir du mal d'aymer?

Du bien j'ay eu la jouissance Dont il m'a donné congnoissance, Pour m'assurer de l'amytié, De laquelle il tient la moytié :

Doncques est-il plus doux qu'amer Pour me guérir du mal d'aymer.

Hélas ! amy, en ton absence Je ne puis avoir asseurance Que celle, dont, pour son plaisir.

Amour cault ' me vient dessaisir Pour me surprendre et désarmer :

Guéris moy donc du mal d'aymer.

Qui dira ma robe fourée De la belle pluye dorée.

Qui Daphnes * enclose esbranla :

Je ne sçay rien moins que cela.

Qui dira qu'a plusieurs je tens Pour en avoir mon passetemps.

Prenant mon plaisir çà et là :

Je ne sçay rien moins que cela.

Qui dira que j'ay révélé Le feu long temps en moy celé Pour en toy veoir si force il a :

Je ne sçay rien moins que cela.

Qui dira que d'ardeur commune, Qui les jeunes gens importune,