Bi«nque

NICOLAS ELLAIN. 233

Combien aussi que ' la France n'embrasse Que son Ronsard, son Bellay angevin, Que son Belleau, son Baïf, son Grevin, Desquels le moindre un Homère surpasse :

Ceux-là pourtant qui n'ont si bon esprit Et qui n'ont pas si doctement escript S'asseurent bien d'une immortelle gloire.

J'espère aussi que mes vers vangeront Mon nom de mort et qu'ils l'engraveront Tout au plus creus du temple de Mémoire.

Quand Jupiter assembla tous les dieux Pour bravement façonner ma Pandore, Il commanda que chascun d'eux encore En ceste-cy prodiguast tout son mieux :

Lors Apollon luy façonne les yeux De ses beaux raiz *, et puis après l'Aurore Heureusement de ses doigts la décore Or de son teinct, et or de ses cheveux ;

Amour son arc, Jupiter noble race, Venus son ris, les Charités leur grâce, Pithon sa voix, Diane sa beauté,

Clion sa gloire et Cerès sa richesse Thetis ses pieds. Minerve sa sagesse ; Mars luy donna sa fière cruauté.

Ronsard, à qui la France doibt hommage. Un vif renom et immortel honneur, Lis, s'il te plaist, ceste plaisante erreur, Qui me détient si long temps en servage

Combien, Ronsard, que ceste douce rage, Qui en mon ame excite ceste ardeur.

Ne soit plus rien auprès de la fureur Qui vivemejit eschauffe ton courage :