Bien qu'aussi. — 2. Rayons

234 POÈTES DU XVIe SIÈCLE.

Ne laisse pas de lire mes sonnets, Qu'auprès des tiens tu trouveras mal faictz Mais tu sçais bien qu'anciennement la lyre

A bien esté esprouvée des vieux, Des autres pis et de quelques uns mieux, Ghascun pourtant s'efforçant de bien dire.

Quand le soleil nous este sa clarté, S'obscurcissant de quelque noire nue, Se * tost qu'on voist la pluye estre venue. Ghascun en soy se trouve contristé.

Moy donc, madame, estant loing absenté Des clairs raions de ta céleste veue, Pensant pour moy ta grâce estre perdue, Me voyant loing de ta divinité :

T'esbahis-tu si la mélancolie A de si près une joye suivie, Et si en moy je porte si grand dueil ?

Or ceste nue et de pluye l'orage Ce sont mes pleurs, et de toy mon visage S'est esloigné qui est mon seul soleil.

Voicy, Grevin, l'ardente canicule, Qui maintenant nous ramène le chault, Desjà Phebus nous darde de la hault Une chaleur qui nous cuit et nous brusle :

Mais Cupidon, plus fort qu'un autre Hercule, Ge dieu d'amour si bravement m'assault Que de chaleur, ny de froid ne me chault ; Mais dedans moy sa seule ardeur pullule.

A gouverner * cependant tu te plais Ta belle Olimpe, ou bien tu te repais A contempler des herbes la nature.