N'entends. — s. Avant que*. — 3. L'éloigner

250 POÈTES DU XVIc SIÈCLE.

Ay-je tasché d'enchanter, ô moy fol, Sa rage, dis-je, au chant du rossignol, De le sevrer, et d'oublier ta grâce Par la lecture ou le jeu ou la chasse! Et quantes fois me suis-je veu tenté D'aller au loin de fureur tourmenté, D'aller parler aux sorciers pour distraire De moy l'amour,' que je ne puis defîaire Par nul travail, exercice, ny sort, Ny par mes vers, si ce n'est par la mort!.

ÉLÉGIE

Pour fuir le mal que m'ont fait vos beaux yeux, Souvent en vain j'erre aux plus déserts lieux, Où plus des gens la trace est recullée. Il n'y a roc, beste, oyseau, ny vallée, Bois, ny ruisseau qui n'oye vostre nom, Et de mon mal n'ait grand' compassion.

Si d'autre part par la campagne j'erre. C'est lors qu'amour me livre plus la guerre : Ainsi le cerf, qui porte au flanc un dart, Ne fuit son mal pour • s'enfuir à l'escart. Si.j'oy parfois le rossignol qui chante, Et comme moy son mal peut-estre enchante, Je me lamente, et d'un chant aussi doux Je fais aux bois retentir mon courroux.

Hà! que je suis envieux sur son ayse.

Car quand il veult il esteint ceste braize Qu'amour luy cause, et gouverne * tousjours Du bec, de l'aile et du chant, ses amours; Mais moy, absent d'une fière maistresse, Je ne vis, las! qu'en pleurs et qu'en destresse. .