En s'enfuyant. — 2. Courtise

Tout me desplait, je ne m'aynie où je suis, Et m'ayme aux lieux où estre je ne puis.

Si je me trouve en feste ou compagnie, C'est lors * qu'absent de vous plus il m'ennuya, Que voyant tout et ne vous y voyant, Je ne voy rien qu'un plaisir desplaisant. Mais quand la nuit fait qu'un chascun se plonge En doux sommeil, c'est lors que plus me ronge Vostre semblance, il m'est tousjours advis Qu'avec vous j'erre ou que j'oy vos devis. Je n'ay plus soin d'affaire domestique, De biens, d'honneurs, ny du malheur publique....

Voylà, mignonne *, la vie qu'aujourd'hui Pour vous je traine, ne vivant que d'ennuy : 0 pauvre vie! au moins, las! si c'est vie Celle qui porte à la mort mesme envie ! Ah ! je me meurs ! et croy que de celuy Que vous n'aymiez vous n'aurez plus d'ennuy, Perdant en luy un serviteur fidèle :

Mais de sa mort entendant la nouvelle, Possible encor aurez-vous de luy mort Par un soupir quelque piteux remord.

Je n'en puis plus, adieu, gente mignonne, Je prie Amour que ma mort vous pardonne. Et si par luy vous ay importuné Je prie aussi qu'il me soit pardonné.

Adieu, ma nymphe, adieu, celle que j'ayme Plus que mon cueur, que mes yeux, que moy-mesme !.

CHANSON

Chaque amant en ce beau temps

Du printemps.

Nonobstant les pleurs de France,