L'éloge

Elle ne commençoit encor Qu'à esclorre, ouvrant un fond d'or; C'est des fleurs la fleur plus parfaite Qui plus dure en son teint naïf Que le lys, ny la violette, La rose, ny l'œillet plus vif : J'auray tousjours au cueur escrite Sur toutes fleurs la marguerite.

Les uns louront * le teint fleury D'autre fleur, dès le soir flestry, Comme d'une rose tendrette Qu'on ne voit qu'en un mois fleurir :

Mais par moy mon humble fleurette Fleurira tousjours sans flestrir :

J'auray tousjours au cueur escrite Sur toutes fleurs la marguerite.

Pleust à Dieu que je peusse un jour La baiser mon saoul, et qu'Amour Geste grâce et faveur m'eust faite Qu'en saison je peusse cueillir Geste jeune fleur vermeillette.

Qui croissant ne fait qu'embellir!

J'auray tousjours au cueur escrite Sur toutes fleurs la marguerite.