LE BLASON DE LA ROSE
Aux uns plaist l'azur d'une fleur Aux autres une autre couleur :
L'un du lys, de la violette.
L'autre blasonne * de l'œillet Les beautez ou d'autre fleurette L'odeur ou le teint vermeillet :
A moy sur toute fleur déclose '
1. Loueront aurait compté pour trois syllabes. — 2. Fait l'éloge. V. Ronsard, p. 242. — 3. Ouverte *.
256 POÈTES DU XVIo SIÈCLE.
Plaist l'odeur de la belle rose.
J'ayme à chanter de ceste fleur Le teint vermeil et la valeur, Dont Venus se pare et l'Aurore, De ceste fleur qui a le nom D'une que j'ayme et que j'honore, Et dont l'honneur ne sent moins bon :
J'ayme sur toute fleur déclose A chanter l'honneur de la rose.
La rose est des fleurs tout l'honneur, Qui en grâce et divine odeur Toutes les belles fleurs surpasse, Et qui ne doit au soir flestrir Comme une autre fleur qui se passe.
Mais en honneur tousjours fleurir :
J'ayme sur toute fleur déclose A chanter l'honneur de la rose.
Elle ne défend à aucun Ny sa veuo ny son parfum.
Mais si de façon indiscrète On la vouloit prendre ou toucher.
C'est lors que sa pointure aigrette Monstre qu'on n'en doit approcher :
J'ayme sur toute fleur déclose A chanter l'honneur de la rose.
CHANSON
C'est trop pleuré, c'est trop suyvi * tristesse. Je veux en joye ébattre ma jeunesse, Laquelle encor comme un printemps verdoyé : Faut-il tousjours qu'à l'estude on me voye? C'est trop pleuré.
1. Le participe est employé ici pour l'infinitif passé, avoir suivi.
Mais que me sert d'entendre par science Le cours des cieux, des astres l'influence, De mesurer le ciel, la terre et l'onde, Et de voir mesme en un papier le monde? C'est trop pleuré.
Que sert pour faire une ryme immortelle De me ronger et l'ongle et la cervelle, Pousser souvent une table innocente Et de ternir ma face pallissante?
C'est trop pleuré.
Mais que me sert d'ensuyvre ' en vers la gloire Du grand Ronsard, de scavoir mainte histoire. Faire en un jour mille vers, mille et mille. Et cependant mon cerveau se distille?
C'est trop pleuré.
Cependant l'âge en beauté fleurissante Chet* comme un lys, en terre languissante. Il faut parler de chasse et non de larmes. Parler d'oyseaux, et de chevaux et d'armes : C'est trop pleuré.
Il faut parler d'amour et de liesse, Ayant choisy une belle maistresse; J'ayme et j'honore et sa race et sa grâce, C'est mon Phœbus, ma Muse et mon Parnasse : C'est trop pleuré.
Digne qu'un seul l'ayme et soit aymé d'elle, Luy soit espoux, amy et serf fidèle.
Autant qu'elle est sage, belle et honneste. Qui daigne bien de mes vers faire feste : C'est trop pleuré.
1. Poursuivre. V. Ronsard, p. 120.— 2. Choit, tombe (Burguy, II, p. 19).
Va-t'en, chanson, au sein d'elle te mettre, A qui l'honneur (qui ne me doit permettre Telle faveur) est plus cher que la vie. Hà! que ma main porte à ton heur d'envie! C'est trop pleuré.
SONNET
Doux rossignol, dont la plaisante voix Fait mil fredons en musique excellente, Si de chanter aussi bien je me vante, Si comme toy je lamente en ces bois :
Va, je te pry, si lamenter tu m'oys, Vers ma maistresse, et mon mal lui présente : Par ton doux chant fléchy-la et l'enchante, Dy luy qu'avoir tes ailes je voudrois :
Dy luy tousjours que je repense en elle, En sa douceur, en sa beauté plus belle Que ce printemps, ces roses et ces lys.
Hàl que je porte à tes amours d'envie, Car quand tu veux tu caresses t'amye ', Et moy, chetif, d'elle absent, je languis !
