SUR LE TRESPAS DE SON ASNE

Depuis que la guerre enragée Tient nostre muraille assiégée Par le dehors, et qu'au dedans On nous fait allonger les dents Par la faim qui sera suivie D'une autre fin de nostre vie, Je jure que je n'ay point eu Douleur qui m'ait tant abbatu, Et qui m'ait semblé plus amère.

Que pour votre asne, ma commère, Vostre asne, hélas ! ô quel ennuy !

Je meurs quand je repense à luy, Vostre asne, qui par advanture.

Fut un chef-d'œuvre de nature, Plus que l'asne Apuleyen :

Mais quoy? la mort n'espargne rien, Il n'y a chose si parfaicte Qui ne soit par elle deffaicte :

Aussy son destin n'estoit pas Qu'il deust vivre exempt du trespas :

Il est mort, et la Parque noire A l'eau du Styx l'a mené boire, Styx, des morts l'éternel séjour.

Qui n'est plus passable au retour.

Je perds le sens et le courage Quand je repense à ce dommage.

Et tousjours depuis en secret Mon cœur en gémit de regret. Tousjours en quelque part que j'aille, En l'esprit me revient la taille,

1. Cette pièce, qui ne figure pas dans la première édition, est do Gilles Durant.

Le maintien et le poil poly De cet animal tant joly ; J'ay tousjours en la souvenance Sa façon et sa contenance :

Car il sembloit, le regardant, Un vray mulet de président, Lorsque d'une gravité douce.

Couvert de sa petite housse, Qui jusqu'au bas luy devalloit*, A Poulangis il s'en alloit, Parmy les sablons et les fanges, Portant sa maistresse à vendanges.

Sans jamais broncher d'un seul pas, Car Martin souffert ne l'eust pas, Martin qui tousjours par derrière Avoit la main sur sa croupière.

Au surplus un asne bien faict, Bien membru, bien gras, bien refaict, Un asne doux et débonnaire Qui n'avoit rien de l'ordinaire, Mais qui sentoit avec raison Son asne de bonne maison :

Un asne sans tache et sans vice, Né pour faire aux dames service.

Et non point pour estre sommier, Comme ces porteurs de fumier.

Ces pauvres baudets de village, Lourdauts, sans cœur et sans courage, Qui jamais ne prennent leur ton Qu'à la mesure d'un baston.

Vostre asne fût d'autre nature, Et couroit plus belle advanture, Car, à ce que j'en ay appris, Il estoit bourgeois de Paris :

Et do faict par un long usage Il retenoit du badaudage,