Descendait

Et faisoit un peu le mutin Quand on le sangloit trop matin.

Toutesfois je n'ay cognoissance S'il y avoit eu sa naissance.

Quoy qu'il en soit, certainement Il y demeura longuement, Et soustint la guerre civile Pendant les sièges de la ville, Sans jamais en estre sorty, Car il estoit du bon party :

Dà, et si le fit bien paroistre, Quand le pauvret aima mieux estre Pour l'Union en pièces mis, Que vif se rendre aux ennemis.

Tel Seize qui de foy se vante, Ne voudroit ainsy mettre en vente Son corps par pièces estallé, Et veut qu'on l'estime zélé.

Or bien, il est mort sans envie, La Ligue luy cousta la vie :

Pour le moins eut-il ce bonheur, Que de mourir au lict d'honneur, Et de verser son sang à terre Parmy les efforts de la guerre, Non point de vieillesse accablé, Rogneux, galeux, au coin d'un blé, Plus belle fin luy estoit due :

Sa mort fut assez cher vendue, Car au boucher qui l'acheta Trente escuz d'or sol il cousta :

Sa chair par membres despecée Tout soudain en fut dispersée Au légat, et le vendit on Pour veau peut estre, ou pour mouton.

De cette façon magnifique.

En la nécessité publique, 0 rigueur estrange du sort 1 Vostre asne, ma commère, est mort :

380 POÈTES DU XVIc SIÈCLE.

Vostre asne, qui par advanture Fut un chef-d'œuvre de nature.

Depuis ce malheur advenu Martin malade est devenu, Tant il portoit une amour forte A ceste pauvre beste morte !

Hélas ! qui peut voir sans pitié Un si grand effet d'amitié?

De moi ', je le dy sans reproche, Quoy que je ne fusse si proche Du deffunct comme estoit Martin, J'ay tel ennuy de son destin, Que depuis quatre nuicts entières Je n'ay sceu clorre les paupières :

Car lors que je cuide * dormir, Je me sens forcé de gémir, De souspirer, et de me plaindre :

Mille regrets viennent attaindre Sans cesse mon cœur, et l'esmoy Ne déloge point de chez moi :

Depuis cette cruelle perte • Mon âme aux douleurs est ouverte, Si que % pour n'avoir plus d'ennuy.

Il faut que je meure après luy.