AUX GRACES

Sainctes filles d'Eurydomène Sans qui tout deplaist à nos yeux, Soit la déesse qui vous meine, Soit son fils le maistre des dieux :

Le jeu sans vous n'a point de grâce, Et sans vous, Grâces, le plaisir Ne peut plaire en aucune place, Ny contenter aucun désir.

A chacune de vous je donne, Humblement par trois chastes vœux, Une florissante coronne, Pour en honnorer vos cheveulx.

A chacune je donne encore Un petit pot plain de laict doux, Et chacune de vous j'honore D'un petit vase de miel roux.

Afin qu'il vous plaise d'espendre Tant de grâce en mes petits vers Que Marguerite puisse prendre Plaisir en leurs nombres divers....