L'HYMEN DE BACCHUS

Ores qu'en ce banquet nous faisons, chère troupe, Courir de main en main cette vineuse coupe. Chantons, pour accomplir ce mystère divin,- Quelque bel hymne au dieu des coupes et du vin, Afin qu'en ces festins tousjours il nous rapelle....

Mais qui sera celuy qui pourroit dignement Célébrer le bon vin, la vigne et le serment, Leur beaulté, leur honneur, leurs vertus infinies Et l'heur qui vient par eux en toutes compaignies?

Sans la liqueur du vin, cette saincte liqueur, L'homme cent fois le jour defauldroit ' de son cueur. La nature reçoit du vin toute sa force. Le vin est aux esprits une subtile amorce, Qui les élève au ciel ardemment éperdus Pour faire des discours non jamais entendus.

Quand le fleuve coulant est bridé de la glace, Et que le champ demeure orphelin de sa grâce, Et les boys d'alentour sont des vents abatus, Qui faict aller joyeux par les champs devestus, Et qui desaigrit plus du voyager * la peine Que le bon vin qu'il porte en sa bouteille pleine? Puis quand l'aronde vient annoncer le printems, Quel autre doux plaisir faict nos cueurs plus contons, Qu'estre au bord d'un ruysseau, et couchés plat à terre Couronner d'un bon vin ou la tasse ou le verre, Et boyre l'un à l'autre, avalant et le vin Et tout ce que l'on a de peine et de chagrin?

Et quand l'automne arrive, et qu'on veoid sur la treille L'esclat délicieux d'une grappe vermeille, Quel esclat de rubis tant fust-il de valeur Vouldroit-on égaller à sa belle couleur?...

0 vieil harpeur grégeois! que sept villes approuvent Pour leur cher nourrisson, tant grand elles te trouvent, Tu sçais que vault le vin, car il t'accompagnoit, Et ta carte et tes vers bien souvent il teignoit, Quand tu faisois rougir les undes de Scamandre Du sang des fils de Troie ains ^ qu'elle fut en cendre. Et quand rompant de nuict la besogne du jour Peneloppe attendoit d'Ulysse le retour.

Aussi c'est la raison qui t'a faict, Père libre. Du pampre et de l'yerre * environner son livre, Comme estant l'ornement de tes propres cheveux.

Je te salue. Père, et te dresse mes vœux,

1. Du verbe défaillir (L.). — i. Voyageur. V. Baïf, p. i9i. — 3. Avant que. V. Ronsard, p. 36. — i. Lierre. V. Ronsard, p. 261; du Bellay, p. ne.

Enfant que Jupiter eust jadis de Semèle, Je te salue encor d'une autre ardeur nouvelle Evan, lach, Bacchus, Bromien, Lyéan, Thyonée aux beaux yeux, Thebain, Victyléan, Et de ce verre plain, dévot en ton service, Je m'en vais commencer un nouveau sacrifice, Avecques mon Ronsard l'honneur du Vendosmois, Pour joindre à cest honneur l'honneur du Quercinois; Favorise nous doncq et de pampre façonne Pour chacun de nous deux une belle coronno.