MAI 1449, AU 30 OCTOBRE
Le premier feuillet contient au recto la coppic collationnée sur trois originaux et signée parLambetet Benjamin d’une lettre d’Ysabelle, parla grâce de Dieu, reyne de Jérusalem et de Sicile, duchesse d’Anjou, de Bar et de Lorraine, contesse de Prouvence, de Fourcalquier et de Pymont, donnée en son chastel de Tharascon le penultieme jour de mars Tan mil cccc quarante et huit, signée Ysabel. Et par la Reyne Gilles de Bourmont conseillier et niaistre d’hostel. Elle veult et ordonne , de l’advis de son seigneur, que les deniers, revenus, prouffit et émolument des tahliers de son dict pays de Prouvence soient employez ou paiement de certain nombre de bons chappellains et chantres qui doresenavant, chacun jour, feront beaux sermons devant mon dict seigneur et nous, ou l’un de nous en l’absence de l’autre. Pour lesquelz deniers recevoir, cuillir et faire venir ens et les distribuer pour le fait de nostre dicte chappelle , comme dict est , soit besoing et neccessité comectre et ordonner homme à ce propre et à nous feable , qui en puisse et scache rendre bon compte et reliqua quant et où il appartiendra, savoir faisons que nous confians de la discrecion, prodomie et loyauté que par vraye expérience savons estre en la personne de nostre amé et féal secrétaire et receveur general de noz finances Jehan de Vacincourt , icelui pour les causes et autres à ce nous nommons et aussi par l’advis de mon dict seigneur, avons commis et ordonné, comectons et
ordonnons par ces présentes à affermer, arrender et bailler le prouffit et émolument d’iceulx tabliers au plus offrant et dernier enchérisseur ou autrement en la meilleure maniéré qu’il verra estre assez ou plus grand prouffit de mon dict seigneur et nous. Et les deniers qui en ysseront, recevoir, cuillir, amasser et les distribuer par noz lettres et mandemens ou payement de gaiges dessusdictz , jusques au nombre de douze chantres et au dessoubz comme par nous luy sera ordonné. Auquel Jehan de Yacincourt nous avons donné et donnons puissance , auctorité et mandement especial de contraindre et faire contraindre ceulx qui pour ce seront à contraindre tant du passé que pour l’avenir, pour aucune chose en est donc par toutes voyes et maniérés deues et raisonnables, comme il est accoustumé pour noz propres debtes ; et que en son absence il puisse à ce comectre ung ou plusieurs gens qui aient semblable puissance et auctorité ; et en oultre pour ses paines et diligences qu’il pourra avoir au fait de ladicte recepte et distribucion d’icelle, nous luy avons ordonné , donné et tauxé la somme de vingt escuz d’or de gaiges par chascun an tant et si longuement qu’il s’entremectra dudict fait, que voulions qu’il prenne par sa main des deniers desdictz tabliers à comancer au premier jour du moys de may prochain venant que lesdietz chantres entreront en investiture. Et donnons en mandement à qui il peut appartenir prions et requérons ou senneschal , chancelier, trésorier et autres justiciers et officiers de nostre dict pays de Prouvence, aux gens de la chambre des comptes ou autres comis ou à comectre à l’audicion des comptes dudict Vacincourt et iceluy d’eulx, se corne a luy appartend, ont de nostre présente ordonnance comission , voulenté et tauxacion , le facent, souffrent et laissent joyr et user plainement et paisiblement en rabatant et allouant en la despense de ses dietz comptes de ladicte recepte ses dietz gaiges en la maniéré dessusdicte.
LETTRES PATENTES l)ü ROY RENÉ.
René, parla grâce de Dieu, Roy de Jérusalem et de Sicile, duc d’Anjou, de Bar et de Lorraine , conte de Prouvence , de Fourcalquier et de Pymont , à touz ceulz qui ces présentes lettres verront , salut : Comme dez le moys d’avril mil cccc quarante et huict, eussions disposé et ordonné certain nombre de chappelains et chantres pour résider et servir en nostre chappelle et pour le payment de leurs gaiges et aussi du maistre de ladicte chappelle et autres choses ordinaires et extraordinaires neccessaires à icelle faire , convertir et employer les deniers , proffitz et emolumens des tabliers de nostre dict de Prouvence que par avant avoit et prenoit nostre très chiere et très amée compaigne la Reyne. Pour lesquelz deniers recevoir, cuillir, lever et distribuer, pour le fait de nostre dicte chappelle , fust besoing et neccessité comectre et ordonner homme à ce propre et à nous feable qui en peust
et sceust rendre bon compte et reliqua , savoir faisons que nous dez lors confians de la discrecion , preudomie , loyauté et bonne diligence de nostre amé et féal secrétaire Jehan de Yacincourt , iceluy comismes et ordonnasmes , comectons et ordonnons de nouvel par ces présentes de affermer, arrender et bailler le prouffit et émolument d’iceulx tabliers aux plus offrons et autrement en la meilleure maniéré qu’il verra estre à faire à nostre plus grant prouffit. Et les deniers qui en ysseront recevoir, cuillir, amasser et distribuer par noz lettres et mandemens en payment des gaiges et autres choses neccessaires pour nostre dicte chappelle ainsi que par nous luy sera ordonné. Auquel Jehan de Vacincourt avons donné et donnons puissance , auctorité et mandement especial de contraindre et faire contraindre touz ceulx qui pour ce seront à contraindre tant du passé que pour l’avenir par toutes voyes et maniérés deues et raisonnables , et comme il est accoustumé pour noz proppres debtes; et que en son absence, il puisse à ce comectre ung ou plusieurs gens qui aient semblable puissance et auctorité , des deffaux desquelz il sera tenu ; et qu’il puisse muer les comis à bailler lesdictz tabliers si bon luy semble. Et en oultre pour ses paines et diligences qu’il pourra avoir ou fait de ladicte recepte et distribuction d’icelle, nous lui avons ordonné , donné et tauxé , ordonnons, donnons et tauxons par ces présentes pour ses gaiges par chascun an tant qu’il s’en entremectra la somme de quarante escuz d’or, argent ayant cours, lesquelz voulions qu’il preigne par sa main des deniers de ladicte recepte à comancer du premier jour de may dernier passé. Si donnons en mandement à noz senneschal, chancelier et autres justiciers et officiers de nostre dict pays de Prouvence, aux gens comis ou à comectre à l’audicion de ses comptes et à chascun d’eulx et corne a luy appartenend que de nostre présente ordonnance, comission, voulenté et taxation, le facent, souffrent et laissent joir et user plainement et paisiblement , en luy donnant toute aide et faveur neccessaire et dont il les requerra pour le recouvrement des deniers desdictz tabliers, et en allouant en la despense desdictz comptes de ladicte recepte lesdictz quarante escuz d’or de gaiges , chascun an , en rapportant ces présentes ou vidimus d’icelle deuement fait pour une foiz seullement, car ainsi nous plaist estre fait, non obstant quelconques ordonnances, mandemens on deffences à ce contraires. En tesmoing de ce nous avons fait mectre nostre scel à ces présentes. Donné en nostre chastel d’Angiers le xje jour du moys de juing l’an de grâce mil quatre cens cinquante et ung. Ainsi signé, René. Par le Roy, le seigneur de Beauvau, senneschal d’Anjou et l’evesque d’Orenge présens.
Sur le registre est faite mention du collationnement sur trois originaux, elle est signée par Bernard et Benjamin.
On lit ensuite : « Le compte premier de Jehan de Vacincourt secrétaire et treso-
» rier des finances de très hautte et très excellante princesse Ysabel , par la grâce » de Dieu Royne de Jérusalem et de Secile, duchesse d’Anjou, de Bar et de Lorraine, » contesse de Prouvence , de Forcalquier et de Pymont , coinis et ordonné par le » Roy et ladicte dame de la recepte et payment des chappelains et chantres de leur » chappelle , comme appert par les lettres patentes de institucion desdictz seigneur » et dame ci devant transcriptes , de toutes les receptes des deniers receuz par » ledict Yacincourt ou nom et comme comis dessusdict, depuis le premier jour de » may l’an mil quatre cens quarante neuf que ladicte chappelle fut instituée et » ledict trésorier ordonné ou dict office jusques au derrain jour d’octobre inclus » mil quatre cens cinquante et deux; et aussi de la mise et despense faicte par » ledict Yacincourt depuis ledict premier jour de may mil quatre cens quarante et » neuf jusques au derrain jour d’octobre mil cccc cinquante et deux, l’un et l’autre » joins présentement. »
Suit l’etat détaillé de la recepte : (nous n’avons rien transcrit de ce chapitre qui nous a paru sans intérêt).
