TOME I
A nostre senneschal pour son voyaige qu’il fait présentement devers le Roy à Bourges xj c. xxxiiiij liv. x s.
A nostre très chier et féal conseillier et chambellan le sire des Rochetes senneschal de nostre dict pays d’Anjou, pour les voyaiges qu’il a faiz à Guyse, à Paris, et de là en Prouvence , pour y porter les vingt mil escuz prestez par nostre dict frere, le conte du Maine, esquelz voyaiges ledict senneschal a vacqué par troys moys, et remit lesdits escuz , vi c. iiijxx vij liv. x s.
A Antoine de Beauvau cinq cens livres en don par nous à luy fàict pour luy aider à supporter ses affaires, pour ce v c. liv.
A Nouel nostre tailleur cinq cens quarante une livres dix solz pour draps de laine et de soye qu’il nous a baillez, dont le senneschal de Prouvence luy est obligié de part de ladicte somme et de l’autre partie et de nous mandement certifficacions de nos chambellans et autres que voulons estre recouvertes par nostre dit, v c.xLjliv. xs.
Aux doyen et chappitre de l’esglise de Sainct Maurille d’ Angiers vj c. xx liv. pour le paiement de la place que avons fait achater d’eulx pour faire l’ediffice de la chappelle Sainct Bernardin prez l’esglise des freres Mineurs d’Angiers , pour ce vj c. xx liv.
Cette pièce ce termine ainsi :
Lesquelles parties mont ensemble à ladicte somme de cinquante cinq mil livres tournoys, nous avons veues et visitéez de mot à mot et en sommes bien contens, non voulans que sur icelles ne aucune d’icelles , ledict trésorier et commis soit tenu rapporter autre déclaration ou certifficacion que ce présent rolle; si vous mandons et expressément enjoignons par ces présentes que es comptes d’iceluy nostre trésorier et commis à laditte recepte vous allouyez laditte somme de cinquante cinq mil livres tournoys en rapportant seulement ce susdict présent compte quictancé de chacune des partz dessusdictes , fors en tant que tousche la part et pour le bailly de Rouen et sallaire des receveurs, cy mont m. iiij c. xxxvj liv. x s. et aussi de la partie deiij c. cviij liv. xv s. pour ledict trésorier qu’il doibt retenir par ses mains comme dit est. Desquelles deux parties ne voulons estre rapporté quelconque déclaration, quictancé ne certifficacion. Or ainsi nous plaist il et voulons estre fait. Donné en nostre cité de Masseille le xxvje jour de mars l’an mil cccc soixante avant Pasques : ainsi signé , René. Par le roy, le senneschal de Prouvence et l’evesque de Thoulon general dessusdict et autres presens. Allardeau.
Jehan, evesque deThoulon, administrateur perpétuel du monastère de Perpignan general conseiller du roy de Sicile sur le fait et gouvernement de toutes ses finances, veues par nous les lettres patentes dudict seigneur par manière de rolle donneez à Masseille le xxvje jour de mars de l’an passé auxquelles ces présentes sont mises soubz nostre signet, par lesquelles et pour les causes plus a plain en icelles contenues , ledict seigneur mande aux gens de ses comptes à Angiers que es comptes de James Louet, trésorier d’Anjou , commis à faire la recepte et distribucion de cinquante cinq mil livres tournoys naguers octroyeez par le roy de France audict seigneur, pour luy aider au fait du recouvrement de son royaume, ilz allouent celle somme de lv m. francs , laquelle somme ledict trésorier ce commis a partie et distribuée aux partz contenus audict rolle, consentons à l’enterrinement desdittes lettres tout ainsi et en la forme et mandement que ledict seigneurie veult et mande par icelles. Donné à Gardanne le xvje jour de may, l’an mil iiij soixante et ung. Ainsi signé, Jehan evesque et general dcssusdict.
