SUR LA STATUE DE PASQULN

Je fus jadis Hercule* ; or Pasquin je me nomme, Pasquin, fable du peuple, et qui fais toutefois Le mesme office encor que j'ay fait autrefois, Veu qu'ores par mes vers tant de monstres j'assomme.

Aussi mon vray mestier, c'est de n'espargner homme, Mais les vices chanter d'une publique voix :

Et si ne puis encor, quelque fort que je sois, Surmonter la fureur de cest hydre de Rome.

J'ay porté sur mon col le grand palais des dieux. Pour soulager Atlas, qui sous le faix des cieux Courboit, las et recreu ', sa grande eschine large :

Ores, au lieu du ciel, je porte sur mon doz Un gros moyne espagnol qui me froisse les oz : Si me poise * trop plus que ma première charge.