D ALLIANCE DE SOEUR

Par alliance ay .acquis luie sœur Qui en beauté, en grâce et en doulceur Entre ung millier ne trouve sa pareille. Aussi mon cueur à Taymer s'appareille , Mais d'estre aymé ne se tient pas bien seur.

Las elle m'a navré de grand vigueur, Non d'un cousteau , ne par haine , ou rigueur , Mais d'un baiser de sa bouche vermeille. Par alliance.

Cil qui la voit, jouyt d'un treshauit heur; Plus heureux est qui parle à sa haulteur; Et plus heureux à qui preste * l'oreille. Bien heureux donc debvroit estre à merveille Qui en amours seroit son serviteur Par alliance.