Valet, esclave

74 ŒUVRESDE CLÉMENT MAROT.

Argent et tout, cela se doit entendre.

Et ne croy point que ce fust pour la rendre.

Car oncques puis n'en ay ouy parler.

Brief, le villain ne s'en voulut aller Pour si petit; mais encor il me happe Saye* et bonnet, chausses, pourpoinct et cappe; De mes habitz, en effect, il pilla Tous les plus beaux; et puis s'en habilla Si justement qu'à le veoir ainsi estre, Vous l'eussiez prins, en plein jour, pour son maistre.

Finablement de ma chambre il s'en va Droict à l'estable, où deux chevaulx trouva: Laisse le pire et sur le meilleur monte; Picque et s'en va. Pour abréger le compte, Soiez certain qu'au partir dudict lieu N'oublya rien, fors à me dire adieu.

Ainsi s'en va, chattoilleux de la gorge ,- Ledict valet, monté comme ung sainct George:'' Et vous laissa monsieur dormir son saoul , Qui au resveil n'eust sceu finer d'un soul.^ Ce monsieur là, sire, c'estoit moymesme. Qui sans mentir fuz au matin bien blesme Quand je me vey sans honneste vesture.

Et fort fasché de perdre ma monture.

Mais de l'argent que vous m'aviez donné, Je ne fuz point de le perdre estonné : (kr vostre argent, tresdébonnaire prince. Sans point de faulte, est subject à la pince. '^