Morin, lieutenant criminel du Chàtelet

ÉIMTRES. 99

Dedans Paris, combien que fusse à Bloys, Kncontre moy faict ses premiers exploicts. En saysissant de ses mains violentes Toutes mes grans richesses excellentes Et beaulx trésors d'avarice délivres,* (]'est assavoir mes papiers et mes livres Et mes labeurs. 0 juge sacrilège, Qui t'a donné ne loy, ne privilège D'aller toucher et faire tes massacres Au cabinet des sainctes Muses sacres ^'' . Bien est-il vray que livres de deffense- On y trouva ; mais cela n'est offense A un poëte , à qui on flôibt lascher La bride longue et rien ne luy cacher, Soit d'art magicq, nigromance, ou caballe: Et n'est doctrine escripte, ne verballe Qu'un vray poëte au chef* ne deust avoir Pour faire bien d'escrire son devoir.*

Sçavoir le mal est souvent proulTitable , Mais en user est tousjours évitable.

Et d'autre part, que me nuist de tout lire? Le grand donneur m'a donné sens d'eslire. En ces livrets, tout cela qui accorde Aux sainctz escriptz de grâce et de concorde;* Et de jecter tout cela qui diffère Du sacré sens, quand près on le confère.