CHAPITRE XXV
Comment Panarfe, darpalim, Easthenes et Eplstemon, compagnons de PanUffrnel , deseonflrent six cens solxanie elievallers bien snbtliement.
Ainsi qu'il disoit cela , ilz adviserent six cens soixante chevaliers, montés à l'avantage sur chevaux legiers, qui accouroient là voir quelle navire c'estoit qui estoit de nouveau abordée au port, et couroient à bride avallée pour les prendre s'ilz eussent peu. Lors dist Pantagruel : Enfans^» retirez vous en la navire, voyez cy de nos ennemis qui accourent, mais je vous les tueray icy comme bestes, et fussent ilz dix fois autant : ce pendant retirez vous et en prenez vostre passe temps. Adonc respondit Panurge : Non, seigneur, il n'est de raison que ainsi faciez : mais, au contraire, retirez vous en la navire, et vous, et les autres : car moy tout seul les desconfirày icy, mais il ne fault pas tarder : avancez vous. A quoy dirent les autres : C'est bien dit, seigneur, retirez vous, et nous aiderons icy à Panurge , et vous cognoistrez que nous savons faire. Adonc Pantagruel dist : Or je le veulx bien ; mais, au cas que fussiez les plus foibles, je ne vous fauldray. Alors Panurge tira deux grandes chordes de la nef, et les attacha au tour qui estoit sur le tillac, et les mit en terre, et en fît un long circuit, l'un plus loing, l'autre dedans cestuy là. Et dist à Epistemon : Entrez dedans la navire, et quand je vous sonncray, tournez le tour* sus le tillac diligentement, en ramenant à vous ces deux chordes. Puis dist à Eusthenes et à Carpalim : Enfans , attendez icy et vous offrez à ces enne-
' Cabestan.
PANTAGKUKL. 3o3
nais franchement, et obtempérez à eux, et faites semblant de vous rendre : mais advisez que n'entrez au cerne de ces chordes, retirez vous tousjours hors. Et incontinent entra dedans la navire , et prit un faix de paille et une botte de pouldre de canon, et l'espandit par le cerne * des chordes, et avec une migraine de feu ^ se tint auprès.
Tout soudain arrivèrent à grande force les chevaliers, et les premiers chocquerent jusques auprès de la navire; et, parce que le rivage gUssoit, tombèrent eux et leurs chevaux, ji^sques au nombre de quarante et quatre. Quoy voyans les autres approchèrent, pensans qu'on leur eust résisté à Tarrivée. Mais Panurge leur dist : Messieurs, je croy que vous soyez fait mal , pardonnez le nous : car ce n'est de nous, ipais c'est de la lubricité de l'eau de mer qui est tousjours onctueuse. Nous nous rendons à vostre bon plaisir. Autant en dirent ses deux compagnons, et Epistemon, qui èstoit sur le tillac. Ce pendant Panurge s'esloignoit, et, voyant que tous estoient dedans le cerne des chordes , et que ses deux compagnons s'en estoient esloignés, faisans place à tous ces chevaliers qui à foulle alloient pour voir la nef, et qui estoit dedans, soudain cria à Epistemon : Tire, tire. Lors Epistemon commença tirer au tour, et les deux chordes s'empestrerent entre les chevaux, et les ruoient par terre bien aisément avec les chevaucheurs : mais eux, c^ voyans, tirèrent à l'espée, et les vouloient desfaire; dont Panurge mit le feu en la trainée, et les fit tous là brusler comme âmes damnées; hommes et chevaux, nul n'en eschappa, excepté un qui estoit monté sur un cheval turc, qui gaignoit à fuir : mais,. quand Carpalim l'apperceut, il courut après en telle hastiveté et allaigresse^ que il l'attrapa en moins de cent pas, et, saultant sur la croupe de son cheval, l'embrassa par derrière, et l'amena à la navire.
Cette defaicte parachevée, Pantagruel fut bien joyeux, et
' Cercle. ^ Allégresse, vivacité; c'est le
^ Grenade de feu , de migrana sens propre du lat. alacevy de l'itaL ou milgrana (proveiiç.), greniide. allegro,
