CHAPITRE XLIII

Gonmiciil l'eiMarmouche de PIcroclioie tel reneontrée par Garfaiitaa, et commeDt le moine taa lecapllalne TlraTant, pal» fliC prisonnier entre les ennemis.

Picrochole^ à la relation de ceux qui avoient évadé à la roupteS lors que Tripet fut estripé, fut espris de grand courroux, ouyant que les diables avoient couru sus ses gens; et tint son conseil toute la nuyt : auquel Hastiveau et Touquedil- Ion conclurent que sa puissance estoit telle qu'il pourroit défaire tous les diables d'enfer, s'ilz y venoient. Ce que Picrocbole ne croyoit pas du tout, aussi ne s'en defioit il.

Pourtant envoya, sous la conduite du comte Tiravant, pour descouvrir le pays, seize cens chevaliers, tous montés sus chevaux legiers en escarmouche , tous bien aspei^és d'eau beniste, et chascun ayant pour leur signe une estoUe en escharpe; à toutes adventures, s'ilz rencontroient les diables, que, par vertu tant de ceste eau Gringorienne que des estolles, les fissent disparoir et esvanouir. Iceux coururent jusques près la Vauguion et la Maladerye, mais onques ne trouvèrent personne à qui parler; dont repassèrent par le dessus, et, en la loge et tugure pastoral, près le Couldray, trouvèrent les cinq pèlerins. Lesquelz liés et haffoués emmenèrent, comme s'iiz fussent espies f non obstant les exclamations, adjurations et requestes qu'ilz fissent.

' A la déroute.