LIVRE If, CHAPITRE XIV

gueres : car ilz ne me bailloient que de l'eau à boire, à leur mode. Autre mal ne me firent, sinon un villain petit Turc, bossu par devant, qui furtivement me crocquoit mes lardons; mais je luy baillis si vert dronos sur les doigts, à tout mon javelot1, qu'il n'y retourna pas deux fois. Et une jeune Corinthiace 2, qui m'avoit apporté un pot de mirobolans emblics 3, confictz à leur mode, laquelle regardoit mon pauvre haire esmoucheté, comment il s'estoit retiré au feu, car il ne m'alloit plus que jusques sur les genoux. Mais notez que cestuy routissement me guérit d'une isciaticque entièrement, à laquelle j'estois subject plus de sept ans avoit, du costé auquel mon routisseur, s'endormant, me laissa brusler 4.

Or, ce pendant qu'ilz s'amusoient à moy, le feu triomphoit, ne demandez comment, à prendre en plus de deux mille maisons, tant que quelqu'un d'entre eux l'advisa ets'escria, disant : Ventre Mahon 5 toute la ville brusle, et nous amusons icy. Ainsi chascun s'en va à sa chascuniere. De moy, je prends mon chemin vers la porte. Quand je fus sur un petit tucquet6, qui est auprès, je me retourne arrière, comme la femme de Loth, et vis toute la ville bruslant comme Sodome et Gomorre, dont je fus tant aise que je me cuiday concilier de joye; mais Dieu m'en punit bien. Comment? dist Pantagruel. Ainsi, dist Panurge, que je regardois en grand liesse ce beau feu, me gabelant, et disant : Ha pauvres pulces, ha pauvres souris, vous aurez mauvais hyver, le feu est en vostre paillier, sortirent plus de six, voire plus de treize cens et unze chiens, gros et menus tous ensemble, de la ville, fuyant le feu. De première venue accoururent droit à moy, sentant l'odeur de ma paillarde chair demy routie, et m'eussent dévoré à l'heure, si mon bon ange ne m'eust bien inspiré>

1 Je le frappai si rudement avec de couleur brune ou obscure, mon javelot. 4 Ces trois lignes manquent dans

2 Corinthienne. — On !if une • l'édition de C. Nourry et dans celle jeune Tvclesque , dans l'édition de ; de Mamef.