PRIVILEGE DU ROY HENRI II

Tlonry par la grâce de Dieu Roy de France, au Prévost de Paris Bailly de Rouen, Seneschaulx de Lyon , Tholouze, Bordeaux, Daulphiné, Poiclou , et à tous nos autres justiciers et officiers , ou à leurs lieutenants, et à chascun d'eux, si comme à luy appartiendra , salut et dilection. De la partie de nostre cher et bien aymé M. François Rabelais, docteur en médecine , nous a esté exposé que iceluy suppliant ayant par cy devant baillé à imprimer plusieurs livres : en grec , latin, françois, et thuscan , mesmement certains volumes des faits et dits héroïques de Pantagruel , non moins utiles que délectables : les imprimeurs auroient iceux livres corrompuz, dépravés , et pervertis en plusieurs endroitz. Auroient davantage imprimés plusieurs autres livres scandaleux, ou nom dud. suppliant, à son grand desplaisir, préjudice, et ignominie, par luy totalement desadvoués, comme faulx et supposés : lesquelz il desireroit sous nostre bon plaisir et volonté supprimer. Ensemble les autres siens ad voués , mais dépravés et desguisés , comme dit est, revoir et corriger et de nouveau reimprimer. Pareillement mettre en lumière et vente la suite des faits et dits héroïques de Pantagruel. Nous humblement requérant sur ce, luy octroyer nos lettres a ce nécessaires et convenables. Pource est il que nous enclinans libéralement à la supplication et requeste dud. M. François Rabelais, exposant, et desirans le bien et favorablement traicter en cet endroit. A iceluy pour ces causes et autres bonnes considérations à ce nous mouvans, avons permis accordé et octroyé. Et de nostre certaine science, pleine puissance et auctorité royal , permettons , accordons et octroyons par ces présentes, qu'il puisse et luy soit loisible par tclz imprimeurs qu'il advisera faire imprimer, et de nouveau mettre et exposer en vente tous et chascuns lesdits livres et suite de Pantagruel pur luy composés et entrepris, tant ceux qui ont ja esté imprimés, qui seront pour cest effect par luy reveuz et corrigés, que aussi ceux qu'il délibère de nouvel mettre en lumière. Pareillement supprimer ceux qui faulseraent luy sont attribués. Et afin qu'il ait moyen de supporter les fraiz nécessaires à l'ouverture de la dite impression, avons par ces présentes très expressément inhibé et défendu, inhibons et déferions à tous autres libraires et imprimeurs de cestuy nostre