CHAPITRE XXXI

La harangue faite par Gallet à Picroclsole.

Plus juste cause de douleur naistre ne peut entre les humains que si, du lieu dont par droiture esperoient grâce et benevolence *, ilz reçoivent2 ennuy et dommage. Et non sans cause (combien que sans raison) plusieurs venus en tel accident, ont ceste indignité moins estime tolerable que leur vie propre : et, en cas que par force ny autre engin ne l'ont peu corriger, se sont eux mesmes privés de ceste lumière.

Donc merveille n'est si le roy Grandgousier mon maistre est, à ta furieuse et hostile venue, saisy de grand desplaisir, et perturbé en son entendement. Merveille seroit si ne l'avoient esmeu les excès incomparables qui, en ses terres et subjects, ont esté par toy et tes gens commis : es quelz n'a esté obmis exemple aucun 3 d'inhumanité. Ce que luy est tant grief de soy, par la cordiale affection de laquelle tousjours a chery ses subjects, que à mortel homme plus estre ne sçauroit. Toutesfois, sus l'estimation humaine, plus grief luy est, en tant que par toy et les tiens ont esté ces griefs et tors faits. Qui, de toute mémoire et ancienneté, aviez toy et tes pères une amitié avec luy et tous ses ancestres conceue; laquelle, jusques à présent, comme sacrée, ensemble aviez inviolablement maintenue , gardée et entretenue : si bien que, non luy seulement ny les siens, mais les nations barbares, Poictevins, Bretons, Manseaux, et ceux qui

1 Pour bienveillance , qui se disait aussi.

8 Edit. de 1553 : recepvent;

édit. de 1535 : rccepvent , reçoip^ vent ; rccoyvenl dans d'autres.

3 N»l exemple, édit. ant.à 1535.