PREMIER MAISTRE ES ARS DU MONDE

En icelluy jour, Pantagruel descendit en une isle admirable entre toutes aultres, tant à cause de l'assiette que du gouverneur d'icelle. Elle de tous coustez pour le commencement estoit scabreuse, pierreuse, montueuse, infertile, mal plaisante à l'oeil, tresdifficile aux pieds, et peu moins inaccessible que le mons du Daulphiné, ainsi dict pource qu'il est en forme

d'un potiron, et de toute mémoire persone surmonter ne l'a peu, fors Doyac, conducteur de l'artillerie du Roy Charles liuyctiesme, lequel avecques engins mirificques y monta, et au dessus trouva un vieil bélier. C'estoit à diviner qui là transporté l'avoit. Aucuns le dirent, estant jeune aignelet, par quelque aigle ou duc chaûant là ravy, s'estre entre les buissons saulvé. Surmontans la difficulté de l'entrée à peine bien grande et non sans suer, trouvasmes le dessus du mons tant plaisant, tant fertile, tant salubre et délicieux, que je pensoys estre le vray Jardin et Paradis terrestre : de la situation duquel tant disputent et labourent les bons Théologiens. Mais Pantagruel nous affermoit là estre le manoir de Areté (c'est vertu) par Hésiode descript, sans toutesfoys préjudice de plus saine opinion.

Le gouverneur d'icelle estoit messerc Gaster, premier maistre es ars de ce monde. Si croyez que le feu soit le grand maistre des ars, comme escript Cicero, vous errez et vous faictez tort. Car Cicero ne le creut oncques. Si croyez que Mercure soit premier inventeur des ars, comme jadis croy oient nos antiques Druides, vous fourvoyez grandement. La sentence du Sat^^ricque est vraye, qui dit messere Gaster estre de tous ars le maistre. Avecques icelluy pacificquement residoit la bonne dame Penie. aultrement dite Souffrete, mère des neuf INIuses : de laquelle jadis en compaignie de Porus, seigneur de Abondance, nous nasquit Amour le noble enfant médiateur du Ciel et de la Terre, comme atteste Platon in Symposio. A ce chaleureux Royfor ce nous feut faire révérence jurer obéissance et honneur porter. Car il est impérieux, rigoureux, rond, dur, difficile, infiectible. A luy on ne pleut rien faire croire, rien remonstrer, rien persuader. Il ne oyt poinct. Et comme les ^Egyptiens disoient Harpocras, Dieu de silence, en grec nommé Sigalion, estre astomé, c'est à dire sans bouche, ainsi Gaster sans aureiUes feut créé : comme en Candie le simulachre de Juppiter, estoit sans aureiUes. Il ne