T74 LIVRK IV, CHAPITRE LVIII
latres. Les Engastrimythes soy disoient estrc descenduz de l'antique race des Eurycles, et sus ce alleguoient le tesmoignage d'Aristophanes, en la comédie intitulée les Tahons on MouscJies guespes. Dont anciennement estoient dicts Eurycliens, comme escript Plato, et Plutarche on livre de la cessation des oracles. Es sainctz Décrets, 26, quest. 3, sont appellés Ventriloques : et ainsi les nomme, en langue lonicque. Hippocrates, lib. V. Epid.. comme parlans du ventre. Sophocles les appelles Sternomantes. C'estoient divinateurs, enchanteurs et abuseurs de simple peuple, semblans, non de la bouche, mais du ventre parler et respondre à ceux qui iiiterrogeoient.
Telle estoit, environ l'an de nostre benoist Servateur 1513, Jacobe Rodogine, Italiane, femme de basse maison. Du ventre de laquelle nous avons souvent ouy, aussi ont aultres infiniz en Ferrare et ailleurs, la voix de l'esprit immonde, certainement basse, foible et petite : toutesfoys bien articulée, distincte et intelligible, lorsque, par la curiosité des riches seigneurs et princes de la Guaulle Cisalpine, elle estoit appelée et mandée. Les quelz, pour hoster tout doubte de fiction et fraulde occulte, la faisoient despouiller toute nue, et luy faisoient clourre la bouche et le nez. Cestuy maling esprit se faisoit nommer Crespelu ou Cincinnatiile, et sembloit prendre plaisir estant ainsi appelle. Quand ainsi on l'appelloit, soubdain aux propous respondoit. Si on l'interrogeoit des cas presens ou passez, il en respondoit pertinemment, jusques à tirer les auditeurs en admiration. Si des choses futures tousjours mentoit, jamais n'en disoit la vérité. Et souvent sembloit confesser son ignorance, en lieu de y respondre, faisant un gros pet, ou marmonant quelques motz non intelligibles et de barbare termination.
Les Gastolatres, d'un aultre cousté, se tenoient serrez par trouppes et par bandes, joyeuîx, mignars, douilletz aulcuns, aultres tristes, graves, sévères, rechignez, tous ocieux, rien
ne faisans, poinct ne travaillans, poys et charge inutile de la Terre, comme dict Hésiode; craignans (selon qu'on povoit juger) le Ventre offenser et emmaigrir. Au reste, masquez, desguisez, et vestuz tant estrangement que c'estoit belle chose. Vous dictes et est escript par plusieurs saiges et antiques Ploilosophes que l'industrie de Nature appert merveilleuse en l'esbattement qu'elle semble avoir prins formant les Coquilles de mer : tant y veoyd on de variété, tant de figures, tant de couleurs, tant de traictz et formes non imitables par art. Je vous asceure qu'en la vesture de ces Gastrolatres Coquillons ne veismes moins de diversité et desguisement. Hz tous tenoient Gaster pour leur grand Dieu, le adoroient comme Dieu, luy sacrifioient comme à leur Dieu omnipotens, ne recongnoissoient aultre Dieu que luy; le servoient, aymoient sus toutes choses, honoroient comme leur Dieu. Vous eussiez dict que proprement d'eulx avoit le sainct Envoyé escript, Philippens III : <( Plusieurs sont des quelz souvent je vous ay parlé (encores présentement je le vous dis les larmes à l'œil) ennemis de la croix du Christ, des quelz Mort sera 1^ consommation, des quelz Ventre est le Dieu. » Pantagruel les comparoit au Cyclope Polypheraus, lequel Euripides faict parler comme s'ensuyt : « Je ne sacrifie que à moy (aux dieux poinct) et à cestuy mon Ventre, le plus grand de tous les Dieux. »
