PROLOGUE DE L'aUTEUR
monstre, advertiz que ce thesaur luy estoit ainsi et par ce moyen seul advenu, vendirent leurs espées pour achapter coingnées, affin de les perdre, comme faisoicnt les paysans, et par icelle perte recouvrir montjoie d'Or et d'Argent. Vous eussiez proprement dict que fussent petitz Romipetes, vendens le leur, empruntans l'aultruy, pour acheter mandatz à tas d'un pape nouvellement créé. Et de crier, et de prier, et de lamenter et invocquer Juppiter. « Ma coingnée, ma coingnée, Juppiter ! Ma coingnée deçà, ma coingnée delà, ma coingnée, ho, ho, ho, ho ! Jupiter, ma coingnée ! » L'air tout autour retentissoit aux cris et hurlemens de ces perdeurs de coingnées.
Mercure feut prompt à leur apporter coingnées, à un chascun offrant la sienne perdue, une aultre d'Or, et une tierce d'Argent. Tous choisissoient celle qui estoit d'Or, et l'amassoient, remercians le grand donateur Juppiter; mais sus l'instant qu'ilz la levoient de terre, courbez et enclins, Mercure leur tranchoit les testes, comme estoit l'edict de Juppiter. Et feut des testes couppees le nombre equal et correspondent aux coingnées perdues. Voylà que c'est. Voylà qu'advient à ceulx qui en simplicité soubhaitent et optent choses médiocres.
Prenez y tous exemple, vous aultres gualliers de plats pays, qui dictez que, pour dix mille francs d'intrade, ne quitteriez vos soubhaitz; et désormais ne parlez ainsi impudentement, comme quelque foys je vous ay ouy soubhaitans : « Pleust à Dieu que j'eusse présentement cent soixante et dixhuict miUions d'Or ! Ho, comme je triumpheroys ! » Vos maies mules ! Que soubhaiteroit un Roy, un Empereur, un pape d'advantaige?
Aussi, voyez vous par expérience que, ayans faict telz oultrez soubhayts, ne vous en advient que le tac et la clavelée, en bourse par maille; non plus que aux deux belistrandiers soubhaiteux à l'usaige de Paris; desquelz l'un soubhai-
toyt avoir en bcaulx escuz au Soleil autant que a esté en Paris despendu, vendu et achapté, depuys que pour l'édifier on y jecta les premiers fondements jusques à l'heure présente : le tout estimé au taux, vente, et valeur de la plus chère année qui ayt passé en ce laps de temps. Cestuy, en vostre ad vis, estoit il degousté? Avoit il mangé des prunes aigres sans peler? Avoit il les dens esguassées? L'aultre soubhaitoit le temple de Nostre Dame tout plein d'aiguilles asserees, depuys le pavé jusques au plus hault des voultes, et avoir autant d'escuz au Soleil qu'il en pourroit entrer en autant de sacs que l'on pourroit couldre de toutes et une chascune aiguille, jusques à ce que toutes feussent crevées ou espoinctées. C'est soubhayté cela ! Que vous en semble ? Qu'en advint il? Au soir un chascun d'eulx eut les mules au talon, le petit cancre au menton, la maie toux au poulmon, le catarrhe au gavion, le gros fronde au cropion ; et au diable le boussin de pain pour s'escurer les dents.
Soubhaitez donc médiocrité : elle vous adviendra; et, encores mieulx, deuement ce pendent labourans et travaillans. « Voire mais, dictes vous, Dieu m'en eust aussi toust donné soixante et dixhuict mille comme la treziesme partie d'un demy. Car il est tout puissant. Un million d'or luy est aussi peu qu'une obole. » Hay, hay, hay. Et de qui estez vous apprins ainsi discourir et parler de la puissance et prédestination de Dieu, paou\T:es gens? Paix : st, st, st ; humiliez vous davant sa sacrée face, et recongnoissez vos imperfections.
C'est, goutteux, sus quoy je fonde mon espérance, et croy fermement que, s'il plaist au bon Dieu, vous obtiendrez santé, veu que rien plus que santé pour le présent ne demandez. Attendez encores un peu avecques demie once de patience. Ainsi ne font les Genevoys, quand, au matin, avoir dedans leurs escriptoires et cabinetz discouru, propensé et résolu de quietdequelz, celluyjour, ilz pourront tirer denares et qui, par leur astuce, sera beUné, corbiné, trompé et affiné,
ilz sortent en place, et s'entresaluant, disent : Sanita et guadain, messer. Hz ne se contentent de santé, d'abondant ilz soubhaytent gaing, voire les escuz de Guadaigne. Dont advient qu'ilz souvent n'obtiennent l'un ne l'autre. Or, en bonne santé toussez un bon coup; beuvez en trois, secouez dehait vos aureilles, et vous oyrez dire merveilles du noble et bon Pantagruel.
