CHAPITRE I
COMMENT PANTAGRUEL MONTA SUS MER POUR VISITER L'oRACLE DE LA DIVE BACBUC
On mois de juin, au jour des f estes Vestales, celluy propre on quel Brutus conquesta Hespaigne et subjugua les Hespaignolz; on quel aussi Crassus l'avaricieux feut vaincu et deffaict par les Par thés, Pantagruel, prenant congé de bon Gargantua son père, icelluy bien priant (comme en l'Eglise primitive est oit louable coustiune entre les saine ts Christians) pour le prospère naviguaige de son filz et toute sa compaignie, monta sus mer au port de Thalasse, accompaigné de Panurge, frère Jan des Entommeures, Epistemon, Gymnaste, Eusthenes, Rhizotome, Carpalim, et aultres siens serviteurs et domestiques anciens; ensemble de Xenomanes le grand voyageur et traverseur des voies périlleuses lequel, certains jours paravant, estoit arrivé au mandement de Panurge. Icelluy, pour certaines et bonnes causes, avoit à Gargantua laissé et signé, en sa grande et universelle Hydrographie, la route qu'ilz tiendroient visitans l'oracle de la dive Bouteille Bacbuc.
30 LIVRE iV, CHAPITRE I
Le nombre des navires fut tel que vous ay exposé on tiefs livre, en conserve de Trirèmes, Ramberges, GaUions et Liburnicques, nombre pareil, bien equippées, bien calfatées, bien munies, avecqucs abondance de Pantagruelion. L'assemblée de tous officiers, truchemens, pilotz, capitaines, nauchiers, fadrins, hespailliers et matelots feut en la Thalamege. Ainsi estoit nom.mée la grande et maistresse nauf de Pantagruel, ayant en pouppe pour enseigne une grande et ample Bouteille, à moytié d'argent bien Hz et poUy, l'aultre moitié estoit d'or esmaillé de couleur incarnat. En quoy facile estoit de juger que blanc et clairet estoient les couleurs des nobles voyagiers, et qu'ilz alloient pour avoir le mot de la Bouteille.
Sus la pouppe de la seconde estoit hault enlevée une lanterne antiquaire, faicte industrieusement de pierre sphengitide et speculaire : dénotant qu'ilz passeroient par Lanternoys.
La tierce pour divise avoit un beau et profond hanat de porcelaine. La quarte, un potet d'or à deux anses, comme sifeust une urne antique. La quinte, un brocq insigne, de sperme d'Emeraulde. La sizieme,un Bounabaquinmonachal, faict des quatre metaulx ensemble. La septième, un entonnoir de Ebene, tout requamé d'or, à ouvraige de Tauchie. La huitième, un goubelet de Lierre bien précieux, battu d'or à la Damasquine. La neuvième, une brinde de fin or obrizé. La dixième, une breusse de odorant Agalloche (vous l'appeliez boys d'aloës), porfilée d'or de Cj'pre, à ou\Taige d'Azemine. L'unzieme, une portouoiie d'or faicte à la mosaicque. La douzième, un barrault d'or tcrny, couvert d'une vignette de grosses perles Indicques, en ouvraige topiaire. De mode que personne n'estoit, tant triste, fasché, rechiné ou melanchohcque feust, voire y fust Herachtus le pleurart, qui n'entrast en joye nouvelle, et de bonne ratte ne soubrist, voyant ce noble convoy de navires en leurs devises; ne dist que les voyagiers estoient tous beuveurs, gens de bien, et ne
{"ANTAGRÙÊt 51
jugeast en prognostic asccuré que le voyage, tant de l'aller que du retour, seroit en alaigresse et santé pcrfaict.
En la Thalamege doncques feut l'assemblée de tous. Là Pantagruel leur feist une briefve et saincte exhortation, toute auctorisée de propous extraictz de la Saincte Escripture, sus l'argument de naviguation. Laquelle finie, feut hault et clair faicte prière à Dieu, oyans et entendens tous les bourgeoys et citadins de Thalasse, qui est oient sus le mole accouruz pour veoir l'embarquement.
Après l'oraison feut mélodieusement chanté le psaulme du sainct Roy David, lequel commence : Quand Israël hors d'^gpyte sortit. Le psaulme parachevé, feurent sus le tillac les tables dressées, et viandes promptement apportées. Les Thalassiens, qui pareillement avoient le psaulme susdict chanté, feirent de leurs maisons force vivres et vinage apporter. Tous beurent à eulx. Hz beurent à tous. Ce feut la cause pourquoy personne de l'assemblée oncques par la marine ne rendit sa guorge, et n'eut perturbation d'estomach ne de teste. Ausquelz inconveniens n'eussent tant commodément obvié, beuvans par quelques jours paravant de l'eaue marine, ou pure, ou mistionnée avecesl que vin; ou usans de chair de Coings, de escorce de Citron, de jus de Grenades aigresdoulces ; ou tenans longue diète, ou se couvrans l'estomach de papier, ou autrement faisans ce que les folz medicins ordonnent à ceulx qui montent sus mer.
Leurs beuvettes souvent réitérées, chascun se retira en sa naulf, et en bonne heure feirent voile au vent Grec levant, selon lequel le pilot principal, nommé Jamet Brayer, avoit designé la routte, et dressé la calamité de toutes les boussoles. Car l'advis sien et de Xenomanes aussi feut, veu que l'oracle de la diva Bacbuc estoit près le Catay en Indie supérieure, ne prendre la routte ordinaire des Portugualoys, lesquelz, passans la Ceincture ardente, et le cap de Bcna Speranza sus la poincte Méridionale d'Africque oultre l'^Equi-
