ET LES PROBLEMES PROPOUSEZ A SON REVEIL
Au jour subséquent, en menuz devis suyvans nostre route, arrivasmes prés l'isle de Chaneph. En laquelle abourder ne peut la nauf de Pantagruel, parce que le vent nous faillit, et feut calme en mer. Nous ne voguions que par les Valentiennes, changeans de tribort en babort, et de babort en tribort, quoy qu'on eust es voiles adjoinct les bonnettes trainneresses. Et estions tous pensifz, matagrabolisez, sesolfiez et faschez sans mot dire les uns aux aultres. Pantagruel tenant un Heliodore Grec en main sus un transpontin au bout des escoutilles sommeilloit. Telle estoit sa coustume, que trop mieulx par livre dormoit que par cœur. Epistemon reguardoit par son Astrolabe en quelle élévation nous estoit le Pôle. Frère Jan s'estoit en la cuisine transporté, et en l'ascendent des broches et
horoscope des fricassées consyderoit quelle heure lors pouvoit estre.
Panurge avecques la langue parmy un tuyau de Pantagruelion faisoit des bulles et gargouUes. Gymnaste appoinctûit des curedens de lentisce. Ponocrates resvant, resvoit, se chatouilloit pour se faire rire, et avecques un doigt la teste se grattoit. Carpalim d'une coquille de noix grosliere faisoit un beau, petit, joyeulx, et harmonieux moulinet à œslc de quatre belles petites aisses d'un tranchouoir de vergne. Eusthenes sus une longue Coulevrine jouoit des doigtz, comme si feust im Monochordion. Rhizotome de la coque d'une Tortue de Guarrignes compousoit une escarcelle veloutée. Xenomanes avecques des jectz d'esmerillon repetassoit une vieille lanterne. Xostre pilot tiroit les vers du nez à ses matelotz; quand frère Jan, retournant de la cabane, apperceut que Pantagruel estoit resveillé.
Adoncq :es rompant cestuy tant obstiné silence, à haulte voix, en grande alaigresse d'esprit, demanda Manière de haulser le temps en calme. Panurge seconda soubdain, et demarda pareillement Remède contre fascherie. Epistemon tierce en guayeté de cœur, demandant Manière de uriner, la personne n'en estant entalentée. Gymnaste, soy levant en pixis, demanda Remède contre l'esblouissement des yeulx. Ponocrates, s'estant un peu frotté le front et secoué les aureilles, demanda Manière de ne dormir poinct en chien.
« Attendez, dist Pantagruel. Par le décret des subtilz philosophes Peripateticques nous est enseigné que tous problèmes, toutes questions, tous doubtes propousez doibvent estre certains, clairs et intelligibles. Comment entendez vous dormir en chien?
— C'est, respondit Ponocartes, dormir à jeun en hault soleil, comme font les chiens. »
Rhizotome estoit acropy sus le coursouoir. Adoncques levant la teste et profondement baislant, si bien qu'il par
