GRAND CHAT RODILARDUS PENSOIT QUE FEUST UN DIABLETEAU
Panurge, comme un boucq estourdy, sort de la soutte en chemise, ayant seulement un demy bas de chausses en jambe, sa barbe toute mouschetée de miettes de pain, tenant en main un grand chat. Soubelin attaché à l'aultre demy bas de ses chausses. Et remuant les babines comme un Cinge qui
PANTAGRUEI, 197
cherche poulz en teste, tremblant et clacquetant des dens, se tira vers frère Jean, lequel estoit assis sus le portehaubant de tribort, et dévotement le pria avoir de luy compassion, et le tenir en saulveguarde de son bragmart. Affermant et jurant, par sa part de Papimanie, qu'il avoit à heure présente veu tous les diables deschainez.
« Agua men emy, disoit il, men frère, men père spirituel, tous les Diables sont au jourdhuy de nopces. Tu ne veids oncques tel apprest de bancquet infernal. Voy tu la fumée des cuisines d'Enfer? (Ce disoit, monstrant la fumée des pouldres à canon dessus toutes les naufz.) Tu ne veidz oncques tant d'ames damnées. Et sçaiz tu quoy ? Agua, men emy, elles sont tant douillettes, tant blondelettes, tant dehcates, que tu diroys proprement que ce feust Ambrosie Stygiale. J'ay cuydé (Dieu me le pardoient) que f eussent âmes Angloyses. Et pense que ce matin ayt esté l'isle des Chevaulx prés Escosse, par les seigneurs des Termes et Dessay saccagée et sacmentee avec tous les Angloys qui l'avoient surprinse. »
Frère Jan à l'approcher sentoit je ne sçay quel odeur aultre que de pouldre à canon. Dont il tira Panurge en place, et apperceut que sa chemise estoit toute foyreuse et embienee de frays. La vertus retentrice du nerf qui restrainct le muscle nommé Sphincter (c'est le trou du cul) estoit dissolue par la véhémence de la paour qu'il avoit eu en ses phantasticques visions. Adjoinct le tonnoirre de telles canonnades, lequel plus est horrificque par les chambres basses que n'est sus le tillac. Car un des symptômes et accidens de paour, est que par luy ordinairement s'ouvre le guichet du serrail on quel est à temps la matière fécale retenue.
Exemple en messere Pantolfe de la Cassine, Senoys, lequel, en poste passant par Chambery, et chez le sage mesnagier Vinet descendant, print une fourche de l'estable, puys luy dist : Da Roma in qua io non son andato del corpo. Di gratta, ■piglia in mano questa forcha, et fa mi paura. Vinet, avecques
iqS LIVRE IV, CHAPITRE I.XVII
la fourche, laisoit plusieurs tours d'escrime, coixiuie feignant le vouloir à bon essyant frapper. Le Senoys luy dist : Sa tu non fat aliramente, in non fai nulla. Pero sforzati di adoperarli più guagliardamente. Adoncques Vinet de la fourche luy donna un si grand coup entre col et collet qu'il le jetta par terre à jambes rebidaiues. Puys, bavant et riant à pleine gueule, luy dist : « Feste Dieu Bayart, cela s'appelle Datiim Camberiaci. » A bonne heure avoit le Senoys ses chausses destachées, car soubdain il fianta plus copieusement que n'eussent faict neuf Beufles et quatorze Archiprebstres de Hostie. En fin, le Senoys gracieusement remercia Vinet, se luy dist : lo H ringratio, bel messere. Cosi facendo tu ni'hai csparmiata la speza d'un serviiiale. Exemple aultre on roy d'Angleterre, Edouard le quint. Maistre François Villon, banny de France, s'estoit vers luy retiré. Il l'avoit en si grande privaulté repceu que rien ne luy celoit des menues négoces de sa mcdson. Un jour le Roy susdict, estant à ses affaires, monstra à Villon les armes de France en paincture, et luy dist : « Voyds tu quelle révérence je porte à tes roy s Françoys? Ailleurs n'ay je leurs armoyries qu'en ce retraict icy, prés ma scelle percée. — Sacre Dieu, respondit Villon, tant vous estes saige, prudent, entendu et curieux de vostre santé, et tant bien estes servy de vostre docte medicin, Thomas Linacer ! Il, voyant que naturellement, sus vos vieulx jours, estiez constippé du ventre, et que journeUeraent vous falloit au cul fourrer un apotliecaire, je dis un clystere, aultiement ne poviez vous esmeutir, vou- a faict icy aptement, non ailleiurs, paindre les armes de France, par singulière et vertueuse providence. Car seulement les voyant, vous avez teUe vezarde et paour si honificque que soubdain vous fiantez comme dixhuyct Bonases de Péonie. Si painctes estoient en aultre lieu de vobtre maison, en vostre chambre, en vostre salle, en vostre chapelle, en vos gualleries, ou ailleurs, sacre Dieu ! vous clairiez partout sus l'instant que
les auriez veues. Et croy que si d'abondant vous aviez icy en paincture la grande Oriflambe de France, à la veue d'icelle vous rendriez les boyaulx du ventre par le fondement. Mais, hcn, hen, atqiie iterum lien !
Ne suis je Badault de Paris?
De Paris, dis je, auprès Pontoise, Et d'une chorde d'une toise Sçaura mon coul que mon cul poise...
a Badault, diz je, mal advisé, mal entendu, mal entendant, quand venant icy avec vous, m'esbahissoys de ce qu'en vostre chambre vous estiez faict vas chausses destacher. Véritablement je pensoys qu'en icelle, darriere la tapisserie, ou en la venelle du lict, feust vostre scelle percée. Aultrement, me sembloit le cas grandement incongru, soy ainsi destacher en chambre pour si loing aller au retraict lignagier. N'est ce un vray pensement de Badault? Le cas est faict par bien aultre mystère, de par Dieu. Ainsi faisant, vous faictez bien. Je diz si bien que mieulx ne sçauriez. Faictez vous à bonne heure, bien loing, bien à poinct destacher. Car à vous entrant icy, n'estant destaché, voyant cestes armoyries, notez bien tout, sacre Dieu ! le fond de vos chausses feroit office de Lazanon, pital, bassin fecal et de scelle percée. »
Frère Jan estouppant son nez avecques la main gauche, avecques le doigt indice de la dextre monstroit à Pantagruel la chemise de Panurge. Pantagruel, le voyant ainsi esmeu, transif, tremblant, hors de propous, conchié, et esgratigné des gryphes du célèbre chat Rodilardus, ne se peut contenir de rire et luy dist : « Que voulez vous faire de ce chat? — De ce chat? respondit Panurge; je me donne au Diable si je ne pensoys que feust un Diableteau à poil follet, lequel nagueres j'avois cappiettement happé en Tapinois, à belles moufles d'un bas de chausses, dedans la grande husche d'Enfer. Au Diable sojrt le Diable ! Il m'a icy deschicqueté la peau en barbe d'escrevisse. » Ce disant, jetta bas son chat.
