LIVRE V, CHAPITRE XIII
y a, par Dieu, de la pipperie, fripperie et ripperie tant et plus en ce manoir. Regardez là ceste chevêche, nous sommes par Dieu assassinez. — Parlez bas, de par Dieu, dist Aeditue; ce n'est mie une chevêche : il est masle, c'est un noble chevechier. — Mais, dist Pantagruel, faites nous icy quelque peu Papegaut chanter, afin qu'oyons son armonie. — Il ne chante, respondit Aeditue qu'à ses jours, et ne mange qu'à ses heures. — Non fay je, dist Panurge, mais toutes les heures sont miennes. Allons donc boire d'autant. — Vous, dist Aeditue, parlez à ceste heure correct : ainsi parlans jamais ne serez hérétique. Allons, j'en suis d'opinion. » Retournans à la beuverie, apperçeusmes un \'ieil Evesgaut à teste verde, lequel estoit acroué, accompagné d'un soufûegan et trois Onocrotales, oiseaux joyeux, et ronfioit sous une fueillade. Prés luy estoit une joUe Abbegesse, laquelle joyeusement chantoit, et y prenions plaisir si grand que desirions tous nos membres en aureilles convertis pour rien ne perdre de son chant, et du tout, sans ailleurs estre distraicts, y vaquer, Panurge dist : « Ceste belle Abbegesse se rompt la teste à force de chanter, et ce gros villain Evesgault ronfle ce pendant. Je le feray bien tantost chanter de par le diable. » Lors sonna une cloche pendante sus sa cage ; mais quelque snonerie qu'il fist, plus fort ronfioit Evesgaut, point ne chantoit. « Par Dieu, dist Panurge, vieille buze, par moyen autre bien chanter je vous feray. »
Adoncques print une grosse pierre, le voulant ferir par la moitié. Mais Aeditue s'escria, disant : « Homme de bien, frappe, feriê, tue et meurtris tous Roys et princes du monde, en trahison, par venin ou autiement, quand tu voudras; déniches des cieulx les anges, de tout auras pardon du Papegaut : à ces sacrez oiseaux ne touche, d'autant qu'aymes la vie, le profit, le bien, tant de toy que de tes parens et amis vifs et trépassez ; encores ceux qui d'eux après naistroient en sentiroient infortunez. Considère bien ce bassin. — Mieux doncques vault, dist Panurge, boire d'autant et banqueter. — Il
l^ANTAGRUEL 235
dist bien, monsieur Aiititus, dist frère Jehan : cy voyans ces diables d'oiseaux, ne faisons que blasphémer; vuydant vos bouteilles et potz, ne faisons que Dieu louer. Allons donc boire d'autant. O le beau mot ! »
Le troisième jour, après boire (comme entendez) , nous donna Aeditue congé. Nous luy fismes présent d'un beau petit Cousteau perguois, lequel il print plus à gré que ne fit Artaxerxes le voirre d'eauë froide que luy présenta un païsant. Et nous remercia courtoisement : envoya en nos navires refreschissement de toutes munitions : nous souhaita bon voyage et venir à sauvement de nos personnes et fin de nos entreprinses, et nous fist promettre et jurer par Jupiter Pierre, que nostre retour seroit par son territoire. En fin nous dist : « Amis, vous notterez que par le monde y a beaucoup plus de couillons que d'hommes, et de ce vous souvienne. »
