COMMENT PANTAGRUEL ARRIVA EN L'ISLE DE CASSADE

Delaissans l'isle des Ferremens, continuasmes nostre chemin; le jour ensuyvant entrasmes en l'isle de Cassade vraye Idée de Fontainebleau : car la terre y est si maigre que les os (ce sont rocs) luy persent la peau : areneuse, stérile, mal saine et mal plaisante. Là nous monstra nostre pilot deux petits rochers carrez à huit esgalles poinctes en cube, lesquels à l'apparence de leur blanchem: me sembloient estre d'albastre, ou bien couverts de neige; mais il nous les asseura estre d'osseletz. En iceux disoit estre à six estages le manoir noir de vingt diables de hazard tant redoutez en nos pays, dsequels les plus grands bessons et accouplez il nommoit Senes, les plus petits Ambezas, les atdtres moyens Quines, Quadernes, Ternes, Doubledeux; les aultres il nommoit Six et cinq. Six et quatre. Six et trois, Six et deux. Six et as. Cinq et quatre, Cinq et trois, et ainsi consécutivement. Lors je notay que peu de joueurs sont par le monde qui ne soient invocateurs des diables : car jettans deux dez sus table, quant en