LIVRE V, CHAPITRE XII

comme une gueule d'enfer, tout couveit de mortiers entrelassez de pillons; seulement apparoissoyent les griphes. Le siège d'iceluy et de tous ses collatéraux. Chats garaniers estoit d'un long rattelier tout neuf au dessus duquel par forme de revers instablees estoient mangeoires fort amples et belles, selon l'advertissement du gueux. A l'endroit du siège principal estoit l'image d'une vieille femme, tenant en main dextre un fourreau de faucille, en senestre une ballance, et portant bezicles au nez. Les coupes de la ballance estoient de deux gibbescieres veloutées, l'une pleine de billon et pendante, i'aultre vuide et longue eslevée au dessus du tresbuchet. Et suis d'opinion que c' estoit le pourtraict de justice- Grippe-minaudiere, bien abhorrente de l'institution des antiques Thebains, qui eiigeoyent les statues de leurs Dicastes et juges après leur mort, en or, en argent, en marbre, selon leur mérite, toutes sans mains. Quand fusmes devant luy présentez, ne sçay quelle sorte de gens, tous vestus de gibbescieres et de sacs, à grands lambeaux d'escritures, nous firent sus une sellette asseoir. Panurge disoit : « Gallefretiers, mes amis, je ne suis que trop bien ainsi debout : aussi bien elle est trop basse pour homme qui a chausses neufves et court pourpoinct. — Assoyez vous là, respondirent ils, et que plus on ne voua le die. La terre présentement s'ouvrira pour tous vifs vous engloutir si faillez à bien respondre. «