CHAPITRE XV
COMMENT FRERE JEAN DES ENTOMMEURES DELIBERE METTRE A SAC LES CHATS-FOURREZ
« Vertus de froc, dist frère Jean, quel voyage icy faisons nous? C'est un voyage de foirards : nous ne faisons que vessir, que peder, que fianter, que ravasser, que rien faire. Cordieu, ce n'est mon naturel : si tousjours quelque acte héroïque ne fais, la nuict je ne peux dormir. Donques vous m'avez en compagnon prins pour en cestuy voyage messe chanter et confesser? Pasques de soles, le premier qui y viendra, il aura en pénitence soy comme lasche et meschant jecter au parfond de la mer, en déduction des peines du purgatoire, je dis la teste la première. Qui a mis Hercules en bruit et renommée sempiternelle? n'esse que il, peregrinant par le monde, mettoit les peuples hors de tyrannie, hors d'erreur, de dangers et angaries? Il mettoit à mort tous les brigands, tous les monstres, tous les serpens vénéneux et bestes malfaisantes. Pourquoy ne suyvons nous son exemple, et comme il faisoit ne faisons nous en toutes les contrées que passons ? Il deffist les St^^mphahdes, l'Hydre de Leme, Cacus, Antheus, les Centaures. Je ne suis pas clerc, les clercs le disent. A son imitation deffaisons et mettons à sac ces Chats fourrez : ce sont tiercelets de diables, et dehvrons ce païs de tyrannie. Je renie Mahon, si j'estois aussi fort et aussi puissant qu'il estoit, je ne vous demanderois n'ayde ny conseil. Ca, irons nous? Je vous asseure que facilement nous les occirons, et ils l'endureront patiemment : je n'en doute, veu que de nous ont patiemment enduré des injures, plus que dix truyes ne boiroient de lavailles. Allons 1
— Des injures, dis je, et deshonneur ils ne se soucient, pourveu qu'ils ayent escus en gibbeciere, voire fussent-ils tous breneux : et les defferions peult-estre, comme Hercules : mais il nous défaut le commandement d'Euristheus : et rien plus pour ceste heure, fors que je souhaitte parmy eux Jupiter soy pourmenei deux petites heures en telle forme que jadis visita Semelé sa mye, mère première du bon Bacchus.
— Dieu, dist Panurge, nous a faict belle grâce d'eschapper de leurs griphes; je n'y retourne pas, quant est de moy : je me sens encore esmeu et altéré de l'ahan que j'y paty. Et y fus grandement fasché pour trois causes : la première, pource que j'y estois fasché; la seconde, pource que j'y estois fasché; la tierce, pource que j'y estois fasché. Escoute icy de ton oreiUe dextre, frère Jean, mon couillon gauche; toutes et quantes fois que voudras aller à tous les diables, devant le tribunal de Minos, jEacus, Rhadamantus et Dites, je suis prest te faire compaignies indissoluble, avec toy passer Achelon, Styx, Cocyte, boire plain goedt du fleuve Lethé, payer pour nous deux à Caron le naule de sa barque; pour letorner au guichet, si de fortune veux retourner, saisis toy d'autre compaignie que de la mienne, je n'y retoumeray pas : ce mot te soit une muraille d'airain. Si par force et violence ne suis mené, je n'en approcheray, tant que ceste vie je vivray, en plus que Calpe d'Abila. Ulysses retourna il quérir son espée en la caverne du Cyclope? Ma dia, non : au guichet je n'ai rien oublie, je n'y retourneray pas.
— O, dist frère Jean, bon cœur et franc compagnon de mains paraUtiques ! Mais parlons un peu par escot, docteur subtil : pourquoy est-ce, et qui vous meut leur jetter la bourse plaine d'escus? en avons nous trop? n'eust-ce assez esté leur jecter quelques testons rognez? — Parce, respondit Panurge, qu'à tous périodes de propos Grippe-minaud ouvroit sa gibbeciere de velours, exclamant : Orçà, orçà, orçà ! De là, je prins conjecture comme pourrions francs et deHvres eschapper,
250 l-TVRr V, CHAPITRE XV
leur jectant or là, or là, de par Dieu, or là, de par tous les diables là. Car gibbesciere de velours n'est reliquaire de testons, ne menue monnoie; c'est un réceptacle d'escus au soleil, entends tu, frère Jean mon petit couillaud? Quand tu auras autant rousty comme j'ay, et esté, comme j'ay esté, rousty, tu parleras aultre latin. Mais par leur injonction, il nous con- \'ient outre passer. »
Les gallefretiers tousjours au port attendoient en expectation de quelque somme de deniers. Et voyans que voulions faire voile, s'adressèrent à frère Jean, l'advertissans qu'outre n'eust à passer sans paier le vin des appariteurs, selon la taxation des espisses faictes. « Et sainct Hurluburlu, dist frère Jean, estes vous encore icy, griphons de tous les diables? Ne suis je icy assez fasché sans m'importuner davantage? Le cordieu, vous aurez vostre vin à ces te heure, je le vous promets seurement. » Lors desgainant son bracqueniart, sortit hors la navire, en dehberation de felonnement les occire ; mais ils gaignerent le grand gallot, et plus ne les apperceusmes.
Non pourtant feusmes nous hors de fascherie : car aucuns de nos mariniers, par congé de Pantagruel, le temps pendant qu'estions devant Grippe-minaud , s'estoient retirez en une hostellerie prés le havre pour banqueter, et soy quelque peu de temps refraichir : je ne sçay s'ils avoient bien ou non payé Tescot, si est ce qu'une vieille hostesse, voyant frère Jean en terre, luy faisoit grande complainte présent un serrargent gendre d'un des Chats-fourrez, et deux records de tesmoings. Frère Jean impatient de leurs discours et allégations demanda : « Gallefretiers, mes amis, voulez vous diie en somme que nos matelots ne sont gens de bien? Je maintien le contraire; par Justice je le vous prouveray : c'est ce maistre bracquemard icy. » Ce disant, s'escrimoit de son braquemard. Les paisans se meirent en fuite au trot : restoit seulement la vieille, laquelle protestoit à frère Jean que ses matelots estoient gens de bien; de ce se complaignoit qu'ils n'avoient
PANTAGRTTFL 25T
rien payé du lict, auquel après disner ils avoient reposé, et pour le lict demandoit cinq sols tounrois. « Vrayement, respondit frère Jean, c'est bon marché, ils sont ingrats, et n'en auront tousjours à tel prix : je le payeray volontiers, mais je le voudrois bien voir. » La vieille le mena au logis et luy monstra le lict, et l'ayant loué en toutes ses qualités, dist qu'elle ne faisoit de l'encherie si en demandoit cinq sols. Frère Jean luy bailla cinq sols : puis avec son bracquemard fendit la coytte et coissin en deux, et par les fenestres mettoit la plume au vent, quand la vieille descendit criant à l'aide, et au meurtre, en s'amusant à recueillir sa plume. Frère Jean, de ce ne se souciant, emporta la couverture, le mathelats et les deux linceux en nostre nef, sans estre veu de personne : car l'air estoit obscurcy de plume comme de neige, et les donna es matelots. Puis dist à Pantagruel là les licts estre à meilleur marché qu'en Chinonnois, quoy qu'y eussions les célèbres oyes de Pautilé. Car pour le lict la vieille ne luy avoit demandé que cinq douzains, lequel en Chinonnois ne vaudroit moins de douze francs.
Si tost que frère Jean et les aultres de la compaignie f eurent dans la na\dre, Pantagruel feit voile; mais il s'éleva un siroch si véhément qu'ils perdirent routte, et quasi reprenant les erres du pays des Chats-fourrez, ils entrèrent en ung grand gouffre duquel, la mer estant fort haute et terrible, ung mousse, qui estoit au haut du trinquet, cria qu'il voyoit encore les fâcheuses demeures de Grippe-minaud : dont Panurge forsené de paour s'escrioit : « Patron mon amy, maugré les vents et les vagues, tourne bride. O mon amy, ne retournons point en ce meschant pays, où j'ay laissé ma bourse. » Ainsi le vent les porta prés d'une isle à laquelle toutesfois ils n'osèrent aborder de prime face, et entrarent à bien ung mille de là près de grands rochers.
